عالم الحياة الزوجية - منتدى

حبوب وطيوب · 02-09-2009, 21:52

.
.
.
.
.
.
.
.
.
.
.
.
.
.قبل ان تبدأ في قرائة الموضوع...كل ما ستواجهه هو حقيقي...واقسم بالله على ذلك
.
.
.
.
كنا اصدقاء لمدة اربع اشهر...تشاركنا الحلوه و المره...ما يرتاح الاول والثاني يكون متضايق...لما اكون متكدر...تحاول تخفف عني وتدخل الفرح في قلبي...وكنت اعاملها
بنفس المعامله ونفس الشعور الاخوي...اسرارنا كانت مكشوفه لبعض
تمر الايام ومشاعر الصداقه تتحول الى حب...كنت احبها ...وكانت تحبني...لكن دفنا الحب في قلوبنا ما فيه امل ان علاقة الحب اللي بينى...تتوج بزواج ...

تطور الموضوع للجوال...اول مكالمه قلتلها...انا رجال وانتي بنت...لما اهلي يدرون اني اكلم بنت ما راح يعاملوني بقسوه زيك...انا اشيل عاري بنفسي...اما انتي لا...معا
كلامي هذا كان المفروض اتركها ولا اكون متناقض معا نفسي...بس كنت افكر بقلبي مو بعقلي...ما ابيها تبعد عني...تمر الايام ونضغط على قلوبنا...كنا نتناقش بامور
كثيره ومن بينها الحب...ودوم اقولها الحب في مجتمعنا ماله بذره تنميه...او حظن دافي يحتويه اذا حبينا خنى... واذا صدقنا معا بعض انصدمنا بالواقع والتقاليد...معا
العلم..كلن يدري بمشاعر الاخر تجاهه لكن كنا نتحاشى كلمه بسيطه...معناها عميق...
...انا احبك...
حتى مر الوقت...والعاطفه اصبحت مثل البركان...من شدة الضغط على صدورنا...صارحتني برساله بحبها...وقالت...يافلان قهرتني بكلامك عن الحب...اذا ماتبي تحبني
عشان ماتتعذب...خل العذاب لي!...دارت فيني الدنيا بعد ما صارحتني...وما قدرت ادير ظهري...ادري غلطان من ساسي لراسي...لكن العاطفه اللي بقلبي لها اكبر من
اني اتحملها...ما ابي اقولكم شنو صار بعد ما حبينى بعض فصل طويل...
بعد مده فكرت بعقل... باللي قاعدين نسويه...وين نمشي حنى...ولوين راح نوصل...مصير اي محبين يفكرون انهم يتقابلون...وساعتها يطيح الفاس بالراس...ما قدرت
اتحمل اني اخطي معاها...الانسانه اللي لما كانت صديق كانت اخ قريب...واللحين حبيب تفداها روحي والله...بين كل هالزحمه...قررت ننفصل عن بعض...ما ابي بيوم
من الايام اسببلها جرح او ذكرى آليمه..."اللي يحب ما يكره"...لما كلمتها باللي ببالي...ماكانت مصدقه ابدا ً
ضليت معاها اكثر من اسبوع وانا احاول اقنعها...حتى ردت علي برد...وهي متضايقه...وتركتها...وانا احس روحي بتطلع
ظلمت الدنيا بوجهي...لكن كنت اقول من ترك شئ لله عوضه بخيرٍ منه
\
/
\
/
اذا بتعرفون شكثر كنت احبها...اسئلوا المناديل اللي احرقتها دموعي
\
/
\
/
بعد خمس شهور جتني رساله بالايميل...تهنئه بشهر رمضان المبارك...وفيها مشاعر اشتياق...<<مهما قلت...مهما تكلمت محد بيدري باللي بصدري من حزن الا الله
سبحانه...يالله رحمتك وعطفك
قرأت الايميل...وانا ماني مصدق عيوني...مشاعر فرح اختلطت بحزن...اخر الرساله...كتبت اسمها
هالشي حصل من ست ايام...وللحين ماني داري شنو اسوي...اذا رديت على الرساله..يمكن ترد علي برساله ثانيه...ونرد لبعض...واذا طنشتها...يمكن تتمسك فيني اكثر!!

اللي عنده حل...يرشدني

رورو *** أبو أيه · 02-09-2009, 22:05

كان الله بالعون
كااااااااان الله بالعون
وكما قولت انت بنفسك
مختصر كلامك هذا كلة
لو مفيش نصيب او طاقة نور لاتمام زواجكم بالحلال
فيصير الاتــــــــــــــــــــــــــــــــى

اقتباس:

."اللي يحب ما يكره
اقول من ترك شئ لله عوضه بخيرٍ منه

بسسسسسسسسسسسسسسس

الله يسعدكم وبالوفيق للجميع

قلبي كله حنان · 02-09-2009, 22:05

متابع بصمت وهدوء

تقبل مرروي
اخوك
في الله
قلبي كله حنان

راعي - مزاج · 02-09-2009, 22:06

هلابك اخوي ابشر بالحل والتعليق واتمنى يعجبك
شف يالغالي ولد الغالي الحب ماهو عيب ولا حرام وكلنا عشنا قصص حب بعضها تنتهي بسرعه وبعضها تدوم
لاكن الحب وكلمة احبك ماهي كلمة وتنقال وخلاص ولا لاي احد تنقال هالكلمة
اذا ما طلعت نابعه من قلبك واحساس بداخلك ماراح تطلع من خاطرك وترضى فيها غيرك على حساب نفسك
وصدقني موقفك سليم ولاكن بنفس الوقت صعب جدا وابي اقولك شغله ( لا تشكيلي ابكيلك )
انت حبيتها واخلصت في حبك معها وحافظت عليها مثل محافظة على نفسك من الوقع في الخطأ
وخليته حب عفيف وهذا نادر الوجود وصعب تلقاه هالايام عند بعض الشباب والبنات
واساس الحب الجميل لابد له من مقومات واساسات مثل ( الصدق - الصراحة - المشاركة - الثقه - التضحية )
واذا جت على الرساله فهي للحين تحبك مثل ما بقلبك لها انك تحبها
وارسلت لك لانك غالي عندها وقدرك كبير وما شافت منك شي يضرها او يسبب لها اي مشكله
وانت بدورك لازم ترد لها الرساله وتنيها وتشكرها وتقول جزاك الله خير والله يسعدك ويوفقك
واتمنى لك كل خير وطمنيني عنك كل شوي وخلها صداقه تدوم ولا حلم يزول وينهدم
ويمكن اذا ما رديت عليها تنصدم ان مالها قدر بقلبك وانت ما تبي هالشي يصير عندها
ولو مجرد تفكير لامن قريب ولا بعيد واذا تقول انك خايف انك ترجعها بعد رسالتك
انت اللي تقرر في خاطرك وتشوف مصلحة نفسك معها وتقديرها عندك
وصدقني مجرد السؤال عنها من بعيد لبعيد يحسسها بالامان وانك ما زلت تذكرها
وتخاف عليها وتتطمن عليها والله يسعدك اخوي ويوفقك

اخوك
( زياد السلمان )

هلا باالجرح · 02-09-2009, 22:07

والله مدري شقولك ياخوي مشاعرك فعلاً صادقة اتمنى الاعضاء يفيدونك لانك 1 من 100 رجال ...

[ ولد مغرور] · 02-09-2009, 22:11

متابع -

وفيت لين انتهيت · 02-09-2009, 22:14

الله يعينك أخوويه بس اذا انته تقدر وقد المسؤولية ليش ما تتزوجها شوو اللي يمنع المفروض هالحب الطااهر يتوج للزواج

انسة مرايم · 02-09-2009, 22:16

وربي يكون بعونك

مسكينه رد عليهاااا وبارك لها الشهر الحين تضنك تكرها وانك ماتحبهاا

قل لها كل عام وانتي بخير اختي عشان تشوف مافيه امل منك بس لاتحقرهااااا

لان كسر الخواطر مصيبه وكارثه ,,, والنار بالما ينطفي والغلا بالاهمال ينتهي

مدري متى مجتمعنااا يشجع المحبين ,, الحمد لله اني ماقد حبيت عشان مااتعذب وااعذب

ماقول غير ربي يكون بعون كل العاشقين

غالي ومكانه عالي · 03-09-2009, 00:08

السلام عليكم

ياأخي دام انك عارف من البداية انكم غلطوا والحمد لله خرجت من العلاقة من غير ماتخرج معاك

ولا حتى ترخص نفسها خلاص انسى ولو مانسيت الان حاول ثم حاول واقهر شيطانك
ومصير الايام تنسيك انت وياها
والعلاقة الي ماتنتهي نهاية يرضاها الله ورسوله وانت نفسك ترضاها..
اتركها ولا تفكر وتلفت حتى لها بأي شكل من الاشكال وانت الان مع صراع مع الشيطان فلاتجعله يغلبك ,, وكلامك عين العقل (( من ترك شيئآ لله ربي يعوضه خيير))
وراح تتزوج وهي راح تتزوج يعني الدنيا ماهي واقفة على انسان
والي يلاقي واحد يلاقي الف ,,
وبالتوفيق .,

ζRǑŞζ͡E · 03-09-2009, 00:33

الله يكون بعونك
اتمنى من كل قلبي انه ربي يجمعكم بالحلال

نهاية حب · 03-09-2009, 00:51

مساء الورد اسمح لي اقولك انت انسان غريب ومعذب نفسك بنفسك اتحبهاااااا تقدم واخطبهااا حرام كل ها الحب ينتهى من دون زواج اوووو اعتبرهااااااااااا اخت ورد على ايميلهااا والله يوفك

آسمعك...كمل كلامك..! · 03-09-2009, 06:43

أعــتذر ،،، فأنا لا أعلم

اتمنى من الله العلي القدير ان يهديكما للخير

كل الود/

آسمعـكـ

حبوب وطيوب · 03-09-2009, 21:43

ابو آيه
مشكور على الدعوه

قلبي كله حنان
تشرفت بتواجدك عزيزي

راعي مزاج
الحب..حلال او حرام ع حسب المكان اللي يحتويه..ومن ناحيتنا حرام وهذا شي منتهين منه
لكن لو كانت الظروف تسمح.. اني اصلح هالغلطه بارتباط عفيف وطاهر والكل يدري فيه...ماكان نزلت الموضوع من اصله وضيقت صدوركم
انا انسان عاطفي...ويمكن اتمادى معاها

فديت غلاي
مشكوره على تعطير الموضوع

ولد مغرور
حياك الله

وفيت لحد ما انتهيت
بوضحلك شي مهم...انا كنت اخفي الحب لاني ماني ضامن انها مابتخون بعدين...الزواج علاقه جديه وتحتاج صبر...وانا طالب جامعي للحين ماكونت نفسي..افرضي اننا
ضلينا معا بعض....اذا حاولت اتقدم لها ..اهلي بيوافقون؟؟؟!!!...اكيد لا..لانها من برى العائله..وغير كذا مايعرفون عنها شي
وما ابي اوقف بطريقها..يمكن يجي نصيبها وانا اكون بالمنتصف...ويمكن اكون سراب مثل ما وضحتلك

مرايم
..للحيني محتار ارسل ولا لا..واحتمال ارسل لها الرساله..باسلوب رسمي لا اكثر

اقتباس:

لنار بالما ينطفي والغلا بالاهمال ينتهي

من اخر الرسايل اللي دزيتها لها كانت بعنوان"الغلا يبقى لو يطوي الزمن صفحاته"

غالي ومكاني عالي
انا افكر اني لاتركتها لوجهه سبحانه..انه يعوضني فيها بطريق الخير...الاقدار ماتدري يمكن تقرب بينا..اللهم امين

روز
الله يسمع منك يارب..والله يسعدك على الدعوه الحلوه

نهاية حب
الصداقه سهل تكون حب..لكن الحب صعب يرجع صداقه

آسمعـكـ
جزاك الله خير ياخوي على الدعوه

مشكور لكل من جاوبني او مر من هنا

حقيقه للحيني محتار واحتمال اني ادز الرساله

مجنــون حبــك · 03-09-2009, 22:15

(( من ترك شيئآ لله ربي يعوضه خيير))

مستعجله عالعرس · 04-09-2009, 00:03

داااخلتن جو بقصتك بقووه تفااعلت معها خصوصا انك نااوي تتركها لله و عاارلف انك على غلط وربي انك ترفع الرااااس وتبيض الوجهه واهنيييك على تفكيرك و ضميرك المستييقظ
كلناا نخطء ولكــــــــــــــــــن خير الخطاائوون التواابون
يااخوي الله يثبتك على الحق و الصوااب والله فيك الخير و البركه وكبرت بعيني داام ضمييرك حي وحسيت انك تسوي شي غلط و فكرت انك تقطع علااقتك فيها هذاا بحد ذااااااااااته انجااز الله يوفقك يااحبوب و طيووب
انت لا تستسلم لعوواطفك و تظل على علااقتكم المحرمه لاازم تحط حد لها وبالاخص انك قدرت تتغلب عليها بالبداايه كمل ياااخوي طريقك و عييش حيااتك بعيد عن الحراام والله هالطريق مظلم و شااائك ويجيب النكد والضيقه
صدقيني يااخوي مع الوقت رااح تنسااها للابد يمكن فتره مرت علييك وغلطت فيها وماافيه احد معصووم من الخطا و مااهو عيب ان الواحد يطييح او يسقط العيييييب ونا اختك اللي ماايقدر ينهض من طيحته و لاا يتعلم من خطااه و لا يفاااداه و يحااول يصلحه للصح واحنا كلنا اخواانك ننصحك باللي يفيدك ان شااء الله وكلنا معك ونوقف معك وشي سهل تتغلب على مشكلتك
انت مااااااايبيلك يااخوي الا شيئيين :الارااده و العزيييمه و المرااقبه الذااتيه
يعني تقوول بنفسك لازم اتخلص من هالشي و اقطع علاااقتي فيها و اذا على انها ترجع ترسلك مرره ثاانيه خلااص ملووله قولها انك تبت و رجعت لربك و مااتبي تمشي بطريق الحراام و ارسلها بااسلووب رااقي عشاان تتفهم وضعك انك شلت هالشي من راااسك ومن ترك شي لله عووضه الله خيرا منه ادري انو شي صعب علييك بس طاالبتك تجااهد نفسك و تحااول تتغلب على هالشي و ترا النسياان نعمه مع الوقت تنسااااااا خبرها و ترووح من باالك لاا تخسر دينك عشاان وحده لا رااحت و لا جت شد حييييييييييلك وكلنا معك
الله يقووويك و يعينك و يفرررررج همك و يحقق اللي بااالك و يصلح قلبك
تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عندما تتحول مشاعر الصداقه الى الحب...يصبح ملمس الورود...كالشوك!