السلام عليكم و رحمة الله و بركاته

و إن كان عندك شي هــاته..



بعد نجاح موضوعي الأول..

خطيب نمبر ون - إضغط هنا
^
إيه هيــن


قررت أكتب لكم سلسله عن الخطــاب العاهات اللي جوني - و بكلمة عاهات اقصد الأخلاق مبيوعه بنص ريال!

لكن الشهاده لله.. في منهم ناس محترمه..



طبعا ما فاتكم الأكشن اللي صار مع الاخت العزيزه (لا أنحني إلا لخالقي) و العاشق اللي احرج نفسه
و تصرف بطريقه صبيانيه .. جعلت المتعاطفين معه ينقلبون ضده..

(و أبي تعذرني اختي لا انحني إني ذكرت اسمها و حكايتها بمووضوعي و أنا ولله العظيم لا اقصد إحراجك
و لكن أريد أن اسرد قصه مشابهه حصلت معي..و ذلك ليس إلا للعبره والعظه لبناتنا متصفحات الإنترنت)

و ايضــا من أجل تغيير مود القسم اللي اصبح نوعا ما كئيب..

سأسرد قصه فيها خطبه عن طريق الماسنجر و موضوع صار جدي و اكيد راح اسرد فيها طريقه رائعه
تضمن للبنت جدية الشاب.. و تقدر البنت من خلالها تحافظ على نفسها و ما تجر نفسها لسوالف فاضيه

و احب انبه يا بنات.. أني ماادعو اي وحده فيكم انها تعطي وجه لأي احد يجيها من هالطريق
لان مثل مافيه الصالح.. فيه الطالح ايضا..أهم حاجه الستر..ثم الستر .. ثم الستر..


أولا.. ماسنجري الشخصي و ماسنجر مكتبي دائما مفتوح 24 ساعه 7 ايام في الاسبوع< استخدم برنامج يفتح ماسنجرين في وقت واحد.

الماسنجر الشخصي طبعا ماعليه اي كونتاكت (جهات إتصال) غير أصدقائي اللي تعرفت عليهم في حياتي اليوميه و هم كلهم بنات طبعا..و أيضا افراد عائلتي بحكم ان كل واحد فيهم في ديره او منطقه بعيده.


في يوم من الأيام جتني إضافه.. فما ركزت هي على ماسنجري حق البيزنس او ماسنجري الشخصي
فقبلت على عجل..و ياليتني ما قبلت..



تفاجأت فيه في يوم من الأيام.. يسألني مين الأخت..؟
رديت عليه بنفس السؤال؟ لأني بصراحه افتكرته احد من اقاربي الشباب لأنهم تطلع منهم حركات زي كذا..

المهم ..كلمه مني و كلمه منه...قلت له يا ابن الحلال.. انا مااعرفك و يبدو انك لا تعرف انا مين شخصيا
ولا حتى انت زبون يعرفني و يبي شغل مني.. ارجو الحذف لأني راح احذفك من عندي

و صلى الله و باااارك.....

و فعلا حذفته..و مضى كم يوم...

و تفاجأت به يظهر لي فجأه على الماسنجر.....من وين ما اعرف,.< بعدين اكتشفت انه كان لازم اعمل حظر ثم حذف و ليس حذف فقط.. لأن الأخ ما حذفني من عنده.. يعني يراني ولا أراه!

تفاجأت فيه.. تارك لي رساله عالمسنجر بهذا النص:

طبعا انا ماشفت المسج إلا متأخر...و كنت مستعجبه..... هذا شلون عرفني؟؟




تبون تعرفون كيف؟؟؟؟؟ إنتظرونـــــــا في الحلقه القادمه


صراحه إذا حصلت تفاعل.. بكمل القصه

ميــــــن يحبــني!؟!؟

^
^
فديــت اللي يحبـوني أنـــااا
::

أنــا مرره مستانسه.. لأني كل يوم أحمد ربي و أشكره

شكرا خواتي و إخواني عالتفاعل

اللي تركت المطبخ و جت تتابع
و اللي ترك الجيم و جااا

^
واللي ما عندها شغله غير تحط ايقونات ...<<

::

المهم...

نرجع لمحور حديثنا.. أنا رجعت البيت عالعشاا و شفت المسج على شاشة المسنجر


و مثل ما قلت لكم استعجبت..!! كيف عرفني؟؟

... بعدين سجلت خروج من المسنجر و باليوم الثاني اول ما سجلت دخول نط مسج منه لي
(تذكروا اني انا لا أراه عالمسن بحكم اني حذفته لكن هو يقدر يشوفني اون لاين)

سألته من وين عرفني؟؟ و هل في معرفه سابقه او شي؟

قال لي انه عرف عني من الانترنت.. << الأخ سوا بحث بايميلي و دخل على مواقع مسجله فيها باسمي
و حاطه نماذج من أعمالي و كمان دخل على البلوج حقتي و الــ تويتر!

يعني عرف تفاصيل من حياتي..

(تذكروا اني ايميلي الشخصي لا اعطيه إلا ناس اعرفهم..و يعرفوني شخصيا)

الموووهم..مالكم في الطويله...

بعد تجاذب أطراف الحديث بيني و بينه على مدى كم اسبوع متقطع (يعني مو يوميا)

و الشهاده لله الأخ كان سيدا و محترم و اسلوبه راقي لأنه انسان متعلم..
و هذا الشي.. شفته بنفسي.. لأنه عرفني باسمه الحقيقي و هو مين و ايش خلفيته بالحياه
(وأختكم في الله ماقصرت سوت تحريات عنه و عرفت ناس يعرفوه شخصيا)


::

إلى أن اتى اليوم اللي قال لي فيه انه متزوج و عنده أطفال و زوجته اوكي معاه لكن..
لكنه اتزوجها زواج تقليدي و ما عاش حب معاها <<<

::

أنا طبعا وقتها.. تحطمت أحلامي كلها..
و كل فكره ورديه مرت بخيالي مسبقا من يوم ما عرفت هالانسان ذهبت مهب الريح!

::

شرح لي وضعه و إنه يرغب بزوجه ثانيه لانه و بكل بساطه (يحس بفراغ عاطفي) !!
و حلف ايمان بالله انه معجب بشخصيتي من اللي عرفه عني و أحبني <<يا مسهل هالكلمه عندهم

و حلف انه جاد و يبي يتقدم لي و طلب رقم الوالد..

طبعا.. انا لما حسيت الموضوع جد.. ماحبيت امصخها و اعطيه وجه كل ما أرسل لي شي عالماسنجر
و كثير طلب مني ارجع اضيفه .. لكني رفضت.. لاني ما اعترف بصداقة المرأه و الرجل!
يعني حتى ماسنجر العمل حقي مااضيف رجال إلا اذا فيه حاجه ابيها خاصه بعملي.

كلمت اختي في الموضوع.. و استخرت بخصوص الرقم.. و دعيت اذا فيه خيره يا ربي جيبه و إذا لأ اصرفه عني و اصرفني
عنه و ارزقني خيرا منه....

و بعدين رجع و كلمني عالموضوع .. و طبعا لأن الموضوع من الانترنت.. خفت!!

خفت بكره اهلي يقولون لي من أين لك هذا؟؟ يعني مافيني اعطيه رقم ابوي من الباب للطاق؟

فطلبت منه يرسل لي صوره من بطاقة الاحوال حقته ؟؟
و فعلا.. شغل الكام و وراني البطاقه و الرخصه بعد خخخخخ



بعدها.. عطيته وجه و سألته عن طبيعة الحياة مع رجل متزوج..و بصراحه قال لي كلام طيب
اقنعني بامكانية اني في يوم اوافق على فكرة الزواج من رجل متزوج و اكون زوجه ثانيه

خاصة أنه ظروف عملي الخاص يناسبها رجل متزوج عشان ما يتفرغ لي!


و بعدين .. خذيت لي كم يوم افكر.. (يعني طولت السالفه على غير سنع ابي اشوف هو صج جاد ولا القصه قصة اعجاب و بس)

لاحظت بعدها أن الاخ بدى يتمادى بالحكي.... و يدخل في مواضيع مال امها داعي!!

و انتوا اكيد فاهمين ايش اقصد.. تذكرت كلمة امي الله يرحمها.. الرجال تسلب (يعني كلب) و يكرمون الرجال العاقله...

قمت كرشته.. و قلت خسارة وقتي اللي عطيتك يا قليل الحياااا ..


و من بعدها ما شفت خلقته أبد......ولا ارسل لي لا ايميل ولا مسج ولا اي شي..



أحيانا اتحسر و اقول ..كل الرجال كذا ما يقدرون يمسكون نفسهم يمكن هو ماقصده!!
بس اتذكر ان الحكي هذا كلام ابليس.. و اتعوذ من الشيطان .. و انبسط باللي اختاره ربي لي يوم صرفه
عني الله لا يرده بشر!!

إنتبهووا يا بنــــــــاااات..
ترى الزواج عن طريق الانترنت ..خلاص صار بحياتنا و لازم نتقبله..
خصوصا انه صاحبتي تزوجت زوجها بهالطريقه و مبسوطه معاه (على فكره تراها قبيليه)
بس أنتبهوا مو اي احد تعطونه وجه
و نصيحه اطلبوا منه يوريكم اوراق شخصيه خاصه فيه
و اهم شي يكون عند اهلكم خبر عن موضوعه.. يعني مثلا انا لو كان محترم معي في الاخير
كنت باكلم ابوي او اخوي عنه و بعدين هو يتصرف معاه..

لا تحسسونهم. انكم تسوون شي غلط.. يعني لا تبوق لا تخاف..
خلوا كلــــــــــــــــه في السليم



و هاذي هي قصتي .. شنو رايكم باللي سويته
و هل في اضافات.. و ايش كان ممكن اتصرف؟

ميــــــن يحبــني!؟!؟

^
^
فديــت اللي يحبـوني أنـــااا
::

أنــا مرره مستانسه.. لأني كل يوم أحمد ربي و أشكره