عالم الحياة الزوجية - منتدى

missed-call · 21-08-2009, 20:39

السسسلام عليكم ورحمة الله وبركاته ..

انا سالفتي سالفه لكن ماادري من وين ابدأ .. بقولكم القصه باختصار مع اني ترددت قبل مااكتب لكن ماعندي احد اقوله ماعندي خوات ولااخوان..

انا بنت عمري في العشرينات ولكن مشكله كل ماتكلم احد في موضوع خطبه رفضه ابوي بدون اي سبب مقنع وليته على الرفض وبس لكن يجيه حاله مو طبيعيه يصير عصبي بطريقة مجنونه ودايم اجلس ابكي بسبب عصبيته

ماكنت اهتم في البدايه وقلت يمكن عادي يشوف شي مااشوفه !! واستمريت مده على هالحال ودايما يقول لي لا تلبسين ولا تحطين مكياج ولا شي عشان محد يشوفك ونبتلش !!!!! كنت اقوله كيف يبه ؟ يقولي مثل ذاك اليوم اللي رحتي لبيت ام فلان ( وفلان هذا هو الشخص اللي بتكلم عنه ) المهم يجلس يدعي عليهم ويدعي على روحتي ذيك وليتني مارحت ومن هالكلام ..

ياجماعه انا جد نفسيتي تعبت ليش وش معنى انا بالذات .. هذا كل صاحباتي مخطوبين او مملكين ومن الاشخاص اللي يبونهم الا انا .. مع اني انا مالي اخوان يوقفون جنبي واعتمد عليهم بعد الله والدنيا تخوف !
والمشكله الكبيره انه قبل مده هذاك الشخص ( فلان) اللي تكلمت عنه فوق كان بالنسبه لي حلم امه طيبه واعرفها وخواته صديقاتي فقالي ابوي مره شرايك فيه وموافقه عليه وكذا؟ انا كنت مستحيه وماقلت لا ايه ولا لا لكن سكتت واذا البنت سكتت معناها موافقه .. لكن شوي سكت ابوي وقالي لا مايصلح لك ..

انا فارررر دمي وليه مايصلح لي .. لكن سكتت وماقلت شي .! وانا كذا دايما اسكت وماحد يدري بهمي الا غرفتي..

تعبت وحالتي النفسيه من سئ لاسوئ .. تجيني مرات فكره اني اهج من البيييييييت لاني مليييييييييييييييييييييييييييييييييييييييت .. وعلى فكره موضوع الـ (فلان) الى الان ماانتهى نهائيا .. احس فيه مجال مع انه رد عليهم وقال لا مو الحين .. لكن هم مابعد ردو وخلاص اكيد بيدورون احد غيري مدام هذا ابوي !!

الله يخليكم ردو علي وش اسوي تعبت والله تعببببببببت

آخر وريقات التوت · 21-08-2009, 20:51

اولاً كل عااام وانتي بخير

الله يهدي ابوك اجلسي معه واسئليه ليش يرفض الخطااب واذا تستحين قولي لأمك تكلمه

او عمك او اي احد تشوفينه ان ابوك يسمع كلامه ويقتنع منه يشوف ايش السبب طيب يمكن ابوك معطيك احد من عياال عمك

ويرفض الخطااب علشاانه وبعدين اعرفي يالغاليه لو الله كااتب لك تتزوجين غير تتزوجين غصب عن ابوك

بس شكل ابوك يحبك مدام ماعندك اخوان واخوات ويغليك مره علشاان كذا مايبغااك تتزوجي وتروحي عنه

بس انتي صلي الليل وادعي الله ان يرزقك الزوج الصاالح ويهدي ابوك واستغفري كثير بنية الزواج

والله يكتبلك اللي فيه الخير ...

missed-call · 21-08-2009, 21:09

اقتباس:

يمكن ابوك معطيك احد من عياال عمك

تدري انو جتني الصيحه اول ماقلت كذا

صدقني لو كان هالموضوع جد انا ممكن يصير فيني شي

ولكن شكله جد !!!!!!!!!!!!!!!!!!

لانه دايم يمدح فيهم ومره زمان كنا صغار قال ان عمك قال له ترى بنتك لولدي

لكن امهم مره صعبه وشريه وذابحه عمي جابت له كل مرض

ومتحكمه بعيالها لابعد درجه وغير كذا ولد عمي مايخطر في بالي ابدا كـ زوج

انا اللي في بالي هذا اللي فوق مع انه مستحيل

missed-call · 21-08-2009, 21:14

وصح نسيت اتكلم عن الحب .. ابوي ابدن مايحبني ولا يسوي لي اي شي ابيه ومعاملته جدن سيئه .. انا اشتري الا شياء الي ابغاها من معاشي حتى مصروف مايعطيني : (

ماابي منه ششششششششششي بس ابي يعطيني حريتي .....
والله ان الدموع نزلت من عيوني ..

ra3d 20 · 21-08-2009, 21:14

الله يرززززقك بالزووج الصاااالح

لا يالغلا دمووعك غاليه علينا

آخر وريقات التوت · 21-08-2009, 21:17

اقتباس:

المشاركة الأصلية كتبت بواسطة missed-call

تدري انو جتني الصيحه اول ماقلت كذا

صدقني لو كان هالموضوع جد انا ممكن يصير فيني شي

ولكن شكله جد !!!!!!!!!!!!!!!!!!

لانه دايم يمدح فيهم ومره زمان كنا صغار قال ان عمك قال له ترى بنتك لولدي

لكن امهم مره صعبه وشريه وذابحه عمي جابت له كل مرض

ومتحكمه بعيالها لابعد درجه وغير كذا ولد عمي مايخطر في بالي ابدا كـ زوج

انا اللي في بالي هذا اللي فوق مع انه مستحيل

طيب انتي ماسئلتيه ليش يرفض .. شوفي اذا عياال عمك كويسين واخلاقهم تماام استخيري والله يكتبلك كل خير

لا لا حبيبتي ماافيه اب يكره بنته لدرجه اللي انتي تقولين صدقيني ابوك يبغى مصلحتك

واذا مره نفسك بلولد اللي ذكرتيه والله ياقلبي ماالك الا الدعاء والأستغفاار احناا بشر مثلك مابيدنا شي ..

موفقه ........

قلبك أحلى وطن · 21-08-2009, 21:31

اللهم صل على محمد وآل محمد

اختي اذا تقدري كلمي احد يقدر يتفاهم مع ابوك ويأثر عليه
اذكر جدي كان كذا ما خالتي ، لكن كلموه وقالوا له حرام كذا ترفض بدون سبب مقنع بتتحاسب وغيره واقتنع
وصار يمشي وييسر زواج خالاتي ..،

اذا ابوك ملتزم خلي احد يجيه من ناحيه الدين ويكلمه
حاولي وبشرينا

وربي يكتب لك اللي فيه الخير

.

دبدوبه ورديه · 21-08-2009, 21:35

اقتباس:

المشاركة الأصلية كتبت بواسطة missed-call

وصح نسيت اتكلم عن الحب .. ابوي ابدن مايحبني ولا يسوي لي اي شي ابيه ومعاملته جدن سيئه .. والله ان الدموع نزلت من عيوني ..

تقريبا نفسي لكن أبوي يبي يزوجني بسرعه عشان الفكه ههههه
لا تستحين لازم يكون فيه مبادره من جهتك كلميه واستحملي وان شاء الله بيرزقك واحد كفو ويعوضك عن كل الحب الي فقدتيه مع أبوك

غالي ومكانه عالي · 21-08-2009, 21:49

السلام عليكم

أقول بس استريحي طلعتي والا نزلتي ابوك مهما قلتي !!!
والي تكتبي عنه الآلآن هو سبب وجودك بيننا
والله أعلم بما في نفسه
أكثر منك ,,,الله اعلم بنيتك ,,,
الله يستر عليك ,,

حياويهـ · 22-08-2009, 23:32

الله يفرج عليك يارب
ومافيه أب يكره بنته الا أذا هو مريض نفسي !
حبيبتي اللي ربي كاتبه لك راح يصير
قال تعالى : ( عسى أن تكرهوا شيئا وهو خيرا لكم وعسى أن تحبوا شيئا وهو شر لكم ) .
دخلنا شهر رمضان أمسكي سجادتك وادعي ربك فهو الوحيد القادر على تفريج كربتك وهمك وتحقيق امانيك ..
بالتوفيق

نايف الحسن · 23-08-2009, 06:10

طيب وين امك
ليه مالها دور

بنت العنوووز · 23-08-2009, 07:32

اللهم يارب الاررباب ويامسبب الاسباب ويافاتح كل باب افتح لي ابواب فضلك العظيم وارزقها الزوج الصالح اللذي تشتهيه نفسيها عاجلا غير اجل ياحي ياقيوم << دايم قولي هذا الدعاء واهم من الدعاء كل ماتشتغلين او تسوين شي او فاضيه اسسسسسسسسسسسسسسسستغفري يفتح لك الله سبحانه وتعالى ابواب رزقك من كل مكان << انا تراي زيك بالبضبط كربونك وهو بعد اخو صديقاتي وامهم طيبه بس كلمت ابوي صح اني صحت قدامه وقال نسال عنه لكن لابد من وجود كلمات تقهر منه والمشكله لحد الحين ولا فكر يسال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ آباء ليه يعاملوننا كانه ليس حق لنا

كحلها سايل · 23-08-2009, 07:39

دخلي احد ثقه بالموضوع ؟
خالك / عمك ؟

عود مياس · 23-08-2009, 13:15

أكيد أبوك يحبك وما وده تفارقينه،،
أنا أقول حد ثقه يتناقش معاه بهالموضوع،،
ويارب يارب ياااااااااااااارب يصير اللي في بالك،،
ويرزقك بإبن الحلال اللي في قلبك،،
ولكن...
فقط إذا كان يستاهلك،،
دايما تذكري هذي النقطة،،
ما يصيبك إلا نصيبك،،
وقت ما يجي النصيب من رب العالمين
ما في حد في الدنيا يقدر يوقف بوجهك حبيبتي،،،
موفقه...

شمااا 2009 · 23-08-2009, 13:59

الله يرزقنا الزوج اللي نباه يااارب

كثري من الاستغفار و قرأءة القرآن في هالشهر

وان شاء الله ربنا بيوفقج

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي يحرمني من الزواج