عالم الحياة الزوجية - منتدى

لبوووه · 06-08-2009, 16:33

بسم الله الرحمن الرحيم

الســــــــــــــــلام عليكم ورحمة الله وبركاته

بدايةً أُ شهد الله أنني أحبكن في الله...

غالباً ما تتغير نظرة الإنسان للأمور الحياتية بحكم خبراته وتجاربه...فما بالك بوضع اجتماعي جديد

بمعنى....تصرف المطلقة في المواقف يختلف قبل زواجها وبعد طلاقها!!

في هذا المتصفح...أتمنى مشاركتكم بمواقفكم وكيفية تصرفك فيها...وما أسبابك التي جعلتك تتصرفين

في هذه المواقف..؟؟ ....الخ

لك كامل الحرية في التحدث...لكن الشرط الوحيد هو عدم التعليق على المشاركات...فقط أرفقي

موضوعك وتحدثي عنه..

مثال: أنا تكلم عن موقف صار لي اليوم وكيف تصرفت فيه....تجي اختي أم تالا وتكتب موقفها

من غير ما تعلق على موقفي ...( يعني مافيه ردود)

أتمنى انها وضحت الفكرة

لكم مني أرق التحيايا

آنسه مستانسه · 06-08-2009, 17:11

هممممم

اضربي مثال اختي... عن اي المواقف تتحدثين

^(^

لوله العسوله · 06-08-2009, 17:24

المواقف كثيره اي الانواع تقصدي

قمه على قمه · 06-08-2009, 17:29

اهلين اختي فعلا تغيرت مواقفي مع تغير وضعي

مثال انا لما كنت متزوجه كنت اسولف مع بنات عمي ورفيجاتي الخاصين عن الليالي الرومنسيه والحركات اللي اسويها لزوجي والمفاجآآآت واشياء كثيره وكانو البنات يستفيدون مني ودايما يسئلوني واعلمهم اذا احتاجو شي اما الحين لااااااااااا لما اسولف واقول كنت وكنت وكنت بقصد اني اعلمهم احس انهم ما يتجاوبون معاي كأنهم يقولون كل اللي سويتيه ما فادج او كأنهم يقولون انتي بعد الطلاق ما نبي نسمع منج شي ..... يخافون يصير مصيرهم مثل مصيري

مع انهم عارفين ان سبب طلاقي هم اهل زوجي مو زوجي بنفسه

ومن بعد كم موقف ما قمت اتكلم ولا اشارك في مثل هالمواضيع

لبوووه · 06-08-2009, 17:29

مثال:

نوره راحت لمناسبة (حفلة)...وتجيها وحده وهي تعرف اسمها بحكم السؤال عنها...لكنها لاتعلم

إنها مطلقة...تجي تسلم على نوره وتسألها هل انتي مخطوبة؟؟

نورة عندها رغبة في الزواج...ماذا سترد على السائلة في هذه الحالة؟؟

لست مرتبطة...لكن مطلقة..

كيف بتكون ردة فعل السائلة؟؟

كيف بتكون ردة فعل نوره بعدما عرفت السائلة عن وضعها الاجتماعي؟؟ هل ستكمل عرضها؟؟

انتم عارفين إنه فيه نساء (حريم) أسلوبها جاف وما تعرف تتصرف فيمكن تجرح المطلقة نوره

قمه على قمه · 06-08-2009, 17:36

وبعد حبيت اضيف موقف يضايقني حيييل

لما اجي ادخل الغرفه والقى خواتي يسولفون عن الملابس والقمصان والحركات الحلوة والسهرات وادخل انا يسكتون احس انهم يخافون اني اغار او احسدهم وانا والله ما اقارن نفسي فيهم وبالعكس احب لهم الخير بس ادري انهم متفقين انهم ما يتكلمون قدامي بشي من هالامور

هذا الموقف بعد يحزني

لبوووه · 06-08-2009, 17:41

مع اني قلت في البداية اني ماراح أعلق...لكن احب ارحب بآنسه مستانسه ولوله وقمة على قمة

لوله...مواقف تصير بحياتك مو شرط كل يوم...لكن تصير وتكون لك ردة فعل فيها وتتصرفين تبعاً لذلك

مثال لموقف صار لي :

رحت لعزيمة عند ناس وكان عندهم إمرأه كبيره تسمع عني لكن ما شافتني

كانت المره الولى اللي تشوفني فيها...لما سلمت عليهم وجلست

قامت تصيح وتدعي لي...طبعاً المكان كان مليان بحفيداتها وبناتها وأقاربهم...ابتسمت أنا وما أعطيت

الموضوع أهمية...( لكن في داخل نفسي كنت متضايقة)...وش هالتفكير؟

هي الله يهديها من النوع اللي انفعالاتها ما تقدر تخبيها...وتحرج اللي قدامها..

لبوووه · 06-08-2009, 17:50

موقف آخر:

في الواقع اتفادى الحديث عن المشاكل والهموم...

فبعد عشرة مع زميلة لي...وآخر جلسة كانت تجمعنا...تحدثنا عن الفرح والمزح والامور هذي

قالت...يالبوووه أنا أتجنب الحديث عن الأشياء المفرحة أو خفة الدم أو الجنون...حتى لا أجرح مشاعرك

قلت لها شلون ما فهمت؟؟

قالت: لأن عندك هموم فمو حابه استخف بنفسيتك...الخ

قلت : ليش أنا قد صار وشكيت لك؟؟

طبعاً اعتذرت وحسستها بالندم...لأنها فعلاً تفكيرها كان خاطئ...واللي كانوا يشاركونا

الجلسة ما قصروا

الرومانسي 111 · 06-08-2009, 19:23

مساء الورد<<<<<<<<<<<<<< اذا استوعب بيرجع يكتب

صدق الوفى · 06-08-2009, 19:33

من ضمن المواقف الجارحه

كنت فرحان وعادي ساهي ولاهي ومزاجي تمام

قابلت الوالد وانا مثل المرح وخفيف دم وابتم ثم قال

المفروض الحين عنك ثلاثه او اربع عيال

انا هنا مثل اللي مدري ودي احط علىصاروخ وينطلق بي خارج الكورة الارضيه

سكت وامشي مثل كذا

سبحان مهما حاولت تلملم شتاتك شهور او سنين

يجي من هو بلحظه يبعثرك

اشكرك على هذا الموضوع الرائع

آنسه مستانسه · 06-08-2009, 20:13

همممم.. طيب خليني اقوللك موقف .. نفس اللي ذكرتيه لي

طبعا .. خوالي من زمان ما جيتهم لأنهم في دوله ثانيه (دوله خليجيه) لا تحسبون فيني عرق ^_^

الموووهم .. ابطيت عنهم بعد وفاة أمي.. و عقب قررت اغير جو و ازورهم بعد وفاتها بــ 6 شهور
(الله يرحمها و يرحم اموات المسلمين)

يوم جيتهم و دخلت المجلس.. الله لا يوريك.. الفيلم العربي اللي صار من جدتي و خالاتي

يا هووو صيــــــــــــــاح.. ياا هو عيـــــااااط... يا هووو يمكن هيـــااااط !!!

المووهم.. ارتبكت.. و قعدت اتبسم.. و ماادري شقوول و وجهي قلب..و حسيت جتني الصيحه
بس قلت يا بنت امسكي نفسك على شنو المناحه هاذي.. لأني الوحيده اللي ماتت امي عني ما زوجتني مثلا!!

لان في بالهم يوووه مسكينه ما حولها احد في البيت..!!

سكت و لفيت وجهي نفس كذا

^
(كيفي توقيعي)
^_^

و هم شوي و سكروا حنفياتهم..
و بــــــــــــس ......اتمنى يكون موقفي من ضمن المواقف اللي تقصيدينها اختي

و شكرا على تغييير موود القسم لأنه صار كحلي هاليومين

v_v

لدمعتي قصة الم !! · 06-08-2009, 22:45

نورتي القسم ياقلبي

انا راح اقول موقف صارلي

وحده عزيزه علي والمصيبه مثلي مطلقه قلت بس هذي قريبه لى

وجلسنا تقريبا شهرين نكلم بعض

رغم انى مو بسهوله اكون علاقه لكن قلت اكيد مطلقه مثلى بنعرف هموم بعض

بعد فتره خطبت رحتلها وباركت لها لكن كانت مو فرحانه بجيتى

الا بعدها قله مكالمتها لى

قلت مشغوله

الا بعدين صارت الملكه بعدها بيووووووووووم واحد فقط

حطت على بلوك ولا عاد تكلمنى وغيرت رقمها

يعنى صارت اللحين تخاف منى لانى (مطلقه )

زمن عجيييييييييييييييييييييييييييييييييييييييييييييييي ب

اختك
ام تالا

لبوووه · 07-08-2009, 00:01

تقدم لخطبتي رجل متزوج...بداية قلت خليني أشوف وش يصير!!...

توه ما أمدانا حتى نسأل...إلا وزوجته تتصل علي...كانت جداً مندفعه وانفعالية...وكنت هادية

جداً معها....وفعدت أحاورها بهدوء...وأقول ما ألومك ومن حقك تدافعي عن بيتك وزوجك

والله يخليكم لبعض...وإنتِ شوفي وين الخلل وحاولي تعالجي الوضع...لأن الرجال إذا في نيته زواج

بيتزوج..

من ضمن كلامها الحلو: هو مو ناقصه شي...بالله عليك وشيبي فيك وانتِ مطلقة؟؟؟ لو يبي الزواج

وهو صادق بيتزوج بنت بنوت...

كانت ردة فعلي ضحكة ههههههههههههههه وبعدها سويت كذا لكن كنت لابسه برقع مو مثل اللي بالصورة

قلت تطمني الموضوع منتهي قبل يبدأ...

آنسه مستانسه · 07-08-2009, 00:13

هممممم.. لبوه حبيبتي.. يا صاحبة الموضوع

عطينا وجه.. علقي على ردودنــا مو تخلينا و تسوين كذاا

خخخخخخ

بتصير لزمه في القسم الحين

^_^

لبوووه · 07-08-2009, 01:02

اقتباس:

المشاركة الأصلية كتبت بواسطة آنسه مستانسه

هممممم.. لبوه حبيبتي.. يا صاحبة الموضوع

عطينا وجه.. علقي على ردودنــا مو تخلينا و تسوين كذاا

خخخخخخ

بتصير لزمه في القسم الحين

^_^

هلا انسه...هههههههههههه قلنا ماراح أعلق على الردود

أبي الكل ياخذ راحته...لا أنا أرد ولا أحد من الاعضاء يعلق...

وما نبي اللي يكتب رده يسوي كذا بسبب تعليق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مواقف من حياتنا اليومية!!