عالم الحياة الزوجية - منتدى

AHM22 · 06-08-2009, 14:55

السلام عليكم ورحمه الله وبركاته

تعالوا ياجماعه اهلي زاروا اهل البنت اللي خطبتها وشافوا البنت

وجووني وقالوا البنت مايعيبها شي وجمالها مناسب وحليوة , طبعا اهل البنت نعرفهم جيرانا ونعرفهم وتربطني صداقه في اخوها البنت اخلاق وادب قبل كل شي.

ان شاء الله الاهل بيردوا على اهلها بالموافقه وانا وابوي راح نزورهم بس ابوهم رافض شوفه السنه هذه كلام امها لامي قال ابوي اليوم اذا رحنا عشان الفحص بنحاول نقنعه واذا ماوافق توكل على الله دام الاهل شاوفها بس انا خايف تصير مشكلة ولا عادي لو ابوي حاول يقنعه علما بأن ابوها شوي عنيييييد

Nightless · 06-08-2009, 15:02

مادريت وش المطلوب ؟؟؟

ألف مبروك اخويه والله يتمم على خير ان شاء الله
اذا ما صار و وافق ابوها استخير و توكل على الله وش بتسوي بس
اهم شي انها على دين وحليوه

الله يوفقك

عزو90 · 06-08-2009, 15:08

ياخوي مافيها شي خل ابوكـ يكلم ابوها هذا شرع الله ياخوي

لكن الله يهديهم بمجتمعنا تطلع بعض العادات الي تنافي سنتنا ..

ممكن تكون حلوة لكن هالنوع من البنات مايروق لك..!! وش تسوي تعيش معها مغصوب!!

أخوي أصروا على الشوفة ..

ورد تشرين · 06-08-2009, 17:44

هذا من حقك انك تشوفها قبل تملك

ذوق اهلك مو مثل ذوقك

لازم تقنعون ابوها بالشوفه

بالتوفيق

محب الحرية · 06-08-2009, 17:54

ياخوي انت نسق مع اخوها وامها تشوفون بعض بدون مايدري ابوها

وتحت مراقبة الجميع

كثير سووا كذا لان الشياب متاثرين بايام زمان عادات عفا عليها الزمن

المفروض يشوفون بعض ويقعدوا مع بعض وخصوصا بعد الملكة ماهو مسكين يقعد شهر العسل كلة يتعرفوا على بعض

كثير من اللي تزوجوا كذا يقولوا بدا شهر العسل ثاني شهر لانني اول مرة اشوفها ليلة الدخلة .

سندريلا حارتنا · 06-08-2009, 19:54

الصراحه من حقك انك تشوفها قبل الملكه ولو حتى اهلك امدحوها لازم انت تشوفها
هذا شرع الله ليه يحرمونه
الله يوفقك

نبـ الروح ـض · 06-08-2009, 21:19

**
سوي حيله تشوفها من غير علم ابوها
بما ان اخوها صديقك
من حقك تشوفها ومن حقها تشوفك
ولو مره يعني ماقدرتوا
فيه شئ اسمه صور
خلي اخوها يويك صورتها لو 5 دقايق
على الاقل تعرف وش شكلها
وربي يكتب لكم الخيره
والف مبرووووووووك
**

ويبقى الأمل بالله · 07-08-2009, 01:09

الله يوفقكم ياارب
بس اخووي لازم تطلب انك تشوفها وتصر وهذا من حقكم تشوفون بعض
حتى لو أهلك اقتنعوا فيها وارتحت يمكن هي ماترتااح لك
واحسن شيء تشوفون بعض عشان ترتااحون نفسياا
ولا تنسى ترى هذا زوااج مو لعبه يعني عشرة عمر مدى الحياة إذا الله كتبه
والله يوفقكم ياارب وابوها أصر عليه اذا كان هو عنيد خلك انت أعند منه وكلمه وعطه من هالكلام الحلو وياارب يواافق

AHM22 · 07-08-2009, 01:59

الله يسعدكم والله انا بحاول اهي البنت شافتني وشبعت شووووووووف خخخخخخ

بس انا اذكرها وهي صغيرة بس مدري تغيرت عن اول بس البنت اخلاق وادب وانا راغب فيها بس ابوها الله يهديه اليوم امي كلمت امهم وبتحاول في ابوها وان شاء الله يوافق

صمتي عنوان حكمتي · 07-08-2009, 02:47

اله يتم لك على خير بس حاول انك تشوفها احسن لان احنا البنات اوالحريم بشكل عام نظرتنا غير نظرت الرجل وهذي زوجتك الافضل انت تشوفها وهذا من حقك

ناعسه الهدب · 07-08-2009, 03:23

الله يوفقك يارب ويكتب لك الخير من امرك
وع العموم الشوفه مو علشان تشوف هي جميله ولا حليوه
الغرض من الشوفه الراحه النفسيه واحراء ان يؤدم بينكم
ربي يوفقك يارب وحاول تشوفها هذا حقك الشرعي
تقبل مروري

arsenal · 07-08-2009, 03:26

لازم تشوفها بأي طريقه عشان ماتندم بعدين

THE SKY COLORS · 07-08-2009, 03:31

طيب وين المشكله
قصدك على الشوفه ؟؟
خلي اختك تودي لهم صحن حلا
وتدق عليها وتقولها انا عند الباب افتحي معي حلا
وانت وقف بالسطح وشفها وخلي معك مدري وش اسمه تليسكوب اتوقع عشان تشوفها زين
ههههههههههههههههههههههههههه >>تعرف تخرب
الله يوفقك

حبيب وماهو طبيب · 07-08-2009, 03:34

اقتباس:

المشاركة الأصلية كتبت بواسطة محب الحرية

ياخوي انت نسق مع اخوها وامها تشوفون بعض بدون مايدري ابوها

وتحت مراقبة الجميع

كثير سووا كذا لان الشياب متاثرين بايام زمان عادات عفا عليها الزمن

المفروض يشوفون بعض ويقعدوا مع بعض وخصوصا بعد الملكة ماهو مسكين يقعد شهر العسل كلة يتعرفوا على بعض

كثير من اللي تزوجوا كذا يقولوا بدا شهر العسل ثاني شهر لانني اول مرة اشوفها ليلة الدخلة .

مع راي اخونا محب الحرية

مليت ادور اسم · 07-08-2009, 05:49

لازم تشووووووووووووف عشان ماتتحسف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بعد الشوفه...؟