عالم الحياة الزوجية - منتدى

رفيقي الأمل · 07-08-2009, 20:22

السلام عليكم ورحمة الله وبركاته ...
بعد التحية كيف حالكم اعضاء وعضوات ؟؟
هذه اول مشاركة لي معكم وابغى أستشيركم في موضوع
انا خليجية تقدم لي شخص من جنسية عربية في اختلاف في كل شي اللهجة والعادات
ولون البشرة يعني أعراق مختلفة هو متدين وخلوق وموظف شافني نظرة شرعية خطبني وانا وافقت بعد الاستخارة بس ترددت كثير ماوافقت على طول لانه هو متزوج وعنده طفلين تناقشت معاه بخصوص زوجته قال هو شبه منفصل عنها لاسباب فضل عدم ذكرها بس قال اكتشفت انها ماتحبني كانت تمثل علي بالاضافة للاسباب الثانية وقال هي في بلدها وانا بكون معاك على طول يقول مابغى اطلقها عشان الاطفال بس هي عند اهلها وارسل لها مصروفها ومصروف الاولاد انا ماطلبت يطلقها بس اخاف تطفشنا بعدين رغم ثقتي في شخصية خطيبي القوية بس خايفة لاني شايفه مواقف في حياتي كثير تخوفني وكل اللي افكر فيه حياة مستقرة هو قال لي انا متفهم ظروفك وعارف سبب ترددك الشي الثاني اللي مخوفني ان زوجته تصير بنت عمه يعني مستحيل يحضر ابوه كتب الكتاب وامه اشك انها تجي خصوصاً انها ماكلمتني الى الآن أيش معنى هذا الشي بس هو يقول انها موافقة
مو كل اهله موافقين 2 من خواته رافضين لاسباب عنصرية بس هو يقول انا صاحب الموضوع رأيهم لايقدم ولا يأخر طيب كيف بتعايش معاهم ممكن تكون العلاقة متوترة بيننا او يجبرون ولدهم يطلقني وادخل في مشاكل معاهم ساعدوني ابغى رايكم

حلا العمر · 07-08-2009, 20:46

تعرفي يقلبي المثل الي يقول ابعد عن الشر وغني له مدري وش اقول لك بس احسبيها من جميع النواحي وكيف راح تكون حياتك بعدين والله يكتب الي فيه الخير

غالي ومكانه عالي · 07-08-2009, 20:49

السلام عليكم
والله ياأختي اعرف الناس بحالك وظروفك انتي فقط !!
واستخيري الله عزوجل وعليك ِ بالتفكير مليآ وبعمق
لانك داخله على زواج ومسئوليه بس حطي في بالك إحتمال كبير ان زوجته لن يتركها بحكم الابناء
وبحكم القرابه واذا رأيتي نفسك مرتاحه لهالوضع وتضمني حقوقك بعد الزواج
وانه لم يتزوجك نزوه أورد إعتبار أو عناد لزوجته فقبلي اذا كان فعلا جاد وتثقين به
لكن من جد فكري ماره واتنين وثلاث لان الزواج عشره وحقوق وواجبات وامور كثيره
وبالنسبه لوالدته استفسري منه ايه السبب في عدم اتصالها ؟؟
وبالتوفيق واسئل الله أن يلهمك الصواب ..

زيــ أبيهاــــنت · 07-08-2009, 21:09

اعتقد انا السالفه من كل ناحيه فيها مشكله
يعني كلها مشاكل
انا اقول ابعدي احسن لك

بااااي

arsenal · 07-08-2009, 21:44

اصلا واظح من كتابتج انه بتصير مشاكل لو قبلتيه !!

ابعدي عنه افضل

عزو90 · 08-08-2009, 00:19

يا أختي تريثي ولا تستعجلين وأستخيري ..

تأكدي من أخلاقه.. وليش هالبعد عن زوجته .. لاتقولي قال ماتحبه!!

ممكن الرجال يكون راعي سواليف ولا شي..

أستخيري وأطرحيها وأجمعيها زين من كل النواحي ..

الله يوفقك ويسعدك يارب ..

يارب الخيرة · 08-08-2009, 01:30

لو إني في مكانك ما أوافق ..

إبعد عن الشر وغني له .. دامك في بر الأمان

أعيش في بيت أبوي ولا عيشة المشاكل

والكتاب باين من عنوانه ..

عموماً إستخيري وربي أعلم مني ومنك ..

رفيقي الأمل · 08-08-2009, 01:36

اقتباس:

المشاركة الأصلية كتبت بواسطة حلا العمر

تعرفي يقلبي المثل الي يقول ابعد عن الشر وغني له مدري وش اقول لك بس احسبيها من جميع النواحي وكيف راح تكون حياتك بعدين والله يكتب الي فيه الخير

هلا اختي شاكرة مرورك أنا فكرت واستخرت لما اتكلم معاه ارتاح واذا بعدت كم يوم احس بشي غريب وتردد مو عارفة مصدره

رفيقي الأمل · 08-08-2009, 01:39

اقتباس:

المشاركة الأصلية كتبت بواسطة غالي ومكانه عالي

السلام عليكم
والله ياأختي اعرف الناس بحالك وظروفك انتي فقط !!
واستخيري الله عزوجل وعليك ِ بالتفكير مليآ وبعمق
لانك داخله على زواج ومسئوليه بس حطي في بالك إحتمال كبير ان زوجته لن يتركها بحكم الابناء
وبحكم القرابه واذا رأيتي نفسك مرتاحه لهالوضع وتضمني حقوقك بعد الزواج
وانه لم يتزوجك نزوه أورد إعتبار أو عناد لزوجته فقبلي اذا كان فعلا جاد وتثقين به
لكن من جد فكري ماره واتنين وثلاث لان الزواج عشره وحقوق وواجبات وامور كثيره
وبالنسبه لوالدته استفسري منه ايه السبب في عدم اتصالها ؟؟
وبالتوفيق واسئل الله أن يلهمك الصواب ..

كلامك منطقي جداً واستفدت منه الله يجزاك خير الف شكر على مرورك

رفيقي الأمل · 08-08-2009, 01:42

أشكر كل من مر على موضوعي وأبدى نصيحة او رأي جزاكم الله خير

DanDoSha · 08-08-2009, 08:48

اختي اهو مثل ما قلتي من جنسيه عربيه
انتي تعرفين ليش اهو بعد عن زوجته بالاساس...؟
وليش ما طلقها...؟
وليش خواته مو راضيين...؟
وليش امه ما كلمتج...؟
وليش وليش لييييش....الخ !!!
اختي لا هو قريب منكم عشان تسألون عنه ولا تقدرين تتطمنين من وضعج في المستقبل
ما اتوقع هالشي من صالحج حبيبتي
صحيح انتي تبين الستر والحياه المستقر
لكن الواحد ما يستعجل في قراراته
لازم تدرسين كل خطوه تسوينها عدل
لان هذا الشي مهم في حياتنا ولا ما صار اهو "نصف الدين"
وانا اقولج اختي الزواج مهم .. واللي قاعده اقراه كلش ما يبشر بالخير
ولو اني مابي اقطع نصيبج ..!!
لكن انصحج وانتي براحتج تاخذين النصيحه او لا ..
تاكدي من كل شي قبل الموافقه ..
يمكن هالانسان ابو وجهين .. ويمكن اشياء ثانيه بعد ..
والله اعلم بما هو خفي ..!
انا نصيحتي لج : لا توافقي
والله يرزقج باللي احسن منه
موفقه اختي .. الله يعينج ويسهل لج امورج يارب

اجمعني بها يارب H · 08-08-2009, 11:22

اسسستخيري قبل كل ششي .. خااصه اللي موب بنفسس الجنسيه الزواج او الزوجات .. !

غالبا تكون هناك مششاكل مالها اول من تالي ..!

رفيقي الأمل · 09-08-2009, 04:04

الله يعطيكم العافية والله انكم أكثر من اخوان خففتوا عني الهم الصراحة صار بيننا نقاش انفصلت عنه فترة وكان متمسك فيني ويحاول يرضيني واللي خلاني ارجع له هو انه انسان متدين ومحترم وراقي بتفكيره وفيه توافق كبير بيننا بس المشكلة هي اهله وزوجته وأطفاله اللي مادري وش مخبي لي القدر معاهم ماقول غير الله يكتب لي الخير
ويسهل امر كل مسلم اللهم آمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني تعبت من التفكير