عالم الحياة الزوجية - منتدى

صاحب السمو · 10-08-2009, 11:30

السلام عليكم

اليوم الاثنين 19/8/1430

الساعه 9 صباحا
اتصل علي عمي (اخو ابوي ) يقول ان ابوي يبيني ارجع له

لانه تعبان (بعد ماجتة الجلطة ) ومحتاج وجودي معه لاني اكبر الاولاد ويثق بي( ع حد تعيبرة) ويبيني ادير املاكه لانه شبه معاق

وانه مستعد يعوضني ومستعد يشتري لي السيارة اللي ابي مهما كان سعرها
ويزوجني اجمل البنات
مقابل اني ارجع للبيت واسامحه عن كل شيء صار ؟؟؟

لكن انا احترت بين بر ابوي و كرامتي اللي داس عليها يوم كان بكامل صحته ؟؟؟
اذا رجعت له ع كذا راح اهين نفسي ؟؟ لانه هو اكبر اهانه لي ؟؟
واذا مارجعت حفظت كرامتي بس خسرت بره ؟؟؟؟

انا مو هامني السيارة ولا الزواج (اكيد ذا اغلب طموح الشباب بس مو علي حساب الكرامه)

احس بقهر تقتلني اذا رجعت له

واحس بتقصير اذا تركته

احترت بين القلب والعقل
العقل يقول رح ذا ابوك مهما صار
والقلب يقول اتركه ذا اللي قتل شبابك وقتل براءة طفولتك ؟؟

اذا رجعت له اكيد تتحسن كل احوالي
بس انا ضميري راااح يقتلني

واذا تركته راح تسوء احوالي بس ضميري يرتاااااااح

ااه وربي سحبت من المحاظرة عشان هالخبر

ارجع ويزوجني واشتري بانوراما (يمووووووت فيها هه)

ولا اجلس ع حالي وارتااح نفسيا منه ؟؟؟

ساعدووني
---------------------------------

للقصه كامله

http://arb3.maktoob.com/vb/arb260880/

دفى الحب · 10-08-2009, 11:41

الاخ سارق الابتسامة
ياشيخ كرامة ايش وهم ايش اتقي الله
هذا كلام تقوله عن ابوك (( ما ني قادر اصدق )
بعدين تفكر ان رجوعك لطاعة ابوك وهو مريض على حد كلامك بأنك تدوس على كرامتك

ياخي الله سبحانة وتعالى يقول ( وإن جاهداك على أن تشرك بي ما ليس لك به علم فلا تطعهما ( ) وصاحبهما في الدنيا معروفا )) هذا وهما يجاهدونك على الاشراك بالله ينهانا الله بعدم طاعتهما في هذا الامر ولكن يأمرنا بمصاحبتهم بالمعروف

ياليتني نعال في رجل ابوي وامي ياشيخ حرام عليك

روح وابكي تحت رجله واطلب منه يسامحك على الايام اللي هجرته فيها عسى الله ان يغفر لك ويهديك .

بعدين ايش الذنب اللي يستحق كل هذا الكلام والهجر منك

مهما حصل هذا ابوك (( الله يهديك ويصلح بالك انشاء الله ))

أتعبتني · 10-08-2009, 11:43

وصاحبهما في الدنيا معروفاً

أن الوالدين في هذه الحياة الدنيا أنما هما أبواب من أبواب الجنه فإذا مات أحدهما أغلق باب وإذا مات الآخر أغلق الباب الأخر فلا تفوت على نفسك هذا الأجر العظيم،

كيان انسانة · 10-08-2009, 11:44

شيل فكرة الكرامه اذا جات على ابوك
ما بين الولد وابوه شي
مهما عمل ابوك من بلاوي فيك لا تفكر بهالطريقة
ابوك الحين محتاجك بعد الله روح له ساعده
وشلون تبي الخير و الرزق يجيك وانت ما تبي تروح له
فكر بعقلك وش تبي من الدنيا وانت ما كسبت رضا ابوك وبالذات بهالوقت
دور على اللي يريحك في الدنيا و الآخره
يمكن دعوة ابوك لك الحين تكون هي سبب تحسين العلاقة بينكم
روح لأبوك وادعي له ان الله يشفيه وبوس على رجله ويده وراسه
وانسى او تناسا كل شي سواه لك
واعيد شيل فكرة الكرامه بهالموضوع

ربي يكتب لك الخير

عزوبي والحلا ثوبي · 10-08-2009, 11:49

اخوي سارق البسمة هذا مهما كان ابوك روح له وخلك جنبه وبوس يده وراسه ومهما كان هذا ابوك والله عز وجل بيعضوك خير على برك وطاعتك له بس حاول انه روحتك له يكون معاك حد تثق فيه يعني اذا عمك هذا كفو خذه معاك عشان لايكون في حيلة جديدة ولا مطب يبغوك تطب فيه يعني حرص شوي في تعاملك معاهم ودايما لاتروح لوحدك .

واتمنى لك التوفيق في حياتك

صاحب السمو · 10-08-2009, 11:51

حلو انا معكم ابي اراء ثانيه

كان زمان شاب · 10-08-2009, 11:52

ارجع لوالدك في اقرب وقت اذا تبغى الجنه.

صاحب السمو · 10-08-2009, 11:52

اقتباس:

المشاركة الأصلية كتبت بواسطة دفى الحب

الاخ سارق الابتسامة
ياشيخ كرامة ايش وهم ايش اتقي الله
هذا كلام تقوله عن ابوك (( ما ني قادر اصدق )
بعدين تفكر ان رجوعك لطاعة ابوك وهو مريض على حد كلامك بأنك تدوس على كرامتك

ياخي الله سبحانة وتعالى يقول ( وإن جاهداك على أن تشرك بي ما ليس لك به علم فلا تطعهما ( ) وصاحبهما في الدنيا معروفا )) هذا وهما يجاهدونك على الاشراك بالله ينهانا الله بعدم طاعتهما في هذا الامر ولكن يأمرنا بمصاحبتهم بالمعروف

ياليتني نعال في رجل ابوي وامي ياشيخ حرام عليك

روح وابكي تحت رجله واطلب منه يسامحك على الايام اللي هجرته فيها عسى الله ان يغفر لك ويهديك .

بعدين ايش الذنب اللي يستحق كل هذا الكلام والهجر منك

مهما حصل هذا ابوك (( الله يهديك ويصلح بالك انشاء الله ))

اخوي انت مو عااارف ايش القصه صح؟؟

بيدي كتبت اسمك · 10-08-2009, 11:53

اي كرامة اي كلام فاضي هذا مهما سوى فيك هذا ابوك وهو سبب وجودك على هذه الدنيا

ارجعه وبرا فيه ترى فيه ناس يتمنون ان ابوهم حي وانت جالس تقول
كرامتي وخرابيطي

اثقل بس

صاحب السمو · 10-08-2009, 11:53

اقتباس:

المشاركة الأصلية كتبت بواسطة عزوبي والحلا ثوبي

اخوي سارق البسمة هذا مهما كان ابوك روح له وخلك جنبه وبوس يده وراسه ومهما كان هذا ابوك والله عز وجل بيعضوك خير على برك وطاعتك له بس حاول انه روحتك له يكون معاك حد تثق فيه يعني اذا عمك هذا كفو خذه معاك عشان لايكون في حيلة جديدة ولا مطب يبغوك تطب فيه يعني حرص شوي في تعاملك معاهم ودايما لاتروح لوحدك .

واتمنى لك التوفيق في حياتك

حلو فكرة ممتازة يعطيك العافيه

اناشفت البنات · 10-08-2009, 11:55

ابوك ياشيخ بلى كرامه وكلام مافيه فايده مهما سوى ومهما حصل منه لك واجب الطاعة له في غير معصيه لله
بعدين هو كان سبب بعد الله في وجودك في الدنيا
وماحتس بطعم الابوه الى بعد مايجيك اولاد
وانتبه زي ماعصيت اوفعلت شي يزعل ابوك تأكد يوم من الايام اولادك حيفعلون مثلك او اكثر
اتق الله وبر بأبوك واحسن اليه فهو في امس الحاجه اليك

صاحب السمو · 10-08-2009, 11:56

اقتباس:

المشاركة الأصلية كتبت بواسطة بيدي كتبت اسمك

اي كرامة اي كلام فاضي هذا مهما سوى فيك هذا ابوك وهو سبب وجودك على هذه الدنيا

ارجعه وبرا فيه ترى فيه ناس يتمنون ان ابوهم حي وانت جالس تقول
كرامتي وخرابيطي

اثقل بس

تمام ارجع يكون ازين

حلو ربي يسعدك

bandar.sa · 10-08-2009, 11:57

اقتباس:

العقل يقول رح ذا ابوك مهما صار
والقلب يقول اتركه ذا اللي قتل شبابك وقتل براءة طفولتك ؟؟

قصدك الشيطان يقول لك اسحب عليه
استغفر الله
ارجع لأبوك وإحمد ربك إنه رضى عليك مهما كان
ياخي فكر بآ خرتك
وأستغفر ربك وروح حب راس ابوك وخله يسامحك والسياره والزواج مايعادل شي امام رضى الوالد ولا تنسى رضى الله من رضى الوالدين
واترك عنك خرابيط كرامه
اي كرامه تتكلم عنها مع ابوك
ياخي والله عيب بدل ماتبره تقول كرامه يعني انت تحس انك احسن منه؟ استغفر ربك يارجل
ياخي انت انسان نشأت نشأه إسلاميه المفروض تفكيرك مايصير كذا
قال كرامه قال
حبيبي روح لأبوك وحب على راسه ورجوله وعيونه اهم شي رضى الوالد

صاحب السمو · 10-08-2009, 11:57

اقتباس:

المشاركة الأصلية كتبت بواسطة كان زمان شاب

ارجع لوالدك في اقرب وقت اذا تبغى الجنه.

جعلها من نصيبك

من جنبها · 10-08-2009, 11:58

وش سالفه خويك بالجامعه وتقول كرامه عيب عليك الله يرضالى عليك

ومهما صار بينكم ابوك في حالة حرجه ومحتاج وقفتك معاه

انا عرفتك زين بس مشالله صرت عضو بنادى الالف وحاط صوره رمزيه علشان كذا حاولت اتذكر سالفتك

المهم توكل على الله وحاول انك تنتبه لا يكون مسوين بلاا ويبغون يصيدونك يعنى ارسل كم واحد

يستكشف في صحة الموضوع احسن بدال ما تنجلد ويضربونك والا اي شى لا سمح الله

يلاا اترك الردود للاعضااء وبتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حبر عاجل وابي راايكم