عالم الحياة الزوجية - منتدى

الذهب ما يصدا · 26-07-2009, 10:53

السلام عليكم ورحمه الله وبركاته
كيفكم انشالله طيبين
اخواني اخواتي ابي رايكم انا سبق وكتبت مشكلتي بس بقولها لكم مختصرها انا طالعه من بيت زوجي لي سته شهور وهو الي غلطان وغلط كبيير طبعا من طلعت لا صرف على بنته ولا حتى جاء وشافها ولا المصيبه اني عرفت من كم يوم انه مسافر يدرس طبعا 7سنوات ولا هو سائل على احد ولا جاب ورقت طلاقي وش رايكم اروح المحكمه واطلب ورقتي ونفقه لبنتي وش تنصحوني فيه
وممكن الشيخ يطلقني غيابي
الله يجزاكم خير

حزن الكون.. · 26-07-2009, 11:07

الله يفرج همك
داااايما اقول مابقى الا اشبااااه الرجال معاد فيه رجال
مع احترامي لشوية الرجال الي ينعدون على الاصابع

مجنون بسـ حنون · 26-07-2009, 11:10

اية روحي المحكمة
وبيجيبونة زي الكلب >>> سوري على الكلمة

سلامات يعني كل هذا مافية انسانية؟

شجون الصمت · 26-07-2009, 11:48

اصبري ودعي ربك يحل المشكة والله يهدية ولا تستعجلين للمحكمة وجع الراس

ملانـه · 26-07-2009, 12:01

انا اقول .. كلميه .. حتى لو هو غلطان .. وتفاهموو ..

قوليله شو سالفتك و اذا بعده يباك .. وانج تبين تطلبين الطلاق .. اذا ....

كلميه بالهداوه .. احسن لج من الطلاق ..

حااولي معاااه ..

اذا ما شي فايده .. صلي استخاره .. الطلاق ولا الصبر

غــريب · 26-07-2009, 12:11

رأيي اصبري حتي تتأكدي من ناحيته هو ان كان فعلا

ينوي علي الطلاق ويخطط لهذا من البداية اما انه فقط يعاقبك بهجرك وبعده عنك فترة كبيرة

كثير من الرجال يستخدمون البعد مسافات طويلة لمعاقبة زوجاتهم

اطمئني اختي انتي وابنتك غاليين عليه ولكن ربما تكون دخلت بعض الحساسيات بينكم

زوجك ينتظر ان يري بعض التمسك به من ناحيتك اضغطي قليلا علي نفسك وتقدمي انت بالصلح باي طريقة خفيفة

وعندها تعرفي ان كان هو بنتظرك بسسب الم ما سببتيه له وجرح كرامته ويتنظر ان تصلحيه بنفسك

او انه لا يريد تكملة الحياة معك ولا تنسي اختي ان لديك طفل او طفلة تحتاج لكل منكما

اعرف سيدات تحملو العمر كله عذاب مع ازواج لا تطاق بسبب خوفهم علي اولادهم

لا تفكري وسارعي بالصلح ولكن بدلال وخفة لا تكوني متعجرفة او متكبرة عليه يجب ان تكون اول كلماتك له انك اشتقت اليه

ربما يكون بحاجة لمعرفة مقداره عندك

اتمني لك التوفيق كما اتمني ان يكون اخر ما تفكري فيه هو موضوع الانفصال

الــ ق ــلب · 26-07-2009, 12:14

نصيحة ارجعي ليس لك الا زوجك واذا مو من اجلك

على الاقل من اجل بنتك

نواره الدلوعه · 26-07-2009, 13:08

زوجك وبس
واصبري قد ما تقدري
وبنتك لاتعيشيها بعذاب البعد عنك وعن ابوها
الله يهدي سركم

محتااج حناان · 26-07-2009, 13:27

اخت الذهب ما يصدأ:
مساء الخير والنور والسرور
حبيت ابين لك حاجه مهمه .... وهي انه المشكله اللي طلعتي منها لبيت اهلك هي السبب في الجفاء بينكم ..
لك ست شهوور وما حصل اي تطور في المصالحه ..
الان دور الاهل والاقارب لتقريب وجهات النظر ...
هم المسؤولين في الصلح قبل المحاكم ..
لازم يصلحلون المشكله الاولى بينكم اللي صارت قبل ست شهور ..
قبل المحاكم لأن الازواج من يدخلون مع بعض المحاكم في الغالب مايصير خير والله اعلم ..
وين اخوانك وابوكي وعماكم وخوالك
وهو وين اهله وامه وابوه واخوانه وخواته ..والا كلن منكم ساكت والشيطان ملعون الوالدين يشتغل بينكم .. \
واتوقع ان المشكله والغلط الكبير له حل ..
لا زوم تدخل احد عاقل بينكم ويحل الموضوع اما بالتراضي والمسامحه والمخطي يعتذر من خويه او بالانفصال وهو شر علشان البيت اللي بنكم مين لها بعدين ... لا تنسوون هذا الامر وفكروا زين بمستقبل البنت لانها تحتاجكم كلمك معها .. الله يصلح الامر ويبعد الشيطان وعيال الحرام عنكم يارب

كـلـي حـركات! · 26-07-2009, 13:41

اذا مارد عليج لازم تضطرين اتروحين المحكمه تطلبين الطلاق هذي مب حاله

كلي حركات!

الذهب ما يصدا · 26-07-2009, 13:41

شكرا لكم بس انا حابه اقول اني سبق وكلمته وذليت نفسي عشان بنتي مو عشانه لاكن ولا فارقه معه واهله مشجعينه على الي يسويه واهلي ما يقدرون يتدخلون لانه تشين معهم كلهم صعبه ارجع له بعد هاذا كله ما حشم لا كبير ولا صغير و7سنوات كثيره مع العلم اني ما افكر في الزواج بتاتا لاكن مو لهدرجه

لـــمـــى · 26-07-2009, 14:04

وش اللي اصبري و يعاقبها و مايعاقبها !!!
تصبر 7 سنين بعد ؟؟؟
حبيبتي
سويتي اللي عليك
و صارت الشغله مذله !!!
روحي للمحكمه و طالبي بحقوقك و بما انك طاب خاطرك منه و من أفعاله و ماتقدرين تصبرين خلاص اطلبي الطلاق
بس لا ترخصين نفسك لأحد لأن وربي مااحد يستاهل
و بنتك لها رب يحفظها و يحميها ماوقفت حياتكم على انسان لا طلع ولا نزل
و سواء فكرتي بالزواج او لا هالشي بكيفك انتي مو عشانه ولا عشان غيره
بالتوفيق

بندر عبدالله · 26-07-2009, 14:10

لاحول ولاقوة الا بالله
شاوري من يملكون الحكمه والعلم

وانتبهي من اللي يبي يكحلها ويعميها
تطلقي وغيرها
الركاده طيبه

د.رحاب · 26-07-2009, 14:32

شاوري الوالد واخوانك .. وشوفي رايهم بلأول والي يقولون عليه سويييه لآنه ((برأي الشخصي )) الشخص الي ما يتنزل شوف بنته مده 6 شهور ما هو بإنسااان حد يستغني عن فلذه قلبه قطعه منه !!!

الله كريييييم خلصو الرجااال وما بقى غير اشباه الرجاال .. الله يعوض صيرناا خير بس ...

لسعة جنان · 26-07-2009, 17:43

والله لو ايش اصبري وشوفي

ظل راجل ولا ظل حيطه

واذا انتي شايفه ان هالرجل ولا شي بنظرك لا تنسي ان هو كل شي بنظر بنتك

لو الوحده مننا ما صبرت عشان عيالها كان وعينا عالدنيا وامهاتنا مطلقات

الله يهدي سركم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفون ردو علي