عالم الحياة الزوجية - منتدى

[ ولد مغرور] · 16-08-2009, 09:31

سلام عليكم جميع
صبحكم ومساكم الله بالخير والعافيه

*انا عندي مشكلة وعجزت القى لها حل .. وما أدري هل هي طبيعية .. تصير لأي واحد
بس انا اللي فيني شي مدري وشهو ...

مع اني اصلي والحمدلله .. وكم مره اروح للرقية الشرعية ..
لكن ملازمتني هالحاله وكل مالها تزيد معي ..

*انا شخص ما أعرف اعبر عن اي موقف الا بالدموع ..

صارة العبرة تخنقني وتتولج صدري .. احس ما اقدر امسك نفسي ..
بيوم ملكتي الاقارب يباركون لي وانا جالس تدمع عيوني .. ويوم اجي اسولف مع هلي واتخيل اني بفارقهم وببتعد عنهم وعلى طول تلمع عيوني ..

حتى اذا جيت اكلم زوجتي بالتليفون واسولف معها شوي وتجيني العبرة .. وتدمع عيوني واسكت فترات وارجع اسولف او اصرفها لبعدين ..

او اذا اشتقت لزوجتي اول ما أسمع صوتها على طول دمعة ورا دمعة .. مدري ليش ..

*انا احترت بهالمشكلة .. احس ماني طبيعي .. طبعا معي من يومي صغير حتى بالتخرج من المراحل ويوم ترقيت بشغلي تجيني هالحالات ..

طبعا يعني على حسب مو اي موقف اصيح والطم خدود
بس بجد محتار ....... والمشكلة زواجي بعد العيد .. يعني شايل هم ذالدموع ذي اخاف أقلب الزواج كله دمووووع اربع اربع

..واتوتر زيادة

*عموما هذا مشكلتي وماطرحتها الا لكم ابيكم تقولون لي وشهي منه .

وشاكر لكم

حوريه*** · 16-08-2009, 09:45

يبي لك اخصائي اجتماعي
لانك عاطفي بزياده والدنيا يبي لهاقووه
وترى اذا يتقعد كذااا مع زوجتك
الله يخلف على امن جابتك
حلوه الدموع بس بوقتها مو بكل وقت
حاول تزور اخصائي والله يوفقك

..هــــــــــــدب.. · 16-08-2009, 09:48

سلامتك اخوي من الدموع وعساها ماتنزل الا خشوع لله يارب

اعرض مشكلتك على اخصائي عيون يمكن عندك توسع بقنوات الدمع

واول ماتتحرك مشاعرك تنزل دموعك لا شعوريا

كلنا وقت المشاعر تفيض دموعنا بس نقدر نتحكم شوي

اتمنى اني افدتك

وشاكره ثقتك

لدمعتي قصة الم !! · 16-08-2009, 09:51

حلو ان الرجال يكون حنون ويتاثر لكن الدموع لها وقت

يعنى اذا بكرا حرمتك زعلت وانت بكيت حق الله بتستغلك انا ماحرضك لا والله

لكن العدال بكل شي مطلوب علشان يبان لك هيبه قدام الكل
الرجال
حلاته بثقله وغمووووووووووووووووووووووضه

الله يسعدك يارب

حزن الكون.. · 16-08-2009, 09:52

اقووول تراك بكيتنا اقرى الموضوع وابكي ههههههههههه امزح معاك
بس تفاعلت مع الاختصارات الي حاطها واحس وجهي صار حزين <<تدور البكا دواره

ان شاءالله الاعضاء يفيدوك
واذا لقيت حل علمني يمكن تخف هالشلالات الي اذرفها كل دقيقه

دلــ دبي ــوعة · 16-08-2009, 10:03

ههههههههههههههههههه انا على بالي البنات هوم الي دموعهم اربع اربع يا خوي شكلك وااااااايد حساس و عاطفي بس لازم تشوف حل في هل موضوع اخاف و انتة في الكوشة تصيح بدال العروس هههههههههههههههههههههههههههههههههههههههههههههههههه ههههههه الله يسعدك شوف انتة لازم تمسك روحك شوية يعني تحاول ادرب روحك كيف ما ادري بس اكيد انتة بتعرف حاول انتة ما تفكر بل اشياء الي ممكن تخليك تصيح و لازم تشوف حل تراها مو حلة الرجال يكون عاطفي اكثر من الازم لدرجة انة دموعة بسهولة تنزل على اي موقف هههههههههههه ترة عادي البكاء مو عيب و لا حرام على الرجال بس مو على ادناتة شي

و الله يسعدك وية عروستك

كـلـي حـركات! · 16-08-2009, 10:32

لالا حاول تتعود لول وبعدين تقدر تتواصل مع اهلك بالتلفون تزورهم شي عادي

كلي حركات!

صمت الدروب · 16-08-2009, 11:42

الله يحنن قلبك دايم لأنك نادر بهذا الزمن والله من رأئي إنك تستمر ع سوره البقره ورمضان جاي حاول تستغله بالدعاء والف الف مبروك والله يوفقك

مرجوج انترنشنل · 16-08-2009, 11:56

صباح الخير

عزيزي // ولد مغرور

اللي عندك هذا هي أسمها إفرازات الغدد الدمعية الموجودة بالعين

ممكن تكون هذي حساسية بالعين أو أصابات أو سويت عملية بخشمك قبل كذا مدري

لكن الزبدة

أنك تسويلها تدليك من فوق إلى تحت بالعين أو انك تسوي عملية جراحية لها

عزيزي

أنا يمكن عمري يعتبر صغير 29سنة تقريباً لكن خبرتي طويلة بالحياه

لا تنزل دمعة أمام إمراءه مهما كان ولا تحسسها بهذا الأحساس وتأكد يمكن المراءه

بتحن لمن تشوف دمعة منك لكن بداخلها لا وأحساس يقول " تفقد الامان "

روح لدكتور وفيه قطرات بعد تجفف الدموع ممكن تساعدك بعد مؤقتاً .

وألف مبروك على الزوج ويعطيك الذرية الصالحة أن شاء الله

لك مني كل الود حتى الرضى

وفي · 16-08-2009, 11:58

لابد ان تقلل من حساسيتك للامور
او زيارة اخصائي

THE SKY COLORS · 16-08-2009, 14:03

والله شف بتحس كلامي مدري ايش يبي
بس انا اقول اللي فيك شيء طبيعي
يعني كل المواقف اللي ذكرتها تستحق الدمعه تنزل علشانها
لايقولون رجال ومدري ايش كل انسان له طريقه لتعبير عن مشاعره والاحاسيس اللي جواته
اسمع الامثله اللي عندي اعرف واحد مو رجال وبس يعني يعتمد عليه لدرجه كلن يحسب له حساب بس عند اهله وزوجته يوقف كل شيء ويطلع شعوره
مره زعلت زوجته يوم جاء يراضيها قعد يبكي ؟؟
ليه لانه ذاق وتعب من فرقاها !!
هذا شيء ..
ومره يتكلم عن واحد من اخوانه (اخوه هذا تعب وكذا يعني على قولتهم الدنيا ماصفت له الا بعد تعب ))
وهو يسولف عنه قعد يبكي .. ليه ؟؟
لانه عاش مع اخوه لحظات تبكي الصخر
وحط في بالك ان هالرجال اللي اتكم عنه عمره يمكن على نهايه الاربعينات
يعني اللي فيك شيء طبيعي ويقولون الدموع ابلغ وسيله لايصال المشاعر
يعني لاتضيق صدرك وانا اختك ..

وطلع مشاعرك كلهاااااااا ولاتحبسها لانك ان حبستها بتتعب ..
هذا رايي ..
اما سالفه تروح لدكتور نفسي حشى والله لو عنده رهاب !! مافيك الا العافيه بس ..
الناس تكبر المشلكه لكن ماشافوها من جانب عاطفي
كل الدموع اللي تنزل هذا من صدق العاطفه اللي جواتك
وانك انسان شفاف لدرجه ماتخليك تخبي مشاعرك ..
وبالتوفيق ..

lily66 · 16-08-2009, 14:30

اخوي ولد مغرور
انت شخص عاطفي واحساسك عالي وتحس بغيرك وهذا واضح من اسلوبك في الكتابة. ممكن تكون هذي الدموع عبارة عن تراكمات نفسية لضغوطات انت مريت فيها وكبتها.

من جنبها · 16-08-2009, 14:33

لالا ما اتفقنا على كذاا يا ولد مغرور

انت اكبر من كذا ووفر دموعك لبعدين

مع السلامه

سندريلا حارتنا · 16-08-2009, 15:11

هذا دليل على انك شخص عندك احسااااااااااااااااس مرهف اي شي يثأثر فيك وتنزل دمعتك حلو الواحد يكون كذا بس لازم تتمالك نفسك عشان مايبين عليك ويشوفه غيرك احس انه شي طبيعي وغصب عنك
لاتشيل هم ولاتكبر السالفه شي عادي جدآ ربي يوفقك وعسى ايامك كلها افراح بافراح

دفى همسه · 16-08-2009, 15:28

اذا الدموع تنزل بفرح بحزن فقط مو على طول هذا شي طبيعي اتصور بس لانك شفاف

لو على طول معناة في مشكله بمجرى الدموع وربي يستر عليك ويوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياليت تشاركوني مشكلتي :(