عالم الحياة الزوجية - منتدى

لينا1111 · 25-08-2009, 02:18

اليوم سويت عالم النظافة لغرفة بنتي عمرها عشر سنوات

وانا أرتب الدولاب لقيت ظرف فتحته لقيت بنتي كاتبة رسالة لولد في عمرها !!!!!!الرسالة مكتوب فيها

انا احبك وإذا كبرت تزوجني انصدمت وضاق صدري مو عارفة اتصرف رحمة من ربي أن بنتي مو عندي

ولا كان جلدتها كانت عند جدتها هي وأخوها الولد وسيم شويه عليه جميل جميل وبنتي شكلها

تضعف عند الجمال وقلبها يدق ,,,,,,عطوني حل كيف اتصرف معاها,,,,,

ஐرٍهيـنة الخيـالஐ · 25-08-2009, 02:36

سَلامٌ عَلَيْكَِ وَرَحْمَةٌ مِنْهُ وَبرَكَآت

هَدي مِنْ رَوعك يَا أختي الموضوع مَايسْتَحق الجلد..!!

كثير بنات صغار وكمان اولاد يقولوا لما نكبر نبي نتزوج فلان او فلانه مره عادي

مُمكن يَكون هو عَاجبها

لكن هيَ مَاهي قادرة تعبر له

فقالت بِـ كُل براءة تزوجني هههه ياحلوها

والأفضل مَاتقولي لها حاجه عن الرساله..!!

لكن حَاولي تتقربي أكثر منْهَا وهيَ لما تحسك قريبه تَأكدي راح تحكي لكِ عَنْ كُل شيء,’

نظرة بعيدة · 25-08-2009, 02:43

لا تخافي اختي..

اهدأي . ترى الموضوع مو قوي تراه بسيط..

والحمدلله قالت تبي تتزوج وهذا خير احمدي ربك ماشيه بالتفكير الصحيح هو الزواج مو شي ثاني..
وغير انها حددت اذا كبرت تزوجني يعني فاهمة وعاقلة ..

خايفة عليها من انها تسوي شي غلط..
تقربي منها خليها تفتح الموضوع صيري قريبة منها ..
اذا قالت السالفة افهمي الموضوع كله منها ..
وحاولي تقربي بينهم بالزواج يعني خليهم يتزوجوا اذا كبروا..
الزواج شي جميل وانتي عشتيه اكيد تبين بنتك تعيشة ..

طيب اذا هم بينهم مشاعر خليها وخليهم يكبروا وخليهم يتزوجوا..

"هيئي الطريق ليهم هذا طريق الخير حتى لو تزوجوا وهم صغار ما بيجيب اليهم اي ضرر بس بينفعهم وبيسعدهم"

...
سلام

ghreb · 25-08-2009, 02:51

وليش تخافي بنتي تقول : متى اكبر واتزوج وافتك منكم

عمرها ست سنوات

انذهلنا من كلامها

لكن كانت سبب في جعلنا نهتم فيها اكثر دون ان نكترث لجملتها

فهمتي ... لا تجلديها وتندمي وتوصفي بالحمقاء

الافضل المراقبة والهدوء وعدم الاكتراث والاهتمام وانا اظن انك مهملتها كثير

مجنــون حبــك · 25-08-2009, 02:54

انا اشوووف ما فيها شي

لانه بالنسبه لعمرها ما تعرف تعبر عن الاعجاب ..الا بالزواج

ولا يروح بالك بعيد

براءة الطفوله...كلنا عشناها...

الا ليت الطفولة تعود يوما..ههههه

ام البنات · 25-08-2009, 02:58

والله ميب سهله بنيتك رساله بعد ياحبيلها
لازم تفهم انه غلط ويأثر على سمعتها وسمعت اهلها

مهجول · 25-08-2009, 02:59

تضعف عند الجمال وقلبها يدق ههههههههه كلنا نضعف قدام الجمال الله يخلف ههههههه

لا لا تقلقي بس يبيلك متابعه وانتباه للبنت ولا تخلينها تجلس بروحها او تاخذ راحتها مع الولد يعني حاولي تعزلينهم عن بعض واذا زرتي اهل الولد حاولي انك ماتاخذين بنتك معك وهم راح يحسون ولا يجيبون ولدهم واذا مانفع لمي لهم انك او زوجك ماتبون بنتكم تختلط بالاولاد وكذا راح تقطعين الطريق

والله يعينك واخلي بنتك تحت عينك ...

احرصي انها تحافظ على الصلاه والدين وحاولي تعطينا اشياء ولو روس اقلام حلال حرام وزي كذا ....

والله يوفق الجميع

انا مع الاخوان اللى يقولون لا تجلدينها وحالي تقربينها منك كثير

نوافvip · 25-08-2009, 03:04

الله يعيـنك على هـالصدمـة

انا من رأيـي انك تحاوليـن تتقـربين منها شوي شوي واتوقـع ماراح تتكلـم لك عن حبـها البـريء

حـاولـي تجلسـين معـاها وتجيبيـن لهـا قصـص واقعيـة عن زواج كانـت بدايـاته حب من الطفـولة

وحاولي تركزيـن على الجـانب الإيجـابي كثيـر عشـان ترسـلين لها رسـائل بشكل غير مبـاشر

انها تنتبـه لنفـسها وان مجتمـعنا مايقـبل بعـض الأشيـاء المحـرمة

اذا كـان الولـد عليـه علامـات الصـلاح راقبيـهم بكـل هـدوء من بعيـد لبعيـد

واللـه يعيـنك

لينا1111 · 25-08-2009, 03:12

مشكورة على ردودكم بس انا افكر اني اشوهه في نظرها اسولف مع ابوها واقول انه مو نظيف امه تقول انه

يكذب كلامه وسخ من هالكلام علشان تكرهه وهي ماتشوفه الا في مناسبات اعرف اني بغلط في حق الولد الصغير

بس ابغى بنتي ينزل من عينها

ابو عبدالله 2009 · 25-08-2009, 03:15

اختي بارك الله فيك انا عندي رائ مخالف لرائ من سبقوني ومن قال هذا ليس غلط لا يفقه شيئا بالتربيه..... والله ان هذا الغلط بعينه وعلمه وهذا بدايه لطريق غير سوي ... الجرأه التي خلتها تكتب رساله وهي في سن العاشره سوف تقودها لفعل اشياء خطيره جدا في السنوات القادمه...

اول شي لا تزعلين حاولي تمسكي اعصابك شويه واذا وصلت البنت من بيت جدتها امسكيها لوحدها وهاوشيها بدون ضرب وفهميها ان هذا غلط انك تراسلي احد او تتكلمي مع احد غريب وقولي لها لو عرف ابوك بهذه السالفه سوف يذبحك.. يعني ازرعي فيها الخووف وهي صغيره وخليها تعتبر هالاشياء خط احمر لا يمكن السكوت عنه... والله سوف تكون هذه الحادثه درس لها في المستقبل..

اختي اعلمي ان ابنتك اقترفت خطا بعفويه... وموضوع الرساله كانت بعفويه من بنتك الصغيره والدليل انها قالت سوف اتزوجك ...ولكن من العيب ان تتكلم البنت عن الزواج وهي في هذا السن ومن المصيبه ان تتحاور مع شخص اخر حتي لو كان في سنها سواء برساله او بغيرها ... ولكن الدور علي من يصلح الخطا حتي لو كان عفوياً هو انتي اجعلي من هذه الحادثه العفويه درسا لها بالمستقبل...

نظرة بعيدة · 25-08-2009, 03:23

أخي أبو عبدالله ..
أنا أحترم رأيك..

لكن كيف من العيب تفكر أو تتكللم في الزواج في هذا السن؟؟

والزواج وصايا النبي صلى اللهعليه وآله وصحبه وسلم؟؟
وسنته وأحب الأمور اليه هي الزواج..؟؟

(من جديد ) · 25-08-2009, 03:25

اي تجلديها يا اختي

ان كبر ابنك خاويه

صاحبيها

اجلسي وياها وتقربي منها

بدون ما تقولي شي عن الرسالة لا تحرجيها

كلها مشاعر مراهقة مبكرة او طفولة حتى

تكلمي معها كصديقة واكبيها وهي بتفتح قلبها لك

ابو عبدالله 2009 · 25-08-2009, 03:26

اقتباس:

المشاركة الأصلية كتبت بواسطة نظرة بعيدة

لا تخافي اختي..

اهدأي . ترى الموضوع مو قوي تراه بسيط..

والحمدلله قالت تبي تتزوج وهذا خير احمدي ربك ماشيه بالتفكير الصحيح هو الزواج مو شي ثاني..
وغير انها حددت اذا كبرت تزوجني يعني فاهمة وعاقلة ..

خايفة عليها من انها تسوي شي غلط..
تقربي منها خليها تفتح الموضوع صيري قريبة منها ..
اذا قالت السالفة افهمي الموضوع كله منها ..
وحاولي تقربي بينهم بالزواج يعني خليهم يتزوجوا اذا كبروا..
الزواج شي جميل وانتي عشتيه اكيد تبين بنتك تعيشة ..

طيب اذا هم بينهم مشاعر خليها وخليهم يكبروا وخليهم يتزوجوا..

"هيئي الطريق ليهم هذا طريق الخير حتى لو تزوجوا وهم صغار ما بيجيب اليهم اي ضرر بس بينفعهم وبيسعدهم"

...
سلام

الحمدالله والشكر اسمك بعد نظره بعيده....تقولك عمرها 10 سنوات وترسل رساله تقول فيها احبك وتردين بهذا الرد المخجل !! ايش تفكرين عمر البنت 19 ولا 20 ....... تقولك طفله عمرها عشر سنوااااااااات وترسل رساله لواحد في سنها وتقولين ماشالله هذا شي زين هيئ الطريق لهم !!

وين قاعدين بامريكا عشان نخلي عيالنا يخالطون بعض ويحبون بعض ويرسلون رسائل غرام لبعض
والله ان هذا هو التفكك الاسري والانحدار الاخلاقي.. هذا وهم صغار عندهم جراه يراسلون بعض رسائل غراميه اجل وش يسون اذا كبروا !!

الجرح ارحم · 25-08-2009, 03:30

ههههههههههه ياحليلها

نظرة بعيدة · 25-08-2009, 03:33

أخي أبو عبدالله ..

أنا ركزت ألف مرة على كلمة زوااااااااااااج..

ماقلت شي حرام والعياذ بالله..

ماقلت قعديهم ويا بعض
قلت اذا هم منجذبين لبعض هيئي الطريق لهم للزواااااااااااااج ..

أخوي ماتعقد أن الزواج هو الخير وطريق الصلاح لهم؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أبغى حل بسرعة أنا مصدومة