عالم الحياة الزوجية - منتدى

بنت الدرر · 25-11-2006, 11:28

حبيبتي ممكن سأل ... اريد اعرف الحين ما حصلتلج اعراض جا نبية ... علشاني نا وية اسويها .. سويت الفحوصات بس بعدي ما حددت معد العملية ... وذا تنصحيني فيها ولا لا؟؟؟

22بطه · 28-03-2007, 23:38

انا مسوية عملية ربط معدة من حوالي الشهرين و نزلت حوالي 18 هل الوزن نزوله طبيعي او انه قلييل الرجاء الرد علي لانه قلقانة من هالناحية

(من جديد ) · 28-03-2007, 23:44

كثير يابطة

مو زين ينزلالوزن بسرعة لان الجسم يترهل

عطر الزمان · 28-06-2007, 20:06

السلام عليكم ورحمة الله وبركاته

أنا أدري أن الموضوع قديم لكن شدني لأني ناوي أسوي العملية

لكن عندي أسئلة كثير الله يعينكم علينا

أن قبل كذا سويت رجيم قاسي ونزلت 25 كيلو و صار جسمي ممتاز وتركت الرجيم و رجع كل شيء زي ماكان يعني كأني ما سويت رجيم
سؤالي هل ربط المعدة يستمر مع الشخص إلى الأبد و إلا وشلون؟
بعد ما يوصل الشخص الوزن اللي يبغاة وش يسوي؟
وش أفضل مركز يسويها؟
أختنا بكرى أحلى وش صار عليس؟

عطر الزمان

ضحكة الدنيا ^_* · 29-06-2007, 21:35

هلا والله بكرى احلىىىى ...

ربي يقومك بالسلامه وديري بالك على نفسك ....

يعني لا تحرمين نفسك من شوره الماجي هي فعلا فيها املاح وغيره بس لاتنسين انه رااح يكون بمعدل وجبه وحده باليوم يعني يا دوب الي راح تاكلينه راااح ينهضم مع الحركه ...

هو يسمن بحاله وحده انها تكون وجبه من ضمن وجبات دسمه ...

اختي الغاليه عليج بالعصااير الفرش وعندك العصااير الغير محلاه من ماركه كي دي دي او ربيع او اربيكا ... <<< وحده من اهلنا مسويه نفس العمليه واشووفها دوم تشرب هالعصااير ...

واذااا مش حابه شوربه ماجي اعملي شوربه بالبيت انها ما تحتوي على دهون يكون محتواها الخضروات ...

وبصراحه من غير ما تضحكين في اكل للاطفال بالجمعيات تراهم مفيده مره جربتهم في خلال الرجيم ونفعوا معاااي .

وبصراحه كان ودي اعمل هالعمليه وخاصة بالمستشفى عندنا للقطريات مجانيه ..

بس زوجي رفض ...

ولا تنسين تبشرينا اش كثر نزلتي .... والحمدلله على سلامتك

امرأه وبس · 03-07-2007, 00:01

ياسلااااام الموضوع من عام 2005 قديم مررررة ..

وأنا أقول وش فيهم مسمينها بدون مجاملة مع ان الأسم اللي طالع عندي بكرى أحلى

ههههههههههه ..أثرة اسمك القديم ..

طيب ياقلبي كيف صحتك ألحين بعد مرور سنتين .. وكم كيلو نقصتي ..؟؟؟

ضحكة الدنيا ^_* · 03-07-2007, 14:53

ههههههههههههههههههههههههههههههههههههههههه ...

مااشااااء الله ... المووضووع من سنة 2005 ... تدرون بنات الموووقع يبي له تجديد ههههههههه

مر عليه الوقت لازم يعملون ازاله للمواضيع القديمه .... ويخلون المواضيع النشطه والجديده ..

يالله على قولة امرأه وبس كيف صحتج الحين ؟؟

hyoungki · 24-07-2007, 13:00

thanks to you

ابن جريس · 16-08-2007, 05:37

أختي انا من زمان ودي اسوي هذه العملية بس حبيت انتي وين سويتها

في اي مستشفى وهل هو خاص ام حكومي

قطريه واحب السعوديه · 19-08-2007, 04:40

السلام عليكم

انا مسويه العمليه وصار لي شهرين واسبوعين ونزلت منهاا 22 كيلو لحد الأن الصراحه العمليه واايد زينه للي اوزانهم اكثر من 100 والي اقل من هالوزن مانصحهاا فيه لان والله حرام العمليه وتعبهاا على كم كيلوو ينزلون بتخفيف والرياضه بس ...والي حاب يسوي عمليه من الي اوزانهم تحت الميه يعتقدون انهم بيضعفون من غير جوع ولا حرمان لا حبايبي لا بلعكس الا حرمان ورياضه والم وتعب مايستاهل وزنكم والله

بس الي فووق الميه نصيحه مني لوجه الله لاتترددون من عدم اجراءهاا لانهاا واايد تساعد على نزول الوزن وماراح تندمون صدقوني... واي ستفسار انا حااضره له ...سي يوو

shamsah · 30-08-2007, 23:11

انا مسويه عملية ربط المعدة من تقريبا عشرة ايام وحاسه باكتاب شديد لاني مب قادره التزم للحين بحمية السوائل اللي عطونياها ؟ و بصراحه اكلت في في ثلاث ايام خلال فترة السوائل ؟؟ و عندي احساس فضيع بالفشل و اني مارح ينزل وزني ؟
انا قبل العمليه وزني 98.9 والحين 94 خلال عشر ايام ؟؟بس احس هذا النزول مو بسبب الحزام ؟ احسه بسسبب ريجيم السوائل اللي مجبرينا عليه؟ و اساسا انا نفسيتي مدمره سبة الريجيمات و مب قادره اسوي ريجيم مره ثانيه؟ و هذا السبب اللي مخليني اسوي العمليه ؟؟محتاجه لدعم نفسي يا بنات ؟خصوصا اللي سوو العمليه و مرت عليهم شهوور ؟؟بلييييز يردوون علي

دلع الليل · 31-08-2007, 04:06

حبيبتي أول شي حمد لله على سلامتك

سؤال انا عندي ازمه ربو ور حت امس للدكتور و قال لي لازم انزل 12 كيلو تخيلي

المشكله ما عندي عزيمه ابدااااااااااااا

و ما اقدر اخذ حبوب يلي تسد النفس زي ريدكتيل لأن برضع

ايش رأيك اعملها؟ و اية مستشفى عملتيها؟

أو اربط اسناني ؟

shamsah · 31-08-2007, 14:47

سلام يا دلع الليل ..انشالله ربي يشافيج ..بالنسبه لي انا سويتها في مستشفى الامارات اللي في دبي يسويها الدكتور روجيه و تكلف العمليه 34 الف درهم بس طبعا لازم بالاول تمرين باخصائية التغذيه و هي اللي تقول اذا تناسبج العمليه او ما تناسبج بناءا على نسبة الزياده عندج بالنسبة لكتلة الجسم ؟؟يعني 12 كيلو مب وايد و ترومين تنزلينهم بريجيم و شوية رياضه ..بس افضل انج تسيرين عند اخصائية تغذيه بالاول

حمدة27 · 01-09-2007, 17:00

هلا حبيبتي ’ شمسة انا بعد مسوية عملية ربط من اسبوعين وعندي وايد اسئلة حابه اسئلج عنها حابه اتواصل معاج . انا مسويه العملية عند نفس الدكتور: روجية

shamsah · 01-09-2007, 21:55

هلا يا حمده .. حمدلله على سلامتج و انشالله تفيدج العمليه .. انا بصراحه مادري ليش حاسه بعمري في ريجيم و اني يالسه انقص سبة الريجيم هب العمليه ... انا اليوم رمست اخصائية التغذية و خبرتها اني هب قادره اواصل جيه ولا بمتن زياده جان اطلب منها تبعث لي ريجيم ... و بعثت لي .. انتي خبريني شخبار ريجيم السوائل وياج ؟؟ و شو اخبار نزول الوزن ؟؟ انا بعد حابه اتواصل وياج

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

عالم الحياة الزوجية - منتدى

مسوية عملية ربط المعدة وعندي سؤال