عالم الحياة الزوجية - منتدى

moon lover · 05-08-2009, 11:15

السلام عليكم و رحمة الله و بركاته

اشكر منتدى عالم الحياة الزوجيه لقبول انتسابي و السماح لي بالكتابه في المنتدى

اخواني و اخواتي ،،،

انا الان عمري وصل 30 سنه و ما تزوجت لحد الان و قدر علي الله سبحانه و تعالى يوفقني بمبلغ نوع ما جيد فقلت اريد ان اعف نفسي و اتزوج لكن انصدمت في بعض الامور اولا المهور الناس فعلا تبالغ فيها بشكل فضيع و كأني بتزوج ملاك نازله من الجنه مو راح اخذ زوجه الشي الثاني قضية المسكن انا عندي دور كامل بس المدخل الدرج في الصاله داخل البيت و للعلم انا العائل الوحيد لوالدتي و الناس للأسف ترفض الشي هذا خوفاً من المشاكل المستقبليه و يعلم الله ان اهلي مشهود لهم بالخير و الصلاح و هذا السبب الى مخليني اوصل لهذا العمر و ما تزوجت و راتبي تقريبا 3400 ريال و عندي اكثر من شغله تدر لي دبل الراتب هذا بكثير لأن الراتب للأدخار فقط اللهم لك الحمد ،

اخوي الاكبر مني عانا كثير و في الاخير تزوج اجنبيه و عاش معاها و يقول لي بـ 30 الف تطلع امر الزواج و تكلفة الزواج من الخارج ما يكلفك 5000 ريال على بعضه و كل سنه خذ لك تذكره مع زوجتك و عيالك و سافر معها بالصيفيه و خليها تشوف اهلها و تنبسط في البراد هناك و تروق آخر ترويقه احسن من انك تاخذ وحده من هنا و تبهذلك في حياتك و عيشتك و كل يوم تهلكك طلبات ،

و تقدمت لناس قبل اسبوعين تقريبا و سألوا عني و كل الامور تمام ووافقوا على كل شي يوم وصلنا قضية المهر قالوا نبي 50 الف ريال قلت والله انا المبلغ هذا ما املكه المهر الى بعطيكم 30 الف و بتكفل في باقي التجهيز من ثلاجه و غرفة نوم و و و و .. الخ و قلت له انا عندي اشياء اساسيه لابد منها مثل اجار قاعه و و و و ... الخ مصاريف الزواج الاعتياديه غير الشبكه و و و ... الخ

بمعنى ان الزواج الغرض منه الستر ليه الشعب كله ينفر طالب الزواج بهذي الطريقه البشعه ،

وكان عمر بن الخطاب -رضي الله عنه- يرغب دائمًا في تخفيف المهور على الراغبين في الزواج، فقال: لا تغالوا في صداق النساء، فإنها لو كانت مكرمة في الدنيا، أو تقوى عند الله، كان أولاكم وأحقكم بها محمد صلى الله عليه وسلم. ما أصْدَقَ امرأة من نسائه، ولا أُصْدِقَتْ امرأة من بناته أكثر من اثنتي عشرة أوقية (والأوقية: عشرون درهمًا). [ابن ماجه].

و قال تعالى: {وآتوا النساء صدقاتهن نحلة} [النساء: 4]. (أي: آتوا النساء مهورهن عطاءً مفروضًا). وقال تعالى: {فانكحوهن بإذن أهلهن وآتوهن أجورهن بالمعروف} [النساء: 25] .

بلا شك المهر للبنت حق لها بس المبالغه فيه مشكله و انا حالياً افكر اني اتزوج من خارج المملكه و اسوي مثل اخوي و بنفس الوقت متردد و ابي اشوف ردودكم على موضوعي لعل و عسى تتغير الفكره

و آسف جدا على الاطاله في المووضوع ....

اخوكم : Moon lover

°•βάđŘè 3Łěκ · 05-08-2009, 11:34

لا وانا اختك بنـات الديره ترس الكون ومــو كلهم يركضون ورى المهر
فيه من يبي الستر وفيه من يبي الماده
وأنا اشوف انك لاتستعجل واذا اللي انت تقدمت لها مارضت
بـ 30 الف مع اني اشوفها نعمه وكثيره فيه غيره الف يبون بس يتزوجون
والله يرزقك بالزوجه الصالحه اللي تسعدك بدنياك
والله يهدي هالعـــــــــــالم ..

moon lover · 05-08-2009, 11:39

يا عزيزتي مو اول مره اخطب و يصير هذا انا لي 4 سنوات على هذا الحال و اسف اني نسيت ما ذكرتها في الموضوع

كان زمان شاب · 05-08-2009, 11:58

اخي رحم الله والديك من وقت الا وقت نسمع بان المهور غاليه وان الزواج من اجنبيه ارخص مع احترامي لغير السعوديات ولكن في الحقيقه اني
تعديت الاربعين وفكرت اتزوج وتصدق اني حصلت بنات في العشرينيات فضلا عن الاعمار الكبيره يرغبن الزواج مني ليس لجمالي او مالي بس صراحه البنات تارسات البيوت وفيه اولياء امور قمت اتهرب منهم لانهم قاموا يعرضون بناتهم علي مجرد سمعوا اني ابغى اتزوج الثانيه فكيف بك شاب عزابي الف وحده تتمناك .
وخضنا في المهور مرات كثيره ووجدت ان اغلب الناس يبغى يزوج بنته حتى لو يدفع من جيبه.
اخي مادري عن اي مجتمع تتكلم وفي اي منطقه اذا المهور غاليه في مجتمعكم دور في مجتمع ثاني.اخي دور المجتمع السعودي مليء بالخيريين امثالك وان شاء الله تحصل وحده من بلدك. واذا تبغى مساعده ماديه او مساعده للحصول على زوجه من مجتمعنا بارخص الاسعار فانا حاضر وممكن اعطيك جوالي للتواصل.

دمعة رجل · 05-08-2009, 11:58

خذلك وحدها مطلقه او ارماله أرخص لك
طع شوري خبره

°•βάđŘè 3Łěκ · 05-08-2009, 11:59

صــــار لكـ .. 4 سنوات تخطب .. ولا حصـل نصيب..!

كـل تأخيره وفيها خيره

الله يعوضك هالصبر خير

آنسه مستانسه · 05-08-2009, 12:22

أنت حاط العنوان .. المهر 100 الف.. مع انه المهر اللي طلبوه منك هو 50 الف!

ولله فيهم خير .. لأاني اعرف ناس كثير من جماعتنا هاذي مهور بناتهم!! 100 الف

استغفر الله .. مشكلتهم مو شايفين خير.. لو تشوف ابوي شيقول عنهم...

يقول حشا الخطاب جايين يشتروون تريله ولا قلابي منهم!!!

اشوف ان 30 او 50 الف معقوله و العرس يكون عائلي عشا بوفيه في البيت وبعدها تسافر انت و زوجتك

و إذا هذول ما رضوا ترى في غيرهم يرضون و يوافقون انت بس دور عدل مدل..

moon lover · 05-08-2009, 12:24

اقتباس:

المشاركة الأصلية كتبت بواسطة دمعة رجل

خذلك وحدها مطلقه او ارماله أرخص لك
طع شوري خبره

الله يعين

moon lover · 05-08-2009, 12:27

اقتباس:

المشاركة الأصلية كتبت بواسطة آنسه مستانسه

أنت حاط العنوان .. المهر 100 الف.. مع انه المهر اللي طلبوه منك هو 50 الف!
ولله فيهم خير .. لأاني اعرف ناس كثير من جماعتنا هاذي مهور بناتهم!! 100 الف
استغفر الله .. مشكلتهم مو شايفين خير.. لو تشوف ابوي شيقول عنهم...
يقول حشا الخطاب جايين يشتروون تريله ولا قلابي منهم!!!
اشوف ان 30 او 50 الف معقوله و العرس يكون عائلي عشا بوفيه في البيت وبعدها تسافر انت و زوجتك
و إذا هذول ما رضوا ترى في غيرهم يرضون و يوافقون انت بس دور عدل مدل..

والله يا عزيزتي فيه الى طلب مني 300 الف مو 100 الف بس موضوعي عن آخر عائله خطبت منها

moon lover · 05-08-2009, 12:29

اقتباس:

المشاركة الأصلية كتبت بواسطة كان زمان شاب

اخي رحم الله والديك من وقت الا وقت نسمع بان المهور غاليه وان الزواج من اجنبيه ارخص مع احترامي لغير السعوديات ولكن في الحقيقه اني
تعديت الاربعين وفكرت اتزوج وتصدق اني حصلت بنات في العشرينيات فضلا عن الاعمار الكبيره يرغبن الزواج مني ليس لجمالي او مالي بس صراحه البنات تارسات البيوت وفيه اولياء امور قمت اتهرب منهم لانهم قاموا يعرضون بناتهم علي مجرد سمعوا اني ابغى اتزوج الثانيه فكيف بك شاب عزابي الف وحده تتمناك .
وخضنا في المهور مرات كثيره ووجدت ان اغلب الناس يبغى يزوج بنته حتى لو يدفع من جيبه.
اخي مادري عن اي مجتمع تتكلم وفي اي منطقه اذا المهور غاليه في مجتمعكم دور في مجتمع ثاني.اخي دور المجتمع السعودي مليء بالخيريين امثالك وان شاء الله تحصل وحده من بلدك. واذا تبغى مساعده ماديه او مساعده للحصول على زوجه من مجتمعنا بارخص الاسعار فانا حاضر وممكن اعطيك جوالي للتواصل.

ياليت ترسل لي رقمك الله يعافيك رساله خاصه و مابي مساعده ماديه لأني الحمد لله مضبط اموري كامله بس اذا تقدر تساعدني من ناحية التوجيه لأني محتاج انسان يتكلم معي بكل صدق و صراحه و مابي المجاملات لأن ما ذبحنا غير المجاملات او اي شخص يجيك يقول لك مابي شي و احنا نعين و نعاون و اذا تقدمت رسمي و شفت البنت قال لك المهر كذا و كذا و و و و و ... الخ

و بتغير الكلام 180 درجه انا جربتهم قبلك يا الغالي لكن اذا وصلني رقمك كان خير .

اشكرك و جزاك الله خير

آنسه مستانسه · 05-08-2009, 12:30

اقتباس:

المشاركة الأصلية كتبت بواسطة moon lover

والله يا عزيزتي فيه الى طلب مني 300 الف مو 100 الف بس موضوعي عن آخر عائله خطبت منها

الله المستعـــان 300 الف !!!

أخوي..

اعرف عوايل حضر في الرياض مهور بناتهم ما تتعدى 30 الف و زواجاتهم عائليه و كلها بركه!!

روح دور هنـــــاااك

و صدقني الله ما أخر زواجك إلا انه في شي حلو في انتظارك

قحطاااني ماااركه · 05-08-2009, 12:41

دورا لك من بنات البلد وإذا عجزت تزوج من برى العبرة بالدين والصلاح

الله يوفقك

мϊŝŞ ŗĴąĦ · 05-08-2009, 12:41

معقووله 4 سنييين ومااالقييت ميين اللي ترضى فييك

مااتوقع ان المهر هوو السبب الوحييد !!

ياااكثر البناااااااات اللي يتمنوووون الستر ماايهم المهر او غيير همهم انه يكوون رجاااال والكل يشهد عليييه

بس انت اخوووك سوااالك غسيييل مخ وصااااير متردد مااتدري وش تسوي خااايف تتزوج اجنبيه وبعدين تندم وخاايف تضل طوول عمرك عاانس ؟؟

مااانصحك ابدن بالاجنبياااااات

خذلك وحده من فصلك واصلك يااابعدي

وبتلقى من اللي بترضى فيييك باذن الله بس انت وكل امرك لرب العاالمين وكل شي بيتسهل صدقني

كان زمان شااب>ان شالله يكوون فاااتح خيييير لك يااخوووي والله يرزقك ع قد نيااااتك يااااربي

وبالتوفيييييييق يابعدي

تحياااتي لك ...

عزو90 · 05-08-2009, 12:42

الله يوفقكـ ببنت الحلال الي تسعدكـ في حياتكـ وتسعدها في حياتها

ويرزقكم المال الحلال والمبارك والعيال الصالحين المعافيين يارب ..

ماستطعت مساعدتكـ وحبيت أدعي لكـ ووالله أنها طالعه من قلبي ولدي مشكله مشابهه ...

قحطاااني ماااركه · 05-08-2009, 12:42

اقتباس:

المشاركة الأصلية كتبت بواسطة آنسه مستانسه

الله المستعـــان 300 الف !!!

أخوي..

اعرف عوايل حضر في الرياض مهور بناتهم ما تتعدى 30 الف و زواجاتهم عائليه و كلها بركه!!

روح دور هنـــــاااك

و صدقني الله ما أخر زواجك إلا انه في شي حلو في انتظارك

صدقتي آنسه انا ملاحظ على الحضر ما يتكلفون بالزواج
متساهلين ويشترون الرجال الله يكثر أمثالهم

تحياااااتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)