عالم الحياة الزوجية - منتدى

احساس ثاني · 04-09-2009, 21:09

السلام عليكم جميعاً
الموضوع هذا للكل شباب وبنات بما اننا في السعوديه نعتبر من مدمني الروائح الفرنسيه ولها ميزانيه مخصصه فااحببت ان اعطيكم بعض النصائح لعلها تفيدكم وخاصه اننا مقبلين على عيد والبعض عنده زواجات فايكثر انتقاء العطور
ساروي لكم قصتي احتجت ان اشتري عطور وقلت مالها الى السويلم لانه رخيص وباشتري مجموعه يعني بيطلع فرق كبير في السعر
المهم ركبت سيارتي ومعي واحد من اصدقاي وقلت انا بروح اتقضاء من شارع السويلم قاله يالله ورحت هناك ولقيت كل العطور الي في بالي وشريت8 عطور مجموع مبالغها 2100 ريال بس وهي من اجود انواع العطور الفرنسيه المهم انا خقيت خقتن مهيب صاحيه مره رخيصه الاسعار وقلت والله النصب عند باريس قاليري وقزاز والمصباح ومحمود سعيد هذولي لعبو فينا لعب
مثل باعطيكمياه عطر سالت باريس قاليري عنه اسمه ون مليون قالو سعره 430 ريال وشريته 220ريال الفرق 220ريال ياللهول << كيفني مع الكلمه ههههههههههه
المهم حسيت اني ذكي والولد الذي ليس مثله في الوجود ههههههههههههههههه<< اخلص عطنا الزبده
المهم وانا راجع لبتنا دق علي واحد من الشباب قال عندي ربعي وابيكم تسيرون علي وكانت الساعه تشير الى 12 ليلاً << اموت على ليلاً هذي << ادري ودكم اني اصير زي كذا
المهم قلت اوكي بجيك ورحنا لرجال شو فتحت موضوع العطور واسعارها وقلت لهم عن السويلم وانه رخيص وفيه الى تبي دار حديث انها مو اصليه وانها معبيه الهم اشتد النقاش وطمر واحد قال انا اعرف واحد عز المعرفه مدير معرض في ........للعطور وش رايك نروح له ونشوف عطورك معبيه ولا لا
قلت اوكي رحنا له ووريته العطور الي شريتها قبل لا يفتحها قال ترا كلها معبيه من دبي الي انت جايبه قلت مشاء الله وش دراك وانت توك مافتحت العلبه قال مبين من نوع الكرتون والكيس الي مغلف فيه وقال اصبر برويك شي بعد
فتح العطور كلها وصفها عنده وطلع نفس العطور الي معي ووراني الاختلاف في الالوان وملمس العلبة العطر والريحه بخ << مو بخ حقت زكيه زكريا بخ يعني رش<< هذا العضو بينفرش
رش لي في ورقه من عطوري وبخ من عطوره وقال اذا جاء بكره شم ريحة العطور وانت تعرف قلت اوكي
طلعت من المحل وانا مقتنع 100% ان كلمه صحيح وقلت برضو خليني اشوف بكره ريحة الاوراق الي بخيناها ونشوف من الي بتبقى ريحته وفعلاً من اليوم الثاني والله ثم والله ان الريحه خفيفه في عطوري وريجة عطوره قويه وفواحه
رحت مره ثانيه لسويلم برجع عطوري الي خذيتها ورجعتها وخذيت فلوسي
ورحت شريت من عنده نفس العطور بقيمة 3200 الفرق 1100ريال بس عطور اصليه وتبقى
فاقدمت القصه هذي عشان ماتنغشون ولا تشترون الى من المحلات هذي غيره نصيحه لا والف لا
هارفي نكلز . باريس قاليري* . قزاز . المصباح . محمود سعيد . هي (بطريق الملك عبدالله)
* للمعلوميه باريس قاليري انا ترا شاك فيه من زمان انه يعبي العطور الحصريه الي تنزل عنده
وانا بعطيكم المعلومات وانتم ابحثو عنها عنده عطور من ماركة دفرنت كامبني حصري (ماركه فرنسيه)
اسم العطر osmanthus سعره في باريس قاليري 405 ريال والسعر في الشركه الام هو 200دولار اي 750
يعني تبي تقنعني ياباريس قاليري انك ارخص من الشركه معليش ماتمشي مافيه تبرير لباريس قاليري الى انه معبى وغير اصلي صح ولا انا غلطان
اتمنا انكم استفدتو من المعلومات الموجوده
ولكم كل تحياتي ياحياتي انتم

мόόη Ļίģħт · 04-09-2009, 21:22

يعطيك العافيه على النصيحه ^.^

مره صارت لي نفس السالفه في سوق ملاهي

مسوين تخفيض على عطور مشهوره وغاليه 50%

انا شكيت بالموضوع ......مو معقوله!!!

اللي معي اشتروا بالعطرين والثلاثه ...

كان معي عطر اصلي .. رجعت للمحل وقارنته ......... وضح الفرق

لا بالعلبه ولا بلون العطر ولا الريحه

كان التقليد درجة اولى ومايوضح كثير الا بالمقارنه بالاصلي

احساس ثاني · 04-09-2009, 21:33

اقتباس:

المشاركة الأصلية كتبت بواسطة عروس جديــ ـ ــدة

يعطيك العافيه على النصيحه ^.^
مره صارت لي نفس السالفه في سوق ملاهي
مسوين تخفيض على عطور مشهوره وغاليه 50%
انا شكيت بالموضوع ......مو معقوله!!!
اللي معي اشتروا بالعطرين والثلاثه ...
كان معي عطر اصلي .. رجعت للمحل وقارنته ......... وضح الفرق
لا بالعلبه ولا بلون العطر ولا الريحه
كان التقليد درجة اولى ومايوضح كثير الا بالمقارنه بالاصلي

مرحباً اختي عروس جديده
فعلاً الكثير تنقصه المعلومه انه توجد عطور غير اصليه وانا كنت منهم ..
شي جيد انك اكتشفتي انه غير اصلي قبل لاتشترينه التريث دائماً يكون ايجابي
لك كل الشكر على مرورك ودعواتي لك بالتوفيق في حياتك الزوجيه القادمه

غنوجه ابوهااا · 04-09-2009, 21:44

موضوع مفيد وروعه ..للي عنده سويلم <<<ابي اشووف هالمحل ..هههههههههه

وشكرا ع النصيحه والمعلومات الحلوه

мϊŝŞ ŗĴąĦ · 04-09-2009, 21:44

مراااااحب ناااايف ...

بصراااحه كذاا صاارت لختي شرت عطر من محلاااات السويلم >نااس مدحو لهااا المحلات ورااحت تشتري

اقسم بالله ياانااايف انهااا موو ثااابته ابد ابد ...وع فكر ه الحيين خوااااتي بجنبي ويسئلووني يقلووون اسئلييه من وييين شرى العطوراات الاصليه والثاابته اللي قاارن فيه عطوراااته يبوون اسم المحل طااال عمرك ..؟؟

وربي يعطيييك العااااااافيه ع المعلوووومه المهمه يااابعدي ..

تحياااتي لك..

عالمي الحيران · 04-09-2009, 21:45

شكرا اخوي الغالي على النصيحة , بس في شارع السويلم محل للمصباح ماادري هل يكون مختلف عن المحلات الثانيه, ويكون افضل منهم ,,,
ودي وتقدير لك

احساس ثاني · 04-09-2009, 21:55

اقتباس:

المشاركة الأصلية كتبت بواسطة غنوجه ابوهااا

موضوع مفيد وروعه ..للي عنده سويلم <<<ابي اشووف هالمحل ..هههههههههه
وشكرا ع النصيحه والمعلومات الحلوه

اهلين غنوجه
اما ودك تشوفين محل السويلم هههههههههههههههه
بقولك وشو السويلم هذا الله يحييك شارع في وسط الرياض (منطقه قديمه) طوله يمكن كيلوين بداية محلات العاب ع اليمين وع اليسار ومن المنتصف الين النهايه محلات عطور وهيك شغلات

العفو وحاضرين لطيبين
اسعدني تواجدك

احساس ثاني · 04-09-2009, 22:07

اقتباس:

المشاركة الأصلية كتبت بواسطة мϊŝŞ ŗĴąĦ

مراااااحب ناااايف ...

بصراااحه كذاا صاارت لختي شرت عطر من محلاااات السويلم >نااس مدحو لهااا المحلات ورااحت تشتري

اقسم بالله ياانااايف انهااا موو ثااابته ابد ابد ...وع فكر ه الحيين خوااااتي بجنبي ويسئلووني يقلووون اسئلييه من وييين شرى العطوراات الاصليه والثاابته اللي قاارن فيه عطوراااته يبوون اسم المحل طااال عمرك ..؟؟

وربي يعطيييك العااااااافيه ع المعلوووومه المهمه يااابعدي ..

تحياااتي لك..

مرحبتين اختي رجه
والله اني كرهت السويلم مافيه امل اروح له مره ثانيه
المحل هو المصباح للعطور اذا تبين ارسلك لواحد من عنوني ايه نسيت اقولك ترا هم عندهم سحب ع همر اذا فزتي بليز ابي دوره فيه لا تجحديني ههههههههههههههه

شاكر مرورك وتقبلي فائق تحياتي

احساس ثاني · 04-09-2009, 22:39

اقتباس:

المشاركة الأصلية كتبت بواسطة عالمي الحيران

شكرا اخوي الغالي على النصيحة , بس في شارع السويلم محل للمصباح ماادري هل يكون مختلف عن المحلات الثانيه, ويكون افضل منهم ,,,
ودي وتقدير لك

العفووو اخوي
شوف ياعزيزي سؤالك سالته لمدير معارضهم وجاوب ان كل العطور الي في اي محل تابع للمصباح اصلي ولا عندهم ابداً تعبئه

ولك كل التقدير والاحترام

غلاااوي · 04-09-2009, 23:14

صراحةالسويلم اكبر غشاشين في العطور
لاني مرة بغيت اشتري عطر جدوري من عندهم وانا اشوف انه مو اصلي لأاني اعرف الأصلي ويحلف أيمان وبالله أنه أصلي وقعدت اوريه الفرق بينهم والله سكت ماتكلم صحيح عطورات المصباح وقزاز غالية بس الريحة مزبوطة
ألف شكر

حسين!! · 04-09-2009, 23:44

مافرقت ياخي ..!!

لأنه في النهاية الريحه بتروح بتروح .. اول ماتغسل الثوب ..

بس انا ا للي لاحظته يبقى في الثوب مايروح هو كوي المغسلة انا معي غتره جديده سويت لها غسيل كوي بخار المهم وسار لها تقريبا اسبوعين وانا عليها وللحين الفها على راسي كني طلعتها من المغسلة ..

ماعليه طلعنا برع الموضوع ..

تحياتي

ماحد قدي · 04-09-2009, 23:52

العربيه للعود وبس

عطور وغيرها ومسوين خصم 30%

احساس ثاني · 05-09-2009, 00:12

اقتباس:

المشاركة الأصلية كتبت بواسطة غلاااوي

صراحةالسويلم اكبر غشاشين في العطور
لاني مرة بغيت اشتري عطر جدوري من عندهم وانا اشوف انه مو اصلي لأاني اعرف الأصلي ويحلف أيمان وبالله أنه أصلي وقعدت اوريه الفرق بينهم والله سكت ماتكلم صحيح عطورات المصباح وقزاز غالية بس الريحة مزبوطة
ألف شكر

والله انك صادقه يوم جيت ارجع العطور قام يحلف البائع انها اصليه وانها من باريس ومدري ايش مايخافون الله حسبي الله عليهم

المحلات الكبيره هي الي ممكن الواحد يثق فيهم

الشكر موصل لشخصك الكريم

احساس ثاني · 05-09-2009, 01:51

اقتباس:

المشاركة الأصلية كتبت بواسطة حسين!!

مافرقت ياخي ..!!
لأنه في النهاية الريحه بتروح بتروح .. اول ماتغسل الثوب ..
بس انا ا للي لاحظته يبقى في الثوب مايروح هو كوي المغسلة انا معي غتره جديده سويت لها غسيل كوي بخار المهم وسار لها تقريبا اسبوعين وانا عليها وللحين الفها على راسي كني طلعتها من المغسلة ..
ماعليه طلعنا برع الموضوع ..
تحياتي

مرحباً اخوي حسين
اختلف معك في نقطه ان الريحه بتروح بتروح فيه فرق لما تجلس الريحه ساعه وفيه فرق لما تجلس الريحه اكثر من 24ساعه غير كذا انتشار العطر في اي مكان له دور وبرضو لاتسى التركيز
والف مبروك ع الغتره الجديده ياعسل ..

تحياتي لك اخي الغالي

غنوجه ابوهااا · 05-09-2009, 01:56

اقتباس:

المشاركة الأصلية كتبت بواسطة ماحد قدي

العربيه للعود وبس

عطور وغيرها ومسوين خصم 30%

بصراحه صدقتي

امس شريت عطر كلمات من الشركه العربيه للعوود

ادري انه للرجال <<بس بستخدمه بالبيت

وربي ريحته جننتني حيللللللللللللللللل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

العطور الفرنسيه(حصري)