 |
 |
 |
||
|
|
|
||
 |
|
 |
هذا الموقع مخصص للعلاقات الزوجية المهذبة و الثقافة الجنسية و لا يتضمن أى صور أو أى مواد مثيرة و لكن به من الموضوعات مالا يناسب من هم أقل من 18 سنة.
|
|||||||
| عالم الحياة الزوجيه نصائح للمقبلين على الزواج , أمور مهمة في الحياة الزوجية , أفكار رومانسية , مفاتيح نجاح الزواج |
 |
|
|
LinkBack | أدوات الموضوع | انواع عرض الموضوع |
15-07-2009, 06:45
|
#1 (permalink) | ||
|
عضو جديد
تاريخ التسجيل: 15-07-2009
المشاركات: 7
|
تعبانه مووووووت
بسم الله الرحمن الرحيم اليوم بعرض لكم قصتي ....تعبانه جسديا ونفسيا وإحس أن الكون ضيق علي رغم إنه وسيع ... من الضيق والقهروالضغط كبير إللي فيني ..وقلبي وربي تعب .....وصرت وربي الشاهد إني ما أناام من التفكير تعبت ماني لاقيه من يحس فيني أو حتى يفيدني ... أنا عمري 19سنة وزوجي 25سنة .....في البداية ما كنت أبغيه بس وافقت لأنه ولد عمي ..ولأنه عمي جا وكلمني وقالي (ولدي ما فيه أحسن منه ومحد في منطقتناا مثله ،مدين وجامعي ومثقف وحلو وراتبه كبير وبسفرك وبطلعك ) أنا بصراحة أحتقرت عمي لأنه كان يتكلم عن أشياء مادية وقلت خلاص ما بواافق بس لحد ماقال أنا عمك ومالي غيركم يا عيال أخووي وأبوكم إللي هو أخووي له أفضال كبيره علي...عاد أنا قلبي حن لعمي وقلت حرام أكسر بخاطره ..وثاني يوم وافقت ..بعد أسبوعين وشوي من التفكير ..وكان اخواني في منهم معارضين فكرة زواجنا بسبت أن هو زوجي يعتقد أنه أعلى من الناس وأنه أفضلهم وقالولي بتتعبين ويااه وهو يبغااا وحده كاملت الأوصااف ...بس أنا وافقت قلت ولد عمي وما يصير أرفضه علشاان عمي .... أول الملكة قلت ما بشوفك لحد حفله الملكة ..قال لا مايصير أبا أشوفك ولا أمه بتكلمني علشان أوافق أشوفه .. وصار كل أسبوعين ييجي يشوفني ... كل يوم أهلي وصديقاتي يسألوني على الحفله الملكة ويقولولي كلميه وأكلمه ويقول إن شاء الله بسويلك حفلة بس أمه مب راضية أو الحفله شو فايدهاا خلاص شفتك ...فلت له طيب أنا أبغاا دبله مثل باقي البنات قال فالك طيب ولا جاب حاجه .. والحين أنا بكمل على الملكة سنه ...هوطيب وحنون ...بس حفلة ملكة ما سوالي ولا حتى جاب لي شبكة ودبله ...وكله مشغوول وتعباان ...وحتى صالة الزواج ما حجزهاا ويبغااه يسوي الزواج في وقت الدراسة وأنا ما أباا هالشيىء ... وقبل الملكة وصفوني أهله إني ملكة جماال وعااد لما شافني إنصدم رااح عند أهله وقال هي جميله بس مب مثل وصفكم ....وتخيلوو صارت أخته تذلني على هالموضوع ..أنا صارحته وقلت له عن أخته ..أنكر وقال لا أنا ماقلت إنك مب حلووه ..أنا قلت أنهم بالغوا بالوصف ... وفي يوم هو يكتب حقي قصايد ... قعدت أخته تقوول أنه يكتب لي قصايد عسب أتعلم الكلام الحلو ..عاد أهلي قعوا يقولون لي شفتي ترى قلنالج انه ما يصلح حقج ....... ومواقف كثيره واااااااااااايد تضايقني منه توصلني عن طريق اهله حق اهلي ..ورغم هالشيىء انا ساكته لكن المشكله ما القى تقدير منه ..يعني هو كله مشغول في مشغوول والنوم عنه اهم شيىء في الحيااه ... وأهلي يقولون لو يرجع الزمن لورى ما كنا خليناج توافقين عليه ...وربيعاتاتي يقولون واايد إستعجلتي في موضوع الزواج... وأخاف أنه في يوم يتصل علي ويقول خلاص بكون الزواج وقت الدراسه بصراحة ضايجة واايد ...يعني كفايه أنه ما عندي دبله وشبكة مثل باقي البناات وكفايه أنه أنجرح من كلام أهلي وأهله وبــعد ما بتصل ..أنا أعرف أنه مشغوول وعنده مشاكل كثيره في الشغل والدراسه ..وبعد ما يحب أمايه ولا حتى أهلي .. .بس أنا صغيره وماني قادره أتحمل زياااده ...يعني ما تعرفوون الضغط إللي يجيني من أهلي عسب الشبكة والدبله ...لا تقولون إني أنسانه مادية ..بس هذي أشيااء مهمه بالنسبه لأي بنت ... في الجامعة البنات يشكوون إني مب متزوجة ويقولون ما شفنا لا حفلة ولا دبله ...بصراحة والله أنجرح ..كل يوم أسمع أن فلانه سوت حفله ملكة ... يعني هو عنده بيزات ويشتري سيارات على طوول ويسافر دوم ...يعني والله لو هو ما عنده ما كنت أبغاا من عنده شيىء ..((صحيح هو ما يقصر بالهداياا ..لكن شوو فايدتها من دوون الدبله))... وطول الوقت مشغوول ..يعني أكلمه في اليوم خمس دقايق ... أنا محتاجه له ..يعني أنا أحس إني يموووت من الهم ..وهو بعيد ... وااااااااااااااااااايد بعيد ... __________________ |
||
|
|
|
15-07-2009, 07:36
|
#3 (permalink) | ||
|
مــــبـــــدع
 تاريخ التسجيل: 23-03-2009
المشاركات: 227
|
رد: تعبانه مووووووت
اسم الله عليك ... سلامتك من التعب ياروحي ... استخيري وفكري بالموضوع زين هذا زواج مو لعبه ... معقوله لا دبله ولا شي... بصراحه لو انا مكانك وشفت منه هذا الاهمال راح اعلن انسحابي من حياته ... اما بالنسبه لك ناقشيه قولي له انا محتاجة لك وفترة الملكه كل المخطوبين يتعرفون على بعض وانت مهملني واذا انا مو مرغوبه قولي من البدايه ولا تعلق بنت الناس في اوهام واحلام .... والله يوفقك
__________________ |
||
|
|
|
|
15-07-2009, 09:07
|
#7 (permalink) | ||
|
وسام المشرف المثالي
تاريخ التسجيل: 07-01-2009
الدولة: في مملكتي@غابتي الصغيرة@
المشاركات: 4,632
|
رد: تعبانه مووووووت
حبيبتي ..حاولي تتقربي منة أكثر ..وصارحية بحقيقة شعورك ..وأنك متحسسة كثير من موضوع الحفلة والشبكة ..
يمكن اهو يعتبر هالشغلات تافهة عنده ..انتي بيني لة اهميتها عندك .. ونفس الشئ موضوع الاتصال ..خلية يكثف المدة شوية ..مشغول اوكية على عينك وراسك بس انتي تحتاجين وقت معاه تفرغين شحناتك النفسية والعاطفية .. بأختصار كوني شديدة معاه شوية .. ولما يقول امة وماامة ..قولي لة بليز ..هذي حياتنا انا وأنت ومالاداعي حد يتدخل بينا حتى لو امك .. أنت عندك خير ..ومااأعتقد هالامور الصغيرة ملكة وحفلة بتغير في ميزانيتك .. وبالنسبة لأختة ريتك تبتعدين عنها قدر الامكان ..هذي وحدة ماعرفت اوصفها ..ولما تتكلم وتعايرك وقفيها عن حدها .. وقولي لها حياتنا ومشاكلنا لوحدنا نحلها ..نخليها ..هذا شئ راجع لنا .. حطي النقاط على الحروف من البداية ووقفي كل شخص عند حدة ..لانك اذا استمريتي كذا بتعانين كثير ..
__________________
أنتهى الأحتفال بعيد مولدي .. أنتهت سنة أخرى من عمري ..وأبتدأت سنة جديده .. أستيقظت فجراً على حمى أنفاسي .. (لقد كنت البارحة في أبهى عذاب ..كنت بأنتظارك ..ولكنك لم تأتي ..)  
__________________ |
||
|
|
|
|
15-07-2009, 09:15
|
#8 (permalink) | |||
|
عضو جديد
تاريخ التسجيل: 15-07-2009
المشاركات: 7
|
رد: تعبانه مووووووت
اقتباس:
أختي ...أنا عاذرتنه وأبد ما أضغط عليه بالإتصالات ..بس هو ابد ما يقدر __________________ |
|||
|
|
|
|
15-07-2009, 09:19
|
#9 (permalink) | |||
|
عضو جديد
تاريخ التسجيل: 15-07-2009
المشاركات: 7
|
رد: تعبانه مووووووت
اقتباس:
__________________ |
|||
|
|
|
|
15-07-2009, 09:22
|
#10 (permalink) | |||
|
عضو جديد
تاريخ التسجيل: 15-07-2009
المشاركات: 7
|
رد: تعبانه مووووووت
اقتباس:
ما أنا من النووع إللي إذا إتخذت قرار أتراجع عنه ......صح ضايجة منه بس خلاص هذاا حظي من الدنياا __________________ |
|||
|
|
|
|
15-07-2009, 09:25
|
#11 (permalink) | |||
|
عضو جديد
تاريخ التسجيل: 15-07-2009
المشاركات: 7
|
رد: تعبانه مووووووت
اقتباس:
تسلمين أختي على رايج .... أحس إني واايد ذليت عمري على الشبكة والحفلة...وأخته أنسانه خقيررره دايم تحاول تسوي مشاكل و __________________ |
|||
|
|
|
|
15-07-2009, 09:50
|
#12 (permalink) | ||
|
ِعضو محترف ومتميز
تاريخ التسجيل: 22-09-2008
المشاركات: 522
|
رد: تعبانه مووووووت
حبيبتي انتي لين الحين على البر خلاص ما تبينة دام من الحين مشاكل معاة و مع اختة كلمي عمج و فهمية و لا تضايقين روحج انت من الاول ما تبينة ريحي روحج و فسخي خطوبتج و ريحي راسج من الصدعة و صلي صلاة الاستخارة حبوبة
__________________ |
||
|
|
|
|
15-07-2009, 10:21
|
#13 (permalink) | ||
|
مــــبـــــدع
تاريخ التسجيل: 22-02-2007
المشاركات: 372
|
رد: تعبانه مووووووت
انتي في بر الامان وبإمكانك تكونين شجاعة وتنسحبي من حياة بايخه زي دي وبعدين أشوفك تقولين أخته تسوي مشاكل وادا كان زوجك يسمع لها عز الله رحتي فيها وبعدين مين قال لك انه هدا حظك من الدنيا أكثر البنات متحطمات ليه ؟ والله العظيم لو تعيشين تحت ابوك وامك معززة مكرمة ولا حياة النكد مع انسان متخلف ولا ادا جاء الاولاد يصير الوضع أصعب , أسمعي لقلبك وانفعالاتك وهي في مكانها وانسحبي بهدوء ولا تنسي ان طلاق اب العم بعد الزواج أصعب وأصعب وأصعب فأيهم أفضل الان ولا بعدين ؟؟
__________________
قالت السيدة فاطمة بنت الحسين بن علي بن ابي طالب رضي الله عنهم جميعا لبنيها : مافعل اهل الشهوات من شهواتهم ولاغفل الغافلون إلا أدركهم أهل المروءات بمروءآتهم فاستتروا يابني بستر الله عليكم . __________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 19:46.
موقع حلوة - ابراج مكتوب - للرجال فقط - الثقافة الجنسية - الحياة الزوجية - اختبار القدرة الجنسية - للمقبلين على الزواج - الحمل و الولادة - اخبار الفنانين - كلمات الاغاني تجارة الكترونية - منتديات الامارات - اناشيد طيور الجنة - العاب - العاب بنات - صور اطفال - صوت الاسلام - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية - توبيكات - العاب بنات- العاب تلبيس-العاب ماكياج |
||||
العرض العادي
