عالم الحياة الزوجية - منتدى

M.H.S · 07-08-2009, 13:12

السلام عليكم ورحمة الله و بركاتة ...

كيف الحال جميعاً ( نساء و رجال ) و جمعة مباركة ....

الصراحه ما تصورت ان فترة الملكة بتطول الى 8 شهور ، لكن ما اقول غير اللهم الصبر الصبر ..

لكن في هذه الفترة عشت ايام جميلة جداً ، ايام كتت وين ما اروح ارقص و اغني من الفرحة ، و السبب

ان الله من علي بزوجة لم اتخيل انها سوف ترضبى بي ( الحمد الله حمداً كثيراً ، قولوا ما شاء الله ) ...

ليست قلة ثقة و انما ما رأيته فيها من جمال و خلق و دين ، و انها سوف ترضي بشاب بهذه الهيئة ..

فانا شاب لست بتلك الوسامه ولا بذلك الجمال او حتي الجسم الرشيق المفتول العضلات انما شخص عادي جداً جداً ... و الكرشه ابرز ملامح الجسم ...

و كا تفكير اي شاب في هذا الزمن ، حاولت ان اتعرف ببنات من المولات او حتي في مكان عملي و لكن كانت نفسي تقول لي " لا لا تفعل هذا " و كثير من الاوقات تاتيني افكار شيطانية كيف ارقم بنات في المولات و كيف اغازلهن و و و و و و و ... و كانت حياتي كلها مقلوبه رأساً على عقب ... و لكن كان الصبر هو مفتاح الفرج ... و الحمد الله ...

المهم ...

خلال فترة الملكة ... تحدثنا كثيراً على الهاتف ... و كلن صارح الثاني بما عنده ... لكن ابقينا على بعض

الامور لما بعد الزواج ( اذا كان حبيبك عسل ، لا تلحسه كله ) ، الحمد الله كلن راضي عن الثاني تمام

تمام تمام الرضي ، لكن صادفتنا بعض الامور الي تعكس صفو هذه الفترة الجميلة ، و الحمد الله تجاوزنها

( بأمـر الحب ) إلي بيننا هذه الامور ،

و لكن عندي كم استفسار اريد منكم الاجابة عليه

1- طول فترة المكالمات الى تمتد الى 4 ساعات هل هو صحي او ممكن تسبب مشاكل ؟؟

2- عندما اذهب لمقابلتها في بيت اهلها تجرفنا المحبة بيينا و نتبادل القبل فقط او الكلام الرمنسي

فهل تبادلنا للقبل امر محمود ام ممكن تكون له عواقب وخيمه ؟؟

3- طلبت من اهلها الخروج و انا و هي فقط بدون تواجد احد من عائلتنا ، و طبعاً رفضوا و انا قبلت الامر لانني جلست معهم جلست مصارحه بهذا الامر و عرفت مبتغاهم ، هنا هل موقفي سلبي ام ايجابي ؟؟

4- هل مناقشة امور ليلة الدخلة امر جيد ؟؟ و هل مناقشة عدد امور الاطفال و كم طفل كل واحد يريد امر جيد ام قد تكون لنا مشاكل ؟؟

5- في حالة حصول اي مشكلة ببنا ... الافضل مين يبدا بالسلام ( يعني مين يصالح انا ولا هي ) و خاصه اذا كانت المشكلة منها هي ؟؟

هنا السؤال الجوهي و السؤال الي اريد اجابته بسرعة ::

بعد ايام سوف يصادف عيد ميلادها ، شو تنصحوني اسوي ؟؟ اريد مفاجأتها ؟؟ اريد ان اسعدها ؟؟ بماذا تشيرون لي ؟؟؟

الله يكتب السعادة للتمزوجين و المقبلي على الزواج و الي يفكرون بالزواج و العزاب ...

شاكر لكم ردودكم و تعوانكم معنا ...

بالتوفيق للجميع ...

اجمعني بها يارب H · 07-08-2009, 13:57

مبرووك .. الله يتمم عليكم بالخير والصصلاح .. ويرزقكم الذريه الصصالحه .. اللي يبرون فيكم ..!

اقتباس:

1- طول فترة المكالمات الى تمتد الى 4 ساعات هل هو صحي او ممكن تسبب مشاكل ؟؟

انا اششوف مافيها شي .. بسس الافضضل .. تقللون .. عششان تششتاقون لبعضض اكثر .. وتتعلقون ببعض اكثر

وهذا له اثر ايجابي مسستقبلا .. باذن اللي ماتنام عيينه ..!

اقتباس:

2- عندما اذهب لمقابلتها في بيت اهلها تجرفنا المحبة بيينا و نتبادل القبل فقط او الكلام الرمنسي فهل تبادلنا للقبل امر محمود ام ممكن تكون له عواقب وخيمه ؟؟

امر محموود اكيد .. وصصحي بعد .. عششان تسسهل عليكم ليله العمر .. ان شاء الله ..!

بسس لكل شي حدوود وانا اخووك .. اللزم حدوودك .. واقضضب عمرك ..!

اقتباس:

3- طلبت من اهلها الخروج و انا و هي فقط بدون تواجد احد من عائلتنا ، و طبعاً رفضوا و انا قبلت الامر لانني جلست معهم جلست مصارحه بهذا الامر و عرفت مبتغاهم ، هنا هل موقفي سلبي ام ايجابي ؟؟

ماقصصرت .. حلوو انك تششوف وجهه نظرهم ويششوفون وجهه نظرك .. بسس مافي مانع ان يطلع معاكم احد من الاهل ..!

اقتباس:

4- هل مناقشة امور ليلة الدخلة امر جيد ؟؟ و هل مناقشة عدد امور الاطفال و كم طفل كل واحد يريد امر جيد ام قد تكون لنا مشاكل ؟؟

اششوف يعني مرهـ وحدهـ قبل الزواج بششهر ان شاء الله .. وبعدها تقفل على الموضووع .. عششان ماتكون الاعصصاب مشدودهـ .. والخووف موجود ..!

اقتباس:

5- في حالة حصول اي مشكلة ببنا ... الافضل مين يبدا بالسلام ( يعني مين يصالح انا ولا هي ) و خاصه اذا كانت المشكلة منها هي ؟؟

الله يجزاك خير .. والله يكتب لك الاجر على بدايتك بالصلح .. لاكن ممكن ينقلب الشي هذا عليك بعدين .. خاصه ان فترهـ الملكه .. هي فترهـ التعارف على بعض .. يعني صعبه الحين تعطيها طبع .. بعد الزواج طبع ثاني ..!
خلك على طبيعتك .. يعني اللي لك قل هذا لي .. واللي عليك قل هذا علي ..!
اهم شي خلك على طبيعتك ولاتتصنع الششي ..!

اقتباس:

هنا السؤال الجوهي و السؤال الي اريد اجابته بسرعة ::

اقتباس:

بعد ايام سوف يصادف عيد ميلادها ، شو تنصحوني اسوي ؟؟ اريد مفاجأتها ؟؟ اريد ان اسعدها ؟؟ بماذا تشيرون لي ؟؟؟

منيب حريص على الامور هذي انا .. والله يهدي الجميع يارب ..!

روابط الحب · 07-08-2009, 14:03

اول شي الف مبروك يالاخو والله يوفقك معاهااا يااارب اجاوب مع اسئلتك بحكم الخبرة يعني بالنسبه للمكالمات احس كثيره 4 ساعات حتى الكذب يخلص هههههههه مدري قلل منها احسن تبادل القبل والكلام الرومانسي احلى لحظات الخطوبه لاتضيعها علشان ماتندم لانها احساس جميل جدا جدا ولاتنجرف لاشياء ثانيه بالنسبه لطلعاتك معاها عادي احترم وجهة نظر اهلها ولاحق بالزواج روح واياها وين ماتبي مناقشة امور ليلة الدخله احسها ضروريه جدا علشان تطمئن لك من يبدا بالسلام اذا حصلت مشكله لاقدر الله لازم تتعلم ان الغلطان هو اللي يصالح لانك اذا جيتها بكل مره تراضيها بتخرب حياتك وهاذي بتلقاها نسخ كربونيه من المشاكل اللي دايم تكتب بالمنتدى لان راح يعطيها نوع من الكبرياء وتصير ماتتنازل عن شي لانها تدري انها بكل مرة انت اللي بتبتدي بالنسبه لعيد ميلادها بما انكم ماراح تقدر تطلع بمكان بتروح لها البيت قدم لها بوكيه ورد كبير بورود ملونه وهديتك من اختيارك مثلا فستان ناعم مع عطر ماركه او اي شي من اختيارك ان شالله افدتك والله يوفقكم

حلا العمر · 07-08-2009, 15:12

الله يتمم عليك وعلينا بس فعلا لاتكثرو من المكالمات عشان تشتاقو لبعض الله يسعدكم

leeles · 07-08-2009, 23:40

اقتباس:
بعد ايام سوف يصادف عيد ميلادها ، شو تنصحوني اسوي ؟؟ اريد مفاجأتها ؟؟ اريد ان اسعدها ؟؟ بماذا تشيرون لي ؟؟؟

سولها بالونات على شكل قلب او على اسمها وخلها تتعدل يعني ( قول لأهلها عن المفاجئ هذي وخلهم يتصرفون بمظهرها ) و جيب لها كيك على قلب او اي شيء ( قبل كل هذا اسألها شنو نكهتها المفضله او اسأل اهلها ) و وجودك معها يكفي

الجوهرة 14 · 08-08-2009, 00:08

مبروك واحب اقوول لك ان الله عوضك لانك ماكنت تقترب من الحرام
وصدق الرسول صلى الله علية وسلم اذ يقول من ترك شيئا الله عوضة الله خيرا منة

رفيقي الأمل · 08-08-2009, 02:46

الله يوفقكم ويجمع بينكم بالخير

[ ولد مغرور] · 08-08-2009, 02:58

موضوعك موفق.. ومميز
ومنك نستفيد
وخصوصا لسوالك اللي تفضلت وطرحته رقم 5 ؟ مهم جدا بالنسبة لي **

نتابع من الااخوان ذوي الخبرات
ونفيد ونستفيد
تقبل مروري ...

دلوعة نايف · 08-08-2009, 03:02

1- طول فترة المكالمات الى تمتد الى 4 ساعات هل هو صحي او ممكن تسبب مشاكل ؟؟

صحي طبعا ..وقد يلهب الحب أكثر ..ويزيد بكم التعلق ببعض ..

2- عندما اذهب لمقابلتها في بيت اهلها تجرفنا المحبة بيينا و نتبادل القبل فقط او الكلام الرمنسي

فهل تبادلنا للقبل امر محمود ام ممكن تكون له عواقب وخيمه ؟؟
تبادل القبل مع الكلام الرومنسي أمر محمود طبعا ..
ومسموح به في هذة الفترة ..وأعتقد هي مايسمى بمصطلحنا العام (رومنسية )..
لكن لاتدع الامور تزيد عن القبل والاحضان ..

3- طلبت من اهلها الخروج و انا و هي فقط بدون تواجد احد من عائلتنا ، و طبعاً رفضوا و انا قبلت الامر لانني جلست معهم جلست مصارحه بهذا الامر و عرفت مبتغاهم ، هنا هل موقفي سلبي ام ايجابي ؟؟

أحسنت بمصارحتك لهم ..لكن بما انهم يمنعون ..فلا حول لك ولاقوة ..خذوا معكم ايا كان ..وأخرجوا
..
4- هل مناقشة امور ليلة الدخلة امر جيد ؟؟ و هل مناقشة عدد امور الاطفال و كم طفل كل واحد يريد امر جيد ام قد تكون لنا مشاكل ؟؟
ليس من الآن ..قبل الزواج بشهر ..أما الاطفال ههههههههههههههه لك الحرية أخوي ..

5- في حالة حصول اي مشكلة ببنا ... الافضل مين يبدا بالسلام ( يعني مين يصالح انا ولا هي ) و خاصه اذا كانت المشكلة منها هي ؟؟

إذا كانت اهي مزعلتك أنتظر تراضيك ..وإذا كنت انت فبادر بسرعة ..

هنا السؤال الجوهي و السؤال الي اريد اجابته بسرعة ::

بعد ايام سوف يصادف عيد ميلادها ، شو تنصحوني اسوي ؟؟ اريد مفاجأتها ؟؟ اريد ان اسعدها ؟؟ بماذا تشيرون لي ؟؟؟

روح لها بيت أهلها بكيكة كبيرة مكتوب فيها اسمها ..
وياريت لو يحصل لكم طلعة هذيك الليلة ..إلى مطعم مثلا ..
ولاتنسى هديتها طبعا ..
أختار لها أحلى هدية ..
أعطيها مثلا جهاز جوال ..

الله يسعدك اخوي ويتتمها عليك يارب ..

A.AL.AMOOUDI · 08-08-2009, 04:12

أخوي الأخوان وفوآ وَ كفوآ ..

الله يوفق معاها ويسعدكم يارب ..

::

بقايا جسد · 08-08-2009, 04:25

انا بصرحه مع كلام الاخ اجمعني بها يارب h ولا ازيد عليه حرف

الله يوفقك حبيبي

سوبر بانيلي · 08-08-2009, 05:46

الله يوفقك ويهنيك باين عليك انك انسان محترم
واتوقع انها المراءه الاولى في حياتك
مبررررررررررررررررررررررررررررروك مقدماااا

DanDoSha · 08-08-2009, 10:07

طول فترة المكالمات الى تمتد الى 4 ساعات هل هو صحي او ممكن تسبب مشاكل ؟؟
لا عادي بالعكس منها تتعرفون على بعض وتاخذون راحتكم بالكلام .. بس خلها تشتاق لك اكثر ..
عندما اذهب لمقابلتها في بيت اهلها تجرفنا المحبة بيينا و نتبادل القبل فقط او الكلام الرمنسي :
فهل تبادلنا للقبل امر محمود ام ممكن تكون له عواقب وخيمه ؟؟
لا عادي هاذي زوجتك وانت لك الحق انك تبوسها .. مافيها شي بس لا تتمادى عشان ليله العمر يكون لها طعم حلو وكل شي فيها يديد
- طلبت من اهلها الخروج و انا و هي فقط بدون تواجد احد من عائلتنا ، و طبعاً رفضوا و انا قبلت الامر لانني جلست معهم جلست مصارحه بهذا الامر و عرفت مبتغاهم ، هنا هل موقفي سلبي ام ايجابي ؟؟
بالعكس موقفك جدا ايجابي لانك احترمت طلبهم وعادي لو ما طلعت معاها اللحين .. لا تنسى باجر بتكون لك 24 ساعه هع هع
- هل مناقشة امور ليلة الدخلة امر جيد ؟؟ و هل مناقشة عدد امور الاطفال و كم طفل كل واحد يريد امر جيد ام قد تكون لنا مشاكل ؟؟
لا تناقش معاها ليله الدخله ولا اتييب سيره الجنس بالمرررررره .. صدقني نصيحه ذهبيه !!
لكن الاطفال عادي يعني من باب المزح قولها جم ياهل تبي .. وجذي
لكن لا تفكر بهالاموور وايد بالعكس اخذ وقتك بالوناسه بالامور الثانيه تعرفو على بعض اكثر
وخل هالسوالف حق بعدين لا صرتوا تحت سقف واحد ..
5- في حالة حصول اي مشكلة ببنا ... الافضل مين يبدا بالسلام ( يعني مين يصالح انا ولا هي ) و خاصه اذا كانت المشكلة منها هي ؟؟
اذا كانت مشكله عاديه .. تقدر انت تبادر بهالشي .. يمكن اهي ليلحين ما تعودت شلون تفاتحك بالموضوع ..
لكن لا تستمر على هالحاله وايد .. مره مرتين دلعها .. بعدين قولها وصارحها ان اهي الغلطانه ..
مو لازم تسوي اكشن لكن اهم شي بين المتزوجين التفاهم .. والله لا اييب المشاكل يارب

هنا السؤال الجوهي و السؤال الي اريد اجابته بسرعة ::بعد ايام سوف يصادف عيد ميلادها ، شو تنصحوني اسوي ؟؟ اريد مفاجأتها ؟؟ اريد ان اسعدها ؟؟ بماذا تشيرون لي ؟؟؟
انا اقول اتييب لحه باقة ورد احمر و وردي .. وتشتري لها قلاده .. مو شرط تكون ذهب ولا الماس .. لكن شي تلبسه دايما وبكل مكان عشان تحس انك قريب منها وتستانس بهالشي .. او سلسال لليد .. يعني شي بسيط وحلو .. "هذا من رايي" ^_^
الله يكتب السعادة للتمزوجين و المقبلي على الزواج و الي يفكرون بالزواج و العزاب ...آمـــــــــــين
شاكر لكم ردودكم و تعوانكم معنا ... العفــــــــوؤؤو ...بالتوفيق للجميع ...
ثــــآنكــــس
الله يوفقـــكـ ..

( ^ _ ^ ) · 08-08-2009, 11:28

الله يوفقك يا الغالي ( ^ _ ^ )

كـلـي حـركات! · 08-08-2009, 13:33

1- طول فترة المكالمات الى تمتد الى 4 ساعات هل هو صحي او ممكن تسبب مشاكل ؟؟

مو جنه وايد لوول .. انا الصراحه عندي ساعه وايد وامل بسرعه لوول .. هي ممكن تسبب مشاكل ..
حاول تقلل تخلي ساعتين مثلا .. علشان ماتملون من بعض .. اخاف اول ماتزوجها تمل من سوالفها وتحسها مكرره
وماتيلس بالبيت بعد اسبوعين !!

2- عندما اذهب لمقابلتها في بيت اهلها تجرفنا المحبة بيينا و نتبادل القبل فقط او الكلام الرمنسي فهل تبادلنا للقبل امر محمود ام ممكن تكون له عواقب وخيمه ؟؟

هي شي محمود اكيد .. دام انكم ملجتو ع بعض فهو حلال .. لكن ماتستوي الدخله .. وماله عواقب ولاشي اتطمن ..

3- طلبت من اهلها الخروج و انا و هي فقط بدون تواجد احد من عائلتنا ، و طبعاً رفضوا و انا قبلت الامر لانني جلست معهم جلست مصارحه بهذا الامر و عرفت مبتغاهم ، هنا هل موقفي سلبي ام ايجابي ؟؟

اممم شوف هو شي عادي . . محلل ومب محرم .. لكن عايلتها خايفين عليها .. ويكون الافضل تجوفها في بيتها ..
والموقف الي اتخذووه ايجابي بنظري طبعا .. عساس ماتملون من بعض .. مايستوي كل شي تباه تسويه مره وحده ..
واذا تبون تطلعون قول لأهلها انك بتاخذ اختها ... او اخوها .. علشان يتطمنون ..

4- هل مناقشة امور ليلة الدخلة امر جيد ؟؟ و هل مناقشة عدد امور الاطفال و كم طفل كل واحد يريد امر جيد ام قد تكون لنا مشاكل ؟؟

شي جيد لكن بحدود يعنى ماتتعدون الحدوود الحمرا وتقولون كل شي بالتفاصييل !!
واصبر قبل الحفله يعنى بشهر او شهرين فاتحها بالموضوع ..
اما عن العيال وامور العيال مافي مانع ..

5- في حالة حصول اي مشكلة ببنا ... الافضل مين يبدا بالسلام ( يعني مين يصالح انا ولا هي ) و خاصه اذا كانت المشكلة منها هي ؟؟

يعنى اذا هي الغلطانه هي الي تبادر بالسلام .. واذا من طبعها خجوله وتحاول انها تعتذرلك وحاسه بالذنب بس موقادره ماعليه مافيها شي لو سامحتها بس لاتنسى اول شي تعاتبها شويه .. بس شويه ! ..

هنا السؤال الجوهي و السؤال الي اريد اجابته بسرعة ::

بعد ايام سوف يصادف عيد ميلادها ، شو تنصحوني اسوي ؟؟ اريد مفاجأتها ؟؟ اريد ان اسعدها ؟؟ بماذا تشيرون لي ؟؟؟

اشتري لها طقم .. او اي شي حلو ..

كلي حركات!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

فترة الملكـة ... احلى و اصعب فترة ...