عالم الحياة الزوجية - منتدى

لوله العسوله · 28-07-2009, 22:03

السلام عليكم ورحمه الله وبركاته

حبيت ارد على موضوع بدويه ماركه

بس هذي قصه حقيقيه لبنت خالي
خالي عاش في امريكا اغلب سنوات عمره للدراسه واول خلفته بنت وتوالو البنات عليه حتى ساروا 4 بنات منهم 2 اتولدوا في امريكا و 2 في جده كبروا البنات واتعلموا في المدارس الامريكيه بالاضافه الى دراستهم منازل في جده ولشده تمسكهم بالعلم تفوقوا في البلدين وبعد كدا جاب الولد في امريكا وبعد الولد رجعوا جده يباشر عمله وخلف كمان ولد وبنتين ولكفاءته حصل على منحه دراسيه لشهاده الماجستير رغم كبر سنه ورجع امريكا كل دا وبناته لسه ما اتزوجوا
سار نصيب لوحده منهم اتخطبت في جده بس طلب ابوها الزواج في امريكا ووافق العريس وسار الفرح وبعدها بسنه املكت التانيه نفس نظام اختها
طبعا البنات كانوا مبسوطين بس البنت التالته قالت كرهت امريكا وتبغا ترجع جده عشان تتخطب وتتزوج
خلص خالي البعثه ورجع وكملوا دراستهم الجامعيه باقي سنه للبنت الثالثه
علما بان خالي وزوجته منفتحين واصحاب اولادهم جدا بس في حدود الاخلاق والعادات
وفي يوم من الايام دخل واحد الماسنجر معاها وجلسوا يتكلموا عرف انها في الجامعه وبالتحديد كليتها هي ما اعطتلوا اي معلومات عنها غير اسمها الاول ولانه مميز عرف يجيب اوصافها واسم عائلتها لان عمته دكتوره القسم حقها طبعا هو ما قالها ولا شي عرفه عنها وجلس يكلمها عن نفسه انه بيدرس طب وباقيله ترم ويخلص وحيسافر بعثه يكمل في امريكا طبعا هي ما حطته في راسها لانها كارهه امريكا وسارت مره تدخل ماسنجر وعشره لا وهو ما طلب رقم جوالها ولا اي وسيله اتصال بها ومع الايام فاتحها في موضوع الزواج رفضت عشان سفره حاول يقنعها بكل الطرق رفضت وفضلت تنسحب كل دا وتقول انها ما حست بالحب ناحيته مجرد ارتياح ودردشه تركها اسبوعين بدون ما يوضح سبب اختفاءه طبعا كان بسبب الامتحانات لانه تخرج طبعا هي ما اقولكم اش سوت جلست اول يوم تاني يوم وهي تقول فينه شكلي ما راح اشوفه وكلمت اخواتها الاكبر منها واستشارتهم كلهم لامو عليها ولد ناس ومن عائله ودكتور وتسافري برا ترفضي اكلت ندمها وسكتت وسارت ترسله محادثات وتقوله فينك ما بنشوفك رفضت العتاب او تكسر نفسها عليه بعد الاختبارات هو سافر مع اهله امريكا للسياحه وبعد وصوله بيومين دخل المسن ولقى كميه هائله من الرسائل اللي حصل ان هما كمان سافروا امريكا يتمشوا طبعا فرح انها سألت عنه وسار متابع ليل نهار دخولها وفجاه لقى مع النك نيم تبعها (ياريتني دبانه واطير على جده)<<<<<والله جده غير. استغرب وقال ياترا فينها وفجاه دخلت وكان لقاء جبار عرف انها في امريكا بس هما في ولايه وهي في ولايه اتواعد معاها يجي هو واهله في مكان عام ويشوفوا بعض العيلتين بدون معرفتهم وسار القاء في مول طبعا سافر مع اهله للولايه حقتهم وفهم اهله ان البحر هناك رائع وسافروا طبعا هي تعرف شكله لانه كان حاط صورته في المسن واول ما دخلو المول في كافيه كانوا جالسين هي ما عرفت تميزه بين اخوانه لانهم شبه بعض بس هو عرفها من اوصاف عمته وبما ان اخواتها كلهم بيض وهي الوحيده البرونزيه على سمار ميزها وضحك لها كانه يقول هو انا لا تتوهي الولد ذكي وحكى ابوه بكل صغيره وكبيره والاب حكيم جاء لخالي في الطاوله وقاله حضرتك سعودي قاله نعم قاله احنا جديدين على البلد وما نعرف الفنادق المطله على البحر ما ادري تقدر تفيدنا جلسه خالي معاهم وقاله كل شي تبغاه عندي في البيت كتيبات واسعار بحكم عيشتي هنا فتره طويله
المهم دقوها صحبه وعزمهم خالي في بيته وهو شافها مزبوط وهي طبعا اتفقوا على الملكه اذا رجعوا طبعا اقنعها بكل شي ورضيت لانها حست انها حبته
ابوه طلب يدها وبعد مشاورات تمت الموافقه
رجعوا جده واختصروا الملكه جدا وبعد شهر سار الفرح وسافرت معاه بعد اسبوع امريكا وجابوا بنت حلوه وزي القمر طبعا هو عنده الجنسيه الامريكا لانه ولاده امريكا جات امه في الشهر السابع للسياحه وجاتها ولاده مبكره وولدت واخد الجنسيه وطبعا هي بعد ولاده البنت اخدت الجنسيه وشهادتها لغه انجليزيه اتوظفت مترجمه في نفس المستشفى مع زوجها وبعد الولاده اتفرغت لبنتها وبعد سنه ودوها الحضانه ولا زالو في امريكا لهم 4 سنوات ونشوفهم في الاجازات مبسوطين الله يسعدهم ويوفقهم

طبعا ما احد يعرف كيف كانت معرفتهم كانوا يقولو عمته شافتها في الجامعه وسارت الخطبه بس البنات المقربين لها كانوا يعرفوا ومنهم اختي لانها في سنها اما اختكم في الله امس عرفت لمن قريت قصه بدويه ماركه وجلست احكي اختي وهي اللي قالت اكتبي قصه بنت خالي وحكتني وفتحنا المسن واخدنا رائيها قالت خدي راحتك مدام مبسوطه ما عندي مشكله لو الكل عرف
وللعلم ولا احد يعرف انها اتزوجت عن طريق النت الا المقربين
واختي اقرب وحده لها بحكم سنهم المتقارب ودخلنا امس المسن واستأذناها ورحبت اني اطرح الموضوع

هدي حاله قد تكون في حالات اكثر بس الله واعلم اش نتائجها
عقبال كل بنت تتزوج وتنسعد

حنين الفؤاد · 28-07-2009, 22:49

الله قصتهم حلووووووووووووه

غير كذا مناسبين لبعض في كل شي مستوى اجتماعي وتعليمي وحياتي بعد

الله يوفقهم ياااااااااااااااارب

تسلمين لوله على القصص الروعه

تحياتي

ام سعود

بلسم الروح · 28-07-2009, 23:14

تحية معزة ومودة
قصة واقعية جميلة ...
المطلوب فقط شء من الجدية لا أكثر ليتحقق الأمر على أرض الواقع ...
وااافر مودتي

طلاقي بداية نجاحي · 28-07-2009, 23:56

مبرووك للعروسين
زغرودة حلوه يابنااااااااااات <<<<<<<< نسيتها ..!

عيون كحلها الحزن777 · 29-07-2009, 00:04

بصراحه كل شئ قسمه ونصيب الله يوفقها

كيان انسانة · 29-07-2009, 00:23

الله يسعدهم ويوفقهم

أبو موفق · 29-07-2009, 00:55

الله يهني سعيد بسعيدة
صديقي أيضا تزوج من سكايبي وزوجته على وش ولادة الآن
الله يرزقهم الذرية الصالحة يا رب

لوله العسوله · 29-07-2009, 02:16

اقتباس:

المشاركة الأصلية كتبت بواسطة حنين الفؤاد

الله قصتهم حلووووووووووووه

غير كذا مناسبين لبعض في كل شي مستوى اجتماعي وتعليمي وحياتي بعد

الله يوفقهم ياااااااااااااااارب

تسلمين لوله على القصص الروعه

تحياتي

ام سعود

تسلمي ياقلبي وعقبالك يارب

لوله العسوله · 29-07-2009, 02:17

اقتباس:

المشاركة الأصلية كتبت بواسطة بلسم الروح

تحية معزة ومودة
قصة واقعية جميلة ...
المطلوب فقط شء من الجدية لا أكثر ليتحقق الأمر على أرض الواقع ...
وااافر مودتي

اشكرك على المرور

لوله العسوله · 29-07-2009, 02:21

اقتباس:

المشاركة الأصلية كتبت بواسطة طلاقي بداية نجاحي

مبرووك للعروسين
زغرودة حلوه يابنااااااااااات <<<<<<<< نسيتها ..!

تسلمي ياقلبي وعقبالك

لوله العسوله · 29-07-2009, 02:32

اقتباس:

المشاركة الأصلية كتبت بواسطة عيون كحلها الحزن777

بصراحه كل شئ قسمه ونصيب الله يوفقها

نعم كل شي نصيب وعقبال نصيبك يارب

لوله العسوله · 29-07-2009, 02:35

اقتباس:

المشاركة الأصلية كتبت بواسطة كيان انسانة

الله يسعدهم ويوفقهم

اللهم امين وعقبالك

(سحر انثى) · 29-07-2009, 02:45

الله وناااااااااااااااسه
الله يوفقكهم يارب
ويوفقني وأتزوج اللي في بالي يارب

لوله العسوله · 29-07-2009, 02:46

اقتباس:

المشاركة الأصلية كتبت بواسطة أبو موفق

الله يهني سعيد بسعيدة
صديقي أيضا تزوج من سكايبي وزوجته على وش ولادة الآن
الله يرزقهم الذرية الصالحة يا رب

الله يوفقهم ويسعدهم

كلي ملح ودمي سكر · 29-07-2009, 03:04

القصة جميلة

وهي قناعات
والعريس والعروس من عائلة متفتحة ودارسين برا

لذلك يشوفوا هالشي عادي بينما البعض كتبوا هالقصص
او صرحوا برغبتهم لقوا هجوم كبير وانتقاد وتوقعات فشل

وبالنهاية لو الانسان غرضة شريف
مايمنع هالشي دام يدخل الييوت من ابوابها ويثبت جديتة

شكرا لولة على القصة العسولة

تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تزوجت عن طريق .......الماسنجر