عالم الحياة الزوجية - منتدى

فتومي · 10-08-2009, 23:19

بقولكم قصتي من البدايه علشان تفهمون ضروفي وتحسون فيني وبعدها تساعدوني انشالله
ابي من الكل يريحني على الاقل لو بكلمه وحده.
انه كنت احب ولد عمي سبعة اشهر واهو بعد كان يحبني, تعرفنا على بعض اكثر في الجامعه, المهم واخيرا عقدنا نهايه شهر سته, يعني الحين صاير لنا تقريبا شهر ونص.
انتو يمكن طبعكم غير وعندكم اذا مالجين بس ماتنامون ويا بعض, بس احنا عندنا في البحرين عادي, بس مو عند الكل بعد, يعني نطلع وننام ويا بعض ونسوي اللي نبيه, بس طبعا مايحملون الا عقب ماعرسوا, يعني سوو حفله زواج او اعلنو انهم رايحين شهر العسل.
انه قبل اسبوع سافرت مع خطيبي المدينه المنوره, زرت النبي, وكان المفروض تيي لي العاده اهناك, حتى حملت وياي كوتكسات اشكثثثثثثثثثثثثر...
المهم, جا التاريخ اللي كان المفروض فيه تنزل علي العاده, بس صار العصر ومانزلت,وانه مو من عادتي ان دورتي تتأخر, رحنا الصيدليه وشرينا تستر, طلع لي +, يعني حامل, قلبنا وقف لحظتها وماقدرنا ننام للصبح, في الصبح شرينا تستر ثاني ماركه ثانيه علشان نتاكد بعد طلع لي خطين يعني حامل.
قلت احنا مسافرين واحنا اثنين الحين بنرجع واحنا ثلاث!!!
زوجي كان يفكر في الاجهاض, لان ماكان مخطط كلش حق البيبي, يعني ورانا جامعه واهو بعد يدرس في الجامعه, وانه ادرس هندسه, يعني التخصص صعب اشوي ويبيله شغل فيمكن اتعب ويا الحمل, بس شلت الفكره عن باله نهائيا لان الاجهاض حرام حرام حرام ويعتبر قتل, وكلما كان يفكر في الاجهاض كنت ازعل منه وما اكلمه وبروحه يحس بغلطته, فهمته وايد, قريت له وايد اشيا, علشان يحس بكبر الذنب, والحين الحمدلله مايفكر فيه خلاص, وانشالله يكون مثل ما انه حاسه.
البيبي له مشاكله وصح انه وراي جامعه ودراسه, وحالتنا الماديه ماتسمح للزواج, يعني حتى ماعندنا بيت بس حجره وحده في بيتهم, على ما يتخرج ويشتغل.
بس انه مافكرت فيه وايد وقلت الله هو الرازق, يعني احنا اهني مجرد وسيله, البيبي عندنا امانه, نربيه ونحسن تربيته, الله هو اللي يرزق واييب الخير لنا, واحنا اصلا كنا نحاسب وايد عند الجماع, حتى على طول نستعمل الواقي الذكري, بس مرة وحده فقط طلع الواقي الذكري في النهايه ودخل قليل من المني داخل , حتى قلنا مستحيل اصير حامل لان الواقي كان ساد الفتحه, حتى انه ماحسيت بدخول المني, اقول سبحان الله, في ناس يحاولون الف مره بس علشان يصيرون حامل, واحنا بالواقي ومادخل الا ذرة مني وصرت حامل!!!
انه حاطه في بالي ان هاي هديه من ربنا, والله كان كاتب علينا اني احمل, لان الصراحه احنا كنا نحاسب وايد, واصلا حتى لو ماكنا محاسبين جان اذا الله يبي يسوي شي بيسويه حتى لو كل العالم حاولوا مايخلونه, استغفرالله
انه مااقول الا الحمدلله
ومابي افكر اسوي شي في البيبي, محافظه على روحي, حتى من يومها كله اقعد وانه متوضأة واقرا قرآن عليه علشان يطلع ولد مؤمن انشالله
بس مشكلتي الحين....
تونا اليوم راجعين من السفر, من المدينه المنوره, وسيده رحت المستشفى
قالو لي باجر اروح لهم ويفحصوني وبيعطوني النتيجه علشان يتأكدون وينقلوني للقسم الخاص
بس انه لحين مو قايله شي عن الحمل لأهلي
بس اختي الكبيره عارفه, ماعرف اشلون اخبر امي, والاهل بيضحكون علي
اخاف يعورون قلبي
انزين اهو حلالي وعادي مو مسوين شي غلط, واكيد الله كان كاتب ان احمل, محد يشك في هالشي,
قولو لي اشلون اقول لهم واشلون ابدي
وعادة اللي يحملون في فتره الخطوبه يعرسون بسرعه ويسوون حفله علشان يسكتون الناس, او يعلنون انهم عرسو وراحو شهر العسل
بس احنا ماعندنا امكانيه ان نحتفل حفله زواجنا, تونا محتفلين بالخطوبه, نقدر نقول سفرتنا كانت شهر العسل

ماعرف, انتو ساعدوني
اخاف اسمع لومهم وعتابهم بعدين اكره اللي في بطني والشيطان يقص علي و......
اخاف عقب في لحظه غضب اسوي شي طول عمري اندم عليه
ابيكم تكونون معاي, تطمنوني, لان اللي حواليي يلومون, وزوجي بروحه يفكر في الاجهاض, ابي احد يريح نفسيتي, يقولي احاديث, يطمنيي, يهديني

أميرة بدنيتي · 10-08-2009, 23:32

قرأت الكلام
وماا شفت فيه ايش شي يبيله نصح او مساعده انتي بتقولي عندكم عادي تناموا مع بعض وهذا بديهي حيسبب حمل
عادي يعني وين المشكلة ربي ارد وصار الحمل واللي يبي يهرج بكيفه انتي وزوجك راضيين ويش دخلهم الناس والاهل هذه حياتكم
ما عندكم فلوس حق الفرح سوا فرح صغير او اعلنوا زواجكم و خلاص

اميرة بدنيتي

mirian · 10-08-2009, 23:45

الله يتمم حملك على خير ... حبيبتي بعرف انه الموقف صعب بس المفروض تكوني قويه و تواجهي كل شي عشان طفلك الموضوع عادي هيدا زوجك و اهلك اكيد بيعرفوا انه لما رحتوا مع بعض ما رايحين تتفرجوا على بعض يعني طبيعي يصير بينكم علاقه جنسيه و احتمال كبير يصير حمل عشان هيك ما ضروري تعملوا حفله اعلنوا زواجكم و بس و خلي زوجك يكون معك عشان يتحمل معك المسؤوليه واول على اخر اهلك رح يعرفوا اوعي تجربي تتخلصي من البيبي لان غير انه حرااااااااااااااااااااااااااااام ممكن ياثر عليكي و لا سمح الله ما تعودي تحملي ابداااااااااااا

فتومي · 10-08-2009, 23:45

اكيد بيعاتبوني بيقولون ليش ماحاسبتو وليش خليتو يصير جذي, على قولت اختي تقول اشفيكم شكلكم كل سنه بتييبون ياهل جديد!!!
اذا الله كاتب خلاص يعني كاتب, اشفيهم ذيلين؟!!
ماعرف والله
بس اميره شكرا على ردج

فتومي · 10-08-2009, 23:47

ميريان شكرا على ردج
فرحتيني وونستي قلبي
الف الف الف شكر

عيون مودي1 · 11-08-2009, 00:23

اللة يتمم حملك على خير بس احسن شي انك رفضتي الاجهاض

فتومي · 11-08-2009, 01:05

اقتباس:

المشاركة الأصلية كتبت بواسطة عيون مودي1

اللة يتمم حملك على خير بس احسن شي انك رفضتي الاجهاض

شكرا على ردج

الكرستالة · 11-08-2009, 01:41

بما أنه عادتكم كذا إذا ليش شايلة هم أنه صار حمل و بعدين أولاً و أخيراً هذا حلالك وزوجك
عزيزتي واجهي الموقف أنتي وزوجك و حاولي تسوين خطة لتدبير أموركم المالية للشهور الجاية و زي ماقلتي قولوا للناس أنكم سافرتوا شهر عسل

MIKOMIKO · 11-08-2009, 09:22

بصي احنا عندنا في مصر لو كاتبينالكتاب ماينفعش يحصل حاجة قبل اشهر الزواج لان في حالات بعد ما بيحصل ززز الولد بيسيب البنت و يقول ديه ماكنتش عذراء. المهم انتي ممكن تقولي ان حد تعب في العيلة عندكم و خفتم احسن يحصل حاجة فعملتوا حفلة صغيرة و انكم سافرتوا في شهر العسل.

حلاوه قطن · 11-08-2009, 17:25

مدام انكم متزوجين علي سنه الله ورسوله خلاص لا تشيلي هم
ولا تفكري في كلام الناس لانو الناس مايعجبهم شئ
وعجلي في الزواج في اقرب وقت ممكن

جلنار الشام · 11-08-2009, 17:43

أختي .. أحيي فيك رفضك للإجهاض رغم حجم المفاجأة

عسى الله أن يجعله إبنا بارا لكما وتقومي بالسلامة يارب

عزيزتي .. دائما ننظر لأي موضوع من منحيين

الدين والعرف

من ناحية الدين : هذا زوجك وحلالك ولاذنب عليك في الحمل

من ناحية العرف : طالما عندكم عادي فلم الخوف والتردد؟؟

أنا لو محلك .. مع إنه عندنا عرفا مرفوض أيام الملكة أن يدخل الرجل بعروسه .. ألجأ لأقرب الناس لي في مثل هالأمور .. أمي غالبا

وأخبرها بكل صدق وشفافية

لأن كتمان الموضوع سيسبب مشاكل أكبر في المستقبل

حتى لو الآن صارت مشاكل فلن تكون بحجم المشاكل لو تأخر الخبر

أولا وأخيرا الأمر مفضوح ولابد من علاجه بدلا من كتمانه

استخيري الله في اختيارك لأنسب شخص وأخبريه

ثم حاولوا إيجاد الحل لإعلان الزواج بالطريقة الأنسب

واتركي موضوع الدراسة والمال والبيت والعرس .. فقدر الله سبق كل الأمور

ولا تنسي قول الله عز وجل (نحن نرزقكم وإياهم)

يمكن ببركة هالبيبي الله يفتح عليكم من أوسع أبوابه

فقط .. أسرعي بإخبار شخص ثقة وعالجوا الموضوع معا

فتومي · 11-08-2009, 18:41

اقتباس:

المشاركة الأصلية كتبت بواسطة جلنار الشام

أختي .. أحيي فيك رفضك للإجهاض رغم حجم المفاجأة

عسى الله أن يجعله إبنا بارا لكما وتقومي بالسلامة يارب

عزيزتي .. دائما ننظر لأي موضوع من منحيين

الدين والعرف

من ناحية الدين : هذا زوجك وحلالك ولاذنب عليك في الحمل

من ناحية العرف : طالما عندكم عادي فلم الخوف والتردد؟؟

أنا لو محلك .. مع إنه عندنا عرفا مرفوض أيام الملكة أن يدخل الرجل بعروسه .. ألجأ لأقرب الناس لي في مثل هالأمور .. أمي غالبا

وأخبرها بكل صدق وشفافية

لأن كتمان الموضوع سيسبب مشاكل أكبر في المستقبل

حتى لو الآن صارت مشاكل فلن تكون بحجم المشاكل لو تأخر الخبر

أولا وأخيرا الأمر مفضوح ولابد من علاجه بدلا من كتمانه

استخيري الله في اختيارك لأنسب شخص وأخبريه

ثم حاولوا إيجاد الحل لإعلان الزواج بالطريقة الأنسب

واتركي موضوع الدراسة والمال والبيت والعرس .. فقدر الله سبق كل الأمور

ولا تنسي قول الله عز وجل (نحن نرزقكم وإياهم)

يمكن ببركة هالبيبي الله يفتح عليكم من أوسع أبوابه

فقط .. أسرعي بإخبار شخص ثقة وعالجوا الموضوع معا

شكرا على الكلام, انه مايهمني الناس نفسهم يعني العائلة, يهمني اسرتنا يعني امي اهي الهم العظيم ان اشلون اخبرها
اذا اهي عرفت خلاص مايهمني كلام الناس الباقيين, بس اهي شقوللها؟!!
في بالي ان اليوم خلاص اخلص الموضوع واقول لهم
لان اليوم بعد رحت المستشفى وفحصت طلع صج حامل, ولازم ابدي اروح القسم الخاص للحوامل علشان المتابعه

جلنار الشام · 11-08-2009, 18:48

أختي الأم تتقبل أي شي من بنتها طالما كنتي صريحة معها

وعندي فكرة تخفف من صدمتها

مو إنتي كلمتي أختك بالموضوع

جيبي أختك وكلموا الوالدة .. وجود أختك يخفف شوي

وطمنينا لما تعلميها

الله يتمملك على خير

احاسيس هبله · 11-08-2009, 18:54

اعلني فرحكم بأي صوره قولي روحتكم للمدينه كانت شهر عسل

ولا تنزلين البيبي حذاري حذاري من الاجهاض

والله يتمم فرحتك يارب بمولود صالح

@. بادرة .@ · 11-08-2009, 19:20

ما حدث قد حدث ولكن كان من المفروض ألا يحدث لأن حسب معلوماتي البنت تبقى بحكم أبيها طالما هي في بيته حتى وإن عقد قرانها ومتى ما انتقلت لبيت الزوجية أصبحت تحت حكم زوجها والله تعالى أعلم
بالنسبة لرأيي فهو من رأي الأعضاء خبري الوالدة بوجود أختك الكبيرة وإن شاء الله تمر الأمور بسلام وأقيمو حفلة صغيرة ان استطعتم ذلك والحمد لله أنك لم تجهضي الجنين
دعواتي لك أختي الكريمة والله يجعل ذريتكم ذريه صالحة ويرزقكم برهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكم اقرو كلامي