عالم الحياة الزوجية - منتدى

سحرالحب · 27-07-2009, 15:37

ليــله لو بـآقي لـيله ~{ دويتو

بقلم : وآخزيآهـ وأم جدآيل

وآخزيآهـ:

بسم الله الرحمن الرحيم

أحد قال سماجهـ..؟
أحد قال مرض..؟
أحد قال مــ& عجز وانتم بكرامهـ..؟
بالفعل ذءهـ واقعن يحوم التسبد وينغص منامات الجن والانس

يااااربييه وتقولون لي خليتس مره وتقولون لي الحريم مب بثراات قسمن الواحد صار يستحي هالوقت يقول انه بنت !

بليلة الخميس الموافق امس وبينما انا منجطله على السرير تسني فقمتن نافقه ومالي من الشيطان طاري وقاعدين انا وجديلتي نغازل بعض من البطره~
قررنا في ساعه مشؤمه ندق سلف لحدا هالمنتديات النسائيه وماادراك ما المنتديات النسائيهـ!!

,’
اعلان:
الحقن يبنات طريقه تخلي الزوج يقول لتس كلام حب خلال 24 ساعهـ <~ياحياه الشقى
جديد:
رجلي ينام بسروال السنهـ وش السوات؟
عاجل:
ابونا معيي علي نسافر للشرقيه بالقيطار

لايفوتك:
ليلتي اللي ماقمنا عقبه الابعد اسبوع(بالصور المتحركه)

..!!

طبعا هاذا قطره من بحر مابعد خشينا بالعميق..

سكرو النور واربطو الاحزمه استعدادا للاقلاع ورجاااءن مانبي حركات نص كم لان الرحله مطوله..

1/الالعاب الزوجيهـ:

من تبدا تدخل المنتدى الاوتلقى هاكا "التوقيع" اللي يشوفه العمى ومكتوبن عليه العاب زوجيه !

سارعي قبل نفاذ الكميه"ممنوع دخول المراهقين" ..(خشت ولد توه مخشن صوتهـ)

همن يتراكضن هالمهبل عشان يقشقشن من هالخرابيط وماتشوفون الاغبرتهن بزعم انهن بيطيحن رجالهن هالحين قسمن مادرى عنتس انتي وقراطيستس !!عساه يخلص حاجته ويسحب..

لعبة العصا المضيئه (عصير غوار مهب لعبه)

عزيزتي العريسهـ لما يطفى الكهرب عليكم ماعليتس الا انتس تقومين وتأشرين بها في عين رجلتس وتقولين انا هناا من باب الظرافه يعني..
لحظتها بيلحقتس واذا خلصتي كبي اللون على جسمتس لين تغدين تسنتس لوحه تموينات وبيخق همن تعيشون حيات سعيدهـ..

تسني بتس يام جدايل تراكضين انتي ورجلتس بهالعصيان

**
موظي وهي تسولف مع جارته ام اثير ياكلون فشفاش ويشربون نعناع..ومطيحين سب برجالهم تهمس اميظي :مالتس علي يميين يم اثير ان ابونا ماغير يوكلن من هالتبن..
واانا يحول دابتن سليمه لااهش ولا انش..
تعدل ام اثير الجلسه وتدق الصدر بحاله هستيريه فتطلق صرخه مدويه
هزهزت اركان البيت ازهلللليه ازززهلييه ازهلييه ياميظي وانا مرت فادي..
ترد موظي هها وش عندتس..
عاد ام اثير مثقفه ودايم على النت قالت شوفي
انا مره جاني زوغة عقل .. ودخلت هكا المونتدى الفوشي .. وقلت بدخل قسم الحياة الزوجيه حيث اني ابي اتثقف حالي حال الحريم قالت موظي : الله واكبر حبكت الثقافه يوم كبرتي وطقيتي الـ 39
أم اثير:اعقبي خليني اكمل كلامي انا منيب مثلتس داقمتن عمري .. اسمعي عاد .. وادخل والقاهم طايحين في شيّن اسمه العاب عااد تخيلي [سعودي يلعب لعبه مع زوجته ]
- هاااااااااااو مير تشرق موظي وتهبدها ذيك مع ظهرها .. قالت تقولين صادزه قالت والله منيب اتسذب زد عمرتس شفتيني اتسذب عليتس هاه !!
موظي:لا والله التسذب خيبه بس اخبرتس جحوده وماتطلعين الهرج..
- لامنيب جاحده هالمره بثقفتس..شوفي بس هما لاجا رجلتس تافلن العافيه من العمل عاد انتي انقزي واحظنيه..

طررطاخ <~صوت بيالت الشاهي راقعتن بجبهت ام اثير
- وووجع وش جاتس لمختين
-صاحيه انتي صاحيه تقولين هالحتسي وش اللي احظني ومااحظنني وين احظنه بالصاله بعد عشان يخلين انا والارض واحد..
.. ردت ام اثيرايييييه وصلنا خيير .. اللعبه هذي بتفك العقده ..
قامت وفتحت اللاب توب وقالت شوفي هالالعاب هذي ..

عندتس لعبت الكوكاو تجي معه هديه براطم ومصاقيل ..ترد ذي اقول هها بس ابونا به سكر قسمن ان ماتعدي نص الليله ولاه طايحن علي (صح يالرومنسيه)

اما ذي مدري وش سنعهـ بس لاسمح الله وتبي تسون لكم فنتو ولا شي وخلص ثلجكم حطيه وسكري اللنمبات بس انتبهي لاينفض براطمتس

و لابغيتو تسوون حفله بالظلام وتشربون ويسكي ولاالكيسان مولعه <~تسمع بالرومنسيه ذي

وهذا اذا بغيتي سريركم يولع .. تسنكم في عرس عقودهم فسفوريه شغليها

وهنا جن يساعدونتس في الرومانسيه بسم الله شوفيهم عيون وقلب بس ..

وذي عاااد ازيين لعبه تخليتس انتي و رجلتس تسنكم معاريس..

ركزو لي على همسه ولمسه بالله

موظي شاقه الحيا:هههيهيهي
ام اثير:يحليلتس تستحين
موظي:هها بس اعقلي وعلميني عن هاللعبه
وراحت ذيك تعلمها وتفهما وكلش .. وخلص الحتسي وكلن راح لبيته .. يطبق هالالعاب لين انكرشن من رجالهن وعرفنان الله حق..
سااده يعني وشوله الحوسه والقروشه ..؟
ترى البساطه زينه ياحريم البلا لو انها تسوي ليلة رومانسيه على حق وحقيق كان محد نقد عليها لكن العاااب اضائه . وشروخ وصواريخ ونوافير وقمر وشمس
ليه طيب ؟

ماظنتي فيه رجال ينبسط على هالخرابيط من وجهه نظري يجاملها اول مره اذا كان فيه خيير واذا بايعها كرشها وكسر مجاديف والدينها
يعني نصيحة يابنات لا تطاوعون هالنوعيه وقسماً حركات ولامبزرت المتوسطه ..يعني بدال هالقروش اللي تضيعينهن بهالمطاريس سنعي دارتس ابرك
اثاث راقي ونظافهـ ووجه سفر وريحة زينهـ افضل لتس من هالخرااااااابيط الغبنه انهم يلعبون على هالحريم وذولي يصدقن..

2/حركـآت الترللي:

اقتباس:
ألبسي ملابس اسبورت برتقالية اللون ولا تنسي الحذاء البرتقالي والماكياج البرتقالي الصارخ.

معرسن على واحدن من البلديه مب آدميه

اقتباس:

ضعي علي الطاولة عصير برتقال وكيكة البرتقال

زيني المكان ببالونات بيضاء وبرتقالية اللون واحضري برتقال الزينه وعلقيها في كل زاويه

شكله ذي مقطوعن سره بمزرعه بردقان الله يحوم تسبد العدو اجل ليله رومنسيه ونقرض من البردقان ياشيخه روقينييي

اقتباس:
يذهب للحمام وبالتالي يحصل على المفتاح للدولاب ويفتح الدولاب ويتفاجأ بالبالوانت والهدية

وااااااااااااااااااااااو

ياااربااااه بلالين بلالين

طيب سويت ذا الحركه والمطلوب؟ زاد معدل الحب؟ سويت حركه اغراء؟ زياده فتنه؟

ياصبر الارض بس

اقتباس:

وخمس بالونات كتبت فيها (اوامر) .. مثلا : أأمرك ان تقوم بعمل مساج لي في ..... أو اامرك ان تقوم بالنط على السرير 5 مرات ... خلي بعضها مغري وبعضها مضحكه

عنبوتس مهبوله انتي؟ رجال كبر الحمار وتبينه يدابتس فوق السرير طيب وان جاتس طرنمبه واللياقه صفر عالشمال
اقعدي به مير مااخبل منتس الا هو اللي مسايرتس وشكله وقتها لو قلتي له نط من السطح وافق مب لله عشان يكمل الليله على خير

فـــــآآآآصــــل

اقتباس:

عزيزتي الم يخطر في بالتس مد حب الزوج للعبايه حيث انه عندما يرى شيئاً اسود

يتزلزل كيانه فما بالك عندما تكون للرومانسيه .. وفي البيت ..
كل ماعليك .. تنظفين بيتس وتعطرينه وتجهزين شنطتس .. وتلبسين عبايه بس لحالها بدون شي تحت ..

وتحطين مكياج وعاد انتي واختيارتس في العبايه .. انتبهي الله لا يخزيتس تلبسين عبايه اسلاميه تبرق ..

وتنتفخ في المشي لانها لاتغري .. البسي مخصصصره .. وان كنتي دبيه .. اضمري بطنك والبسي شد .. ولا تتنفسي كثيراً

حتى لا يخرب شكل المخصر .. واجلسي بإنتظار زوجك عشان تلعبون حريم .. ولا تنسين تجلسين ع الكنب الا وانتي ملثمه

قومي بتشغيل اغنية حمام جانا مسيان ولا سلّم عليا .. وارقصي بغنج .. عاد انتي دبر عمرتس اخلقي رقصه خاصه بالعبايه
حينها سيراكِ زوجك بهاذا الشكل ويجنّ جنونه .. اذا كان من الفاهمين راح يطامر من الروعه ويشهق ويقول انهبلت .. واذا
كان دبشه راح ينسجم بالجو ويعش اجو بحرينيه بعدين شغلي اغنية تايتنك .. والبسي برقع الصقر عشان خدودتس تطلع
وارقصي معه ولا تنسين تلوينه ظهره لانه صار حرمه مهوب انتي بتقولين وشوله هالحقران بقول لانتس فقدتي عقلتس وجربتيها

جيــــناكم

3/حركات التميلح:

تقول قلب زوجها

اقتباس:

بقول لكم حركة اذا سويتها احس زوجي ينبسط

لما نكون نشاهد التلفزيون اخلي راس على رجلية ورجولي بأتجاة اللتلفزيون (زي الأطفال) ههههههه

هو عفويآ يجلس يمسح على راسي

اذا شفت فية تفالع هههههههههههه ( تفاعل) بحكي لكم الباقي

طيب وش نزين لتس؟ نخق على رجلتس همن ندوره عشان نعرس عليه؟ ولانقول ياحظه اخذتن ذرب
ههابو من مسكتس كيبورد

تقول قلب دحومي
اقتباس:
هلا خواتي
انا الصراحه ابو الشباب اذا جاء من اي مشوار ......قبل البزران كان يناديني بسمي وحيانا حبوبتي
وعقب البزر الاول صار يناديني يا..................بنت الحمدلله مخليني صغيره واذا عصب ؟؟؟؟؟؟؟
يناديني وجع عادي لاني ارفع ضغطه ههههههه
بس يحبني. اذابغاء عشاء زين تعالي شوفي انواع التميلح عشان اسويله عشاء يفتح نفسه يستاهل يدلع ويشوف الزين كله وه يارب يخليه لي وللبزارين
هاذا اللي يسمونه بعلم النفس الشعور بالنقص

لو احلف ان الحب والدلع ذا اللي تقول عنه هو طراقين قبل وبعد العشا وبقس سفري على الطاير

اقتباس:
انا عروس لي شهر وخمس ايام بالزبط

وبصراحة اكتشفت بعد الزواج اني دلوعه من غي ماادري

انا بشهر العسل انادي زوجي بيبي او عنوني

وهو ينبسط

واحيانا اناغيه زي الاطفال

واحب اذا زعلني امد شفتي اللي تحت واحط يديني ورى ظهري والز بالجدار واسوي نفسي باصيح
يتجنن على هالحركة
بعد مارجعنا من السفر لبست بيجامه شورت قصيررررررر مرسوم عليها لولو كاتي
ولبست عليها شراب بيت اللي زي الفلات لونه وردي\وحطيت قرنين
وحطيت عطر اطفال
واخذت حلاوى مصاص
واول مادخل ركضت عالباب وانا انط برجل ورجل اظن فهمتوا الحركه
واقول بيبي جاء
وركضت وخميته
ويضحك
بعدين قال ليش ماذكرتي
روحي جيبي الشنطة اذاكرلك
هههههههههههههههه
عاش الدور بالزبط
يقول وربي احسك باولى ابتدائي
عاد انا وش سويت صرت اوقف على رجل وادور طبعا ماتحمل وصار اللي صار

يربي لاخلاس بسييح بسييح

اجل وصار اللي صار عسى مااغتصبكي بس

اقول اجعلي منب رجلن عندتس بس

هف مير حامت سبدي جديلتي أسلمي على بال ما اخلص بطل البلاكـ والزيتونهـ اللي بيدي(ابوالفت كيف امورك)..

.................
أم جدايل:

وخزيآه يالرقطآ اعشقتس <-تأثير المنتدى الغومآنسي مازآل قآئمآ

طبعآ تراي منب دآخلتن اتطنز <-اجل وش علة هالموضوع

شسمتس وخزيآه قولي لهم يغموضن لأننا بنعيش بأجوآء شبه تدوخ تسني اشوف من بعيد العيالين جايين ركضه على هالموضوع

طبعآ بعد مادجنآ في اطراف منتديات الحريم اللي تحوم التسبد اكتشفنآ ان دروس (القص واللزق حقات الفنيه) على ايام ابله مضاوي نفعت بهن بس مب اي نفعه لا بالامور اللتي هي <-قوطيه شلونتس

بس امنيتي ادري هاللحين عقب كل هالخمبقه الحريم يعني صادزه ؟!

مابي اخرب عليكم الجو <-يرحم امتس من جو

طبعآ بنسخ لكم الأن بعض من اللي شفنآ من الليآلي اللي مدري وش هي ملاهي ولاحفلة تنكريه ولا ليلة

تقول صاحبة الليله الزرقا<-حسيت انه والده وجايبه ولد

اقتباس:

احم احم ليلتي الرومنسيه الزرقاء بالصور((لليله فوق السحاب)) حياكم...

ابد الله يسلمتس هذانا خشينا <-للحقاره عنوآن

بس قبل لانخش مع ام ليله زرقا <- ياشيخه ذليتي العيالين قوطرت سعابيلهمـ

اسمعون قبل بعرض لكم اللي مسويات تآجرات بأغراض قلة الادب

نشوف اغراضهن يالله بينا

لاتفوتكم ذي اللي تبيع عصيان تولع بالظلام ياليل ابو ريالين

تخيلت الوحده منهن تتحالت هي ورجله بالعصيان ابد ماعلى المبزره شرهه

لا خلون اعلمكم سعره تراه حصري على الضياع السعر بـ20 ريآل تسني اشوف الحريم يقولون الله يديم الرخص

\

يجيكم الغرض الثآني اللي قسمن بالله مدري وش يحس بالله اللي مطلعه عساه الهبال <-استغفر الله

قلم تشخمطين به على جسمتس وتلعبون حبشه انتي ورجلتس<-باللهي صادزين ذولي المهابيل

يعني وشو دفتر اشخمط برويحي

\

ترآنآ على فكره متعاقدين انا ووخزياه مع ((تموينات الحسين)) اللي جمبنآ

والدليل هالكآس ~

هابوكم من رجآل يعني باللهي تروقون على هالخمبقه كاس به لمبآت

\

نجي للقنبله اللي سبق وعرضته عليكم وخزيآه الرقطآ

هذا الله مير يسلمكم مفرش تفلينه على السرير وتصكين اللمبات عاد ويولع كلنا فداتس يابقلتنا

عاد ماش ماهان علي الا اوريكمـ لافرش بالظلما وش يصير

ياربوووو بس على حبيبي احبكـ اموت انا <-

هاللحين ملاحظين شي مب تقل اللي يلزقن بالثلاجآت ياحليلهن الحريم اثرهن تسذا انصحكم تفتشون ورا امهاتكم <-ابليس متلطم

\

نعود الأن لروعة الليله الزرقاء اللي ذكرناه آنفآ <-كيف أنفآ باللهي

اشك انهم محرومين من الملاهي اجل بلونآت ياحياة الشقى والغرابيل اللحين متى بس تفخت وكيف اللوز معه ياعميري مره مختبه انا ماهمن شي بس تتوقعون رجله وش قال يوم شافهن البلونات

نجي للأفنع والأفنع

قلت لكم من الأول متعاقدين مع ((تموينات))

الله يستر من الكهرب لايكهربهم <-وش دخلتس به

\

الشمع ياهو بيعلتز بهم اعلاتز

مدري هو شمع ولا كآسآت مآء تل ودنيا ياحياتي مختبه مره قايلة لكم الاول مختبه هالحريمه شرط ان رجله مايعطيه وجه<-وش ديرتس عنه

(بوفيه النآفوره في قلوبنآ)

تحدآكم وش ذا اللي يعرف يراسلن خآص <-لابوتس لابو الخاص

هذا الله يسلمكم تقول (بجآمة زوجي )وحاطته بوسط صدفه هما ليلتهم بحريه مدري ليلة فوق السحاب اللي هي هي <-ياحليله ملبسته بجآمة

يازين السروآل السنه وفنيلة دروش<-وش عرفتس يالقرويه

عاد ذي من ورى على فكرة انا اشهد انه سنعه هالحرمه

حتى البآث روم ماسلم من الزبرقه <- كيف البآث روم اجل ياترتر ندآء الطبيعه

^

هههههههههههههههههههههههههههههههههههههههههههههههههه ههههااااي <- الله يقلعتس ياشيخه

مقدر اعلق قسمن بس صدز صدز مت ضحك على شكل المغسله ياحليله اول مره اشوف مغسله لابسه جيبونه ههههههههههههههههااي

\

وبتسذا نكون انهينا من الليله الزرقا احبتس انتي وتفيخاتس يا ام الليله الزرقا <-

نجي اللحين لليله الحمراء مدري يوم الشجره بس انا اتوقع اننا زايرين (عدن)

بدآية بنشوف تجهيزآت (شمآ) <-كيفي سميته شما محد له دخل

فاتحتن الدولاب اللحين هي لبى مخه همين مسويتن حركه وش عرفكم انتم

صكت البآب وش طلع ؟؟! <-انثبري تكفين

(انت الروح انت القلب انت المصارين)

لو تدرون وين موقع هالدولاب تابعو بس انتم

نجي اللحين للشي الأخر (شما كم أحبتسي)

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x461 الابعاد 35KB.

انا ماهمن شي الا المرآيه اللي عاكستن المروحه بتقولون وش يدريتس انه المروحه اقولكمـ تابعو تحت معي <-كيف الشرح باللهي

صح صح قبل كل شي لايفوتكم الـ A اللي على الجدر مع القلب الحب والسهم باقي العين اللي تبتسي

نجي للمروحه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x449 الابعاد 20KB.

متخيلين معي المروحه والشرعه اللي لابسته شما وش هالزين وش الطخآمه

على حسب شرحه تقول ان التل بوسطه ورد مجفف منثور يعني انواع العطاس هي ورجيله طول الليل ترا المروحه فوق السرير <-رحمتهم مس ورعه عمرتس شفتي ناس يلاحقون العطاس

شفتو ان رجله بحرف الـ(A)لبى الفراسه اللي بخشتي

اومآ قلب حب ذي ما اتحمله والاسهم والحركآت يالبيه بس ياشما حسيت اني بفصل ثالث متوسط مع شحنة معجبآت

قلت لكم من الاول عن اسبوع الشجره وهذا هو

عقب ما قصقصتهن شوفو وين حطتهن بمكان لا على البآل ولا على الخآطر

مب اللحين بعد شوي بنكمل التجهيزات قبل <-تسمعين بالتشويق لابوتس لابو خشتس

لايفوتكم التسريحه عجيبتن عجب خُرآفي برايفت شمآ: يمي اخبار ابو ريالين

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1140x787 الابعاد 156KB.

ادوخ عشر دوخآت على الريش الأحمراني

الليله الحمرا تحكي تحكي هي والملفوفات على الوشسمه الطاوله احس مكتوب على الورقه الزرقه (هل تعلم ان الفيل لايعرف ينآقز ) و (هل تعلم بأن الزرافه لها قلبين مدري قفصين ) <-اعرفي احتسي همين تطنزي

الـ (A) ذبح قلبتس يا شما اجل قلوب وشعر شرط ان رجلتس ماقراهن<- يا اني استقعدت لهم هالعائله

حتى أنـآ<- انزلعي اهوه

المخدآت عآشقآت بعض ماينلامن الجو يأهل للغومآنسيه شرط ما اقوم اخم شغآلتنا من الحماس بهالمنتديات والحريم المهابيل

هذي بطآقة عرسه مدري وش الحكمه منه بس ملاحظين اخر شي مكتوب (ملاس) ولا انا وآهمه

اللحين نجي للشكل النهائي للغرفه باللهي وش تحسون طلعت شي شي

ابد (عدن) كآنت بغرفتهم بشكل مبسط

شفتووين صارن القصاصات الخضر لاحظو الدرع ياهو بيكمخ راس رجله كمخه يازين العصفورهـ بس قهر ليته مرتفعه شوي نشوف المروحه وش هي قآيله <- اللقافه مهب لاعبتن بي لعب

عاد تقول اني بأخر شي خليت الاولاد يغنون لابوهم يوم جآ

((يابابا ياغالي)) <-اذاعه مهب ليله رومانسيه

تكفون ابي افهم سر (البلونآت) ؟!

\

يالله عآد كلن يغمض عيونه عيب عيب وش تسذا <-احلفي بس

دوتس حآمت تسبدي قسمن من هالخمبقه حقتهن شسمكم ترى قوطيه بعد تسبدي ما دقت سلف معنآ ابد لبى معاليتز قلبه

وخزيآه القفي المقرفون ,وعطين باقي اللي تقحنينهـ

أقول بس كولي تبن

...............................

وآخزيآآهـ:

المهم وش كنا نقول ايه
اعتقد ان هالحريم الكلاكاات الله يصلحهن من زود الفضاوة انبرش على المخ شي من الهبال وصار يسوي
التماس من الفشخرة الكذابة
والا وش حليلة الادمي يسولف بصدق بعيد عن التكلف ( احلفي ماتكلفين انتي ؟)..
خلاص حبيبتي رجلتس ماقصر عليتس خير وبركه بس ليه تنشرين غسيلتس ؟الا بالغصب عطوني عين وتهاوشو مع رجالكم
يعني الواحد يكبر ويعقل والحريم يدحدرن إلى أسفل
أنا ما أشره على الحريم الكبار بحكم إن تعليمهم على قدهم
لكن شرهتي على اللي معهن أعلى الشهادات وما يتعاملن إلا بهالخرابيط اللي مالها لزمه ..
أخيرآ وليس اخرا عزيزتي الحرمه اعيد واكرر البساطه ثم البساطه ثم البساطه كلنا عارفين ان المنتديات فيها الزين وفيها الشين!!
لكن لاتخلين الشين يحوق مختس ..ومب اي وحده تأثر عليتس وحركات حصص الفنيه ونظام ثالث جيم ياليت نبعد عنها..
وش زين الوحده لامن دخل عليه رجله ولاه كاشختن له ومتنظفتن له ومتعطره وطابختن له هاكا الاكل اللي يشق الخشه من زينه يالله من فضلك..
صدقوني مب شايفن غيره الا تسانه هيسن اربد عاد ذي الله يعظم اجره اللي بتاخذه..
والله يرزقنا وياكم الصالح من عباده

منقول من بريدي
ههههههههههههههه
من جد عجبني هالايميل الي جاني وحبيت تضحكون معي شوي

دانه بعين بحاري · 27-07-2009, 15:55

هههههههههههه صراحه شي مضحك فعلا القالب الي انقل فيه الحكي

بس هذا مو معناه نهمل الرومنسيه بحياتنا

بندر عبدالله · 27-07-2009, 15:59

يعطيكي العافيه

المشتااااق · 27-07-2009, 16:27

هههههههههههههههههههههههههههههههههه

كلاام شيق وممتع ههههههههههههههههه

حريم ماتنتهي سوالفهن

يسلمووو علي الموضوع

تقبلي مروري

$الصمت القاتل$ · 27-07-2009, 16:35

حركاااااااااااااااااااااااااااااااااااااااااات يعطيكي الف عاافيه موضوووع تشووووووووووويق

فرهود10 · 27-07-2009, 16:36

بيني وبينك سحر
غرف االسراير مغريه
وغرف نوم ترد الروح
وعاااااااااااااااااااااااااااااااااااااادي احلي شيء هالحركات

ام الحيرة · 27-07-2009, 16:49

ههههههههههههه حلوة الحركات لكن بالمناسبات مو على طول
يعطيك العافية سحر

وه يا ملحي · 27-07-2009, 17:51

مشكوووووره مع أن الموضوع مش ولابد>>بدون زعل

A7lA MooN · 27-07-2009, 18:08

ههههههههههههههههههههههههههه

والله إنك صادقه ياسحر الحب

صدقيني يوم أشوف حركات زي كذا أجلس أضحك
يعني معقوله فيه تخلف لذي الدرجه !!!!!
الله يعين أزواجهم وبس
ه

الفراشة الزرقاء · 27-07-2009, 19:11

هههههههههههههههه يعطيك العافيه والله ان كلامك توحفه
ودي اعلق على موضوعك بس من كثر ماعجبني مدري وش اكتب
الله يوفقك

سعوديه من نجد العذيه · 27-07-2009, 19:57

ههههههههههه كل هالمبات === وانا اقول ليش كهرب القصيم طافي هالزمان ذبحنا الحر كله من سبايب راعات الالعاب الله يطفي شرتهن == صدق لهجه قصيميه بحته == تسلمي =============

al-yasman · 27-07-2009, 22:53

الرومانسية و حركاتها ما قلنا فيها شئ ...............

اما انا الوحده تبالغ بالقص و اللمبات و البالونات مالها داعي ابد..............

ومن وجهة نظري انا ما أؤمن بذا الحركات و انا مالي الا اقل من سنتين متزوجه.............

اهم شئ عندي النظافه و الريحه الحلوه و البس السنع و الكلام الزين و تغيير ديكور الغرفه و المكان من وقت و الثاني و الاكل الزين و الحمدلله و الابتسامه ثم الابتسامه ثم الابتسامه و الكلام الحسن ....................

يسلموووووووووووووووووووووووووووووووووووووووووووووو وووو

البرنسيسه روز · 27-07-2009, 23:58

اقتباس:

المشاركة الأصلية كتبت بواسطة al-yasman

الرومانسية و حركاتها ما قلنا فيها شئ ...............

اما انا الوحده تبالغ بالقص و اللمبات و البالونات مالها داعي ابد..............

ومن وجهة نظري انا ما أؤمن بذا الحركات و انا مالي الا اقل من سنتين متزوجه.............

اهم شئ عندي النظافه و الريحه الحلوه و البس السنع و الكلام الزين و تغيير ديكور الغرفه و المكان من وقت و الثاني و الاكل الزين و الحمدلله و الابتسامه ثم الابتسامه ثم الابتسامه و الكلام الحسن ....................

يسلموووووووووووووووووووووووووووووووووووووووووووووو وووو

وانا معاك نفس الكلام مع اني من فتره قصيره متزوجه واذا بغيت اغير لزوجي ولعت شموع بصراحه ما اطيق هالحركات

أنثى لن تتكرر · 28-07-2009, 00:47

هههههههههههههه

من جد ضحكت ضحكككككككككككككككككك

ياحليلهن هالحريم

وتين حبيبي · 28-07-2009, 01:11

هههههههههههههههه والله فشـــــــــــــــــــــــله...

انا عن نفسي خطيبي مبين من شكله وطبعه انه من الرجال الي مايحبون ها الحركات بس انا رومنسيه اكثــــير وماادري اش اسوات...
يعني المفروض كل وحده اتكون عارفه زوجها من اي نوع....
واذا هي مره مفهيه وتبي تسمع كلام علانه وفلنتانه لازم تعمل شي ع اصوله مو اتصير مضحكه لزوجه واصحابه...

موضوع تحفه بقراه لأمي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفون يالمعرسات لاتقولون انكم تسوونها