عالم الحياة الزوجية - منتدى

الدلوعه دانه · 28-07-2009, 04:47

السلام عليكم ورحمت الله وبركاته
انا مشكلتي اتعبتني نفسيا من جبت البيبي صار زوجي ماينام من البيبي لما يصحى فصرت انام خاارج الغرفه مع البيبي وصار زوجي بغرفه وانا بغرفه كان الوضع عادي بالنسبه لي واتقبلت عشان يرتح بنومه الان البيبي كبر وزوجي مستمر على الوضع رافض انام معه عشان يخاف على البيبي لحاله وفي البدايه عشان الازعاج انا ماره طفشت احس حبه قل بقلبي لما اجي انام معه يقولي روحي مع البيبي ومشالله لنا الان على هالوضع سنه و7 شه وكل مااجي انام معه يقول لاتزعليني روحي مع البيبي من جد طفشت مره احس محتاجه حنان والله اني فقده الاحساس احيان ادور المشاكل معه بسبب هالموضوع المزعج لان طول يومه يكون عالنت ويكون بغرفه لحاله خر اليل كل واحد بغرفه من جد ابي حل لاني حزينه على نفسي

حـــــــــلا · 28-07-2009, 04:54

ياعمري

والله ماأدري وش اقولك

بس لازم تناقشي زوجك

وحاولي لاتيأسي

الله يكون بعونك

أختــــــــك

asrar111 · 28-07-2009, 05:00

الدلوعه

صباح الخير

اختي روحي تكلمي معه وشوفي وش بخاطرهـ

اكيد هو في شي ثاني بغض النظر عن نومته ولده برى الغرفه

وقولي عن شعورك انه بدا يقل يمكن يحس ويتغير

الله يكون بعونك
ويساعدك اختي اقراء سورة الشرح 7 مرات في اليوم وانشاء الله ربي يسر لك زوجك

احاسيس هبله · 28-07-2009, 05:00

الله يعينك ويساعدك

لا تضايقين نفسك

زوجك خايف على البيبي

تناقشي معاه وقوليله على اللي بقلبك

م-سيف · 28-07-2009, 05:02

لابد وان تتناقشين معه في هالموضوع

وانه مضايقك

كلمي زوجك على انك مشتاقه له .... واتفقي معه على انك تتركين البيبي عند امك او اختك ..... ليلة وحدة

وفي هالليلة مارسي حياتك الطبيعية وعمه واتفقي معه على انك تحبينه ومحتاجه حنانه ... والبيبي بعد محتاج انه يتعود على انه ينام بجانب ابوه

احب حنان · 28-07-2009, 05:07

الصراحه راحه.

ليش ماتصارحيه بالمشكله .

الدلوعه دانه · 28-07-2009, 05:07

اشكركم من كل قلبي على ردكم المشكله زوحي مقفل هالموضوع وانا ماعندي اسلوب النقاش ابدابد

المايسترو زورو · 28-07-2009, 05:15

اختي.. مدام ماعندك اسلوب النقاش حسب كلامك انا اشوف افضل حل انك تتقربين له باشياء يحبها فيك بمعامله بملابس يحبها بعطر انا عن نفسي مع اهلي ليمن شميت العطر ولبس حركتاتات تشوفيني انا اللي اتلزق ، المهم الوضع عادي لكن اذا زوجك جديد على النت يبيله فتره لان هذه فتره شغف >> مدري الكلمه وش تبي ، المهم قصدي انه متولع فيه وبعد فتره بيزهق وسئليني اول ماركبت الديسئل كنت باليوم مافك عن الجهاز 7 ساعات <<< ماعمري شفت خير

لولؤة عقل زوجها · 28-07-2009, 05:27

اقتباس:

المشاركة الأصلية كتبت بواسطة المايسترو زورو

اختي.. مدام ماعندك اسلوب النقاش حسب كلامك انا اشوف افضل حل انك تتقربين له باشياء يحبها فيك بمعامله بملابس يحبها بعطر انا عن نفسي مع اهلي ليمن شميت العطر ولبس حركتاتات تشوفيني انا اللي اتلزق ، المهم الوضع عادي لكن اذا زوجك جديد على النت يبيله فتره لان هذه فتره شغف >> مدري الكلمه وش تبي ، المهم قصدي انه متولع فيه وبعد فتره بيزهق وسئليني اول ماركبت الديسئل كنت باليوم مافك عن الجهاز 7 ساعات <<< ماعمري شفت خير

كلام معقول
تعاليله باسلوب الدلع والغنج ولا تقولي ما تعرفي
اذا ما تعرفي اتعلمي ولا راح تخسري زوجك وبيتك وتخسري حبه
اسمعي الكلام واتعلمي كل ماهو جديد في الحياه الزوجيه
ناقشي زوجك في الموضوع واكسبيه

ضيم السنين · 28-07-2009, 05:28

كن رجلتس ماصدق ع الله

حفر الباطن · 28-07-2009, 05:41

والله انه مايستحي

تاج الورد · 28-07-2009, 05:48

امكن تعود اذا كان ينام بغرفه لحاله ويصك الباب ناقشيه وقولي حاكلم اهلي مازوجونياك عشان انام

بروحي بس تخويف قولي انا اخاف واحس بقلق لاتحسسيه انك تحبيه اوعشان العلاقه واذا مافاد

سوي مثله وحيحس يعني اذا خلص من النت خذيه اذا لاب توب لغرفتك وصكي الباب والله يتجنن او

بعد مايخلص روحي مكانه وحاولي انه يصحى وانتي عنده وينام وانتي عنده واذا قال شي قولي

مثلك ابغى النت يشغلني ولاتعطيه وجه سوي نفسك مستغنيه وكوني غامضه ادي واجباته بس

مافيه بوس مافيه لمس واذا حسيت انه يبغاك اشغلي نفسك استحمي او حممي الولد او سوي اي

شي يصرفه تقبلي مروري0

غنوجه ابوهااا · 28-07-2009, 05:49

عزيزتي ..لما يقولك روحي عند البيبي
\\قولي له البيبي مرتااااااااااااااااح وانا ابي انام معك لوحدناااااااا<<<بيخجل ويسكت ونامي

لوله رقم 1 · 28-07-2009, 05:54

والله إني تعاطفت معك كثير
حاولي تجذبينه بالكلام الحلو و الدلع واختاري لك يوم وسوي حفله بالغرفه ألي أنت تنامين فيها ومن ضمن الحركات ألعبي لعبة الكنز وخليه يدور عليه من مكان لمكان آخر شي يلقا صندوق فيه هديه لو بسيطه مع كرت تقولين له فيه إنك مشتاقه له وحابه تنامين في حضنه الليله
لا تبخلي بالإفصاح عن مشاعرك وشوقك له لأن بعض الرجال لا زم المرأه تعلمهم ما يفهمون من أنفسهم
ولا تنسين وهذا المهم قبل ماتسوين أي شي أكثري من الإستغفار والدعاء بالاخص في السجود وأطلبي من الله إنه يسخره لك
ووكلي أمرك لله وشوفي وشلون بتنحل أمورك
كرري ( اللهم أنت حسبي لاإله أنت عليك توكلت وأنت على كل شيء قدير ) قوليه وأنت موقنه بالإجابه والفرج
قلبي معاك ونصيحتي لا تزعلين بالعكس بتنفرينه منك أكثر وأكثر

يابعدهم كلهم2009 · 28-07-2009, 05:56

انتبهي ليكون في وحده بحياته انا مابي ادخل الشك بينكم بس انا حاسه كذا والله اعلم انتبهي وراقبيه وشوفي وش عنده؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجي مايبني انام معه:(