عالم الحياة الزوجية - منتدى

هكذا_خلقت · 19-07-2009, 03:00

السلام عليكم ورحمة الله وبركاته
منذ مدة طويلة لم أتواجد في المنتدى .. واليوم لدي مشكلة لصديقتي تريد المشورة والمساعدة
وهي ستتابع الموضوع والردود

البنت تحب شاب يصغرها بعام من دولة ثانية ولكن الاثنين من الخليج
الشاب للآن يدرس وما يقدر يرتبط .. يعرفون بعض من الطفولة .. تقدم لها بعد أن رآها تنخطب وترفض عدة مرات فهو يريدها وشاريها .. وأهله شارين البنت لكن الارتباط صعب يكون الحين .. لين سنة ، سنتين تقريبا ممكن يكون العقد .. حاليا خطبة .. طبعا أهلها وأنا أتكلم عن أمها وأبوها .. رافضين الشاب لسبب لا غير
- انه ساكن دولة أخرى يعني تضطر البنت تروح بعيد عنهم
والشاب وأهله من اسرة طيبة وعلى دين ومن اسرة معروفة في وسطهم

والآن البنت انخطبت من عائلة من نفس دولتها .. لا تعرف شي عن الشاب غير أنه من عائلة طيبة ومتدينة وهو متدين
يكبرها ب 4 أعوام .. موظف

البنت تحاول من سنوات انها توافق على غير اللي تحبه لكن ماتقدر .. كل ما وافقت ترفض وتتراجع .. وحاولت تفارقه لكنه رجع خطبها مرة ثانية بعد الرفض الأول ( عشان خاطر اهلها )
هي تريد الذي تحبه وهو شاريها .. ولكن تريد رضى أمها وابوها كذلك .. محتارة ومحتاجة للنصيحة والمشورة
للعلم بينهم حوالي 7 سنوات .. يعني من طفولتهم .. لا تنسون هالنقطة لأنها مهمة ..
والبنت ما عمرها طلعت معاه أو جلست معاه أو حتى شافوا بعض بالطبيعة .. مجرد انه شاف صورتها بالحجاب .. هي على دين وخلق .. تدعي وتستخير كثير لكن القلب شي ما نتحكم فيه ..
هالله هالله بالردود .. بهدااااوة
واللي لهم تجارب ياليت يفيدون بحيث انهم حبو شخص وبالنهاية تزوجوا شخص آخر ليش وكيف ؟

هي راح تتابع الموضوع وبعطيها معرفي للرد عليكم اذا أرادت هي

كـلـي حـركات! · 19-07-2009, 03:12

عطني صورهم وعقب بقلج تاخذ منو فيهم لول

كلي حركات!

الدانا · 19-07-2009, 03:55

عليها بصلاة الخيره والله يكتب لها ما فيه خير

(((قلب امرأة))) · 19-07-2009, 04:07

لاتعليق

اليماندا · 19-07-2009, 04:30

تستخير وتشوف
الله يوفقها

%دنيا الوله% · 19-07-2009, 04:47

تصلي الاستخاره

وتشوف وشو اللي يريحهااا

ومن وجهة نظري تسوي مايمليه عليها قلبها وعقلها

هكذا_خلقت · 19-07-2009, 08:33

شكرا لردودكم

كتبت إن البنت تستخير ياليت تقرون

النهاية والاخير · 19-07-2009, 15:11

الاستخارة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

صديقتي مخطوبة من شخصين.. مشورتكم