عالم الحياة الزوجية - منتدى

تلفت الناس لامريت · 13-08-2009, 08:31

السلام عليكم ورحمة الله وبركاته

كيفكم شباب وصبايا

انا بصراحه عندي موضوع حابه استشركم فيه ابي ارائكم بدون تجريح

انا خطبني واحد متزوج وعمره 33 مدرس جامعي ومطوع وانا عمري 22ولسى ادرس بالجامعه وابوي موافق بس امي مرره متردده عشانه متزوج طبعآ انا استخرت وارتحت مرررره بس امي مو راضيه ومتردده وقالو بيجون بعد اسبوع عشان كذا لازم نرد قبل لايجون وش رآيكم؟؟

انا كنت مقتنعه تماما بس اختي اللي اكبر مني تقول وش ناقصك تأخذين واحد متزوج وش تبين في المشاكل وقالت بكره يتزوجك ويمل منك ويرجع لزوجته الاولى بس اخته تقول انه بغى يطلقها بس هي قالت لا ابغى اجلس معاك علمآ ان لي اخت مطلقه واهلي خايفين من هالشي بس احنا حالتنا حاله يعني 5بنات ولا في احد يودينا ولا يجيبنا لان ابوي مايسوق السياره واذا طلعنا يوم المنى ونطير من الفرحه عشان كذا ودي اوافق نقلل شوي من عددنا حتى السياره ماتكفينا ولان هذا اللي خطبني من بعيد مو من العايله واعمامي لسى ماعرفو والا كان ماخلو ابوي يوافق يعني ع الطلعه والنزله وافقين لنا واحنا طفشنا نبغى نفرح شوي لان لنا 7 سنوات مافرحنا كله نكد ومشاكل

انا خايفه من كلام الناس يعني انتم اذا وحده تزوجت متزوج وش انطباعكم عنها؟؟

خالد الهذلي · 13-08-2009, 08:38

لاتتزوجيه ........ الصبر زين

وين طاقيتي · 13-08-2009, 08:52

في وحدة تزوجها واحد تاجر وهومتزوج لمى عرفت زوجتة الاولى واولادة خلوة يطلقها وطبعاً طلقها وهي حامل نصيحتي لا تسألين البشر واسألي رب البشر استخيري وكانوالصحابة يستخيرون في الامر الواحد سبعين مرة والله الموفق

آخر وريقات التوت · 13-08-2009, 09:12

استخيري والله يكتبلك كل خير

الله يوفقك.

تلفت الناس لامريت · 13-08-2009, 09:52

اقتباس:

المشاركة الأصلية كتبت بواسطة خالد الهذلي

لاتتزوجيه ........ الصبر زين

اسعدني مرورك ونصيحتك
تسلم

تلفت الناس لامريت · 13-08-2009, 09:57

اقتباس:

المشاركة الأصلية كتبت بواسطة وين طاقيتي

في وحدة تزوجها واحد تاجر وهومتزوج لمى عرفت زوجتة الاولى واولادة خلوة يطلقها وطبعاً طلقها وهي حامل نصيحتي لا تسألين البشر واسألي رب البشر استخيري وكانوالصحابة يستخيرون في الامر الواحد سبعين مرة والله الموفق

زوجته ما تجيب عيال وهي موافقه انو يتزوج وقال لوتبون موافقه خطيه منها وانا استخرت اكثر من مره وارتحت
شاكره مرورك خيتو

تلفت الناس لامريت · 13-08-2009, 09:59

اقتباس:

المشاركة الأصلية كتبت بواسطة اخر وريقات التوت

استخيري والله يكتبلك كل خير

الله يوفقك.

اسعدني مرورك ....يسلمو خيتو

وادي تعشر · 13-08-2009, 10:16

استخيري الله واذا تزوجتيه ذكريه بأولاده وزوجته لا تستغليه هذا عيب وحرام ساعديه علبى العدل ولن تندمي
اقصد ساعاعديه على طاعة الله

ارجوااان · 13-08-2009, 11:29

استخيري وربنا يقدملك الي فيه الخير
وترى مو كل المتزوجين وحشين والله في بعضهم يخافوا ربهم ويحرصوا على العدل بين زوجاتهم
واهم شي كمان بعد الاستخاره اسألوا عنه وعن اخلاقه اذا كان انسان طيب ويخاف ربه وارتحتيله بعد الاستخارة توكلي على الله
الله يوفقك لما فيه الخير والصلاح

اختك ارجوااان

بيـ مسافات ـننا · 13-08-2009, 12:31

أهلاً فيك ..
لو أنا مكانك أرفض طبعاً ..
أولاً : انتي توك 22 سنه وقدامك فرص كثيره وبتكون أفضل ..
ثانياً : وش الله حادك ليه تاخذين واحد متزوج تتعبين عمرك وتتعبين زوجته .. يعني انتي ماسبق لك الزواج ولا شي عشان تقولين اتنازل معليش ..
ثالثاً: انتي بتظلمين نفسك وبتندمين اذا وافقتي ..لأنه بالأصل أسباب موافقتك عليه ماهي مقنعه .. وانشالله الطلعات والروحات يتجيك وبتكون حياتك سعيده بس اصبري شوي لاتستعجلين ..
رابعاً : ارجعي واستخيري وفكري من جديد .. هذا زواج يعني عمر مو فترة نقاهه وترجعين بيت أهلك ..
أتمنى تفكرين وتركزين أكثر .. اتخيلي حياتك كيف بتصير معاه ..
تقبلي مروري

حكيمه بدنيتي · 13-08-2009, 12:54

حبيبتي ما دام زوجتو ما بتخلف فالامر عادي
هوا طالبك بعلم زوجتو يعني باذن الله المشاكل رح تكون عاديه
ولكل شيء اذا ما تم نقصانه لا ينغرن بطيب العيش انسان
واستخيري الله

كيان انسانة · 13-08-2009, 13:45

كلام اختك صح وش اللي جابرك فيه
وتراك صغيره للحين قدامك عمر وربي يكتب لك الخير

مايصح إلا الصحيح · 13-08-2009, 13:56

لو تبي تناظرين كلام الناس ماراح تتزوجين أبد

رأيي إنك تستخيرين الله والله اللي يعرف الخيرة وراح يختارها لك بإذن الله
ومادام زوجته الأولى عارفة وأنتي ارتحتي له لا تفرطين فيه

وعسى الله يوفقك للي فيه خيرة

عزو90 · 13-08-2009, 15:14

نظرتي للزوجة الثانية !!

مختلفة جداً فهناك من الناس من يتزوج أربع ويوفق بينهن ويجلسين مع بعضهن وكأنهن خوات!!

لكن بصراحة ما أنصحكـ..أدعي الله وتمسكي بدينه وسنة نبيه..

قومي الليل وأدعي ربكـ يجعل لك ولخواتك نصيبهن .. الزواج الي يكون من أجل الفرار من مشاكل البيت مو زوااج تره..

مثل ماقلت لك أدعي ربك وقومي اليل ..

الله يوفقكـ يارب ويرزقكم بالرجال الي يستاهلونكم يارب..

@جوري الحب@ · 13-08-2009, 15:42

اذا زوجتة ماتخلف فهاذا عنده عذر ومن حقه يتزوج

استخيري واتوكلي على الله

بس اهم شي تعاملين زوجته كانها اختك خليكي طيبه معاها عشان تكونين سعيده مع زوجك

ويحبكم الثنتين

وحده اعرفها زوجها اتزوجها الثانيه لان زوجته ما تخلف لها اكثر من 18 سنه

واتزوجته وحملو الثتين مع بعض والحين كل وحده عندها ولد زي القمر

اهم شي تتقين الله واستخيري

بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عريس لقطه