عالم الحياة الزوجية - منتدى

فريدو · 15-08-2009, 15:46

السلام عليكم

مرة واحد صاحبي كلمني على مشكلتة وحبيت انكم تشاركوني فيها

يقول صاحبي انة ناوي يخطب واحدة وهي بنت كويسة بس المشكلة

انة تحصل مشاكل كثير بينهم بين فترة وفترة

يعني كل يومين او ثلاثة مشكلة

يقول ان البنت كويسة جدا مايريد يخسرها بس بيقول ان المشاكل كثيرة

وانة اذا كانت المشاكل كذا الان كيف بعدين

وانة هو عصبي وهي عصبية

انا قلت لة اصبر عليها ولاتتسرع وكل يومين يجي يقلي حصلت مشكلة

أمولــة · 15-08-2009, 16:13

اهم عاقدين يعني ؟؟

وشنو نوعيه المشاكل بضبط مثل شنو ؟؟

فريدو · 15-08-2009, 16:29

لا مافى عقد يحبها وناوى يخطبها

مشاكل غيرة من قبلها لما اى بنت تطلب منة مساعدة تقول ليش تساعدها يقول خدمة وتسوى مشكلة

وتقول خليك فى الخدمات حقك

وتتسرع وحذرها الف مرة انها ماتتسرع

AHM22 · 15-08-2009, 19:35

علاقتهم محرمه وماتجوز شرعا

AHM22 · 15-08-2009, 19:35

واذا يبيها يطق الباب ودام شاف انها راعيه مشاكل وهذرة وش يبي فيها

ورد تشرين · 15-08-2009, 19:48

خله يستخيررررر

سكوت حنصّور · 15-08-2009, 20:23

خويته يعني ؟!!

فريدو · 15-08-2009, 21:21

الاخ / ahm22

جاى تفتي هنا ؟ انا ماقلت حلال ولا حرام افهم

خويتة كيف يعني ؟ قصدك حبيتة فرضا ايوة وناوي يخطبها

غنوجه ابوهااا · 15-08-2009, 21:41

ربي يوفقه

خليه يستخير واذا يحبها ..بيتحمل كل مشاكلها

بالتوفيق

زهوووووورة · 15-08-2009, 21:43

هلا اخووي
مثل هالاشياء وايد تصير بين الطرفين
وبعدين الحياه تنازل خاصه بين المتزوجين لازم واحد منهم يتنازل
يعني مثلا اذا هي عصبت وصارخت لايزيد هو الطين بله ويصارخ بعد خليه يسكت
لحد ما تخلص من صراخها ويعتذر منها بكل هدوء ويقولها اللي تآمرين فيه بصير
مب يزيد ويعصب لنه جي ما ينفع
حتى هي المفروض تأخذ الامور برواقه مب بعصبيه
وبعدين قول لرفيجك لما تكون البنت رايقه وهاديه يناقشها على حياتهم
يكلمها بهداوه ويقولها ان اذا من البدايه حياتهم كلها مشاكل فكيف بعدين
خليهم يتناقشوا ويحلوا الامور بروحهم

والله يسعدهم وويوفق بينهم يارب

فريدو · 15-08-2009, 21:45

زهورة كلامك صحيح ومقنع

غنوجة كلامك صحيح ايظا

مدينةالحب · 15-08-2009, 22:09

يستخير ويروح واذا ربي كتب خير وبركه واذا لا شي عادي لانه كل شي بيد ربنا وسلامتك ياالغلاء

عزو90 · 15-08-2009, 22:39

اقتباس:

المشاركة الأصلية كتبت بواسطة زهوووووورة

هلا اخووي
مثل هالاشياء وايد تصير بين الطرفين
وبعدين الحياه تنازل خاصه بين المتزوجين لازم واحد منهم يتنازل
يعني مثلا اذا هي عصبت وصارخت لايزيد هو الطين بله ويصارخ بعد خليه يسكت
لحد ما تخلص من صراخها ويعتذر منها بكل هدوء ويقولها اللي تآمرين فيه بصير
مب يزيد ويعصب لنه جي ما ينفع
حتى هي المفروض تأخذ الامور برواقه مب بعصبيه
وبعدين قول لرفيجك لما تكون البنت رايقه وهاديه يناقشها على حياتهم
يكلمها بهداوه ويقولها ان اذا من البدايه حياتهم كلها مشاكل فكيف بعدين
خليهم يتناقشوا ويحلوا الامور بروحهم

والله يسعدهم وويوفق بينهم يارب

كلآم جميل ..ولابد من التفاهم ..

وبرضه صاحبكـ لايقلها على هالمساعدات الي مدرس وش أساسها

البنت عصبية لايزيد في تعصيبها.. ويفهمها أنه لازم نتفاهم ومن هالأمور..

وإذا البنت كويسه يتوكل على الله..

ولايقول كلمة (كويسه) بدافع الحب .. ينظر لها من جميع النواحي.

دمت بود..

لكبريآئـے رgآيـہ · 01-10-2009, 04:58

انا من وجه نظري ؟

ادا بينهم مشاكل كثير وهم بعدهم كيف بعد الزواج

وانت قلت هو عصبي وهي عصيبه يعني حتى لو يموتون بعض حياه كلها مشاكل يموت الحب فيها

نصيحه حتى لو فكر يبعد عنها ويرتبط بغيرها لاياخد بنت عصبيه وهو كدا ؟؟ لان بتصير حياتهم نكد بنكد

> ماتكلم من فراغ بس هذا الواقع وشايفه هالشي

د.رحاب · 01-10-2009, 08:20

والله اذا فعلا يحبها راح يصبر عليها ويغيرها للأفضل .. في الحب توجد تنازلات و يوجد عطاااااء

خلي صااحبك يتأكد من حبه اولا وأخيرا ثم يخطي خطوته .. وربك يوفقه ويوفقك ان شااء الله .

د.رحاب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اخطب او لا