عالم الحياة الزوجية - منتدى

الشامخه · 24-08-2009, 12:20

أنا في حال مايعلم فيها إلا رب العالمين ولدي من عمره 9سنوات اكتشفت في أذنه أثار أحد يتحرش فيه أنتم فاهمين وش أقصد وبعد نقاش عنيف اعترف أنه البقال وعاقبته هو والبقال بالضرب ولكن للأسف في كل مره يتكرر نفس الموضوع من أشخاص آخرين منهم خاله وولد عمه ولد الجار وفي كل مره أقوله إذا أحد سوى لك شي قولي عشان هو إلى يتعاقب موأنت بس عندي ولد ماأدري وش أوصفه أهبل ولايستهبل جربت معاه أنواع العقاب الضرب والهدوء ماينفع معاه ماأدري هو عاجبته الشغله أو يخاف والمشكله كل ماواجهنا أحد من الناس يقول أدبوا ولدك ترى له سوابق أحس إني بموووت من القهر والمشكله هالكلام من أقرب الناس وش أسوي معاه وكيف أعامله والله صرت مثل المجنونه في كل مكان أراقبه وخروج من البيت مايطلع إلا وانا معاه أو أبوه بس مافي فايده
للمعلوميه هذا ولدي الأكبر ومحرصه عليه من كل جهه للأسف فقدت علاقات كثيره بسبب ولدي وكل مره الخطأ يطلع منه السبب ليش مايتكلم ؟؟
تتوقعون ولدي فيه شي يعني يحتاج دكتور نفسي (( كذاب أو عجبته الحركه )) ؟؟
مع أنه في أصغر منه في العيله وكل مره يكون هو في وجه المدفع
وفي كل مره أشك أنه ولدي كذاب بس هالمره لما تحرش فيه ولد عمه أنا متأكده منه لأنه كان معاي وماخرج مكان ثاني
بس إلي قاهرني في كل مره أنبه عليه وأقوله أنت لو قلت الصراحه ماراح تتعاقب وراح أكافئك بس بدون فائده كل مره يسكت وأكتشف أنا الموضوع بالصدفه
وبالنسبه للتلفاز فهو في مكان تجمع العيله وكلنا نتابع سوى ولا يتابع أفلام أو أغاني أبد
ماأدري صابني هستريا من هالولد أأأأأأأأأأه ياربي أفرجها
دخيل الله ساعدوني حسوا فيني الله لايجعل أحد منكم يحس بالنار إلي أحسها ماني عارفه وش أسوي بهالمصيبه ساعدوني بليزز لو بالدعاء

احب الغرام · 24-08-2009, 12:28

اختي انا اسف اقلك كذا
بس احتمال يكون مريض
لان هذا الشي بده ينتشر عندنا مع الاسف
حاولي تاخذي لدكتور

روح ميته · 24-08-2009, 12:38

هلابك أختي
بالنسبه لولدك هي وحده من الثنتين
1.. الخوف عنده أستحوذ عليه وأنتي يمكن عرفتي يوم تمكن هالخوف منه يعني اي احد يسويله بيسكت يمكن هو يعرف أنه خطاء بس الخوف أكبر منه
2... يمكن تكون عجبه هالشيء ولاتنسين فيه فئه من هالشباب يمارسون هالاشيااااء والعياذ بالله
بس بكل الحالتين لازم تروحين بولدك لدكتور نفسي وأيضا جسدي
ودام ولدك توه صغير الحقي عليه لانه كل ماكان صغير نسبة النجاح أكبر أن شالله
والله يهديه ويشفيه ان شالله عاجلا غير أجل

عابـــر سبيــل · 24-08-2009, 12:52

دكتوووووووووووووور نفسي وبس

والله يصبرك ويعينك عليه

الــ لـهـان ــو · 24-08-2009, 12:59

اقتباس:

المشاركة الأصلية كتبت بواسطة روح ميته

هلابك أختي
بالنسبه لولدك هي وحده من الثنتين
1.. الخوف عنده أستحوذ عليه وأنتي يمكن عرفتي يوم تمكن هالخوف منه يعني اي احد يسويله بيسكت يمكن هو يعرف أنه خطاء بس الخوف أكبر منه
2... يمكن تكون عجبه هالشيء ولاتنسين فيه فئه من هالشباب يمارسون هالاشيااااء والعياذ بالله
بس بكل الحالتين لازم تروحين بولدك لدكتور نفسي وأيضا جسدي
ودام ولدك توه صغير الحقي عليه لانه كل ماكان صغير نسبة النجاح أكبر أن شالله
والله يهديه ويشفيه ان شالله عاجلا غير أجل

مع هالكلام ... وصرآحه هو عين الصواب .. يا خوف يا يعجبه ..عآصرنا وشفنآآ

مرجوج انترنشنل · 24-08-2009, 13:05

مساء الخير

عزيزتي // الشامخة

هذا موضوع خطير وما ينسك عليه أبد أبد أبد

والولد لا يتعود على كذا عشان ما يكون مستقبلة واضح وأنتي فاهمة وش أقصد

عزيزتي

التثقيف في جو حميم وأسري وتوعية عن هذي المواضيع بصراحة وشفافية وأعطية الثقة بنفسة

وفيك وحسسية بالامان التام في النقاشات

عودية أنه يكون بجوكم الاسري وخليه دايم متواجد حولك من ولدة شوي مع أمة شوي مع اخوانة شوي

بالبيت وقدام عيونك

عودية دايم انه يجي يقولك على أي شي يصير له من مواقف وطبعاً تعطسنة الامان وما تعاقبينة

عشان يلجاء لك في كل شي

وبعدين حاولي يكون الولد عندة هواية ونمية له مثل الكرة الرياضة أي شي من هذا القبيل

وهذي طبعاً نقطة مهمة جداً

وبعدين بصراحة لازم يكون على راقبة وخصوصً في هذي الفترة وغير كذا ترى شي جيد وممتاز بعد

أن يرى طبيب نفسي وهذي من تعتبر من الحالات النفسية .

لا تهملين الموضوع واعانك الله على ما جاك

لكى منى كل الود حتى الرضى

حــــــــيرانه · 24-08-2009, 13:19

أنا انصحك تتجهي لدكتور نفسي وبسرعه . لانه ولدك مثل اللي جاته صدمه وأستسلم للموضوع

مايبي يقاوم يعني ،، على باله انه خلاص هذا شي عادي .

وللأسف هالشي أنتشر بشكل كبير بهالوقت .. يعني لاتلومينه هو كمان صغير وأنظلم .

أنتبهي له وأبعديه عن كل هالأجواء ولو أضطريتي تسكني بعيد وتستقلي بمكان لحالك انت وابوه

عشان مايأثرون بنفسيته انه راعي سوابق ومن هالكلام .

انا حاسه فيكي ..الله يبرد قلبك ويعافيه لك ويبعد عنه عيال الحرام ،، وبعدين الله يرضى عليكي

كل يوم انت أقرأي عليه وأستودعيه الله ..وربي يحميه ان شالله

ملك الليـــــل · 24-08-2009, 13:34

اي دكتور نفسي اي بطييخ اول شي ولدك صغير وعمرة تسع سنوات وادلبي الله يحفظة
يعني توة صغير على الشي هذا ولا يدري وش السالفة
المشكلة مو من ولدك المشكلة من الآخرين الي يتحرشوف فية
وانصحك اختي ان تكوني جنبأ الى جنب مع ابنك ليتقبل الوض ويعرف الخظء والصح
اذا بلغ يفهم كل شي

وتحياتي لك والله يستر على المسلمين اجمعين

امركشي · 24-08-2009, 13:35

اختي لازم تتجهين لطبيب نفسي
لان واضح ان سلوكه ما يقدر يسيطر عليه
وصار عنده مثل الحالة المرضية
وهذا بلاشك يستدعي تدخل اخصائين
اجتماعين ونفسيين لتفسير هالمشكلة وحلها باذن الله

الله يحميه ويحفظه لك

ksa_10 · 24-08-2009, 13:57

ما ادري وين أبوه يا اختي ؟؟

المفروض تطلعون من الوسط اللي انتم فيه

غيروا مكان سكنكم بعيد عن هاللي يتحرشون فيه

ولازم أبوه يكون له دور

م-سيف · 24-08-2009, 14:35

اعتقد ان الموضوع يجب ان يكون فيه تدخل مباشر من الاب

البقال وتحرشه في ابنك .... على طول تبليغ للشرطة ... وكفيله ... عشان تسفير على طول ...

ابن العم .... لابد وأن يأخذ علقه ساخنه أمام أبوه وأمام أبنك

الخال أيضاً ...

الامور هذي لا ينفع معها المجاملة ... التدخل المباشر ... وبأشد أنواع القسوة الممكنه

أنتي مخطئة في موضوع التعامل بعنف مع ابنك ... فأبنك ضحيه ... وانتي سببتي له موقف سلبي ...

الله يكون بعونك

very love · 24-08-2009, 14:45

الموضوع يعالج عند الطبيب النفسي واسأل الله ان يفرج همك ويشفي ابنك وانا اقترح بعد العلاج اخراجه من الوسط الدي يعيش فيه وابداله بوسط آخر تماما كالنقل من الحي او المدينة مع المتابعة والعلاج النفسي الدوائي والسلوكي .

ابو قحفية · 24-08-2009, 14:47

كوني معه لا عليه

عساف كل مارد · 24-08-2009, 15:08

اذا كان وسيم أجل أكيد أنه بريء والعكس صحيح

فواز الابراهيم · 24-08-2009, 15:21

اشلون تعاقبين البقال شلون يعني ماني فاهم وشنو هالمجتمع اللي يخرع 0 يااختي البقال لازم تبلغين عنه الشرطه والمكان هذا لا تسكنين فيه وبعدين وين ابوه اشهالبرود في التصرف 0 الولد ضحيتكم انتي وابوه لازم يكون موقفكم حازم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بمووت من قهري من ولدي