عالم الحياة الزوجية - منتدى

Lamia2 · 26-08-2009, 08:48

السلام عليكم ورحمة الله وبركاته
أحبابي.. أحب أعرف رأيكم
أنا الآن مملكة وسيكون الزواج بعد أشهر قليلة ثلاث أو أربع
للتو بدأنا نتعارف أنا وخطيبي ونتحادث بالتلفون ويزورنا من وقت لآخر
المشكلة أني ما حبيته!
أحس ان مستوى تفكيره مختلف تماما عن مستوى تفكيري
كلامه واجد ويتغزل ويبالغ في الوصف ويتكلف عبارات الحب والغرام ، بس والله ما يدخل قلبي أي كلمة من كلامه، أحس أنه كلام متكلف بلا طعم ولا روح!
يقول ابيات شعر نبطية ترفع ضغطي!!!
أحس اني قاعدة أكلم شاب مراهق و صغير قاعد يفرغ عواطفه وكلامه الفاضي على راسي.. هذا الاحساس يقتلني!!
ما صرت أتحمل أسمع كلامه! يا الله اشلون اتضايق إذا بدأ مواله أحبك وما أحبك !!
أتمنى يتكلم ولو مرة بصدق من قلبه وأحس الصدق في كلامه!! أتمنى أسمع كلام متزن !! يعني بالله وش ذا الحب اللي نزل فجأة على قلبه! ما أقدر أصدق كلامه الفاضي!!
يا ناس أنا مؤمنة بالبيت :
حديث الروح للأرواح يسري *** وتدركه القلوب بلا عناء
لم يسرِ إلى روحي حديثه ولم يدرك قلبي شيئاً من كلماته المراهقة!
اش رايكم!!!
1- هل أواجهه؟؟ اقول له في وجهه : "لو سمحت لا تتكلم إلا إذا انت صادق في مشاعرك، مو لازم تزعجني بكلام الحب والغزل وهو مو من قلبك.. أحب اسمع كلام متزن ومو ضروري تسمعني كلام حب في هذي المرحلة حتى نخلق الحب الحقيقي في قلوبنا" ؟؟؟
2- هل معظم الشباب كذا؟ مثل هذي الحالة اللي عندي؟؟ حكيهم واجد ومبالغ فيه ومو من قلب؟؟ وإذا كان الجواب نعم، هل تتحملون يا بنات كثرة حكيهم ومبالغاتهم ؟؟ ويا شباب ليش ما تتكلمون بعفوية وصدق أحسن من تكلف المشاعر والكلام اللي من غير طعم ولا نكهة ولا روح ولا شيييييي
صراحة ابتديت اشك في نفسي يمكن أنا مو مثل باقي البنات يحبون الحكي الواجد والاشعار النبطية وكلمات الأغاني وشغلات المراهقة!!
بعدين انا قريت أن المرأة تحب تسمع كلام الحب دائما من زوجها .. أنا لو بيستمر على هذي الطريقة أكثر رح انفجر ما أقدر اتحمل هالحكي الفاضي

.. يعني يمكن المشكلة في طبيعتي انا؟ الله اعلم!!!
أشعر بمرارة كل ما اتذكر أن هذا الإنسان بأفكاره وطريقته في الكلام وألفاظه هو حلم حياتي اللي كنت انتظره!!! يا الله مدري وش اقول بعد! وأحيانا أحس انه مسكين وأجاريه في الكلام وأسوي نفسي متفاعلة معه وأن كلامه يعجبني بس والله اكتم واقعد اصبر نفسي حتى يخلص حكيه
فهمتوني؟؟
ابي نصيحتكم ومشورتكم - هل اصارحه بطبيعتي وانه مو لازم يتكلف عبارات حتى يجي الحب الحقيقي ؟ أو اجاريه واستمر اضغط على نفسي واتحمل اسمع كلامه ؟ ولا ألمح له بدون تصريح أني ما أحب المبالغات والكلام المتكلف المصطنع وعبارات المراهقين؟ وإذا طلب مني أبادله المشاعر هل أكذب معه واصطنع ولا اقول له اللي في قلبي فعلاً !!
يا رب اهدِ قلبي وقلبه واكتب لنا السعادة في الدنيا والآخرة

بنت أبوي والفخر لي · 26-08-2009, 09:09

أقول لك يالغلا أرضي بلي جاك وأحمدي ربك

ههههههههههههههههههههه ربي يسعدك كلاامك مدري ليه ضحكني والله حسيته طالع من قلبك ونفسك تلطشيه وربي هههههههههههههههههههههههه

شوفي ياقمر حاولي أنه تتكلمين معه بمواضيع ثانيه يعني عن البيت عن حياته

وقولي له أنت وش تحب وش تكره

أسأليه هذا السؤال وقبل ماتسأليه قولي له أختصره بكلمه وحده

أنت ليه تبغى تتزوج !؟!؟

ونصيحتي أستخيري ف يزواجك هذا لييييييييييين ماتروحين بيتك إن شا ءالله

والله يوفقك دنيا وأخره

والله نفسي أقول لك كلااام كثير بس مو قادره أوضحلك أياه أو أفهملك أياه خايفه تفهميني غلط !!

فأنتي عليك بالأستخاره وتوكلي على الله

ومن توكل على الله فهو حسبه

%انسه زحلطه% · 26-08-2009, 09:58

هههههههههههههههههه ...حاسه فيكي >>قاعدا اتخيله وهويقول الشعر ...

اكيد تواجييه وتصارحيه بس بدلع

%انسه زحلطه%

اجمعني بها يارب H · 26-08-2009, 11:44

الله يعينكم ..!

بسس ممكن صصدق يحبك ..!

بسس انتي اللي ماحبيتيه ..!

الحب مووب ششرط يجي مع الزمن .. ممكن الواحد يتعلق بالوحدهـ من اول نظرهـ .. والعكسس صحيح .. !

فـ لاتظلمي الششباب وزوجك بالكذب

الله يوفقكم ..!

عود مياس · 26-08-2009, 13:08

حرام عليج،،
والله كسر خاطري،،
شلون حكمتي إن كلامه مو من قلب؟؟
يمكن يحبج صج،،
أول مرة أسمع عن بنت ما تحب تسمع كلام حلو وغزل..
باين إنج ما تحبينه،،
حاولي تتقربين منه اكثر،،
والله غيرج بنات ودهم ومو حاصل لهم..
ربي يوفقج ويزرع محبته ف قلبج عزيزتي..

arsenal · 26-08-2009, 13:19

هههههههه هو ما يدري بالسالفه

حاولي تلمحين له ان يخفف من الكلام

مثلا يوم يحاول يبدي غيري السالفه

roohy · 26-08-2009, 14:09

وعليكم السلام ...

في البداية دعواتي ان يجمع الله بينكما بخير وسعادهـ ...

شي طبيعي ان خطيبي يكثر عليك كلمات الغزل والحب والشوق في فترة الملكه ....
لانه يعتتقد انكي بحاجة إلى هذا الشي ( شوفي مواضيع اغلب البنات بسبب ان الزوج بارد عاطفيا ) ..

وفي نفس الوقت يريد ان يكسب قلبك ... وماجزاء الاحسان الا الاحسان ..

المفروض تقابلينه بالمثل ان لم يكن اكثر من ذلك لاسيما انه زوجك ...

نصيحتي لكي ان لا تجعلي هذه الافكار تسيطر على عقلك الباطني ..
يعني باي موقف واي كلام يخرج لك هذا الشعور الذي يقول لك انه غير صادق وماهو كفؤ لي ..

انظري لأغلب البنات يشتكين من قلة كلمات الحب والغزل ....
حينها تعرفين قيمة تعامل زوجك معك بهذه الطريقة ....

اخيرا ابتعدي عن الثقل وسايري افكار زوجك وشعوره واعلمي ان الرجال اذكياء ويعلمون ماتشعرين به ...

مايصح إلا الصحيح · 26-08-2009, 16:40

خخخخخخخخ إذا خلص من قصديته قولي له فااااالك البيرق

تستاهل المليون

تدرين ترى بعض الشباب مشاعره مفرطة مايقدر يتحكم فيها

وأنتي عطيه جوه ومصير العواطف تهدأ

Lamia2 · 26-08-2009, 16:59

بنت أبوي والفخر لي

هههههههههههههه والله من جد ودي الطش نفسي وانتي الصادقة لما اسمع كلامه
آه يا قلبي!
والله أحيانا افكر اني انهي فكرة الارتباط فيه نهائيا وبعدين اتعوذ بالله من الشيطان وأقول الرجال ما فيه شيء زين و كريم ويلبي كل طلباتي سواء في موعد الزواج والفندق اللي رح نسوي فيه حفل الزواج أو البيت اللي رح نسكنه >>> تحاول تقنع نفسها
الله يوفقك يا حبيبتي وإن شاء الله احاول اغير الموضوع مع اني دائما كلامي جدي معه عن الخطط في المستقبل بس إذا بدأ في مواله وأشعاره وحديثه عن بريق الدموع في عينيه حين يتذكرني! وباله المشغول دائما بي! ومواقفه البطولية من أجلي! محد يقدر يسكته

.. الله يعين بس

% آنسة زحلطة %

تخيلتي بالله الوضع؟؟ مو شي يقهر بالله؟ اسمع أشعار ما أفهم منها شي غير ونات وآهات وهواجيس وغرابيل ووو
ياااه وأنا التي كنت أحلم من يرسل لي مثل هذه الأبيات
مِن مُحبٍّ شفَّهُ سَقَمُهْ وتلاشى لحمهُ ودمهْ
كاتبٌ حنَّتْ صحيفتهُ وبكى من رَحمة ٍ قلمُهْ
يرفعُ الشّكوى إلى قمرٍ تَنْجلي عن وجههِ ظُلمُهْ

اجمعني بها يا رب

الله يبارك فيك أخي
رأيك هو نفس رأي وحدة من صديقاتي .. تقول لي يمكن فعلا يحبك ومتعلق فيك
بس والله يا أخي كلامه ما يدخل القلب ولا العقل ابدا
يعني احنا نحس ونعرف إذا كلام الشاب من قلبه وصادق فيه و إذا صار يألف ويجمع كلام ويستمتع بسرده ويستمتع بكونه بطل قصة حب !!
هو يحبني صح لكن لدرجة الكلام اللي اسمعه منه وان دمعاته تتحدر شوقا إليّ ولا يستطيع النوم ولا يفارقه طيفي في كل مكان وزمان هذا الحكي ما يتصدق >>> ملاحظة: أنا كتبت بعض معاني كلماته بعد ترجمتها باللغة العربية

عود مياس

عزيزتي ربي يسعدك هذا اللي انا قاعدة اسويه
اتحمل واضغط على نفسي واسمع كلامه.. وإذا قال لي بادليني المشاعر اقوله ايه احبك
بس لمتى؟؟
والله احس بملل لدرجة كبيرة وهو يكلمني! راسي يوجعني واعصابي تنحرق وابي ابكي! يا الله وش هالكلام اللي اسمعه ..
كلام شاب مراهق يفضفضه على راسي .. الله يعين راسي بس

arsenal

يعني مو كل الشباب كذا؟؟ صح؟
يعني مو المشكلة مني انا.. صح؟
أنا شكيت في نفسي يمكن المشكلة مني وباقي البنات لا ، ينبسطون على هالحكي
بس والله بصراحة اللي يعجبها مثل هالحكي وهي تعرف وتحس يقينا انه مو من قلبه ما لها داعي
والشباب لازم يصيرون أكثر صدقا وعفوية في مشاعرهم وأكثر رقيّا في تعبيراتهم عن المشاعر

الله يبارك فيك اخي الكريم

roohy

والله يا أخي مو ثقل ولا غرور
بس لك أن تتخيل سماع كلمات بعيدة عن الاتزان والرقيّ والصدق والشفافية لفترات طويلة وكل شوي يعيد ويزيد فيه!!
والله تحملت وسايرته وسمعت منه كثير وحاولت أبادله
الله المستعان بس

شكرا لكم جميعا على تفاعلكم والله يفرجها

arsenal · 26-08-2009, 17:11

اقتباس:

يعني مو كل الشباب كذا؟؟ صح؟
يعني مو المشكلة مني انا.. صح؟

لا مو كل الشباب جي كل واحد له طبعه واتوقع خطيبج من النوع الي يحب يطلع كل شي بخاطره
والمشكله منه هو لانه يقول كل شي مره وحده بدون ما يراعي ظروف ونفسيه خطيبته

انتي حاولي تفهمين وتلمحين له مثل ما قتلج

من جنبها · 26-08-2009, 19:11

حمدلله والشكر وش تبغين علشان يثبت حبه لك

في شى معين تقدري تطلبينه علشان يثبت الحب ؟

انا اقول انك تبالغين واحمد ربك على النعمه في غيرك يبغون هالكلام ولو بمجامله ومو حاصلينه

مع السلامه

حبيب اراوي · 26-08-2009, 23:46

والله مشكلة اللي يتصنع الكلام

على العموم حاولي تغيري من روتينه

ميس لوولي · 27-08-2009, 00:30

هههههههههههههههههه يابعد عمري انتي ههههههه
تصدقي مرات كنت اقول لخطيبي في البداية لاتقول احبك الا اذا انت فعلا تحبني ههههههه بس ترا والله في شباب زي زوجك يعني عااديترا واحد يتغزل فيكي ولا واحد تستنين منه ربع كلمة ولا يعرف يقولها خخخخخ قولي الحمدالله ذكرتيني والله بوحدة من صحباتي مملكة لها 6 شهور وتخيلي الين مااتزوجت وهي على دي الحالة بس بعد الزواج غيييييييييير مرة تقول والله احس بكل كلمة يقولها واحس اني ظلمته
تيمكن انه صادق بس انتي الكلام ماوصل لقللبك ؟؟؟؟؟؟؟؟ لاتستتعجلي الامور ياعسل
ادعي ربك ليل ونهار يطرح محبته في قلبك انشالله ولا تزعلي نفسك وتضايقي ترا الدنيا مليانة اشياء اولى بالزعل

الله يوفقكم ويصلحكم وتحبيه وتموتي فيه انشالله بس اصبري وعليكي بالدعاء

Lamia2 · 27-08-2009, 06:37

ما يصح إلا الصحيح

تعرف ان عمري ما شفت شاعر المليون بس اسمع الناس تتكلم عن ذا البرنامج
وهالحين صار عندي شاعر المليون فيس تو فيس >>> يا حظي ههههههه اضحك من القهر
بإذن الله تهدأ مشاعره الثائرة شوي و يرقى بعباراته أكثر ويصير أكثر اتزانا وعقلاً ويسعده يا رب دنيا وآخرة ويسعدني به .. ويسعد الجميع

arsenal

يعطيك العافية أخوي وخلاص أنا قررت إن شاء الله المرة الجاية ألمح له أو على الأقل أتكلم عن نفسي أقوله أنا ما أقدر أقول شي غير من قلبي و الحب رح يجي مع الإيام.. الله يجزيك خير

من جنبها

أخي الكريم.. أنا ما أبيه يثبت لي حبه، لكن أبيه يتكلم بطريقة متزنة معقولة.. أنا أعرف انه ما يسوي كذا إلا عشان يرضيني، بس نفسي يفهم ان هالشي يضايقني ما يرضيني .. أخي الكلام اللي يسمعني إياه لا يناسبني بل يناسب جدران مدارس الثانوية والمتوسطة وقصايد ما أفهمها ولا احبها .. عموما يمكن عندك حق في اللي تقوله.. دعواتك لنا وعسى الله أن يجزيك خيراً..

حبيب أراوي

مشكور .. الله يبارك فيك

ميس لوولي

الله يريح بالك ويطمن قلبك مثل ما ريحتيني... يعني إن شاء الله نتفاهم في المستقبل واقدر اتواصل معه بلغة أرقى ؟ .. أو على الأقل اصير افهم لغته وتدخل قلبي واتقبلها .. يا الله يا رب تؤلف قلوبنا على الخير وكل ما يرضيك يا رب العالمين.. الله يسعدك يا ميس لوولي ويوفقك يا عمري ويكتب لك السعادة والخير في الدنيا والآخرة

زوج تحت الانشاء · 27-08-2009, 07:16

المتنبئ علي غفله

ههههههههههههههههههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وين المشكلة بالضبط؟ أنا ولا هو؟؟؟ احتاج رأيكم يا شباب ويا صبايا