عالم الحياة الزوجية - منتدى

شاهي بالحليب · 23-08-2009, 03:41

السلام عليكم ورحمة الله
بقص لكم تجربتي مع بداية الخطبه والزواج
طبعا كالعاده الاهل هم اللي لقوا البنت وسالوا عنها و و و الى اخره وبعدها اتصلنا فيهم عشان نخطب البنت وبعد كذا زرتهم انا عشان يتعرفون علي.... وبعد ماشافوني وسالو عني وافقوا وقالو تعال عشان تشوف البنت
وبعد الللللللللفه الطويييييله اللي قلت...شفت البنت ولكن ما ارتحت صراحه وفي نفس الوقت صابني حالة اكتئاب لاني احس انها صعبه نقول والله مافيه نصيب بعد ماشفت البنت وكل شي
تكفوووووووون قولو لي تجاربكم او تجارب احد تعرفونه، وش شعور البنت اذا انسحب الخاطب بعد الشوفه؟؟؟ ووش رايكم وش احسن طريقه للانسحاب؟

كحلها سايل · 23-08-2009, 03:45

كيف يعني ما ارتحت؟
ما ارتحت الى شنو بالضبط الى شكلها والا والا والا ؟
اعطينااااااااا سبب مقنع ..

بيـ مسافات ـننا · 23-08-2009, 03:47

ياهلا اخوي ..
عادي انا بنت ولو صار لي نفس الموقف أتمنى يقول مافيه نصيب ولا اني أكتشف انه مو مقتنع فيني ..
الزواج مافيه مجال للمجاملة .. الزواج عمر وانا أختك ..
اتصل فيهم وقولهم انهم ونعم العائلة وسمعتهم ماشالله وماراح تلاقي أحسن منهم .. لكن استخرت وما ارتحت وانه مافيه نصيب وادعيلهم انه ربي يرزقهم بأبرك منك ويرزقك بأبرك منهم وخلاص ..
صدقني لاتشيل هم عادي تصير وكثييييير بعد .. منت أول ولا آخر واحد يصير له الموقف ..

فديتني1 · 23-08-2009, 04:02

عادي قول مارتحت

وانت استخير اذا كانت خير لك بتمشي الامور من غير ماتحس واذا لا خلاص الله يعوضك بااخير منها ويعوضها بااخير منك

بعد ماتددري يمكن تكلمهم وتصير هي نفس الشي بس استخير وفكر زين الزواج مو جمال وجسم وبس

اعرف لك واحد خذا بنت ملكة جمال حلوووووووه بالاخير صارت تدخن ولها علاقات انا مااقول كل الجميلات كذا بس ابي

افهمك انه لاتعتمد على الشكل وبس

الله يكتب لك الخير

نايف الحسن · 23-08-2009, 06:24

انتبه تتزوجها وانت ما اقتنعت فيها
فيه مليون شخص راح يقتنعون فيها ... الناس اذواق
بس لاتورط بنت الناس
يعني عادي قل ما فيه نصيب
عادي عند البنت واهلها
اكيد راح يجي غيرك ويعجب فيها ويعيشها ملكة وانت راح تلقى نصيبك

* رونق الذوق * · 23-08-2009, 07:11

مرااحب خيوووو
كل شي قسمة ونصيب وانا اختك
ومثل مااتفضلوا الأخوات بردودهم اللبقة
تقدر تعتذرلهم
صحيح البنت تنجرح كذا لكن مو مشكله الزمن يداوي
الجرح ذا افضل من جرح غيره بعد الزواج وانت موب مقتنع
لكن لاااازم الرد يكون بطريقه لبقة
والله يوفقك يارب ويسخرلك بنت حلال تسر قلبك
ويوفقها بنت الناس ويسخرلها ابن حلال يسرها ويسعدها ..

اختك رونـــق ..

املي بالله وحده · 23-08-2009, 09:47

الا جزاك الله خير انك قلت من الحين مو بعدين بدل فيه ناس ما يفكرون بجرح البنت أو أهلها او الولد يجون ويروحون ولا حتى يردون
وهذي تجرح الناس اصلا وانت شكلك ولدناس واصول وفيك الخير وتخاف ربي وهي انك ترد عليهم برد لبق يلمح لهم ان مافيه نصيب بدون ما تجرحهم وتقول والله بنتكم ما فيها شي وكل شي حلو فيها بس استخرت وما ارتحت يمكن نصيبها ونصيبي مو معها وربي بيرزقها افضل مني المهم لاتخليهم ينتظرو طويل او تروح وما ترد واذا خجلان خلي احد فاهم وعاقل من عيلتك يوصل الخبر والله عوضك ويعوضها لأنها اكيد بتنجرح بس مصيرها بتنسى ..

هلا باالجرح · 23-08-2009, 10:21

شعور قااااااااااااااااااااااااسي اختي صار لها كذا -- بس في الاول والاخير هذا نصيب

Saker falcon · 23-08-2009, 17:05

كل شي قسمة ونصيب

حط في بالك هذي عشرة عمر مو يوم ولا اثنين
عاد الله يعوضهم خير

MSsْْ~5 CHANAIL · 23-08-2009, 17:34

اقتباس:

المشاركة الأصلية كتبت بواسطة بيـ مسافات ـننا

ياهلا اخوي ..

عادي انا بنت ولو صار لي نفس الموقف أتمنى يقول مافيه نصيب ولا اني أكتشف انه مو مقتنع فيني ..
الزواج مافيه مجال للمجاملة .. الزواج عمر وانا أختك ..
اتصل فيهم وقولهم انهم ونعم العائلة وسمعتهم ماشالله وماراح تلاقي أحسن منهم .. لكن استخرت وما ارتحت وانه مافيه نصيب وادعيلهم انه ربي يرزقهم بأبرك منك ويرزقك بأبرك منهم وخلاص ..

صدقني لاتشيل هم عادي تصير وكثييييير بعد .. منت أول ولا آخر واحد يصير له الموقف ..

نفس الكلاااااااااااااااااااااااااااااااااام

ربي يوووووووووووفقكك ...

اجمعني بها يارب H · 23-08-2009, 17:45

اسستخر قبل .!

غلا .. · 24-08-2009, 00:36

استخير اولا ..

بعدين اتصل على اهلها قول والنعم فيكم بس استخرت ومافي نصيب ..

عادي دايم يحصل معاي كذا ..

سكوت حنصّور · 24-08-2009, 00:51

طالما انو من البداية
مو مقتنع .

لا تسحب عليهم
قلهم ما في نصيب
وربك كريم

بالمناسبة هل استخرت الله ؟

شاهي بالحليب · 24-08-2009, 01:16

شكرااااا لكم جميعااا،

بأستخير الله مره ثانيه والله يعين

بنت بني وايل · 24-08-2009, 07:30

استخير لاتتسرع والله حراااااااااااااااااااااااااااااام حط وحده من خواتك بمكانها ووش بتحس فيه انت مو البنيه

الله يكتبلك الي فيه الخيره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

شفت البنت....بس مارتحت..وش رايكم