عالم الحياة الزوجية - منتدى

عازف نغم · 21-08-2009, 11:39

احبتي الاعضاء بما انه مادخلنا لسى رمضان قلت الحق الوقت واكتب هالموضوع حتى اتوقف بعدها عن الكتابه الى مابعد رمضان بأذن الله >>> منتظر صوت المدفع على احر من الجمر

المشكلة هذه شخصيه لي قلت اطرحها هنا للمتزوجين والمتزوجات يمكن نطلع بنتيجه

القصة ومافيها

قدر الله علي وتزوجت وخلفت ولد وبنت ربي يحفظهم

الولد عمره 5 سنوات
والبنت عمرها 3 سنوات

ماشاء الله عليهم خصوصا الولد لماح والبنت مع الخيل ياشقرا أي شي يقوله تقلده او تمشي معاه حاطته القدوه الاعلى لها في كل شي مدري معجبه فيه على ايش مدري

المهم
جابوا لي الضغط والسكر والملح وبهارات مهران كل ابوها

خصوصا الولد

اذا جينا انا وامه في وقت الجماع قررنا هالشي

نروح نقفل الغرفه ونخليهم في الصالة مع طيبة الذكر قناة طيور الجنه والا نيكلودين

نقول خليهم يلتهوووا شوي في القناة لما ننتهي

المشكله اذا جينا نطالع القنوات نبي نشوف مسلسلات والا برامج

يجي الولد والبنت ويطقوها مسايسه لما نقلب على قناة الاطفال ويحرمونا متعة متابعة أي شي في التلفزيون

بتقولوا طيب خذ تلفزيون ثاني انا عندي بدل الواحد 4 لكن المشكلة ماتجيهم راحه الا اذا فقعوا قلوبنا وجلسوا معنا مافي فكه على قولتهم

في ذاك اليوم خطبت الرومنسيه ودنا انا والمدام
فقررنا ان ندخل غرفة العمليات >> غرفة النوم اقصد

زوجتي تقول من يوم اطلقت مسمى غرفة العمليات على غرفة النوم كرهتني فيها احس اني داخله غرفة الولاده اتذكر ايامها ويجيني اكتئاب هههههه

المهم دخلنا الغرفه وقلت للباشا والست هانم الولد والبنت خليكم هنا شوي وراجعين

قال على طول وين رايحين قلت بنروح الغرفه شوي نسولف انا وامك

وشوي الا يطق ابوها ضحكه
قال بتسولفوا هااا يابابا والا بتفصخوا ملابسكم ؟؟

قلت ايش !!

وجلس يضحك بقوه والبنت الصغيره
ماشاء الله تبارك الرحمن مثل الببغاء أي شي يقوله ترجع وتقوله وتضحك مثله

قلت تعال هنا وش تقول
قال انا مرة شفتكم يابابا تفصخوا وتحضنوا بعض وتبوسوا بعض

جاني حالة عدم تركيز مع هالولد

وامه حطت يدها على راسها

واللي قاهرني يقولها بكل ثقه

قلت له عيب هالكلام لالا مافيه شي نسولف بس

الا ويطقها ابو الايمان ويحلف والله شفتكم وتجي البنت وتحلف مثله

المشكلة مو هنا
فضحنا عند الاهل

واكثر شي فضح امه اذا راحت عند اهلها

تقول احسه انه كاسر عيني

اذا جلسنا سوى انا وامي وابوي واخواني واخواتي يقول ماما اقولهم وش تسوين انتي وبابا ويضحك

يناظروا فيه الاهل بأستغراب وش يسوووا
تقول ابي الف السالفه اقوله تعال حبيبي

تبي فلوس تروح الدكان
قال ايه بس خليني اقولهم وش تسووا

جاء واحد من اخوانها ملقوف يسأله هااا وش يسووا

قال يروحوا الغرفه >> تقول قبل مايكمل هو حاط عينه بعيني وقاعد يضحك ضحكة خبيثه

وانا قاعده اعطيه نظرات حاره عشان يسكت

عرف ان هالشي يضايقني في الاخير سحب كلامه وقال هات الفلوس وينها فيه

تقول ماصدقت انه سكت الا وشوي يجي اخوي الملقف ينبشه يبي يعرف
وانا اقول وش لقفك خليه يروح البقاله ماعنده سالفه

وذاك اليوم راح معي الولد في جلسة مع اخواني وجماعتنا

المهم يحبوا سوالفه ويجلسوه عندهم وهاتك من السوالف

في الاخير نقز في سالفه مدري وش جابها على لسانه

قال بابا تذكر ذاك اليوم لما انت وماما قفلتوا الغرفه علينا وتركتونا في الصالة

وشوي الا اخوي الكبير يفك ابوها ضحك والباقين عرفوا السالفة وهات ياضحك على راسي

حسيته طيح وجهي

قلي واحد منهم ياخي غلط ليه تقفلوا الغرفه وتخلونهم في الصالة يمكن يحصل لهم شي والا شي ياخي جيبهم عندي في أي وقت تبي رومنسيه

وفك ابوها ضحك وربي خلاهم ذاك اليوم طقطقه فوق راسي

قلت في خاطري خلاص توبه ماعاد اسوي شي الا لما ينخدموا ويفكونا شرهم

سبحان الله المشكله الولد مدري احسه تبرمج مخه على هالسالفه ماطلعها من باله

جلس مره جده وجدته اهل امه وقاعد يقولهم انتم ليه ماتحضنوا بعض زي بابا وماما
يحضنوا بعض وهم مفسخين ويقفلوا الغرفه

ليه ماتسووا كذا انا ماشفتكم تسووها !!!

تقول زوجتي انا كنت بالمطبخ اسوي كيكه ولما دخلت الا شفت ابوي وامي طايحين ضحك
واني ادخل على نيتي اضحك وش فيكم ضحكونا معكم

وشوي الا يناظر فيني هالولد ويقولي قلت لهم لي ماتحضنوا بعض مثل بابا وماما وتفسخوا مثلهم

تقول وربي حسيت اني شوي واطيح من الاحراج ههههههههه

والمشكله السالفه مرت عليها فترة بس لسى ماانمسحت من باله

قبل اسبوع وبعد ماهدت الامور
مدري وش صك في بالنا ودخلنا الغرفه وقفلنا الباب

وهم صاحين قاعدين يتفرجوا على افلام كرتون

الا وشوي يدقوا الباب

وربي حسيت ان الرومنسيه كلها راحت

وابي اتجاهلهم لكن مافي فايده كل شوي على راسي

في الاخير الولد يقول شفتكم شفتكم ويضحك
انا قمت بسرعه

ماعاد لي نفس ابد ههههه

وافتح الباب بعد مالبست وش شفت وجلس يضحك
والله شفتكم وعطاني السالفه !!!

وشوي الا البنت تقول بلهجة تنزانية مكسره >> مدري من وين جابتها

والله شتكم بابا ماما حبوا بعض وتسوي الحركات تفسخ فنيلتها وتبي تكمل

وامسكها واصرخ بوجهها وانا من الدهشه وربي قاعد اضحك ماتحملت

وزوجتي مستغربه وش ذولا اللي ماشاء الله ماسكين علينا وذالينا في الروحه والجيه

المهم بدل ماكان واحد مأذينا صاروا اثنين

وقدر الله علينا اننا الحين تحت سيطرتهم

اذا ماعطيناهم فلوس يروحوا يشتروا فضحونا بين الله وخلقه وكأننا مسوين جريمه

لما كرهونا في شي اسمه جماع حسبي الله عليهم

المهم

مدري هالشي يحصل معكم يالمتزوجين والا بس حنا حالة فريده خاصه في العالم
طيب
وش الطرق المناسبه

ابي شي ماجربته ترى كل الطرق مجربه معظمها

لي واحد من اصحابي عند ابوه عماره ومأجرها

الشقه اللي مقابلتهم فيها واحد ملتزم وعنده بنت عمرها 4 سنوات

كل مايهزه الشوق

يلبسوا بنتهم ويحطوا لها شباصات وشنطه مدرسية على ظهرها ويدق علينا الباب ويقول البنت تبي عندكم

استمرت الحاله كل مرة على هالشي

لما اختي ملت قالت والله شكله مفتكرها مدرسة كل شوي ويحط بنته عندنا كل مره في نفس الوقت

مدري عندي سؤال

الحين الطفل لما يشوف شي خلاص تبرمج مخه على هالشي يعني مايقدر ينساه ؟؟

والشي الثاني

بصراحه بصراحه عيني بعينكم
ماحصل الموقف هذا معكم الله لايوريكم مكروه قولوا امين
واذا تبوا واحد يصور لكم الاحداث ليلة لاتنسى برسل لكم ولدي ههههههههه

يخليكم ربي

راكان

فريدو · 21-08-2009, 11:53

ههههههههههههههههههههههههههههههههههه

الله يهينك يابو الشباب

ماحصل لى ذا الموقف

مافى اولاد
بس هذا تنبية بكون احط لهم منوم قبل مانروح غرفة العمليات

ماشاء الله علييهم

بس اخي اعرف انا ان الاطفال ماينسو بسرعة

خذ حذراك يابو الشباب

خصوصا اذا لاسمح الله لعب الشيطان براسهم ويبو يجربو مع بعض

اطفال مايدرو ويش الحلال من الحرام

بس انتبة لاتخليهم يشوفوك مرة ثانية

روابط الحب · 21-08-2009, 12:00

هههههههههههههه صراحه قمة الاحراج اقول الولد شكله مسكت معاه اذا سجلته المدرسه بيقول السالفة للاساتذة والطلاب الله يعينك بس اللي اعرفه ان الطفل يتاثر بالمشاهدة وتمسك معاه الى انو يتزوج يمكن اقولك على شي سمعته مرة انو زوجه تشتكي من زوجها والسبب انو بدل غرفة النوم تقريبا 8 مرات والسبب يبي يسمع صوت بخشب السرير اثناء الممارسه ولما سالته ليه؟ قال ان ابوه وامه يوم كان صغير لما كانو اااااااااا يطلع صوت بالسرير الموهم اللي اقوله احس مافيه شي تقنعه ينسى السالفه الا اذا باقي الاعضاء عندهم افكار مع اني ماتوقع بس حنا الغلط منا يالعرب انا قررت الان وعمر طفلي سنه اجهز له غرفه خاصة له واعلمه على الاستغلال بنفسه علشان مايتفاجئ اذا كبر ويشوفني انا وزوجي ندخل غرفتنا اوووكيه تقبل مروري

الرومانسيه العربيه · 21-08-2009, 12:06

الأطفال أحباب الله .

الله يخليهم لك ..

خذ الحذر وفعلا الطفل لاينسى مثل

هذه المواقف والأفضل إبعاد الطفل

من عمر السنه ؟؟

تقبل مروري ....

سرحان2003 · 21-08-2009, 12:08

هههههه

في اعتقادي القاصر أخي الكريم

أن نقاشك في المسأله مع الاطفال في أكثر من مرة وفي أكثر من موقف جعلهم يحفظوا الموقف ويركزوا عليه

نصيحتي لك

لا تجعل من الموضوع اثارة ولا اهتمام ولا كانه حصل يذهب مع الايام في مهب الريح

كذلك اوصي زوجتك ومن له علاقة بهم أن يتجاهل الموضوع ولا يعطيه أهمية حتى لا يتركز في أذهان اطفالك

تحياتي

وديمة الحياة · 21-08-2009, 13:33

الله يحفظ لك أولادك يا رب

ادخل انت وزوجتك الغرفه أمام الأولاد عشان يشوفونكم وانتو رايحين بس لا تقفل الباب لأنهم أكيد بيلحقوكم

اجلس إنت وزوجتك وسولفو مع بعض في أي شي قول لزوجتك تعيد ترتيب الملابس مثلا أو ترتب السرير أو حتى تجلس تعمل مكياج اتسوي أي شي
حاولو تتكلمو بصوت مسموع لأن الولد وإخته واقفين عند الباب

اعملو هذي الحركه أكثر من مره ومع مرور الوقت بيعتادو على انشغالكم وكلامكم في الغرفه وبينسو الشي إلي شافوه

واحذرو في المرات القادمه , وظلمة الليل ستاره

تقبل مروري

** دلع ** · 21-08-2009, 14:18

ههههههههه الله يخليهم لك اطفالك اذكياء انتبه لهم ونمي قدراتهم اكثر

بس المفروض تبعدهم عنكم من سنه الله يصحلك

طنش الموضوع علشان ينسون لا تعطيه اهميه

realylive · 21-08-2009, 14:24

مساء الخير أخوي والشهرعليك مبارك والله يقبل منك ومنا صالح الأعمال
والله يثبتنا ع طاعتة في هذا الشهر الفضيل

مدري هالشي يحصل معكم يالمتزوجين والا بس حنا حالة فريده خاصه في العالم

أخوي كل اللي ذكرته يصير لكل المتزوجين خاصة للي عندهم اطفال دون سن السابعة
وبالعكس أشوفه طبيعي جداً وعادي
طيب
وش الطرق المناسبه
تنظيم وقت نوم اطفالك للإختلاء بزوجتك في أوقات المساء
التظاهر بالنوم بأنك متعب فأطلب من اطفالك بعدم إزعاجك ويتعودون ع ذلك
اعطهم كلمات كبيرة فمثلاً (فلان ) بابا أنا ابنام هااا وعندي بكره عمل وابروح انام
لاتسهر عند التفلزيون وخلك بعيد عشان مايضر عيونك
هو بينتبه لكلامك والثقة اللي اعطيتها فيه
الشيء المهم علمهم في هذا العمر أن نقل الكلام للناس (( عيب )) وخلك حازم وشديد لآن عمر خمس سنوات عقل الطفل شريط فاضي فأعطه بعض الأمور الصح والخطأ
ولاتنسى تتعامل بمبدأ الثواب والعقاب
انصحك أنك تتعامل وياهم ع أنهم فاهمين
وما شاء الله عليهم الله يحفظهم نبوغهم مبكر
فكن حريص ع حركاتك وكلماتك لزوجتك عند اطفالك !!!! انتبه
ولا تقول أبي اروح أنا وماما للغرفة ... لا لا لا
تجي ردة فعل عند الطفل وتخليه يفكر بأفكار
وش يسون بابا وماما
يعني
حاول إذا جا ع بالك ساعة الصدر
لاتبين لهم ابد ..

ابي شي ماجربته ترى كل الطرق مجربه معظمها
مدري عندي سؤال

الحين الطفل لما يشوف شي خلاص تبرمج مخه على هالشي يعني مايقدر ينساه ؟؟

من السن الثلاث سنوات وما شاهده الطفل من تصرفات من والديه ستمحى حتماً لأن كل فترة سنية لها طابعها الخاص

تطمئن أخوي ولدك الكبير وي ابنتك بينسون مع تقدم عمرهم
(( واللي يقولونه الآن هي احداث .. حفظ وبعدها تجي عندهم اشياء تنسيهم كل هذا ))
بصراحه بصراحه عيني بعينكم
ماحصل الموقف هذا معكم
أخوي مثل ماقلت لك هذا يصير في كل بيت لكن اللي ابيه منك تنتبه وتحسب 1000 حساب لجوك الخاص مع زوجتك خاصة وأنك لاحظت أن اطفالك بيلاحظون الشيء هذا
.
.
.

عازف أشكرك ع ماتقدمه من مواضيع جميلة

وبالنسبة لموضوع التحليل اتمنى لك التوفيق فيه وهذا تخصصك والله يسهل أمورك

تحياتي لك

.

في آمان الله

الوااادي · 21-08-2009, 14:46

ههههههههههههههههههههههههههههه جابو العيد الصغيرين

نجدالتميميه · 21-08-2009, 15:07

خخخخخخخخخخ حركات الاطفال كلها برائه ومع الوقت اكيد بينسون.بس لاتذكرونهم السالفه عشان ينسون انا بنتي اذا سألها احد قالت كل شي بس من نفسها ما تقول ....

الماتع · 21-08-2009, 15:22

شوف أخوي في البدايه الله يخليلك وليدك وابنيتك وميمتهم ويسعدكم دنيا وآخره
أما بما يتعلق بمسألة أولادك من وجهت تظري أن المسألة في بدايتها طبيعية لان الطفل عندما يشاهد
أبويه يقومان بشء غير مالوف له أيا كان هذا الشئ ترسخ السالفة في ذهن الطفل ،
فهنا يجب الحذر والتأكد من أن الطفل غير موجود أثنا عملية الجماع.
النقطة الثانية
ما فهمته من كلامك أنك عندما تكون أنت والمدام بالغرفه والباب مقفل يدق الولد الباب ويقول إني
شفتكم .....! فكيف يكون ذلك...؟
لايكون هناك أماكن وفتحات سرية وأنت ماتدري؟!
النقطة الاخيرة
سبحان الله ترى الأطفال يتمتعون بذكاء لذا يجب التعامل معهم بذكاء أيضا
الطفل دائما يبحث عن شيئ يلفت به انتباه والديه ويتم به تحقيق طلباته وتلبية رغباته
وأولادك الله يخليهم لك وجدوا هذا الشئ وهو ماتشتكي منه

والحل أخي الفاضل عندما يقوم إبنك بالتهديد والحديث أمام الناس لاتلقي له بال وكأن الأمر طبيعي جدا
ولاتعطيه لافلوس ولاكفوف مع الوقت سيشعر الولد أن هذه الطريقه غير مجديه ويتخلى عندها.

عازف نغم · 22-08-2009, 00:27

اقتباس:

المشاركة الأصلية كتبت بواسطة فريدو

ههههههههههههههههههههههههههههههههههه

الله يهينك يابو الشباب

ماحصل لى ذا الموقف

مافى اولاد
بس هذا تنبية بكون احط لهم منوم قبل مانروح غرفة العمليات

ماشاء الله علييهم

بس اخي اعرف انا ان الاطفال ماينسو بسرعة

خذ حذراك يابو الشباب

خصوصا اذا لاسمح الله لعب الشيطان براسهم ويبو يجربو مع بعض

اطفال مايدرو ويش الحلال من الحرام

بس انتبة لاتخليهم يشوفوك مرة ثانية

اخوي فريدو اسعدني حضورك

واسأل الله انه لايضعك في هالموقف هههههههههههه

يخليك ربي ياعسل

دمت بود

الفراشة الزرقاء · 22-08-2009, 00:46

ههههههههههههههه الله يصلحهم يارب

وفعلا مثل ماقالو لك الاعضاء اذا تكلم في هالسالفه لاتعطونه اي اهميه لان الطفل بطبعه عنيد ويحب يلفت الانتباه فإذا طنشتوه راح ينسى الموضوع شوي شوي

واعجبتني فكرة (وديمة الحياة)بصراحه استفدت منها

الله يوفقك ويسهل دربك

~ نعومة ورد ~ · 23-08-2009, 07:18

هههههههههههههههههههههههههههههههههههههه
هههههههههههههههههههههههههه

وربي ضحكنوني اولادك برائتهم فديتهم

ربي يوفقك وانشالله الا اعضاء يفيدوونك

تحياتي وديي

::

عبير الشهري · 23-08-2009, 07:35

هههههههههههههههههههههه قسم بالله لوهم عيالي كان اجلدهم جلد
يااويلي فضيحه لا والمصيبه كاسرين عيونكم جدام الله وخلقه
ههههههههههههههههه

ياااااااااعزتي لكم

خخخخخخخخخخخخخخخخخخخخخخ

<<===تتشقلب ضحك

الله يخليهم ويصلحهم

اذا بتدش انت وزوجتك جو حميمي
اول شي خانقها جدام العيال
وسو روحك تضربها وهي تدش غرفة النوم وتبجي
وانت تلحقها والعقال بيدك على انك بتضربها
وصكرو الباب
بكذا العيال بيقولون تضاربو

هاه شو رايك بالفكره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تبي حارس يوقف لك عند سرير نومك ويصور كل شي بينكم >> اتصل نصل ؟؟