عالم الحياة الزوجية - منتدى

نواااره2009 · 22-07-2009, 15:26

السلام عليكم ورحمة الله..
كيفكم إن شاء الله تمام...
أنا ابتعدت عنكم فترة امتحاناتي وإنشغلت شوي في الإجازة لكن مانسيت ولاراح أنسى وقفتكم معاي..واليوم برضو مالي بعد الله إلا أنتم وحبيت أفضفض لكم باللي عندي..
ماأدري إذا تذكرون آخر موضوع لي كنت أشكي لكم من عمايل طليقي وإنه رفع علي قضية كل اللي فيها كذب وبهتان ويطلب أنه يرجعني!!..وهوالوضع عنده عااادي أقصد النتيجة بتعجبة إما أن أرجع له (أنا موزوجته طللللقني أكثر من مرة لكن في القضية ماذكر غير طلقة وحدة) أنسان مايخاف الله بليد أو النتيجة الثانية إني أدفع اللي يبي من مهر و..و..عشان أحصل على صك طلاقي وهذا أكبر قهر أنسان أخذني بس بالمهر ولازواج ولاشئ راعينا ظروفه يوم قال عندي دين..أنسان ملول أخذني تسلى فيني وذوقني المر ورماني...وياليته قضية وبس موراضي يشيلني من راسه ولاأمه راضية طيب أنا إيش سويت؟ دخلت بيتهم ماشافوا مني إلا كل خير وطلعت منه مضروبه ومهانه ولاغلطت على أحد؟!!..
المهم فيه واحد يقرب لي ..ومن صارت المشكلة بيني وبين طليقي كل مايشوفني يقول إقتليه خمس شهور يكررها على راسي.. أول ماقالها على بالي يمزح..ضحكت من كلمته وسكت
وكل ماأقابله يسألني وش صار عليك؟؟..أرد عليه ماصار شئ أنتظر الجلسة..يرد علي إقتليه(ويقوم ويتركني)
وعرفت أنه مايمزح..بس قلت في نفسي هذا وش فيه مريض نفسي؟!!..إنهبل؟؟!!..
صار يكرر كلامه يوم يسألني لكن صار يزيد عليه..(إقتليه..أنا عندي مسدس صغير)
(اقتليه..بعطيك مسدس عندي صغير)
..تعبت من كلامه وصار مثل الهم على قلبي كرهة كلمته مجنون هذا وش قاعد يقول؟!..
قلت له مرة بإنفعال:أستغفر ربك وش فيك إنجنيت؟
وطنشني..(مع العلم إنه يدري إني أنسانه ملتزمة أخاف ربي وغير كذا أكبر خوافه في الدنيا)
وصار يكررها ويزيد عليها يحاول يقنعني ويستفزني أقتليه وإرتاحي خوذي حقك منه ماعليك من أحد أهم شي تحطين براسه كم رصاصة أنتي وش تبين في الدنيا واللي فيها وش بيصير يعني أمه تحب الفلوس لاتخافين أهلك وإحنا بندبر له من الريال للعشرة مليون ولاتخافين أمه بترضى بمليون واحد بس وإذا بيقصونك وش تبين في الحياة هم وظلم ولاأحد عبرك وأقرب الناس يتكلمون فيك ياصبرك بالله ماتعبتي أنا بسميك المرأة الحديدية وطليقك ماجاب خبر أحد ياكل ويشرب وطايح تخطيط مع أمه عليك وشوه سمعتك ولاأحترم لاأبوك ولاأخوانك والحين من دولة لدولة وآخرتها في مصر ولاراح يجي إلا قبل الجلسة بكم يوم..و...و...و..
في البداية كنت أصرخ عليه..أقوم أتركه..أقول هذا مجنون؟...وعايشه حياتي مبسوطة مع أهلي وأكثر من الإستغفار وأهتم بنفسي كثير وأهتم بأهلي وناويه أسجل في معهد
لكن الغريب إني أنا الآن دايم الفكرة تجي براسي بدون مقدمات وأحيانا أول مايجي شئ يضايقني من طليقي وأهله تجي الفكرة قدام عيوني ..الغريب إني صايرة أفكر وين أقابل طليقي وكيف ومتى عشان أنفذ..الغريب إن قريبي يقول متى مابغيتي المسدس قولي وأنا أجيبة لك..الغريب إني قلت له اليوم أبي الصغير اللي قلت لي عنه؟؟...

THE SKY COLORS · 22-07-2009, 15:32

هههههههههههههههههههههههههههههههههه
معليش ضحكت حشى مسلسل تركي ولا ام بس سي اكشن هع
من جدك انتي تضيعين حياتك ومستقبلك عشان واحد صايع ضايع
يعني بالله الدنيا وقفت على رجال !!!
في اشياء كثير تخليك تنبسطين
وينك عن اللي لامتزوجه ولا مطلقه معلقه تاركها في بيت اهلها متى مااشتهى يجيها راح لبيت اهلها سحبها من شوشتها ودها بيته اخذ اللي يبي منها ورماها في بيت اهلها في نفس اليوم
هذا اللي يستاهل الذبح ومع كذا ساكته وصابره تتنظر فرج ربي
استغفري ربك وهذا ابتلاء اصبري عليه
ربي يختبر فيه قوه صبرك

..هــــــــــــدب.. · 22-07-2009, 15:36

انتي صاحيه والا مجنونه اعذريني

والله كلامك مايدخل العقل منهو هذا اللي يحرضك ع القتل انتي عارفه عقاب ازهاق الروح؟؟؟؟

انتي بتتحملي عذاب الله وعذاب ضميرك واهلك واهله

الشخص اللي يحرضك هذا مو صاحي اجتنبيه هذابيوديكي بمصيبه

وبيهرب والله ما يقدر يفتح فمه
وبعدين مستحيل ام طليقك تتنازل الا الروح محد يتنازل عنها

الانسان هذا حاقد وبيدمرك انتي واهلك ابتعدي عنه واصرخي بوجهه

وانتبهي انتبهي لاتتورطي

والله راسي بينفجر كيف قلبك متحمل بس النيه بالقتل

كلنا واجهنا مشاكل والله ما يهون علي اللي قدامي لو

ايش ما سوى مقدر اهين احد كيف اقتل بعد

انتبهي لا يضحك عليكي تعبتيني بكلامك والله

كيان انسانة · 22-07-2009, 17:01

وكلي امرك لله هو وحده ياخذ بحقك
وشيلي هالفكرة من راسك

ريـمـآس · 22-07-2009, 17:35

مــآقول الا النــآر فـآتحـه ابـوآبهـآ وشـوسعهــآ اذا تـبين تـرروحينهــآ !!!

خــآفـي الله شـ الـتـفـكير قـطع متـحوووشه تقتـلين آدمي ؟؟

اقـول بس لآآيلعب عليج الملعون ذا الي يقـول لج قـتلـيه

اسـتـغـفر الله الـعـظيم اسـتـغفر الله لذا الحــد يعني مـآفـي خـوف من الله !!!

انـزين شـمـدريج يمـكـن وانـتي نـآويه تقـتلينه تمـوتين ولآقـتـلتيه وجذآ تسـجـل عليج الاثـم والـذنب

الله يـكملـج بعقـلج استغفر الله الـعـظيم

الوااادي · 22-07-2009, 17:46

الله غز وجل حرم قتل النفس فكيف تلاقين ربك يوم القيامة وانتي قاتلة نفس
ولاكن اختي الغالية هذة ابتلاء من الله لك فعليك الصبر واحتساب الاجر والمثوبة عند الله
واوكلي امرك الى الله وبيفرج همك دنيا واخرة اللهم فرج همها وكفها شر زوجها وشر من وسوس لها بالقتل

بقايا عاشق · 22-07-2009, 18:29

سلامات وش تقتلينه
من جد احسة فلم هندي

اقول اركدي يابنت
وهذا قريبك معليكي منه لا تزيدين الطين بله
الله يفك همك ويسر امورك ياررررررب

لدمعتي قصة الم !! · 22-07-2009, 18:53

واااااااااااااااااااااااااااااااااو حماس بالله عليك متى الحلقه الثانيه !!!!!!!!!

الحمد لله

انتى تحسبينا مجنين ولا وش

شكلك تاثرت بمسلسل

الله لا يبلنا

اذكري الله ولا تتبعى الشيطان وتكونى قاتله !!!!!!!!!!!!!!

شمعه الدنيا · 22-07-2009, 18:55

لاتبعين اخرتك علشان الدنيا

المؤمن يبتلى
والدواء الصبر

الج’ــمآل اليوسفي .. · 22-07-2009, 20:51

اختي لاتغلطين غلطة تندمين عليهآ لآخر يوم بعمرك..

حطي الله بين عيونك حرام تكسبين الأثم و الروح ماياخذها الا الي خلقهاا

استغفررر الله ..

حمدى مؤمن · 23-07-2009, 01:14

انا عندى الحل صدقينى والله
لو هاتسمعى كلامى اقوله لك
هو حل سهل وممتنع
اقول وامرى لله
- انت تقولى انه رفع عليكى قضية انه يردك او يدفعك اموال لاطاقة لكى بها
اليست هذه هى المشكلة
وتقولين انه طلقك عدة مرات وليست طلقه واحده لكنه مايذكر ذلك فى المحكمة لانه مايخاف الله
الحل
سارعى بالزواج ولن يحصل على شىء مطلقا وسترفض دعواه المحكمة لانك اصبحتى فى عصمة رجل اخر
ايه رأيك بالحل
بس خلاص لاتؤججى نفسك ولاعقلك
لو ان كل مطلق ومطلقة قتلوا بعضهما مابقى على الارض انسان
وقريبك هذا ماهو قريبك ولاشىء فكيف تتقابلى معه ليكلمك بهذا الانفراد وعن قتل عمد مع سبق الاصرار والترصد
انه مجرم وقاتل لكى انت وليس طليقك صدقينى انه يريد التخلص منك انت بدهاء منقطع النظير لانه يرى ضالته فيكى
ابتعدى عنه انه عدو لكى انت اقسم بالله
فليقتله هو اذا كان يرى ان القتل لعبة دينيا وقانونيا
انه يلعب بمشاعرك صدقينى لانه لايمكن ان يكون لديه مشاعر مطلقة لانه رجل فكيف يحس بمطلقة وهو رجل بالله عليكى
قولى له اتقى الله ونصيبك هايجيلك عند توقيته من عند الله وافضل شىء تسارعى بالزواج الان وفورا
تحياتى لكى وللمطلقات جميعهن

انجرحت في زمن لايرحم · 23-07-2009, 01:24

انتبهي لالالالالالالالالالالالالالالالالالالاتسوينها لاتضعين الدنيا والاخره اصبري وانسي وعيشي حيااااااااااتك بكرى ربي يعوضك باحسن منه
فكررررررررررررررري زين لاتسوووووووينها وتفضحين نفسك واهللك على دنيا سخيفيه

لوله العسوله · 23-07-2009, 01:39

استغرب كلامك
تقولي ملتزمه وهو قريب هل هو محرم لك لك كيف سمحتي له بعرض القتل وين اهلك ليه ما اشتكيتيه على اهلك
عموما العاقل ما يتصرف تصرفك فين ايمانك بالله
اختي الطلاق امتحان من الله اصبري واحتسبي واتركي الوسواس الخناس

الرومانسي 111 · 23-07-2009, 06:40

المريض وش دخله فيك ؟

لا يكــــــــــــــــــون ياحرام شايل همك وماينام الليل منه

والله احس انه حنون قريبك المريض

مايغمض له جفن ابدااااااااا

اهنيك على المريض اللي عندك

بالله ماله اخوان ابي واحد مثله مررررررررررررررررريض

استغفر الله بس

مدري وش تحسين فيه انتي ومريضك كلكم

الله يهديك بس ويردك لجادة الصواب ياكريم

ريم زينة الحريم · 23-07-2009, 07:00

استغفر الله واتوب الييه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

فكرت وقررت..ولاأدري برتاح وإلا لا؟...