عالم الحياة الزوجية - منتدى

عبيرالحب · 17-07-2009, 03:35

السلام عليكم ورحمة الله وبركاته

بصراحه لي ايام وانا افكر اعرض مشكلتي واقولها بكل صراحه لاني خلاص فاض بي الكيل وتعبت وانا ساكته

مشكلتي هي زوجي

دايم افتح واقر واطرح موضيع وشلون تعرف المراه ان زوجها يحبها واقرا كثير عن الزواج واموره وخصائصه والجنس ومايحب الرجال ونفسيته وكيفية التعامل معه وووووكل شي يخصه بوجه عام وخاااااااااصه

لاني ابي اريح زوجي واعلمه اني وحده فاهمه واعرف كيف اتعامل في كل وجه من وجوه الحياه طبعا بطريقتي وسلوكي

مثلا مابقى طبخه الا وصلحتها له بما اني احب الطبخ مشالله ولا حلى ولااي اكله تتوقعونها الا وصلحتها سوى كان من المطبخ الهندي او اللصيني وزجي يعرف اني طباخه انا ماامدح نفسي لكن راح تعرفون ليه اقولكم

والبيت مشاللله دايم نظيف وانا الي دايم اشترى البخور والعود اما هو لو عليه ماشريت شي ودايم بخاخات مفارش وعطورات بارده وعطورات ليل وعيالي كل يوم ملبستهم ومشطتهم ومعطرتهم الاثنين

وبنسبه لي مابقى حركات رومانسيه ولا شموع ولا اقام سحريه ولا 00000000 ولا بودرات ولا نكهات الا وشريتها ودايم احافظ على نظافتي

ودايم اجدد في شكلي ولبسي وصبغات شعري يعني تمام التمام ولا يقدر يقول شي بهشي

لكن عندي زوج لا يحب البجامات ولا البنطلون ولا حتى القصير سوى باليت او خارجه ولا يحب قمصان النوم

وانا امووووووووووووت فيها واحب اشتريها وانوع فيها

مره شريت قميص وجيت اوريه طالعني وقال حلو وسكت وانا انبسطت بداخلي قلت يمكن تغير وجبت الثاني اوريه قلت ايهم احلى انفجر في وجهي وقال انا مااحب هالخاربيط ولا احب مرتي تلبس هالخرابيط

انا 00000000000 تحطمت وقال في داخلي الشرهه علي الي اشتريهم واتزين لك ورفعتهم مع باقي قمصاني في شنطه وانا مقهووووووره ابي البس حال البنات يااااااااناس اذا مالبست لزوجي من البس له

ونجي شي ثاني بنسبه للهدايا ماعمره اهداني ولا هديه وربي لا بناسبه ولا غير مناسبه علما اني كنت دايم اهديه عطورات ودهن عود واقام وغيره وبطريقه حلوه ومفاجه وحتى وربي ملابس الدخليه اذا شفت شي منقطع اشترى انا من نفسي حتى وربي امه وابوه اهديهم بالعيد طبعا مني انا بدون علمه ثم الفاجه

تعرفون لما اهديته اخر هديه وش قالي لاتجيبين لي هدايا خجلتيني وانا مااعمري اهديتك

قلت انشالله بيستحي ويجيبلي لو بطاقه لو ورده لو اي شي بس هديه افتخر فيها واحس فيها حتى لما جبت عالي مااهداني ولا شي

وطبعا الكلام الحلوووووووو تتقطع قلوبنا لسماعه اذا قلت له كلام حلو رد علي بمثله ولكن لايقول هو من نفسه والسفريات طبعا هو سافر قبل زواجه الى كذا دوله وانا ياحياتي كنت انتظر متى اتزوج علشان اسافر واطلع برا حال المتزوجين ولكن ياحسره كل سفري الى الشرقيه وجده بس مرتين 0

مع ان اخوانه مسافرين بحريمهم برا وانا بعد اخواني يسفرون بحريمهم برا مع انه قادر يسافر اقصد الماده معليها

ولا يقولي لا اسمني ولا انحفي ولا شي حال الرجال الي يحب مرته دايم يقولها كذاااا اقوله كذا معجبك يقول عادي كل شي عنده عادي والللللللللله تعبت وانا اسوي واسوي بسسسسسسسسس مليت احس اني عايشه لوحدي لدرجه صرت انام مع اعيالي بغرفتهم بشوف ردت فعله وعاااااااااادي عنده بس لما تجي حاجته يناديني يالللللللللللله مليت

وحاااااااااااجه نسيت اقولها من بدايت زواجنا ولى يومنا هذا هو بطانيه لحاله مو حال المتزوجين بطانيه وحده وين نحس بحنان والله مليت وتعبت نفسين حتى لبسي متحكم فيه وجوالي شالي هالرنه ولا شيلي هالشعر يعني احس كني سطرنج عنده يبيني على كيفه

احسسسسسسسسسسس انه مااااااااايحبني بس يمكن تزوج علشان يجيه عيال لان كلمه حب تفطر قلبي ابي اسمعها ولا ابيها بحرام

ودايم افكر بطلاق ؟؟؟؟؟

بنهااااااااااايه كلامي اسفه على الايطاله ولكن بماذا تنصحوووووووووووننيييييييي؟؟؟؟؟؟؟؟؟؟؟؟؟؟؟

كلي ملح ودمي سكر · 17-07-2009, 03:40

اسمحيلي على السؤال يمكن زوجك طبيعة عملة هيا اللي خلت شخصيتة كذا
هل هو عسكري

ويمكن تربيتة لها دور يعني علاقة ابوة باامة
قاسية

إكليل الورد · 17-07-2009, 03:41

هو مغصوب عليك انا ماابي اخوفك بس والله غريبة اتمنى تلقين حل طيب يمكن تجينه باوقات نفسيته زفت جربي انك تطنشينه واهمليه صدقيني راح يفتقدك وتشوفين الرجال كذا يحبو اللي طنشهم سوري لا احد يزعل مني بس عن تجارب وقصص واقعية

كلي ملح ودمي سكر · 17-07-2009, 03:47

وعلى فكرة الرجل يعشق المراة الغامضة
ويعشق المراة الثقيلة والي يركض وراها
لان الرجل بطبيعتة اناني بحبة لذلك لو ضمن حبها
راح يعيش براحة لكن لو كنتي مراة غامضة او تعربين اشلون تبعدي عنة
بااوقات واوقات لا
خلية يشتاق لك
لا تخلينة يشبع منك
ولا يمل
ولا تسالية كثير
وتطلبي راية بكل شي في رجال مايحبوا التفاصيل الدقيقة وفي امور ماتهمهم
حسب شخصيتة

~dreamer lady~ · 17-07-2009, 03:48

لاحول ولاقوة إلا بالله ..
عزيزتي لو أنا بمكانك أفكر بالمصارحه وأفضل المصارحه تكون برساله كتابية تكتبين كل اللي مضايقك منه وحاولي تكتبينها بنقاط وبترتيب علشان يستوعبها
أفضل الرساله الكتابية علشان يقراها للاخر لوكنت تتكلمين ممكن يسكتك وعلشان بعد يقراها اكثر من مره ويستوعبها زين
خلي رسالتك حنونة بس وضحي فيها انك تعبتي وحاولتي كثير وماعاد عندك قدرة على التحمل يعني وضحي فيها إنك جدية بهالخصوص ..
بالرسالة إسأليه سبب هالتصرفات وأطلبي منه التغيير ..
من كلامك يا أختي واضح إنك ماقصرتي وحاولت بجدية
عزيزتي بعد لاتنسين الدعاء
وطمنينا ..

عاشق(الN) · 17-07-2009, 03:49

اختي اغلب ماذكرتي لايخلو منه رجل وهناك اسوأ
وانصحك لاتعلقي امال كبيرة على مايكتب فالنت
لانه لايخلو من كثير من المثالية اللتي لاوجود لها
حتى في الافلاطونيات

عبيرالحب · 17-07-2009, 03:50

لا مومغصوب ولا شي بس مدري ليه هو كذاااااااا وطنشت بس ماافيه فايده واحيان اجلس يومين عند اهلي وعادي عنده ولا يكلم يسال لاعني ولا عنهم الا لما بيجي ياخذني يتفضل ويدق ويقول انا بطريق

ودي اعرف لييييييييييييييييييييييييييه هو كذا وربي وربي ولا هو مدح بنفسي بس انا زينه وهو جدا عادي ولا عمري شفت نفسي عليه ومره قد احتاج مبلغ واعطيته ذهبي وبعته وخذ فلوسه دايم اضحي بس ياناس تعبت مايقدر

سبحان الله انا ملاحظه ان الشين حظه مشالله فوق السماء والزين حظه ناااااااايم

كـلـي حـركات! · 17-07-2009, 03:52

اشك ان ريلج زطي ( بخيل )
والمثل يقول فاقد الشي لايعطي ..

اتمنى الاعضاء يفيدونج ..

كلي حركات!

أم ماهر · 17-07-2009, 03:53

حاولي تكوني ثقل شوي ..

عبيرالحب · 17-07-2009, 04:00

لا بخيل ولا شي واكون ثقل انا طبعتي مريحه واحب الضحك مشالله واسوالف وهو انسان غامض مستمع بس لا يتكلم معي ولا يبادلني الحديث

ولي يقولي ثقل وربي سوووويت بس واللللللللللله لاحياة لمن تنادي عاااااااااادي عنده حتى مره كان طالع من الظهر ولا جا الا 3 الفجر ولا اتصل يتطمن علي ولا على العيال يمكن لاسمح الله صار شي واعيال صغار وعادي الوضع عنده ولي يقول صاريحه برساله انا صارحته بكل شي وكل الي ابيه وقال انا راح اتغير واللللللللله ماتغير ولا شي مثل ماهو مالي الا النت اسولف معه بالليل والنهار عيالي ولا هو الله مستعان

~dreamer lady~ · 17-07-2009, 04:17

حبيبتي عبير أنا مرت علي تجربه شبيهه جداً
أول شي عوديه عليك مره خليه يعتمد عليك تعاملي معاه كإنك تربين طفل خذيه بهدوء ومسايسه لاتحسسينه بإنه غصب يتغير
مثلاً عوديه عالفطور بالبيت ضروري فهميه إنك تحبين تطمنين على أكله بنفسك يمكن بالدوام ينسى نفسه وماياكل زين
حمميه وإهتمي بنظافته, ملابسه, أغراضه, خليه يعتمد عليك بقووووة
حسسيه دايم بمشاعرك تجاهه إنها ناقصة وتحتاجه يكملها وحسسيه بتأنيب ضمير من هالناحيه
بعد ماتعطينه الكون ويحس بوجودك بقوة إبتعدي وبيني له إنك جادة وتبين الطلاق لإنك ماتبين شخص يحسسك إنك مفروضه عليه يمكن يحس ويخاف
وياعزيزتي إنت لازم تشاركينه علشان توصلين للي تبين مثل السفر قولي له أنا والعيال طفشانين هالصيف ونبي نسافر أبي وقت لنا نبعد عن السعودية والكل ونعيش لنا لو أسبوع أصري لين يوافق بهالوقت حسسيه بلذه وبسعادة وفري له أفضل السبل للراحة لين يميل لك ويفضل يقضي وقته معك
موفقه ..

عبيرالحب · 17-07-2009, 04:32

تدرين وش يقولي يوم قلت عن السفر وانت قد وعدتني ومن هالكلام قال انا مانيب مسافر بنزر وش بتسوين انا سكت كانه يبي يتهاوش يدور شي انا خليته وقمت والله وانا اختك يتفطر قلبي ابي اروح حال الخلق لو لدول الخليج بس احس اني طلعت صحيح يمكن البعض يقول تفاهات بس والله بعيني شي كبيرررررررر وكنت متامله فيه

احاسيس هبله · 17-07-2009, 04:45

عبير الله يكون بعونك شكل زوجك هو طبعه كذا

ممكن اسئل سؤال؟

كم مره يمارس الجنس معاك بلأاسبوع؟؟

ابوعبدالعزيز4332 · 17-07-2009, 06:21

اختى عبير الحب :-

اولآ :- من الواضح انك تريدين زوج ملائكى ليس له مثيل في الدنيا وهذا مستحيل ( اعذرينى على صراحتى )

لايوجد رجل كامل ياعزيزتي فكل انسان لدية سلبيات وايجابيات ، واعلمي ان لكل رجل مفتاح ولكن انتى حتى الآن لم تصلي لهذا المقتاح ،، لاتفكري بالطلاق نهائيآ وهذه نصيحتى لك ،، انتى انسانه رائعه ولكن اعتقد ان زوجك لدية ضغوط وربما تكون ضغوط عمل او ضغوط اخرى وهذا ماارآه ،، خاولى معرفت الاسباب حاولى ان تصلي الى الاسباب الحقيقيه ،، فربما زوجك عنده مشاكل لايعلمها الا الله وهذا يجعله مشغول البال لايفكر بما يدور حوله ،،، ربما زوجك لدية ثقافه خاطئة ،، فكثير من الرجال يعتقد انه اذا كان صارم مع زوجته فسوف تحبة ودائمآ اسمع من الرجال عبارات مثل :- خلك ثقل مع زوجتك، لاتعطيها وجه وتتمرد عليك ، لاتكثر الضحك معها ، انتبه تقول له احبك وتتمرد عليك ، وهذه ثقافه منتشره لدى كثير من رجالنا في السعودية ,,,,,,,,,,,,, واخيرآ :- احذري احذري احذري التفكير في الطلاق فا لكل مشكله حل ..... اسئل الله لنا ولك التوفيق

ضيم السنين · 17-07-2009, 06:45

جلف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يا رجال يا متزوجين ردو علي ابي حل