عالم الحياة الزوجية - منتدى

طلاقي بداية نجاحي · 25-07-2009, 01:59

السلام عليكم ورحمة الله وبركاته
ماذا عن فلذات الأكباد لو تزوجت المطلقة ..!
من سيرعاهم وهل سيطالب والدهم بالحضانة وخاصة إذا كان قاسي القلب لايرحم
سؤال يتردد كثيرا لمن لديها ابناء مع أول خاطب ..!
هل تفكر بالزواج أم تضحي من أجل أبنائها ..!
حقيقة رواية مؤلمة والمطلقة تدفع ثمن ليس لها ذنب في ذلك ..!

..هــــــــــــدب.. · 25-07-2009, 02:29

والله يختي نبشتي همومي

هذا السؤال اللي محيرني ايش مصيرهم؟؟

احتياجنا للرجل كل يوم يزيد بس الاطفال عائق كبير للزواج

ايش بيكون مصيرهم ؟؟وين بيعيشون وهل يتقبلون فكرة رجل اخر في حياتهم

وحياة امهم بالذات اذا متعلقين فيها؟؟؟؟

والخوف الوحده تضحي وما تتزوج وبكره يتركوها وتعيش وحيده تصارع الندم

صدق حيره والمشكله المشاكل اللي نسمعها من الاطفال اللي اهاليهم يتخلو عنهم

انواع المشاكل يحدثها ابناء المطلقين والسبب اصحاب السوء

الام تكون مشغوله بحياه جديده والاب نايم بالعسل

انا ولدي الصغير رافض فكرة زواجي بالمره يقولي ياويلك لو تتزوجي

يغار مره وعنده دفاع قوي عني لو يشوف بكره زوجي يخاصمني الظاهر يقتله الله يستر

فعلا حيرررررره ايش مصيرهم؟؟؟؟؟

دنادوني · 25-07-2009, 03:25

أنا اشوف إن الوحده اذا جاها نصيبها فلا تتأخر لأن الدنيا فرص خصوصا إذا كان
رجل دين ويخاف الله ويتقيه ، وبالنسبة للأطفال فراح يعيشون ويكبرون سواء
مع الأب أو الأم وماراح ينادون غير أمهم أم والمرأة تحتاج الرجل بشكل كبير فلا تحرم
نفسها من الزواج ولا تقارنه بتجاربها السابقة وتتوكل على ربها وتبدأ صفحة جديدة
والأولاد اللي اصبحوا كبار راح يرفضون زواج أمهم مبدئياً ولكن مع الأيام
بيصير الامر عادي بالنسبة لهم لأنهم بيكبرون وبيشوفون حياتهم وعساهم بس
ماينسون أمهم إذا كبروا وفتحوا بيوت ويتذكرون التضحيات اللي سووتها عشانهم ..
أسأل الله ان يرزق كل مطلقة بزوج صالح يعوضها عن زواجها الأول ..
وأن يرزق كل بنت بزوج صالح ..وكل من يتمنى الزواج ..
مع تمنياتي لكي بالتوفيق ..

جومانه1111 · 25-07-2009, 05:13

الله المستعان...هاذى اكبر مشكله تمر فيها المطلقه

(من جديد ) · 25-07-2009, 05:21

الي بتتزوج وعندها ابناء تشرط على العريس الجديد انه مايحرمها من عيالها

ولو انه مارضى وطاوعته فلا تلوم الا نفسها

الجود المشاري · 25-07-2009, 06:13

أممممممممممم
بصراحه جيتي على الجرح
ماأدري يعني وش القرار اللي راح يكون صحيح التضحيه ولا الزواج ؟؟؟
طيب مثلاً فيه عندي انا سؤال ليه الأب مايضحي ليه على طول يرمي أولاده على زوجته ويصير حر ويتزوج ولا يشوف حياته بأي شكل ..
تصدقيني انا قبل طليقي قال لي كلمة
قال روحي بطلقك اساسا من يبغاك ؟؟
ترا قالها مو عشان نقص جمال ولا اخلاق ولا مكانه اجتماعيه هو عارف ان هالاشياء كلهاماتنقصني
لكن قالها لسبب واحد فقط
عشان وجود اطفال
يعني كأنه ضامن انك راح تشيلين عنه هالعبء وهو يرتاح ويشوف وضعه
وعلى فكره
برضه سبق صار نقاش على وضع معين ومشكله معينه مرينا فيها
المهم ان الموضوع ومافيه ان بعض اهله رغبوا ان ولدهم يجيب ولده عنده ويربونه
فقال لي عن هالقصه
وانه رفض يجيب الولد عشان حتى لو يتزوج بكرا مايقدر يظلم بنت الناس معه تربي ولده ؟؟؟؟؟؟؟؟؟؟؟؟
تصدقون هالكلام يطلع من اب ؟؟؟؟ لاحظوا كلها احتمالات لين الحين ماتزوج ولين الحين ماأنتهينا بس مشاكل وطلعه من البيت >>> في ذاك الوقت
يعني من أولها بايع ولده كيف طيب ودي بس اعرف وشلون قلب الأب ليه هو غير قلب الأم ..؟؟
تضحين بشبابك وحياتك عشان اولاد ماتدرين بكره وش بيصير عليهم هل راح يبرون فيك ولا ينسونك ولا حتى يجي ابوهم ياخذهم ....
لكن انا بصراحه اقول ان الواحد يتفائل خير يمكن ربي يسخر لك انسان يرضى بوضع اطفالك يمكن يكون احن عليهم من ابوهم اللي تاركم ماحد يدري وين الخير فيه
اعرف وحده
تطلقت وكان عندها بنت
ربت هالبنت واتوقع ومتأكده اكيد انه كان يجيها خطاب بس اكيد ترفض عشان بنتها
المهم كبرت البنت يمكن اربع خمس سنوات مدري بصراحه بالضبط وجا ابوها ونزعها نزع من حضن امها
صياح وبكا وقهر وحسره
لكن سبحان رب كريم يفرج الهم والكرب
عوض الله عليها بزوج مافيه منه حنون شايلها شيل زي السكره ماشاء الله تبارك الرحمن
وراضي لو تجي بنتها عندها بس ابو البنت لئيم مره
وجابت منه اولاد وعوض الله عليها
يعني ربي عارف بحال كل وحده خاصة لو صارت مظلومه ومقهروه ربي معها
وازيدكم من الشعر بيت
هاللي جا وشال بنته لين الحين ماتزوج شوفوا كيف سبحان الله

لدمعتي قصة الم !! · 25-07-2009, 06:35

والله حاله لا يعلم بها الا الله
انا احيان اقول خلااااااااااااااااااااص ابي اربي بناتى وخلاص

لكن لمن اشوف بعييييييييييييييييييني عقوق الوالدين اقول ليش كذا!!!

يعنى بنت عمى تطلقت وهي عمرها 18 واللحين بالاربعين تقريبا وجلس زواجها سنه

وجابت بنت وكرررررررررست حياتها لبنتها بس تربي فيها وترعها
حتى بعد سن السبع سنين لمن اخدها ابوها قلت لو تزوجت ماراح اتفضى لها جلست وتحملت

قبل امس شفتها بزواج قسم بالله البنت جالسه مع اهل ابوها ومحقره امها والله مابلغ

والى خلانى ابكى لا شعورى ان الام قامت رقصت على اغنيه هلى لا تحرمونى منه

حسيت رااااااااااااح انخنق من القهر وكان ودى اقوم اكفخ البنت

يعنى ربت وتعبت وبالنهايه البنت تحقرها !!!!!!!!!!!!!!!!!!!!!!

لوله العسوله · 25-07-2009, 07:27

الله يكون بعون كل المطلقات

قطاف الصبر · 25-07-2009, 12:07

طيب واللي ماتبغى تتزوج واولادها ماهم عندها محرومه منهم ايش الحل؟؟!!

مانقول الا الحمد لله ان امرنا بيد رب العالمين ...فنسأله العون

درر الخليج · 25-07-2009, 13:53

سبحان الله جيتم ع الجرح؟؟؟؟؟؟؟؟؟؟؟تطلقت والاب اخذ عيالة لكن يبغي يعمل المستحيل عشان عيالي مايتواصلوا معي..........رجل شرير لا والزينة الرجال الجديد بدأ يتأفف لما اقول بروح اشوف عيالي قلت ماعلي منك؟؟؟؟؟واروح ازورهم واخلية....والان ابو الشباب مطنقر زعلااااااااان......يعني نار من جهتين خلاص تعقدت حياتي مدري وش ارضي لكن حتي نفسي ماقدرت ارضيها اتمني اهرب مكان بعيد واضم عيالي واعيش معهم للابدرجال هالزمن بعضهم مايخاف الله اناني لو نعطيهم القمر بيدينا ماكننا سوينا شي............لكن حسبي الله ونعم الوكيل...

طلاقي بداية نجاحي · 25-07-2009, 13:53

اقتباس:

المشاركة الأصلية كتبت بواسطة طليقة تيفا

والله يختي نبشتي همومي

هذا السؤال اللي محيرني ايش مصيرهم؟؟

احتياجنا للرجل كل يوم يزيد بس الاطفال عائق كبير للزواج

ايش بيكون مصيرهم ؟؟وين بيعيشون وهل يتقبلون فكرة رجل اخر في حياتهم

وحياة امهم بالذات اذا متعلقين فيها؟؟؟؟

والخوف الوحده تضحي وما تتزوج وبكره يتركوها وتعيش وحيده تصارع الندم

صدق حيره والمشكله المشاكل اللي نسمعها من الاطفال اللي اهاليهم يتخلو عنهم

انواع المشاكل يحدثها ابناء المطلقين والسبب اصحاب السوء

الام تكون مشغوله بحياه جديده والاب نايم بالعسل

انا ولدي الصغير رافض فكرة زواجي بالمره يقولي ياويلك لو تتزوجي

يغار مره وعنده دفاع قوي عني لو يشوف بكره زوجي يخاصمني الظاهر يقتله الله يستر

فعلا حيرررررره ايش مصيرهم؟؟؟؟؟

بالنسبة لولدك ياقلبي لو تحاولي توضحي له الصورة
إني لو تزوجت بأخذك معي وبأشترط إنك تكون معي
حاولي تقولين له أنا وأنت مصيرنا واحد وماأحد يقدر يفرقنا عن بعض
وإحمدي ربك ياأختي ولدك الخيار له
أنا بنتي حساسة ودائما تبكي ومقطعة قلبي
وكلما جاني خاطب تتمسك فيني وارحمها وارفض
(اللهم من فرق بين أم وولديها فرَق بينه وبين أحبته يوم القيامة )..!

طلاقي بداية نجاحي · 25-07-2009, 13:57

اقتباس:

المشاركة الأصلية كتبت بواسطة دنادوني

أنا اشوف إن الوحده اذا جاها نصيبها فلا تتأخر لأن الدنيا فرص خصوصا إذا كان
رجل دين ويخاف الله ويتقيه ، وبالنسبة للأطفال فراح يعيشون ويكبرون سواء
مع الأب أو الأم وماراح ينادون غير أمهم أم والمرأة تحتاج الرجل بشكل كبير فلا تحرم
نفسها من الزواج ولا تقارنه بتجاربها السابقة وتتوكل على ربها وتبدأ صفحة جديدة
والأولاد اللي اصبحوا كبار راح يرفضون زواج أمهم مبدئياً ولكن مع الأيام
بيصير الامر عادي بالنسبة لهم لأنهم بيكبرون وبيشوفون حياتهم وعساهم بس
ماينسون أمهم إذا كبروا وفتحوا بيوت ويتذكرون التضحيات اللي سووتها عشانهم ..
أسأل الله ان يرزق كل مطلقة بزوج صالح يعوضها عن زواجها الأول ..
وأن يرزق كل بنت بزوج صالح ..وكل من يتمنى الزواج ..
مع تمنياتي لكي بالتوفيق ..

بس اكبر جرح لها لما اطفالها ينتزعون من حياتها عنوة
الرجال وش كثرهم بس حياة اطفالها وين بيروح مع اب قاسي لايرحم وغير مسؤول ..!

الماليزي · 25-07-2009, 14:03

والله من جد الله يعينكم ومن جد شئ يحير

الله يفرج همكم يارب ويسعدكم

تحياتي،،

طلاقي بداية نجاحي · 25-07-2009, 14:03

اقتباس:

المشاركة الأصلية كتبت بواسطة لا انحني الا لخالقي

والله حاله لا يعلم بها الا الله
انا احيان اقول خلااااااااااااااااااااص ابي اربي بناتى وخلاص

لكن لمن اشوف بعييييييييييييييييييني عقوق الوالدين اقول ليش كذا!!!

يعنى بنت عمى تطلقت وهي عمرها 18 واللحين بالاربعين تقريبا وجلس زواجها سنه

وجابت بنت وكرررررررررست حياتها لبنتها بس تربي فيها وترعها
حتى بعد سن السبع سنين لمن اخدها ابوها قلت لو تزوجت ماراح اتفضى لها جلست وتحملت

قبل امس شفتها بزواج قسم بالله البنت جالسه مع اهل ابوها ومحقره امها والله مابلغ

والى خلانى ابكى لا شعورى ان الام قامت رقصت على اغنيه هلى لا تحرمونى منه

[center]حسيت رااااااااااااح انخنق من القهر وكان ودى اقوم اكفخ البنت [/

يعنى ربت وتعبت وبالنهايه البنت تحقرها !!!!!!!!!!!!!!!!!!!!!!

العقوق نادرا في مثل هذي الأمور
بس أنا أشوف نفسي وحياتي مع ابي الذي طلق أمي
وامي ضحت عشانا كثير والحين والحمدالله نحبها ونبرها ونقدر جميلها
بأنها ضحت وتعبت عشاننا كثير
بس أخاف أتزوج وبنتي يكون مستقبلها مظلم مع حياة ابيها التي لاتطاق
وربي لو كان حنون ورحوم مااخاف عليها هذا ابوها
بس هو مريض نفسياٍ ممكن يؤذي بنتي
أسأل الله أن يريح بنتي منه

فيزيائية · 25-07-2009, 17:07

فعلا سؤال صعب جدا الاجابه عليه الله يفرج همنا من عنده
في الواقع وحده من زميلاتي لها ثلاث اولاد اتطلقت ورفضت تتزوج لمدة عشر سنوات وهي مع اولادها وبس ولما اراد الله اتزوجت انسان كفو مهتم فيها وباولادها واولادها يموتون فيه وسعداء والحمدلله
ووحدة من قريباتي كان عندها بنت وتطلقت ربت بنتها وما تزوجت لمدة 15 سنة وبعدين الاب زوج بنته صغيرة فرحت فيها امها واتزوجت بعدها على طول ورزقها الله ولد وهي متعديه الاربعين
كل شيء بامر الله سبحانه قسمة ونصيب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماذا عن الأبناء لو تزوجت المطلقة ..!