عالم الحياة الزوجية - منتدى

بيـ مسافات ـننا · 25-07-2009, 02:31

مــرحـــبا لكــل الداخــــلين والطـــالعين

حابه أستشيركم بنقطه معقدتني ..

أنا بنوتهـ الشهر الجاي بكمل 23 سنه بالضبط <<< دقيقه مره

واتقدم لي واحد مواصفاته تمام الى الآن لكن مشكلته صغير عمره 25 سنه وأنا متأزمه بسبب

عمره حتى أهلي يشوفون انه صغير بس لأنه شخص جيد الى الآن , قالوا نكمل

ونشوف .. ماعندنا شباب يتزوجون بهذا العمر من قرايبنا يمكن هذي النقطة

مخليتني أتعجب شوي من عمره زياد على الأسباب اللي راح أذكرها ..

أنا أميل للرجال اللي أكبر بكثير يعني مايخش مزاجي الا بالثلاثينات وكل ماكبر كل

ماعجبني أكثر .. يعني ماكنت أتخيل آخذ واحد أقل من 27 سنه لا وبعد أحس

اني متنازله ..

أحترم كل رجل بعمر 25 لكن أنا تفكيري أكبر من عمري وآخاف ما أتوافق معاه لأني أشوف كثير شباب

بهالعمر مابعد نضجوا كفايه .. ونسبه عاليه مايتحملون المسؤوليه وأرجع وأقول اني ما أعمم ..

يعني الفرق بس سنتين أبداً مافيه فرق بيننا..!!!!

بالاضافة الى أن المرأه دائماً تنضج فكرياً قبل الرجل ..حتى بالشكل بعد كم سنه يطلع شكلها أكبر

منه

هل الموضوع يستحق اني أكمل أو لا .. وكيف أعرف اذا هو شخص يقدر يتحمل مسؤولية الزواج ..؟

يعني فيه دلائل أو مؤشرات ..؟

أتمنى تفهمون وجهة نظري

وشكراً لكل من ساهم بالرد و قدم لي النصيحه اللي تساعدني باتخاذ القرار والله يعطيكم العافيه

THE SKY COLORS · 25-07-2009, 02:37

والله اذا هو رجال وعلى خلق ودين ويستاهل ليه تتركينه بعدين 25 ابدن مو صغير
ياحبي لك فيه بالاربعين مايعرف يفتح بيت وفيه 17 يبفتح بيتين يعني مو شرط
اسالو عنه واستخيري والله يكتب لك اللي فيه خير

عسولة غامد · 25-07-2009, 02:37

هههههههههههههههههه
تصدقي انا بعد شهرين كمان راح ادخل 23 وخطيبي عمرة 25

** صدقيني العمر سواءا كان كبير او صغير مافي اي إشكاااااااال... اهم شئ الأخلاق

أنااا أنااا · 25-07-2009, 03:10

مـرحبا حبيبتي مسافات..
يمكن اسلوبي راح يخوني شوي، لكن اللي أبي اوصله لك إن فارق العمر مهم لكن اذا الرجل كامل من خلق و تعليم ومركز، لا تتركين العمر عائق لك بالارتباط فيه، مثل ما أنتي تفكيرك أكبر من عمرك يمكن هو يكون نفس الشي و يكون معتمد على نفسه في أشياء كثيره، في شباب ماتجاوزوا الـ 20 من عمرهم والله فاتحين بيوت و عندهم أطفال لأنهم ناضجين فكريا و متحملين للمسئوليه ومعتمدين على أنفسهم حتى في تكاليف الزواج..

و يمكن تقارب العمر بينكم يكون سبب في تقارب طريقة تفكيركم..

بسؤالك عنه راح تعرفين اذا هو رجال يُعتمد عليه و متحمل للمسئوليه أو لا..

الاستخاره الاستخاره الاستخاره يامسافات..

الله يوفقك حبيبتي و اذا فيه خير لك الله ييسر أمورك و يتمم لكم على خير..

طبعي شيوخي · 25-07-2009, 03:40

فديتج يالغلا اهم شي الاخلاق

ودامه الحمد الله اووكي وافقي

ومب شرط العمر الصراااحه

اهم شي انه يحبج ويقدرج

وربي يكتبلج الى فيه الخير ان شاء الله

أنين الأمس · 25-07-2009, 04:03

حبيبتي عمر العمر

ماكان مشكله

في بعضهم عمرهم

اقل من 25 ويتحمل المسؤليه

أنا خطيبي عمره 32 سنه

وانا عمري 27سنه

وبصراحه انا معك انو اللي عمره

25سنه مو قد المسؤلية

مع احترامي وتقديري لكل الشباب

والشباب كلهم خير وبركه

والله يوفقك وييسرلك
اللي فيه الخير ويقدمه لك

ياااااااااااااارب

اعاند احساسي · 25-07-2009, 05:22

الله يوفقك يارب واهم شي حبيتي استخيري وربي يكتبلك الي فيه الخير
وعلى قول الاخوات في رجال بالاربعين مايقدروه يتحماوه مسؤلية انهم يفتحوه بيت
والله يكتبلك الي فيه الخير

new dawn · 25-07-2009, 05:52

الله يكتب لك اللي فيه الخير

زيــ أبيهاــــنت · 25-07-2009, 05:59

عادي عمر العمر ماكان مشكله
اذا كان يستاهل لاترفضيه
باااي

كيان انسانة · 25-07-2009, 08:14

ماراح يكون كل الرجال اللي اعمارهم 30 وفوق تفكيرهم كبييير يمكن تلقين واحد تفكيره
اقل من عمره تفكيره تفكير مراهق
ويجيك واحد ببداية 20 رجال يعتمد عليه بكل شي
انتي استخيري وربي يكتب لك اللي فيه الخير

AHM22 · 25-07-2009, 10:12

العمر مو مقياس وثاني شي الرجل 25 سنه يعتبر كبير وحان وقت زواجه انتي لا تقيسين هذه على اهلك واخوانك وعيال عمك كل واحد حر بحياته مو شرط لازم 30 او 27

شوفيني انا عمري 22 سنه وناوي بأذن الله على الزواج

حـــــــــلا · 25-07-2009, 10:17

اقتباس:

المشاركة الأصلية كتبت بواسطة the sky colors

والله اذا هو رجال وعلى خلق ودين ويستاهل ليه تتركينه بعدين 25 ابدن مو صغير
ياحبي لك فيه بالاربعين مايعرف يفتح بيت وفيه 17 يبفتح بيتين يعني مو شرط
اسالو عنه واستخيري والله يكتب لك اللي فيه خير

كلامها صح

الله يوفقك ويسعدك

أختك

احبابي عافوني · 25-07-2009, 11:09

السلام عليكم ورحمة الله وبركاتة ::
رأئيك من رأئيي. بس الزوج أذا كان قريب من عمر زوجتة يكون قريب منها هذا أنا الي شايفة اما أذا كان اكبر منك 4 سنوات ولا 10 بيقول عنك لساتك مو فاهمة في امور و ما ياخذ برأئيك نصيحتي لكم.. أذا تقدمو لكم رجال وهما اكبر منكم لا توافقون. لو تقدم لك شااب عمره 27 وانتي عمرك 17 لا توافقي وأذا سألو اهله عن السبب قولي عمره كبير ما نناسب بعضنا.
أنا عمري 18 وعندي اخت اكبر مني وعمرها 25 تقدمو لي وهو اكببر من اختي بـ 4 سنوات طيب ليه ما يتقدم الى الي تناسب عمره وافكاره بتكون قريبة لأفكارها اكثر وأنا صغيره ما نناسب بعض لا تقولون يمكن عاجب بي ولا اهله عاجبين بي لا هو بباله ياخذ بنت صغيره عشان ايش كل هذا عشان مثل ما انتو عارفين وبعدين يتركها وكل ليلة سهران في المقهى مع الشباب ويوم عند خويك ابو سعد ويوم عندك ويوم عند ابو نايف ولو طلبت منك مشوار بسيط ولا زيارة صديقتها بيقول أنا وأنا وانتي كل يوم تبين تطلعين والمرا ما لها الا بيتها هذا الي عارفينه وملينا من سماعه وانتو نهارومساء هايتين بشوارع ولو تكلمنا قلتو احنا شباب وانتي الحين تزوجتي مب عند اهلك ما وراك بيت ولا زوج تهتمين فيه ولا تفهمين واهلك ما علموك
طيب انت تبي بنت صغيره تحملها دللها سوي الي تطلب منك.
وفيه كلام كثير ما ذكرته خصوصآ أذا كان الزوج كبير والزوجة لساتها ما عدت 20 سنة.
وعشاان مشكلتك قلت هذا الكلام كله وأنا اقول لك وافقي. لأنو مب كل سنة بيجي شاب يطق بابك. والبنت في عمرك حلو انها ترتبط. وربنا يسهل.

حبيب الغالية · 25-07-2009, 13:20

كلام احبابي عافوني ممتاااااااااااز ..

الفرق الكبير له ميزات (شكلية) ... لكن الفرق البسيط له فوائد عظيمة و الزواج يكون أطعم و أكثر تفاهم و تقارب ..

يعني تكونون أصدقاء و أزواج في نفس الوقت ... ولكن الفرق الكبير يولد البعد خصوصا من بعض الأزواج ... يعني كأنه متزوج للفراش فقط ... يحس ببعده الكبييييييير في تفكيره عن زوجته .

هذا رأيي ....... 5 سنوات كحد أقصىىىىى

ناعسه الهدب · 25-07-2009, 13:51

استخيري الله وربي يكتب لك اللي فيه خير لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ايش رايكمـ بالــ 25