عالم الحياة الزوجية - منتدى

ايلان التركي · 17-08-2009, 06:29

السلام عليكم ورحمة الله وبركاته
انا وحده متزوجه ليا سنتين بالتمام وعندي طفل (ولد) عمره 4 أشهر اسمو يوسف
عندي مشكله وحابه اعرضها عليكم لاني محتاجه مساعدتكم بجد
بداية المشكله أول مااتزوجنا كان فيا مس وعين وسحر والحمدلله فكيتو وبعدها على طول حملت جبت يوسف طبعا" فترة ماكان فيا العين والسحر والمس كنت أكره زوجي وبيتي لدرجة إني أطردو والحمدلله اتعالجت من ذي الامراض بعد كدا رجعنا طبيعيين وكانت حياتنا سمن على عسل وبعدين صار زوجي يتنرفز مني على اتفه شيء لمن صار يضربني ضرب مبرح طبعا" زي ماانتو شايفيين مابدأ معايا بأسلوب الوعظ ولا حتى الهجر وانا من النوع اللي عصبيه لابعد حد لدرجة لا تطااااق واني ممكن اتطاول عليه بالكلام السيء طبعا" اذا بدأ يعني مو من حاالي فترة حملي كانت علاقتنا كويسه ببعض لابعد حد الحمدلله ولأنو كمان أنا كنت مقاطعه أهله لمدة سنه ومنعت نفسي منهم لانهم كانو يقذفوني بكلام سيء يعني يطعنوني بظهري (بشرفي) ورجعت معاهم بعد ماولدت على طول عشان ماابغى ولدي يكبر على مشاكل وعشان شفت علاقة زوجي بيا تستاهل اني أسوي اي شيء عشانو
المهم :
أنا الحين ليا شهرين عند أهلي بسبب
ححكيكم الحكايه من اول
أنا اشتغلت وخرجت من بيتي أشتغل وانا حامل بالشهر الرابع عشان نحسن من وضعنا المعيشي وكنت حاطه يدي بيدو بكل شيء (إيجار - كهرباء - تليفون - أثاث - مقاضي البيت - مطبخ من وإلى) كان كلو على راااسي رغم ذا كلو كنت صاااابره ومبسوطه من الشيء دا لاني أحبو وحستحمل اي شيء عشانو بعد كدا
جاتنا ظروف وصارت حاجتنا للفلوس اكتر فااحتجت لاهلي بعد الله وطلبت من بابا انو يفتحلو مشروع صغير بابا وافق عشاني وعشان ابني وعشان مايقدر يشووف بنتو بدي الحاله ويسكت فتحلو تموينات صغيره ودفع فيها 150 الف ريال سعودي اشتغل فيها زوجي لمدة 8 اشهر وصار وضعنا احسن والحمدلله لاني كنت اغطي راتبي على راتبو والحمدلله
بعدها بفتره صادف انو تتم ملكة اختي رحت فصلت فستان قيمتو 100 ريال عشان ماابغى اكلف عليه وخرب الفستان عند الخياطه وصار ماعندي فستان وكان موعد استلامي للفستان قبل الملكه ب3 ايام ((يعني مافي وقت)) كلمتو وقلتلو ننزل نشتري جاهز من السوق قالي روحي خدي من ابوكي عشان ابوكي عندو فلوووس ومن قبلها فترة نفاسي كانت شغالتي تروح تنظف البيت لوحدها وكانت تلاقي أشياء مو كويسه بالبيت تسوء لسمعة زوجي زي (واقي ذكري + كي واي + معسل) وكانت تسألني إنتي تستعملي دي الحاجات؟؟ قلتلها مااعرف شكلها حتى ليش؟ قالتلي لقيتها فوق الدولاب لمن حطيت الهدايا اللي جات لولدك يوسف استغربت بس سكتت وماكلمتو من هنا بدأت المشكله انا زعلت أصلا" قلبي مليان عليه من أول لانو مره مو حاس بالمسؤوليه أتصلت على امي قلتلها الحين تجي تأخذيني عشان انا خلاص تعبت هدي مو اول مشكله على فكره عشان كدا قلت لامي دا الكلام
طبعا" ومن قبل ماتجي امي سبيتو كل السب اللي يخطر على بالكم وهوا ولا كلمه ابدا" امي وقتها جات ماما وقالتلو انا راح اخذها الين ماتهدأ النفوس وتعال خذها من عندنا بكره قالها طيب اوكي
هذا الكلام كان الظهر واستنيتو المساء ماجا ولا اتصل ولا سأل لا عليا ولا على ولدو وجا تاني يوم سأل عن ولدو بس وشافو 5 دقايق ومشي ببيت اهلي طبعا" وثالث يوم نفس الشيء بعد كذا ماجا ابدا" الين يومكم هذا
يوم الملكه الظهر ابغى اروح اجيب ملابس لولدي من البيت للأسف لقيتو مغير الكالون حق البيت واتصلت عليه امي قالها ايوا انا مغيرو من زمان ايش تبغوو؟ قالتلو نبغى ملابس لولدك ولامو قالها طيب وانتظرناه تحت البيت سااعه
وفي نفس اليوم اتصل على زوج الشغاله وفضحها وقالو راح اجيبلك الشرطه لانو قال انو زوجتو تتدخل بحياتو الشخصيه وتخربها
وهذا طبعا" بعد ماقالتلي على الأشياء اللي شافتها بالبيت حتى في غيارتو الداخليه ( كرم الله وجهكم )
الحمدلله عدت الملكه على خير وجاءو اهلو كلهم وحتى ماكان في كلمة تطيب الخاطر تخيلو ؟؟؟ هذا يعني انهم بايعينها
طنشت وانبسطت بس كانت فرحتي ناقصه لانو ماكان معايا وسوا مشكله للشغاله من لا شيء
بابا دري بالموضوع لانو بابا من البدايه ماكان داري من الموضوع لانو كنت حابه احل مشكلتي لحالي لانو لوصلت لبابا راح تكبر ارسلتلو وحده من صديقاتي تعز عليا حرمه عااااااااقله وواعيه عشان تهدي النفوس حاولت معاه بس هوا الظاهر انو كان يأخذها على قد عقلها قمت انا اتصلت عليه عشان هوا طلب كذا من قبل الحرمه وللاسف سمعني كلام بذي ليا ولاهلي بكيت وانا اكلمو بس مارديت عليييييه ولا بكلمه مو عشان كلامو صح لا عشان انا انصدمت من الكلام الللي قالوو
اتصل عليه ابويا وقالو ياابني تعال حل الموضوع طبعا" طنش
المهم
بعد كذا ربط كل المواضيع ببعض
من البقاله والولد واوراقي الرسميه والمشكله
وقفلها على اهلي من كلو
يعني على البقاله انكر وقال انو مااستلم شيء ماعندي شيء لاهلك
وعلى الولد انو احنا مانعينو من شوفتو لولدو رغم انو مايصرف عليه ولا يسأل ولا حتى فكر لا هوا ولا امو ولا ابوه
واوراقي الرسميه مانعرف الين الحين ليش هيا معاه ومايبغى يجيبها ( جواز سفري واقامتي )
والمشكله الين الحين مااعرف حلها انا معللللللقه
يعني ربط الموااااااضيع ببعض
طبعا" بابا لجأ لكل أقاربو اللي اكبر منو ومااحد رضى يتدخل لأنو خذلهم بمشكله قبل كذا
اناا محتاره ارجعلو والا لأ وولدي يفضل عندي والا عندو بعدل امانه عليكم لاني راسي بينفجر من التفكير وعلى فكره صليت استخاره اكثر من مره
والحين مايرد على احد ولا احد من غير استثناء
وسألت ناس قريبين منو وقالو انو مايبغى يطلقك وإنو سبب هذا كلو ((((((أمــــه))))))
ساعدوني انا تعبت لانو قلبي واجعني من هذا كلو وبنفس الوقت ماابغى بابا يترجرجر بالمحاكم وتعرفو الطلاق مو سهل وبيني وبينكم انا ماابغى اتطلق عشان ابني ماابغاه يتشتت ولانو اهل زوجي معاملتهم ماهي كويسه وبيئتهم ماهي نظيفه يعني انا مستعده ارجع بس بشروط ساعدوني بالشروط اللي انا احطها الله يخليكم والله راح تلقوا دعوه بظهر الغيب حلوه والله يكتب اللي فيه الخير ياجماعه انا سردت القصه للعبره اولا" وللمساعده ثانيا"
ساعدوني انا وحشني بيت وحشني استقراري وحشني هوا رغم اللي عملو فيا وفي اهلي
إيش أســــــــــــــــوي ؟؟؟؟؟؟؟؟؟؟
أختكم في الله / ام يوسف

لبيه · 17-08-2009, 07:05

انتي تقولين كان فيتس عين وسحر .. وتشافيتي ولله الحمد ..

طيب ليش مايكون هو المسحور الحين .. لأن صراحه الحركات اللي يسويها حركات واحد ماهو بوعيه ..

اجل يطقتس ووروحي اطلبي من ابوتس فلوس .. وانتم مساعدينه وفتحيله تموينات ..

الله يفرج همتس ..

م-سيف · 17-08-2009, 08:27

الله يعينك

دلوعه وبس · 17-08-2009, 09:19

ممكن يكون السحر رجع لك او صار فيه هواااا((ممكن الي ساحرك سحروا)) هذا أولا
ثانيا أمك جاتك البيت وأخذتك عشان تهداء النفوس وهذا المفروض انها تهدئه وتهدئك بدون خروجك من البيت
؟لأنه كذا حيضطروا أهلك يرجعوك لأنهم هم إلي ما خذينك ومطلعينك من البيت
نصيحتي لك حاولي تلملمي الموضوع مع زوجك بينك وبينه وبسرعه قبل يكبر أكثر
وأوصيك بالصلاة والدعاء وسورة البقره
الله يفرج همك

لـــمـــى · 17-08-2009, 10:29

هذا مو طبيعي
الله يعينك

الطفلة الحزينة · 17-08-2009, 10:44

الله يعينك يا رب بس جد اذا كان قبل هيك في سحر ارجعي للقرآن و سورة البقرة
الله يهونها عليكي
(يا رب لا تذرني فردا وانت خير الوارثين)

دلــ دبي ــوعة · 17-08-2009, 11:22

يل غالية الحرمة الي ما تحترم الرجال و اهلة مستحيل يحترمها يالسة تسبسبين في الرجال و هلية هاي مو طبايع حرمة عاقلة حتى لو انتي عصبية الوحدة تستحي انها تسب زوجها ابو ولدها

شوفي انتي تكلمينة و تقوليلة ترة الياهل مالة ذنب و ما نبي نعيشة في مشاكل فكر في ولدك اول شي و حاولي انج تقللين من عصبيتج و لازم كل واحد فيكم يحترم الثاني و مايسبسب على اهل الثاني اكيد ماراح يهون علية و لدة مهمن كان و الله يهديكم حبيبتي

شهد الخبر · 17-08-2009, 11:59

اسمعي ما لك الى تروحي انت وتكلميهـ وجه لوجه ..وتشوفي رده اذ كان ما بييك اتركيه ..وولدك لا تخافين عليه ربيه تربيه صالحه ..اصلن وجود ابوه وعدمه واحد احسن من بكرى يجيك الولد ويقولك ..ليش ابوي كذااا ويحطم الولد ..دام ما عندك الى ولد واحد الله يخليه لك ..اما اذ انتي ما تبين تتطلقين من الاشكال هذي مالك الى تقولين ارجع بس بشرط ..يصرف ويتحمل العيشه معي ..وانت هدي من عصبيتك شوي لا تعصبين بسرعه عصبيتك خلته يمد يده عليك وما استفدتي شي
والله يعينك على اهله انا اقولك لا تزورينهم ولا تجيهم احسن اجل يسبون ويطعنون من وراء ظهرك وامه تحرش فيه واخرتها ترجعين لا اهله ..وعن الاورق الثبيوتيه مو بكيفه بكرى اذ ما تبينه روحي لشرطهـ وخليهم يئدبونه ولا انت روحي لبيتك جمعي اغلااضك وخوذي اورقك عادي الله يفرج همك لي بااك

ايلان التركي · 17-08-2009, 12:55

شكرا لكل اللي ردو على موضوعي بس عن جد انا عقل شل تفكيره
انا مستغربة منو ومن تصرفاته وحاسه انه مو طبيعي بس امه الله يهديها هي اللي تحرضه عليا
هو الحين راح لامام مسجد الحي حقنا وقال له كل اللي بقبله وكمان وهو دق عليا وطلب يقابلني يبغى يتفاهم معايا
انا موافقة مبدئا بس خااااااااايفة اضعف قدامو والله ابويا مررررررة تعبان من هالموضوع وانا خايفة عليه عشان عندو القلب
الله يخليكم ساعدوني

moon_14 · 17-08-2009, 13:44

رمضان قرب ونشالله ربي يفرجها عليك وعلى كل مهموم

ورد تشرين · 17-08-2009, 22:06

يمكن شافوك تعافيتي حطو البلا لزوجك

خليهم يعالجونه هذا موطبيعي

واهل زوجك قولي لهم لو ماتلمو السنتكم راح اجرجركم للمحاكم لانكم تقذفوني وانا محصنه
وانو عندك شهود على كلامهم

الله يفرج همك

soumia · 17-08-2009, 22:13

الله يفرج همك و ييسر لك زوجك و يهديكم للخير

هتاف جده · 17-08-2009, 22:20

الله يعينك ويفرج همك يارب

سلطان الفنان · 17-08-2009, 22:21

الله يسهل عليكم يارب
انتي عندك مشكله كبيره وهي العصبيه والكلام السيء تراها ابد ماهي سهله جربي كل الطرق حتى تتخلصي منها قبل الرجعه الى بيت زوجك ويمكن اخر المشاكل بينكم جرحته كثير ومو قادر ينسى ابد
حاولي بين فترة وفتره ترسلي له على الجوال رسايل حلوه وادعي الله في ظهر الغيب ان يرده
يمكن الرجل مثلك مسحور او فيه عين وليش لا هو صبر عليك انتي برضوا اصبري عليه
واصلي محاولاتك في رد المياه الى مجاريها من اقارب واهل واصدقاء الى ما تستنفذي كل الطرق
اتركيه فتره وانتظري الحل منه وان شاء الله ترجعوا لبعض

≈دمعـة مـلاگεïз · 17-08-2009, 22:48

الله يفرج همــك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي كبيييييييييييره جدا" ساعدوني لكم دعوه عن ظهر الغيب