عالم الحياة الزوجية - منتدى

حبيبتة · 20-08-2009, 20:09

السلام عليكم
ها أنا حبيببتة عدت اليكم بمشكله جديده
نخش بالموضوع خلاص صرتو عايلتي.. اليوم جاني خطيبي وتغدى عندي بعد العصر المهم المشكله اني وياه تنقشنا بموضوع الطقاقه اللي بتجي للعرس قلت له اختي كلمت وحده وسعرها حلوو مابقى الا نحجزها وندفع العربون.. قال اخواتي دورو لنا وحده على مستوى المدينه قلت له طيب اوكي اذا تبي اللي يبونها خواتك ماعندي مشكله بالنهايه طقاقه
المشكله اللي صارت انه مخزن رقمها عنده بإسم ابوفلان واخر الاسم كاتب رقم 2 وفي كمان شفت بعيني بجواله رقم ثلاثه قلت له شكل الجوال كله اباهات لاني قلت بمشكلتي الاوليه ان هالجوال طلعه من يوم خطبني يعني خاااااص لي لوحدي اخرتها لقيت كاتب ابهات ولا المصيبه العظمى قلت يمكن انه مضيع مو معقوول ان اللي بترد علي بها الاسم حرمه اخرتها طلعت طقاقه
وربي اكتب وانا ابكي ولما لاحظ اني علامات وجهي تغيرت بعد الشياكه والترحيب صرت زي المبنجه تفاجئت انا ادري انه راعي منتديات وعنده مواقع شخصيه وانترنت وغير كذا بس ماتوقعت ان علاقته بتتعدى هالحدود وصرت خايفه من المستقبل وااسوني مو شرط تدورون لي على حل يكفي انكم حسيتو فيني وربي يعيني انا واللي مثلي

≈دمعـة مـلاگεïз · 20-08-2009, 20:52

أحسنـي الظــن فيـهـ
مو شرط يكون إللي مسجلهم بجواله بنــات
وبعدين كل الناس يدخلون النت و المنتديات
مافيهــا شي لاعيب و لاحرام
ومو كل من دخل النـــت نحكم عليه بالطايش..!!
أنتي ماشفتي عليه شي عشان تشكين
هو ماكلم بنات قدامك ولا قابل .. أجل ليش تشكيـن..!!
أبعـــدي الشـك عن حياتـك عشان ترتاحين و تعيشين بسعاده
أعطيـهـ الثقـهـ و حسسيـه بثقتك فيـه
صدقيني حتى ( لو كان له علاقات )
راح يتركهــا لأنك عطيتيـه ثقتــك
المهم إنك تملين عليه حياته و تحتوينـــه
الله يوفقــك و يتـمم لك على خير

حبيبتة · 20-08-2009, 20:57

دمعة ملاك يسعد مساكي
انا كمان راعية منتديات بس دايم اتذكر اني يتيمة ابو مابغى ابهذل امي بمشاكل ولاعلاقات محرمه لاتجيبي كلام ماقلته المشكله ان كل واحد وتفكيرة وزي ما احترمت امي فترت عزوبيتي احترمت خطيبي وقلت حرام طالما ربي عوضني بواحد طيب
ماشككت فيه ولا باخلاقه انا نقلت صورة من اللي شفته اليوم

≈دمعـة مـلاگεïз · 20-08-2009, 21:02

اقتباس:

المشاركة الأصلية كتبت بواسطة حبيبتة

دمعة ملاك يسعد مساكي

انا كمان راعية منتديات بس دايم اتذكر اني يتيمة ابو مابغى ابهذل امي بمشاكل ولاعلاقات محرمه لاتجيبي كلام ماقلته المشكله ان كل واحد وتفكيرة وزي ما احترمت امي فترت عزوبيتي احترمت خطيبي وقلت حرام طالما ربي عوضني بواحد طيب

ماشككت فيه ولا باخلاقه انا نقلت صورة من اللي شفته اليوم

الله يسعد أيامك كلها ياقلبي
دامه طيب و أخــلاق على قولك
أجل تطمني وعيشــي أحلى أيام عمـرك

الله يوفقــكم و يسعدكم يارب

حبيبتة · 20-08-2009, 21:06

الله يسعدك فرحة ملاك

≈دمعـة مـلاگεïз · 20-08-2009, 21:12

اقتباس:

المشاركة الأصلية كتبت بواسطة حبيبتة

الله يسعدك فرحة ملاك

اللهـم آميـن
ويسعد قلبك ياعيوني : )
فديـــت روحــك

شاعر كلي مشاعر · 20-08-2009, 22:59

يمكن مايبي احد اصحابه يشوف الجوال ويقرا اسم (طقاقه)
ومو شرط اي اسم ابو فلان بيكون بنت له علاقه معها
كثيررر من الشباب يخزن اسماء خواته وخالاته وعماته بأسم ابو فلان وابو علان
خوفا لاسمح الله لو طاح الجوال مع اي شخص مايسبب احراج

خالد الهذلي · 20-08-2009, 23:57

انا ما اشوف افيه اي مشكله... هدي اعصابك..

~اطيب قلب~ · 21-08-2009, 00:08

يابنت الحلااااااااااااااااال وسع صدرك والله غيره واعرف كثير يكتب ميم وبعده الاسم يقول اكره احد يشوف اسمااااااااااااااء

أنسة دلـــوعة · 21-08-2009, 01:12

انتي اسأليه عن هالشي.. وارتااحي..
استفسري منه لاتخلين شي بقلبك بيأثر عليك بعدين ..لاتبدين حياتك بشك
اذا قال تشكين فيني !! قولي لا انا مااشك انا اسئل عن شي شفته..
الرجال مايحب زوجته تشك فيه حتى لو كانت معها حق

ونصيحه مني اذا تبين تعيشين مبسووطة..حاولي تتغاضين قد ماتقدرين لان الزوااج عمر لو بتوقفين على كل شي مامشيتي
وللمعلووميه ..
.ثلاثة ارباع الرجال اذا مو كلهم يكلموون بناات قبل الزوااج...بعظهم يعقل اذا تزوج وبعظهم يستمر
وانا مااكلمك من فرااغ انا حاسه فيك انو اشين احساس بالدنيا
ياما انصدمنا وشفنا شي ماينشااف وسوينا نفسنا مانشوف عشان نعيش
اذا صارت بس ارقام وشك مو متأكده عدي ..اذا صارت السالفه جد واكبر لاتسكتين

حبيبتة · 21-08-2009, 02:17

شاعر كلي مشااعر
خالد الهذلي دكتورة عاشقه وانسه دلوعه
والله مو شك بالفعل مكتوب ابوفلان2

بعدها دق علياا بخصوص انه رايح شعبنه مع اصدقاة بالاستراحه وقال انتي الاولى والاخيره استوعبتي معنى الكلمه؟قلت له عن طريق الدلع لئاا وانتهت المحادثه انا متأكده ميه بالميه انه حاسس بزعلي ويحاول يتفادى النقاش معي بخصوص اللي شفته اليوم الف شكر على مروركم ماقصرتووا

حياويهـ · 22-08-2009, 23:08

عادي أحسني الظن .
أنا بجوالي مخزن رقم أخو صديقتي باسم بنت . ولا لي علاقه فيه ولا يحزنون
بس لان زميلتي دقت علي منه وحفظته احتياط ..
( الطيبون للطيبات ) ..
بالتوفيق

هلاليه موت · 24-08-2009, 00:47

يااختي احسني الظن ترى اغلب الشباب يسجلون خواتهم باسم رجال

مثل اخوي مسجلني انا وخواتي بسم رجال يقول مابي احد من الشباب لو دقيتو علي يشوف اسمكم <<< الحمد لله والشكر تخلف

وحتى عيال خالاتي وعماتي نفس الشي

فخطيبك يبي يسجل رقم الطقاقه عنده مايبي يسجلها طقااااااااااااقه هههههههههههههههه سجلها برقم او اسم رجال

شيلي الشكوك عن بالك وحتى لو شفتي شي حاولي تنسين عشان حياتك تستمر الانسان مو معصوم عن الخطأ

وربي يسعدك ويوفقك بحياتك يااااااااااااااااااااااااااااااارب .. ويوفقنا أجمعين

سكوت حنصّور · 24-08-2009, 00:58

صارحيه وريحي دماغك

واحسني الظن

يمكن مافي إلا كل خير

وربنا يوفقك

وعلى فكرة قلبتي المواجع بال(( الشعبنه )) السنة هدي اتحرمت منها

اموت بحبها · 24-08-2009, 01:32

مبروك مقدم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اليوم جاا