ههههههههههههه

أحسب ما فيه أحد يعاني من هذي المشكلة إلا حنا بس

شوفي أحمدي ربك أنتي أخت و حده

فما بالك باللي خوات و بعض الأخوان .

نعاني من نفس المشكلة

بس ما شاء الله تبارك الله عليك عندك صبر .

بالنسبة لخواتي الصغار و اللي ما بعد تزوجوا و الله يوفقهم إن شاء الله و جميع أبناء و بنات المسلمين

محد يتعرض لهم لا من عيال الأخوان ولا من عيال الخوات

لأن أخوي اللي أكبر مني مباشرة و إلى أخر العنقود كلنا مع بعض عيال أخواني و خواتي تقريباً نفس العمر

فأي واحد يتعرض لوحده من خواتي بشي الله يعينه ما يطلع من عندنا ذاك اليوم إلا وهو رايح فيها

يعني صارت شغلتنا في البيت ( عصابات )

و بعدها الجميع عرف حده

طبعاً في ذلك الوقت كان أغلب دفاعنا عن خواتي هو لمجرد المشاجرة فقط بالعربي ندور المشاكل معهم بأي طريقه

لكن بعد ما كبرنا صارت تجي بعض المشاكل بين أخواني و خواتي أو بين أخواني مع بعض ولا خواتي مع بعض

و كله بسبب العيال

هذا يقول لا تقول لعيالي شي و ذيك تقول لحد يقول لعيالي شي

وصار الإجتماع معهم قلق

*********************

كل اللي عليك أنك تمسكين أختك و تسألينها عن سبب تغيرها تجاهك

و تبينين لها أنك متضايقه لأنك خايفه أنك تكونين زعلتيها بدون شعور و أنها مهمة بالنسبة لك و .... و عطيها من الكلام العسل

ولا تجيبين أي موضوع عن ولدها

إذا رضت عليك

أو قالتلك أنها زعلانه بسبب ولدها

قولي لها أسمعي

أنا أتحاشى ولدك مو خوف منه لا بالعكس أقدر أرد عليه و أسكته بس إحتراماً لك و تقديراً لك

و شوفي ولدك يرفع صوت على أمي و أمك و ما قدرتي تسكتينه .

* ملاحظة :

في مثل هذه الأمور غالباً ما تكون الأم مغلوبه على أمرها فلا تريد أن تخسر إبنها ولا تريد أن تخسر أهلها فهي تحاول أن ترضي الطرفين بشتى الوسائل .

فلعلكِ تعذرينها .