عالم الحياة الزوجية - منتدى

حبك بهدلني · 31-07-2009, 04:54

السلام عليكم ورحمة الله وبركاته

انا تعبااااااانه وابغى افضفض

الحكايه بدأت من 7 سنين... من يوم ماكان عمري13 سنه كان ولد عمتي يحبني بجنون...وكان يحاول يبين حبه بصرفاته وبكلامه وبتقربه مني لكن انا طبعا ما فهمته بحكم صغر سني واعتقدت انو عااادي زي اخويا وكنت اتصرف معاه بطبيعتي...لكن بعد سنتين.. وبعد ما صرت 15 سنه ولد عمتي خطبني وهو اكبر مني ب 4 سنين يعني عمره 19 سنه.... بابا رفض بعد الاستخااااره طبعا واني كنت مررررره صغيره...وبعد بابا ما رفض شووووووف انواع الاهانات والكلام والتجريح والنظرات القاسيه ليا طبعا... وبعد سنه رجع خطبني مره تانيه...وبابا ما وافق لانه في مشاااااااااكل كثيره وبيننا وبين عمتي ...وعمتي تكرهني مررررره وتكره ماما عشان كدا بابا رفض...لكن هيا اتنازلت وخطبتني عشان ولدها يحبني وهو صارحها بالموضوع... المهم بابا جاني وقالي انا ماني موافق لكن لو تبغيه انا مستعد اوافق... انا قلت اني ما ابغاه وماني مستعده اعيش مع عمتي اللي تكرهني... كان عمري وقتها 16 سنه...المهم الموضوع انقفل سنتين تقريبا وبعد سنتين قرر ولد عمتي انو يخطب!!!!!
وصارت مشكله لانه ولد عمتي قرر يخطب عناااااااااد
عشان ينساني ....وطبعا العائله كلها كانت عارفه انو يحبني وانو خطب عشان ينساني.. وحولوا يقنعوا في ولد عمتي لكن مو راضي يقتنع...وفعلا خطب...واستمرت مده الخطوبه " من غير ملكه" تقريبا سنه ...وبعد سنه جا موعد الملكه...قبل الملكه باسبوع جات عمتي لماما وقالت ولدي مستعد يفسخ الخطوبه لو وافقتوا انو يتزوج بنتك...وجات اخته وقالتلي اخويا ما يحب خطيبته ويكرهها واتصل عليها وقالها انا اكرهك ويبغى يفسخ الخطوبه...بابا ما وافق للمره الثالثه...وبعد اسبوع صارت ملكة ولد عمتي!!!!!!
وكل ما اروح عندهم " طبعا في المناسبات فقط عشان المشاكل واذا رحت ساعه واخرج "المهم اخته تقولي هو مو مبسوووط وما يبغى البنت وما يحبها...تقول حتى ما يبغى يفرش شقته ولا يبغى يشتري شي...وتقول نفسيته مرررررره سيئه وكل ما يقرب موعد الزواج نفسيته تسووووووووء اكتر...

وانا والله قلبي بيتقطع عليه

يا جماعه انا السبب في تعاسته...الين دحين كل ما يشوفني يوقف يطل فيا من بعيد وما ينزل عيونه من عليا....
انا دحين صار عمري 20 سنه وهو عمره 24 سنه...يعني 7 سنين وما نسيني...7 سنين وهو عايش في عذااااااااب بسببي....

دحين زواجه بعد 3 شهور...وهو ما يحب زوجته بسببي...يعني انا كنت سبب تعاسته هو وزوجته...هيا ايش ذنبها حراااام...انا شاكه يكون قلها شي عني أو صارحها بحبه ليا..لان امها لما تشوفني احسها تطل فيا نظرات حقد...والبنت ما تكلمني ونظراتها ليا احسها كانها عارفه الموضوع...والله اني متضايقه

يجيني احيانا احساس بالندم اني ما وافقت عليه ...لكن اقول كل شي نصيب ويمكن ما لنا خير في بعض...لكن الشعور بالذنب قاتلني

ايش اسوي ؟؟؟كيف اخلي الاحساس دا يروح وخصوصا اني كل ما اروح عندهم اسمع الكلام دا عنه وانو مو مبسووووووط؟؟؟على طوووووووول احس اني انا السبب...
المشكله انا عارفه اخته تمام...وهيا مستحيييييل تكذب وتقول الكلام دا عشان تحسسني بالذنب...لانها انسانه اللي في قلبها على لسانها...

لا تقولو ليش ما اخذتيه وهو حبك واننتي غلطاااااااانه.....الكلام ده راح وقته خلاص ... وانا ما احبه لكن الشعور بالذنب قاتلني....

ايش اسوي؟؟؟؟؟؟؟؟؟

واسفه طولت عليكم لكن والله تعبااااانه وقلبي يعورني وحاسه اني دمرت حياته وحياة زوجته

انتظر ردودكم....

قحطاااني ماااركه · 31-07-2009, 05:00

زين هو حبك انتي مالك ذنب ؟؟

ربي يفرج همك

كلي ملح ودمي سكر · 31-07-2009, 05:04

اختي حبك بهذلني طالما ابوك رافضة وانتي رافضتة
لوجود مشاكل عائلية وهو خطب ومايحب خطيبتة مستعد يفسخ خطبتها لو وافقتي هذي مشكلتة هو وايش ذنب خطيبتة

رايك انتي قولتية من قبل انتي وابوك

هذي مشكلتة انة مايحبها مش مشكلتك دي

ولا راح تقبلي بزواجة عشان خاطرة ا لزواج مافية مجاملة

لما يبدلك نظرات من بعيد انتي المفروض تلتزمي بحجابك ولا تخلية يشوفك لانة مو محرم لك
ومسالة وقت وينساك

نجلاء22 · 31-07-2009, 05:13

انتي دحين اطلعي من حياته ولا تبحثين اوتسالين عن اخباره

ولاتعطينه امل انك بتتزوجينه

وهو انشاالله راح يحب زوجته

بس انتي اطلعي من حياته وشوفي نصيبك

كيان انسانة · 31-07-2009, 05:13

مسألة وقت وراح يقنع بالواقع اللي عايشه هو
وانتي راح ترتاحين من تأنيب الضمير
و اذا اخته كلمتك عنه لمحي لها انك ما تبغين تسمعين كلامها بالموضوع
و قولي لها كل واحد ياخذ نصيبه

موفقه

العمده · 31-07-2009, 05:13

مادام فيه مشاكل بينكم

ستبقى المشاكل

لذلك من الافضل ان تبتعدي عنه ولا تفكرين اذا كان قصدك تاخذن راينا

الزواج شراكة عمر ولوكان يبيك صحيح ماراح يخطب نكايه بك كان ضحى على شانك من البدايه

مو بعد ماخطب وعقد على غيرك يقول مستعد يتخلى عنها

فكري بعقلك واتمنى لك السعاده

الفراشة الزرقاء · 31-07-2009, 05:16

لاأملك لك سوا الدعاء
حبيبتي حاولي تتحاشينه وتطنشي اي كلام يوصلك بخصوصه
الله يوفقك يارب

حبك بهدلني · 31-07-2009, 05:26

اقتباس:

المشاركة الأصلية كتبت بواسطة نانسي بنت مطلق

اختي حبك بهذلني طالما ابوك رافضة وانتي رافضتة
لوجود مشاكل عائلية وهو خطب ومايحب خطيبتة مستعد يفسخ خطبتها لو وافقتي هذي مشكلتة هو وايش ذنب خطيبتة

رايك انتي قولتية من قبل انتي وابوك

هذي مشكلتة انة مايحبها مش مشكلتك دي

ولا راح تقبلي بزواجة عشان خاطرة ا لزواج مافية مجاملة

لما يبدلك نظرات من بعيد انتي المفروض تلتزمي بحجابك ولا تخلية يشوفك لانة مو محرم لك
ومسالة وقت وينساك

انا عارفه الكلام دا ومقتنعه فيه لمن ما ادري ايش الاحساس بالذنب دا اللي قاتلني

وانا ملتزمه بالحجاب ... اقصد يشوفني في الشارع وانا طالعه الفيلا

وتسلمي اختي... ولا تحرموني من دعائكم

[ ولد مغرور] · 31-07-2009, 05:34

حرام عليكي اكلتيه اقوا مقلب بحياته
الموافقه والقبول كانت بيدك انتي يوما قالك ابوك لو تبغيه اناموافق !!
ليش ماوافقتي عليه دام هو يحبك وحاس فيك وكمان قريبك
حرام عليك
انا مو واقف بصفه لانو بجد يحبك ومستعد يضحي عشانك بأغلى شي عنده
حرام عليكي والله
لكن ادعيله وابعدي عنه واطلعي من حياته ..
وادعي ان الله يجبر بخاطره ويرزق حب زوجته وينساك
’’’’’’’
,,,
تقبلي مني المرور ولك كل الود والتقدير

حبك بهدلني · 31-07-2009, 05:42

اقتباس:

المشاركة الأصلية كتبت بواسطة ولد مغرور

حرام عليكي اكلتيه اقوا مقلب بحياته

الموافقه والقبول كانت بيدك انتي يوما قالك ابوك لو تبغيه اناموافق !!
ليش ماوافقتي عليه دام هو يحبك وحاس فيك وكمان قريبك
حرام عليك
انا مو واقف بصفه لانو بجد يحبك ومستعد يضحي عشانك بأغلى شي عنده
حرام عليكي والله
لكن ادعيله وابعدي عنه واطلعي من حياته ..
وادعي ان الله يجبر بخاطره ويرزق حب زوجته وينساك
’’’’’’’
,,,
تقبلي مني المرور ولك كل الود والتقدير

والله اني ادعيله دايما انو يحب زوجته وربنا يسعده ويوفقه ويعوضه باللي احسن مني

والله واقولها من قلبي اني عمري ما اتمنيت احد يكون سعيد في حياته الا هو

لكن اخويا انا عارفه امه واخته التانيه والله يكرهوني انا وماما جدااااااااااااااااااااااا

وانا صراحه خفت منهم...يعني تخيل من يوم كنت طفله صغيره وهيا تعاملني زي الزفت.... كبرت والعداوة بيننا...كيف بتصير ام زوجي!!!!! والله صعبه

اللي قاتلني ان الولد ماله ذنب...

............................................

وشكرا لكم جميعا اخواني

والله كلامكم بلسم على قلبي

وتسلموووووو

حبك بهدلني · 31-07-2009, 16:19

شكراااا ليكم جميعا

وتسلموا على الردود الحلوه

والله خففتو عني شويا

ام مجووود · 31-07-2009, 16:45

بصراحه الأم والأخت اذا ماحبو الزوجه والله يحفرو من تحتها لين تطيح
لاتسمعي كلام اللي يقولك المهم هوه ماعليك من اهله لا والله ياما ناس يموتون بحريمهم وبسبب الأهل تركوهم وياليت قبل الزواج الا بعد ماجابو اطفال
انسيه او كلميه بنفسك وانصحيه قوليله انا ماحبك ولا ابغى اتزوج شوف حياتك وخطيبتك حلوه وتستاهلك وامدحيها له
صدقيني انتي اكثر وحده تقدر تقنعه قوليله كيف ينظر لخطيبته وكيف يحبها ويفكر بمستقبله وانتي لو جلستي بدون خطبه او زواج راح يفكر انه عشانه بس لو انخطبتي عالاقل راح يعرف انك ماتبغيه ويحاول يلهى بحياته الجديده
والله يوفق الجميع

امركشي · 31-07-2009, 17:54

اختي

المشكلة مشكلته اولا واخير هو الي لازم

ينسااك ويلتفت لحيااته الله ماقسم لكم

خلاص وش بيفيد كثرة التفكير والسؤال

وياريت اذا تقدرين تكلمين اخته ماعاد تنقل

اخباره لك عشان لا تلومين نفسك زياااده

والوقت كفيل بمساعدتك بالنسيااان

الله يوفقك ويشرح لك صدرك

لـــمـــى · 31-07-2009, 18:00

خلاص المشكله الحين مشكلته هو
مو مشكلتك انتي
انتي انتهى دورك بحياته بمجرد رفضتوه
ادعي له بالتوفيق و ان ربي يسعده بحياته مع زوجته و يكتب له كل خير
و انتهى الموضوع
أما تقعدين تفكرين و تهتمين !!!
مالها داعي
مافيه حل أكثر من كذا

الــ ق ــلب · 01-08-2009, 01:17

مالك شغل بالرجال لانه راح يتزوج

وانسحبي من حياته افضل لك وله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

دمرت حياة انسان كان كل ذنبه انه حبني......