عالم الحياة الزوجية - منتدى

بارونه · 17-07-2009, 03:04

السلام عليكم جميعاً كيفكن اتمنى الجميع يكونوا بخير
هذي اول مشاركه ليا في هالمنتدى الرائع وياليت الكل يتفاعل معاي وتقولون لي رايكم بكل صراحه

المهم ما اطول عليكم انا عندي خال خالي اخو امي موخال خل خخخخخخخخخخخخخخ
من سنين وانا اقنعه يتزوج وخصوصاً انه تجاوز الاربعين يعني ما عاد صغير تعبني وغلبني وفي الآخر وافق الحمد والشكر لك ياااااااااارب
عاد الحين صرنا حايسين ندور له على عروس وهذي والله بلشه الخال الله يطول بعمره من النوع الهادي اللي مايحب الصجه والدلع والخروج والتماشي والزواجات والعزايم ووووووووووووووووووووالخ عاد قلنا بندور له على وحده سنعه ذربه يكمل معاها نصف دينه وافترينا مني مناك كل وحده يطلع فيها عيب هذي سمراء هذي متينه هذي صغيره الين لقينا وحده وياليتنا مالقيناهااااااااااااااااااا !!!
حسبي الله عليها وعلى امها السوسه طبعاً الخطبه كانت عن طريقي والله ماتصدقون كيف ام البنت كانت طايحه علي ومطيحه بنتها زي مايكون ماعمره جاهم عريس غيره اقولها مايحب الخروج الكثير قالت بنتي بعد ماتطلع
خالي مايبي شبكه ................. بنتي بعد ماتبي شبكه ولايروح ويجي علينا الين الزواج
اقولها ماكذب عليك ترآه يدخن ............ قالت عادي انا بروحي ادخن !!!!
تراه مايصلي كل فرض في المسجد ........... قالت كل الشباب على كذى الله يهديهم
تراه وتراه وتراه ......................... تقول عااااااااااااااااااادي
قلنا على بركة الله وصارت كل يوم تدق علي هامتى يتزورونا طلعت روحي الين زرناهم عاد انا نسيت اقول لكم ان العروس اللي عليها العين والنيه تخينه وعاد خالي مايواطن المتان مو ليا والله اني جلست اقنعه الين ماطلعت روحي في النهايه قال على بركة الله ورحنا للناس وياليتنا مارحنا
استقبلونا ماقصروا وخالي شافالبنت وخرجنا من عنهم واحنا مبسوطين وصلنا البيت ها ياخال كيف العروس قال والله ماشفت شيء ارتبكت واستحيت اطالع !!!!!!!!!!!!!
الا وام البنت داقه هاااا بشري ايش قال العريس على بنتي ؟؟؟
قلت لها والله يقول ما شاف شي بس على بركة الله الله يقدم اللي فيه الخير
وربي اراد وتم كل شيء الا صار فالعلوم علوم قالت ابي شبكه ماهي شبكه شبكه حفله صغيره افرح البنت الا كوشه ومصوره والخخخخخخخخخخخخخخخخخخخخخخخ عاد خالي عصب وزعل وقال ينهي الموضوع من بدري علشان مالتزموا باللي اتفق عليه معاهم ومن هنا وهنا الين روقناه وتمت الملكه على خير وكانت ليله الحمد لله
ومن هنا بدأت المشكله مشكلتي مع ام البنت اسبوع ودقت على خالي وقالت له اسمع ياولدي في امور لازم نتفق عليها من بدري تعال البيت ويصير خير خالي مارضي يروح وقال لها علميني السالفه ايش صاير وهنا الطامه الكبرى ايش تتوقعون قالت له ؟؟؟؟؟؟؟؟؟؟؟؟؟
عاد معروف اني دلوعة خالي وهو مايرفظ لي طلب ويحبني حيل والظاهر انهم عرفوا هذي المعلومه والحرمه غارت على بنتها وشافت المعرس طيب واهله طيبين قالت آخذ الولد تحت باطي واقطعه من اهله حسبي الله عليها قالت له بنت اختك هذي تقول وتقول وسوت وسوت وانت لازم من بدري تحط لها حدود ما تتدخل في حياتك وراتبك ووووووووووووووووووووووووووووووووووووالخ
عاد خالي جن جنونه وماقصرفيها كفوا والله رجال من ظهر رجال
المهم وصلت المسأله للطلاق واحنا لسه نقول ياهادي
والله خالي جاني وقال انا نفسي وقفت عن هذولا الناس وما عاد ابغى بنتهم وخصوصاً انها ماعجبتني والبنت مرررررره متينه وانا بس وافقت علشان امي وعلشانكم ورضيت بنصيبي بس بعد اللي سوتوا امها ماعاد ابغاها
ورجعنا في قلق وقلة راحه الين ماهديت الامور وخالي شرط على ام البنت تجي وتعتذر لي علشان يتمم الزواجه والا كل واحد يروح في حاله ،، جات الام واعتذرت ومشيت الامور وصار الزواج مشي الحال
وبعد الزواج زارتنا مرته ماتتخيلون البنت كيف طيبه ورايحه في حالها وخالي الحمد لله مبسوط
المشكله انا ماني طايقه امها ولاني قادره انسى اللي سوته فيا والله اني كل يوم ادعي عليها
اللهم من ارادني واهلي وخالي بسوء اللهم فاشغله في نفسه
اللهم اجعل تدبيره تدميره
اللهم اجعل فتنتهم بينهم
اللهم شتت كلمتهم وفرق جمعتهم
واجعل اللهم الدائره عليهم
والله اني اول مااصحى من نومي اقول حسبي الله فيك ياأم ...........................
من يومها ماني قادره انسى اللى حصل وخصوصاً انه صابنا النحس من يوم مادخلت هالحرمه حياتنا حسبي الله عليها وسببت فتنه بيننا وبين خالاتي وفرقتا مابيننا بعد ماكان ينظرب فينا المثل في صلة الرحم ومحبتنا لبعض
لاوالمصيبه انها لما تشوفني تسلم وتلمني ولاكانها سوت شيء
منافقه مع مرتبة الشرف
ادري طولت عليكم بس والله الحين صار لنا سنه تقريباَ وانا قلبي مليان عليها وادعي عليها كل يوم
والحين عاد ابي ردودكم يحق لي اكرهها واللي زودتها عليها وعلى نفسي ؟؟!!!!!!!!!!!!!!!!!!!

aghiatoo · 17-07-2009, 03:14

السلام عليكم

اختي استهدي بالله خلاص تم الزواج وخالك هاذو مستااااااااانش وفرحاااااااااان

والام اعتذرت وعرفت غلطها .. ارحمو من في الارض يرحمكم من في السماء ^_^
خليكي احسن منها ..

حبيت غيرتك على خالك .. وخالك كفو عليه ما سكت لهم والله

تحياتي لك

كيان انسانة · 17-07-2009, 03:59

هو صعب تنسين اللي سوته بس تناسي علشان خالك وعلشانها اعتذرت منك
ودام بنتها طيبة معك ومع خالك تغاضي عنها
بس حطي بالك زين وانتبهي هذي ما يتأمن لها
الله يعينك

كـلـي حـركات! · 17-07-2009, 04:16

لاتعليق

كلي حركات!

خبير المنتدى · 17-07-2009, 04:17

خلاص انسي الموضوع اختي الغااليه .. والمسامح كريم .. وبعدين لاحول ولاقوة الا بالله .. وش هالدعااااااء .. شتت شملهم واخرب بيوتهم <<< ما يجوز الدعاء عالمسلم يا اختي ...
هذا الدعاء اللي اعرف على اليهود .. فرق شملهم واجعل الداءئرة عليهم .. لاحووووووووووول .. شكل عند بيتكم مسجد وتسمعين الدعاء وتدعين عالخلق ... ما يجوز اختي الغااليه ... اية المنافق .... واذا خاصم فجر .. واتمنى انك ما تكونين منافقه .. وانك تسامحين .. والمسامح كررررررررررررررررررريم .. وربي بين الحقيقه وانكشف الملعوب .. خلاص خذوا جزاهم ...
تحيااتي

بارونه · 17-07-2009, 04:21

مشكورين عالرد ماقصرتوا اناعارفه انه ماعاد ينفع الكلام بس والله مقهوره خربت علينا حياتنا حسبي الله عليها
وفعلاَ كيان انسان هذي مالها امان ونا خايفه منها على خالي الله اتوقع منها اي شيء

افتراضي · 17-07-2009, 04:26

مشي الموضوووووووووع خلاص

يصير في احسن العواااااااااايل هع

احلاهن · 17-07-2009, 06:11

اهم شي اذا بغيتي تنامين انسي كل شي ولا تشيلين بقلبك على احد.....(هذا من اسباب دخول الجنه بدون حساب وكلنا نعرف قصة الصحابي.....

بارونه · 17-07-2009, 06:23

جزاكم الله خير حبايبي وكل من رد على موضوعي والله اني استغفر ربي ضميري انبني كثير كيف اقدر احذف الموضوع ارجوكم

fares_el7oob · 17-07-2009, 06:27

الكاظمين الغيظ والعفين عن الناس والله يحب المحسنين
ادفع بالتي هي احسن فإذا الذي بينك وبينه عداوة كأنه ولي حميم
الله يصلح حالك ويصلح احوالهم

بنت المحامي الصغيرة · 17-07-2009, 06:51

الله يعطيكم خيرها ويكفيكم شرهاااا...
امين..

آسيرة آلحرمآن · 18-07-2009, 02:22

الله يكفيكم شر من كان فيه شر
ويجمع شملكم على خير
وانتي اغفري وسامحي تراء المسامح كريم

ناعسه الهدب · 18-07-2009, 23:55

الله يهديك لاتشيلين بقلبك والموضوع انتهى وصدقيني انتي الشخص الوحيد اللي تعبان من هالسالفه ودعي الخلق للخالق

السامر15 · 19-07-2009, 00:02

يعطيك العافيه

مشتاقه لأبي · 19-07-2009, 00:25

اختي في الله .. حاولي تنسين ولا تشيلين في قلبك على احد .. كلنا خطائون .... ودام هيا اعتذرت منك لازم تسامحينها .... اهم شي ان خالك مبسوط مع زوجته ... الله يجمع شملكم انتي وخالاتك على خير .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حسبي الله عليك ياأم ..................