عالم الحياة الزوجية - منتدى

دايخه ممن لعبه بايخه · 12-08-2009, 21:19

السلام عليكم ورحمة الله وبركاته
بصراحه مليت وطفشت وراسي يعورني لانه محد فاضي لى والا فاضي يسمعنى,
مشكلتى اني ساكنه بقسم صغير في بيت اهل زوجي .... وكل حريم اخوانه ساكنين في بيوت لحالهم
وصبرت وصبرت و راحت السنين وراح عمري وانا مابعد طلعت من بيتهم ولا توسعت وهالزوج ماعنده نيه يزين شي, انا ماقلت ابغى بيت لحالى او شي بس ابغى غرفة زياده تكون لعيالى بدل ماهم ينامون ع الأرض اوف مررره طفشت وخاصتن لمن أشوف خواتى وبيوتهم وغرف عيالهم واخوان زوجي وكل العالم عايشين حياتهم وانا عيالى مالهم غرفة نوم
طلبت من زوجي يكلم امه ويستئذن منها تعطينا غرفه زياده نتوسع فيها لانو شقتى صغيره صغيره بالمره اتصادم انا وعيالى فيها , وتخيلو رفض وقال طلعينى برا الموضوع انا مالى دخل. مدرى وش أسوي خاصتن انو علاقتى باهل زوجي رسميه واستحي اطلب من ام زوجي او اقولها شي لنى خايفه اتفشل وترفض وبعد مابغى مشاكل معهم وبنفس الوقت اتحسر على عيالى لمن اشوفهم كذا وعيال اخوانه كلهم عندهم غرف نووم.. مره طفشانه وزوجي ماشفت منه اي اهتمام.. مدرى وش رايكم ومن حقي لمن اطلب هالشي او لا.. ومشكورين

سويت ماما · 12-08-2009, 21:23

أكيد من حقج و لازم تطالبين بها الشي ليل ونهار وما تتنازلين أبدا عشان يخلي في باله الفكرة و يكون جدي بالموضوع الين متى بتعيشين جذي ؟؟؟!

اجمعني بها يارب H · 12-08-2009, 21:24

اييه من حقك .. وماطلبتي ششي بعد .!

خيير .. وششلون انتي ورجلك تاخذون راحتكم؟!

دايخه ممن لعبه بايخه · 12-08-2009, 23:05

تسلمين حبيبتى سويت ماما ع الرد بس زوجي لو اجلس الى بكرا احاول فيه واقنعه يكلم امه ماراح يسوي شي ويمكن يزعل مني

دايخه ممن لعبه بايخه · 12-08-2009, 23:13

اخوي اجمعني بها يارب h .. مشكور على ردك بس وشتسوي لاصارت الوحده خجوله ومالها لسان مثلي

اجمعني بها يارب H · 12-08-2009, 23:18

اطلع لها لسسان .. وطالب بحقها ..!

لاحظي انا قلت حقها .!

ام الجودوالعود · 12-08-2009, 23:27

شوفي عزيزتي انا من رأيي الشخصي أنك تطالبين بحقك في ان زوجك يوفر غرفه خاصه بعيالك. مع انه لك الحق في بيت خاص ومستقل وليس غرفه فقط ,وأشجعك على استخدام كافه الطرق حتى لو لجأتي الى الحيله لتصلي الى مرادك ,لان بعض الرجال وللاسف الشديد لايحس ولا يفكر بما تحسين وتفكرين , فلازم تشغلين مخك وتستخدمين دهائك وتمسكينه مع اليد الا توجعه وتقنعينه بالي تبينه ,,,,,والله يوفقك وينولك مرادك.

محب الحرية · 12-08-2009, 23:31

من حقك
ولكن المفروض ابوك هو من يجبر زوجك على ذلك

خيرالنفوس · 13-08-2009, 00:58

حبيبتي من حقك يكون لك بيت بروحك من البدايه لكن ماضاع الوقت طالبي بالزياده في الغرف او بيت كامل تعيشي فيه بحريتك ولكن مو تطلبين بالقوه ،بالسياسه وشوي شوي وبتحصلين اللي تبين وعليك بالصبر

ام عمر1 · 13-08-2009, 03:03

يااختي ترى اختي انا مخلفه بزران هالكثر وعايشه مع اهل زوجها من يوم تزوجت من يجي 22 سنه وحاولت وحاولت في بيت لها لوحدها لاكن مافي فايده والادها زي ماقولتي عالارض بس نحن الوالد الله يرحمه متوفي ومافي من يطالب بحقوقها لاكن انتي والدك سلاحك اشرحيله وضعك وهو انشاء الله يقدر يقنع زوجك اوامه
والله يسعدك ويهنيكي

الفراشة الزرقاء · 13-08-2009, 03:48

قولي آمين يارب يرزقكم في بيت ملك تسكنين فيه انتي وزوجك وعيالك وتعيشون عيشه هنيه
حبيبتي ادعي ربك وعليك بالاستغفار

دايخه ممن لعبه بايخه · 13-08-2009, 11:39

اقتباس:

المشاركة الأصلية كتبت بواسطة اجمعني بها يارب h

اطلع لها لسسان .. وطالب بحقها ..!
لاحظي انا قلت حقها .!

تسلم اخوي على الرد.. انا عارفه انوه هالشي من حقي بس وشنسوي حتى زوجي عارف بالوضع ومابيده شي .. حتى اتذكر لمن جبت اول طفلين لنا طلب من امه تعطينا غرفه لعيالنا وخاصتن ان البيت كبييير والدور اللى فوق فاضي بس هي قالت لا انا ابغاها لامي ولخواتى المتزوجات اذا جو عندنا يجلسون فيها لانهم ساكنين بديره ثانيه وجلس يناقشها بس رفضت عشان كذا ساكت مايبي يقولها شي وانا مابي اطفشه واضيق صدره

دايخه ممن لعبه بايخه · 13-08-2009, 11:49

اقتباس:

المشاركة الأصلية كتبت بواسطة محب الحرية

من حقك
ولكن المفروض ابوك هو من يجبر زوجك على ذلك

اهلي مستحيل يطلبون شي .. حتى يوم ملكتى قال الشيخ لابوي وش تشرط عليه قاله ابوي هو يشرط علينا مو انا .. حتى مهري قالى ابوي انا برجعه لهم وانا بعطيك واقنعته انه مايرجعه وان هالشي لي انا
ولمن قال زوجي لابوي انه بيسكن مع اهله كلهم انبسطو امي وابوي وقالو احسن لكم وحنا مانبي بيت لحالها وقتها كنت صغيره وخايفين انى ماقدر اتحمل مسؤلية بيت ..

ياليل ماطولك · 13-08-2009, 11:51

تدري انك ممكن تدخلين الجنه بسبب صبرك على زوجك ،،

تدرين ان مبرته لامه انك مأجووره عليها ،،

تدرين ان ربك مايضيع اجر المحسنين ،،

تدرين ان السعاده مالها علاقه بكبر المكان ،،

تدرين فيه ناس يتمنون جحر ضب ينامون فيه بس الله يرزقهم باطفال ،،

تدرين ان هموم الرجل غير هموم المرأه لانها اكبر واشمل وأعقد ،،

تدرين ان مشكلتك لها حل ، بس فيه مشاك ماها حل ابد ،،

تدرين ان الحب اهم من أي شي ثاني ،،

تدرين ان ماعند الله خير وأبقى ،،

تدرين ان النفوس هل اللي تضيق مهو المكان ،،

تدرين ان قلب المرأه اوسع من الكون ،،

تحياتي لك وللجميع

دايخه ممن لعبه بايخه · 13-08-2009, 11:54

ام الجود والعود.. خير النفوس .. ام عمر .. الفراشه الزرقاء..تسلمون حبيباتي ماقصرتو شاكره لكم والله يوفقكم ويسعدكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ضايعه بالطوشه