عالم الحياة الزوجية - منتدى

فجورة اشك · 04-08-2009, 00:00

السلام عليكم جميعاً
بالبداية لاتفهمون الموضوع غلط.....تر مافي شي شاذ والعياذ بالله
ابدأ بتعريفكم عن مراحل بحياتي
انا بنت انولدت بعايلة عاديه جداً.....واهلي ربونا على الاخلاق
نخاف نجذب وبحياتنا ما نئذي احد.....بس غلطتهم الكبيرة ماعلمونا نصلي واحنا صغار (خاصة انا وأخوي)
بس لمن بديت أكبر وأمي تشوف عيال اعمامي وعماتي يصلون حست فيني وان شي ناقصني بالتربية واهو اهم شي الصلاة والخلفية الدينية....وابتعادي عن ربي
فهني حست ان النقص بعد فيها......لاني انا بنتها ماني الا صورة عن طريقتها بالتربية و العيش
تغيرت امي.....تركت شغلها محاولةً التعويض عن النقص اللي تسبب فيه شغلها....بس كان وايد صعب
صار عمري 16 سنة تربيت عالمكياج والبنطرونات والجنزات!!!وماعرف الصلاة!!!
بس حاولت مايئست.....بس انا بعد ماكنت ارضخ لها وعاندت
اليييييين مرت بحالة فقدان الأمل وخلتني بحالي ....حسيت بالنصر واني قوية وقدرت امشي كلامي
في يوم وانا اكلم رفيجتي الي كانت نوعن ما احسن مني ذكرت لها الموضوع ردت علي رد بحياتي ما انساه قالتلي
( امج اذا طلبتي منها شي ممكن تعطيج وممكن تمنعج علشان جذي انتي يوم تسمعين كلامها ويوم لا
بس عندج رب يعطيج اذا طلبتي أو ما طلبتي......فربج يحبج أكثر مما أمج تحبج.....وواجب عليج تطيعينه.....شوفي بشنو تقدرين ترضينه)

طبعاَ هني انا قلبتها غشمرة وقلتلها صرتي داعيه
وغيرت الموضوع......بس صدقوني ليلتها مانمت ظليت طول الليل افكر
فعلاً ربي يحبني .....عطاني كلشي......اول ماقعدت الصبح خذيت عباية الراس مالت امي وركبت السيارة مع ابوي يوصلني المدرسة
وتصدقون ما سألني ثلاثة ايام ثالث يوم قالي (انتي خلاص بتلبسين عباية؟) ماكان مستوعب
وماقلت لأحد بغيتها خالصة لله
درت امي وما شالتها الارض من الفرحة....وما بقى احد ماقالتله.....جني تزوجت مو لبست عباية
رفيجاتي استغربو طبعاً بس فرحولي حتى واهم مايلبسون عبي
تخرجت ....من الثانوية ودخلت الجامعة......لا هني لبست البوشية
وحبيت البوشية....واستغربت شلون كنت عايشة بدونها......وكانو ايوني خطاب يبون العباية بس مايبون البوشية وكنت ارفضهم
واحد ورا الثاني......في من رفيجات امي زعلو......اهلنا يقولون حق امي خو البوشية مو اجبار خل تفصخها وتتزوج!!!!!جنهم يصرفون علي
اربع سنين وأنا تحت ضغوطات خلع البوشية........ناشدت ربي قلتله لو اقعد بدون ريل ما اتركها لانها صارت جزء مني......الين في يوم طلبت امي اني ارضى بواحد من اللي مايبون بوشيه والبسها من وراه!!!!!!!!! قلت ليش البوشية حرام ولا عيب.....تقول لا توقفين نصيبج على خرجه المهم ساترة روحج ولابسة عباية.....دافعت عن البوشية كأنها لابنتي وجزء مني......بجيت و استغربت
اتذكر يومها نمت مقهورة ......بعدها بجم يوم دقو ناس يبون يشوفوني حق ولدهم......وأمي كانت ماله من هالسالفة لانه كله مايصير فقالتلهم من الاول بنتي تلبس بوشية.......(علشان اذا مايبون لايون من الاول).......قالت الام واهي عالخط مع امي حق ولدها: (تر البنت تلبس بوشية)
وكان رده: (وهذا اهو المطلوب)
يو الناس وقدت مع الريال اللي الحين اهو زوجي حبيبي......وتزوجت الأميرة فجورة الأمير
وخلصت وملصت ويت الديايه و.............

[ ولد مغرور] · 04-08-2009, 00:07

الله يوفقك
بس ابي اعرف وش البوشيه
ترا ماعرف لهجتكم ممكن توضحين

فجورة اشك · 04-08-2009, 00:08

البوشية قطعة قماش أغطي فيها ويهي بالكامل وولا شي يبين حتى العيون

آخر وريقات التوت · 04-08-2009, 00:09

والله مافهمت شي من المذكور

بعدين شنو يعني بوشية ؟

فجورة اشك · 04-08-2009, 00:14

ياناس شلون ماتعرفون بوشية؟
البوشيه اللي بغطون الوجه فيها
مثل النقاب او البرقع او ......اي صج بالسعودي غطوة صح؟
بس ماتبين العيون

روابط الحب · 04-08-2009, 00:25

الله يوفقك احسن شي سوتيه بدنياك رضا الله فوق كل شي

فجورة اشك · 04-08-2009, 00:29

شكراً على المرور روابط الحب

نبـ الروح ـض · 04-08-2009, 00:49

**
ماشاء الله تبارك الله
من ترك شيأ لله عوضه باحسن منه
عن عائشة رضي الله عنها قالت: قال رسول الله صلى الله عليه وسلم
" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس " رواه الترمذي .

الله يثبتك ويحفظك ويرزقك الذريه الصالحه الباره
**

فجورة اشك · 04-08-2009, 00:54

شكراً نبض الروح على المرور والمشاركة

الصقر الحر1 · 04-08-2009, 00:58

اوكي واحنا ايش المطلوب منا
الموضوع شكله دعاية في دعاية
لبتسي بوشة وﻻ مدري ايش
وبقولك من شب على شئ شاب عليه

ايش اﻻستهتار هذا بوقت اﻻعضاء احكيلنا مشكلتك او موضوع يكون عرضه للنقاش
موضيع تافه مثلها مثل اصحابها

فجورة اشك · 04-08-2009, 01:11

بيييييييه يالصقر كل هذا ليش رديت على موضوعوك
كل هذا تسويه الحره؟؟......من اول ما نزلت الموضوع يعني الساعة 12 اونت داش الصفحة ودك تقول شي ومنت عارف يعني صارلك ساعه.......علعموم الموضوع مو لك للناس اللي العربية والمسلمة
موللي يسوي دعايه للغرب
وبالنسبة للقراء احب اعرفكم ان الصقر الحر نزل موضوع يهين فيه المرأة العربية ويدعو للغربية بعنوان (دعوة لتحسين النسل)وأنا رديت عليه فحاب يردها لي......عقول!
عش رجباً تر عجباً

الصقر الحر1 · 04-08-2009, 01:38

هههههههههههه
هذا تاكيد على كﻻمي ان موضوعك دعاية في دعاية ﻻنك تراقبين من يالي دخل وكم قعد ساعة
بس تصدقي والله ما خذ مني الموضوع على بعضه دقائق ﻻني فاتح النت 24 ساعة اتركه احيانا ساعات اذهب على حالي وارجعله بعد مدة
وثانيا شكرا على الدعاية يالي قدمتيها لي موضوع
بس اتمنى ان ﻻتقوليني مالم اقله
وثالثا بدي شئ واحد موضوعك صراحة على ايش يحكي يا افلطون زمانك بس بدنا نفهم

فجورة اشك · 04-08-2009, 01:46

موضوعي يتحجه عن شي مو بمستواك
وانا مو قصدي وجودك بالمنتدى......قصدي وجودك بصفحتي
في شريط صغير تحت الموضوع يظهر اللي يشاهدون الموضوع......وانت ساعه كامله كل ما دخلت موضوعي لقيتك فيه
واكرر موضوعي مو لذوي العقول الصغيرة.......خلك على موضوعك اللي عن تحسين نسلك احسن واليق لك

لــيــال · 04-08-2009, 01:58

الله يوفقك حبيبتي
ويرزقك الذريه الصالحه
والحمد لله ع هالنعمه
بالتوفيق

فجورة اشك · 04-08-2009, 02:03

شكراً حبيبتي ليال علمرور الطيب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

احبها وما أقدر اتركها....وفعلاً ماتركتها