عالم الحياة الزوجية - منتدى

غزالة_ماتصاد · 06-09-2009, 07:56

السلام عليكم ورحمة الله وبركاته
بعد تردد كبير قررت ان احكي لكن بعض مااعانيه مع زوجي العزيز,,,
لعلي اجد مشورة او دعوه صادقه ينجلي بها همي بإذن الله,,
راح اسرد مشكلتي بالعامي ,,,,
من اول يوم برمضان وزوجي مايجلس في البيت ’’يعني من صلاة التراويح يطلع ومايرجع لي الا قبل السحور بربع ساعه تقريبا,,,,يدور السحور طبعا متجاهل حقي كزوجه وعياله ماهو مهتم فيهم ابدا’’’في البدايه استخدمت اسلوب التجاهل والبرود كعقاب ,,,لكن زاد الموضوع عن حده,,
مثلا الاربعاء رجع لي 10 الصباح,,صدمه صح،،
المهم انا ماقدرت اتحمل وانفجرت وصار مشكله بينا,,,,
الاخ بدال مايهدي الموضوع قام يعاند لدرجة انه الخميس والجمعه رجع تقريبا 11لا ونام عن صلاة الجمعه ,,,,
انا تعبت منه ومن عناده وافكر ادخل احد في الموضوع لكن قلت استشيركم اول واشوف اذا احد صار ليه مثلي ,,,,وش كان الحل ؟؟؟

الصمت كبرياء · 06-09-2009, 08:15

اول شي اختي

عسى ربي يشفى الوالدة ويشفى مرضى المسلمين يارب

واسئل ربي ان يهدي لك زوجك ...
اختي انا ابي اقولك شغلة .... اكيد بتقولي تفضل ..
اختي لو انتم الاثنين عصبيين .. هل تتوقعين بيكون تفاهم... اكيد لا...
ممكن قله خبره انك تكلمتي مع زوجك او ما كان عندك طريقة حلوة......

مثلاً لو اطفالك كبار.. كان مثلاً ترسلين واحد له .. عشان يكلمه يقول .. اقل شي .. يابابا احنا محتاجينك معنا بالبيت.... ممكن اختي هالشي يحرك في هالشعور البارد...

اما بخصوصك انتي ... شوفي .. دايم الزوج يطلع على ابوة .. او انه يقلد احد يعرفه ... صدقيني انتي كوني هادية .. وكلميه بطريقه حلوة.....

وكمان اذ اهلك موجودين عندك روحي لهم ... ترى التغيير حلو ...

تخيلي جاتك صديقة .. وتبي بموضوع وانتي دوبك جايه من برى... مثل العمل او السوق ...
صديقني نفسك ترتاحي من الازعاج ... عشان كذا ممكن احنا نعذر زوجك....
وصدقيني اختي كمان لاتغفلي عن المصارحة .... يعني سوي له جلسه صارحيني او مثلاً قصص لبنات تعرفيهم مع ازواجهم... وخليه يعطيك رائية بالموضوع .. يعني بالقوة احشريه معك بمواضيع...

وسامحيني طولت ...

اختي ما ابي اطول ونتظر باقي الاعضاء

اخوكم/ الصمت كبرياء ..

لهيب الحرف · 06-09-2009, 08:31

الله يشفي والدتك أن شاءلله يارب والمسلمين اجمعيـن

ولكن انتي لاتنطحـين الصياح صياح. واغلب الرجال مفهوومهم. العناد. انتي المفروض. تقولين له. لك حد فيه تسهر برى. وترجع لي بالبيت تجلس معاي. تجي قبل السحوور بساعتين بثلاث. ونسوولف. ونتسحـر مع بعض.اما انك من بعد الفطوور لين الظهريه ونت برى البيت. هذي صعبه بحقـي. لأني انا زوجتك. راعية البيت. ومن حقـي علـيك . انك تكون متواجد. لأني انا بكون محتاجك. وانت حط نفـسك في هالموقف لو يوم واحد. لو انك ماتقدر تطلع من البيت. وانا اروح لبيت اهلي لين وقت السحور. وش بيكون شعورك طول الليل مقابل التلفزيون لوحدك.؟ ملل. تفكيـر. طفـش. مهما كان يازوجي العزيز. انا ماقولك لاتطلع.انا اقولك روحي اسهر. بس خل فيه من وقتك. تجلس معاي. تسألني وش ابي. وش ابي اقول لك. وش ناقصني. على شان احس ان فيـه انسان في هالدنياء. اقول انه مهتم فـينـي ويسأل عني وش محتاجه. المثـل يقول ( الـكـلام اللـين ..،، يـغـلب الحـق البـين ) . صدقيني يـ اختي لو تجينه بطـريقة حلوه. ويكون فيـها نوع من الحياء والإحـراج. راح يحـس فيك ويقدر مشاعرك ولا راح يقصـر ان كان رجل واعي ومقدر للعش الزوجي

اللـه يوفقك ويسـتر علـيك يآبــطــلــه

ميلاني رومنسي · 06-09-2009, 09:21

الله يشفي والدتك أن شاءلله ...ثاني شي اختي ترى بتفاهم كل شي يجي انشاء الله حاولي تكلمينه بهدوى وتنسين كل شي وتقولين له الي مضايقج ترى عمر العناد مابنى بيوت وعمر اللين ماهدم بيوت

أحـــاسيـــس مجروحه · 06-09-2009, 09:49

الله يشفي الوالده

اختي غزاله انا صراحه اشوف كلام اخوي الصمت كبرياء مررره حلووو ويقنع

سووي مثل مااايقوول وان شاء الله تشوفين خير

قلبي كله حنان · 06-09-2009, 09:57

اختي الفاضله

السلام عليكم ورحمة الله وبركاته

اسعد الله اوقاتك بكل خير

كل مشكله ولها حل بس كيف طريقة حلها هنا السوال

زوجك تقولي انه يخرج في رمضان بعد الفطور ومايرد إلا قريب السحور -- هل يروح عنده محل يعني شغل بزنز لانه موسم رمضان والحركه بركه

او انه يروح ويجلس في القهوه مع الشباب الفاضين لين قريب السحور ويرجع كانه راجع فندق

المفروض انك ماتتصادمي معه في الكلام وخاصه ان بعض الرجال او بصفه عامه بعض الناس للاسف
الشديد الشديد الشديد
ماخذ رمضان شهر الصوم وبس يعني اخلاقه زفت استغفر الله العظيم ووجه عبوس ولا تشوفي منه الضحكه دائم مكشر في الشارع في العمل في الطريق في البيت وخاصه بعض المدخنين لان النكتين نسبتة في الجسم تختلف

واغلب المشاكل يخبرنا عليها احدى زملائنا في الهلال الاحمر تحصل قبل الافطار لان الأعصاب مشدوده وزحمة الشوارع واستعجال الناس على الأفطار

وتكثر المشاكل واحياننا المضاربات

طيب زوجك حاولي انك لاتحتكي فيه كثير عامليه بما يرضى الله عزوجل وشهر رمضان تصفد فيه مردة الشياطين ويبقى احياننا للاسف الانسان نفسه هو شيطان بشري لايتحكم بأعصابه ولا بأخلاقه ولا بإتصرفاته

والسبب والله اني صائم عشان كده ماشاء الله على الرد
ياجماعه كلنا صايمن بس سبحان الله هنا يبان الابتلاء في الصبر ويختلف من شخص لشخص

اختي الفاضله اعذرييني على الأطاله بس العلاج لزوجك هو انك تعامليه بما يرضى الله وخليه بكيفه لاتضايقي نفسك وانتي اقضي شهر رمضان في قرأت القران وصلاة القيام ومتابعة البرامج الدينه ماشاء الله لاقوة الا بالله اكثر من قناة دينه فيها برامج مفيده

وبعد رمضان خير ان شاء الله

تقبلي مروري
اخوكي
في الله

قلبي كله حنان

غزالة_ماتصاد · 06-09-2009, 09:59

الله يجزااكم كل خييييييييييييير

خواني خواتي .....انا والله ماني عصبية......بس هو يطلع الوحدة من طوووووووورها

بعدين عندي لكم صدمة ثانية...........مسجات زميلاته فالدوااام ...بخصوص رمضان و يوم الجمعه(((مسوين فيها دين و ذكر لله)) استغفر الله

أنا اللي اعرفه ان اللي تكلم واحد اجنبي حراااااااااااام

؟؟؟؟؟؟؟؟؟نفسيتي تعباانه........الناس برمضان تصوم و تستغفر ........لاحول و لاقوة الا بالله

واللي يقول ارسلي احد الأطفال يحنن قلبه.........

بنتي راحت من نفسها و قالت : بابا انت تشتغل يوم الجمعه...؟؟ شافته و هو داخل الصبح.........

الله لا يعيد ذاك اليوم..........خذاها و شلاها بقوته و ظربها بالأرض و صب دم من خشمها و تورم ويها

ومن سوااد ويهه ....خذاها بسرعه للطوارئ و رجع و لا كأنه مسوي جريمة بحق طفلة بريئة عمرها خمس سنين

............و مع هذا كله ساااااااااااكته و ماعلمت الا انتم

ماعلمت لا أمه ولا أي انسااان يدخل........قلت بيستحي على ويهه.........زبس مااظني

مادري شبلاها المشاااااااكل تتحاذف علي من كل صوووووووووووووب....لاحول ولاقوة الا بالله

واللي يقهر و يرفع الظغط........براا و عند ربعه ..قمة فالونااسة و الظحك و الكرم........شي غريييييييييب

بتقولون ناقشيه.......مافي فااايده ........يطنش

الله يعين والله خاايفة على عيالي لا يتعقدوووووووون من ابوووهم

غزالة_ماتصاد · 06-09-2009, 10:01

انا بسوي مثل ما نصحتووني ..........بخلي برمضان كريم .......والله يتقبل صيامنا.....

و الله كرييييييييييم

كحلها سايل · 06-09-2009, 10:16

الله يهدي سرك و يسخر لك زوجك ..
عاجل غير آجل
موفقه ..

قلبي كله حنان · 06-09-2009, 10:16

اقتباس:

المشاركة الأصلية كتبت بواسطة غزالة_ماتصاد

الله يجزااكم كل خييييييييييييير

خواني خواتي .....انا والله ماني عصبية......بس هو يطلع الوحدة من طوووووووورها

بعدين عندي لكم صدمة ثانية...........مسجات زميلاته فالدوااام ...بخصوص رمضان و يوم الجمعه(((مسوين فيها دين و ذكر لله)) استغفر الله

أنا اللي اعرفه ان اللي تكلم واحد اجنبي حراااااااااااام

؟؟؟؟؟؟؟؟؟نفسيتي تعباانه........الناس برمضان تصوم و تستغفر ........لاحول و لاقوة الا بالله

واللي يقول ارسلي احد الأطفال يحنن قلبه.........

بنتي راحت من نفسها و قالت : بابا انت تشتغل يوم الجمعه...؟؟ شافته و هو داخل الصبح.........

الله لا يعيد ذاك اليوم..........خذاها و شلاها بقوته و ظربها بالأرض و صب دم من خشمها و تورم ويها

ومن سوااد ويهه ....خذاها بسرعه للطوارئ و رجع و لا كأنه مسوي جريمة بحق طفلة بريئة عمرها خمس سنين

............و مع هذا كله ساااااااااااكته و ماعلمت الا انتم

ماعلمت لا أمه ولا أي انسااان يدخل........قلت بيستحي على ويهه.........زبس مااظني

مادري شبلاها المشاااااااكل تتحاذف علي من كل صوووووووووووووب....لاحول ولاقوة الا بالله

واللي يقهر و يرفع الظغط........براا و عند ربعه ..قمة فالونااسة و الظحك و الكرم........شي غريييييييييب

بتقولون ناقشيه.......مافي فااايده ........يطنش

الله يعين والله خاايفة على عيالي لا يتعقدوووووووون من ابوووهم

اعتقد من كلامك والله اعلم الله اعلم الله اعلم

زوجك يتعاطى شي مافي انسان عاقل يسوي سواته وخاصه بنته لما تجي وتقوله بكل لهفه وشوق ووحشه يقوم يرد عليها بهذا الرد

والله الشي السيئ مايتنسيى بسهوله حتى لو الانسان غفر وسامح بس لايمكن انه ينسى لانه يبقى الاثر والله اعلم

فمابالك بطفله صغيره
برئيه

حوريه*** · 06-09-2009, 10:47

اما انك محاصرته باسئلتلك
او انك شكاكه بنظراتك
الحل هو اللجوء لله رب العامين بالدعاء واحنا بايام فضيله وعظيمه
الشيئ الثاني
تكلمي احد من اهلك يكلمه
الشيئ الثاتلث تصارحيه لو عصب طنشيه بس ارجعي افتحي الموضوع
عموما امس كان فيه موضوع رائع للشيخ سلمان العوده على الام بي سي عن هروب الازواج
كانت حلقه من ضمن حلقاته المميزه
تكلم عن اسباب الهروب من البيت
اما لانه لايريد ان يشعر بالمسؤليه
او انه يشعر بالوناسه المطلقه من غير محاصره باسئلتك او سواليفك او يشعر
باقليه اهميته والخ
عزيزتي المشكله مشكلتك وحلها بيدك
انا ماسمعت الا من طرف واحد وما اقدر احكم من الغلطان لان اي مشكله تتطلب طرفين
بس اه شيئ حسسيه بالذنب لضرب بنته بها الطريقه ليش؟يعني
وين احنا فيه لها الدرجه عنده جفت عنده العواطف وانتهى الحنان

عابـــر سبيــل · 06-09-2009, 11:02

حاولي تشغلي القران بالبيت عشان ااذ دخل لعل وعسى يسمع

القران وضميره يأنبه بالي يسوويه

والله يصلحه ويجعله ذخر لك ولعيالك

تقبلي مروري

asaad50 · 06-09-2009, 14:59

الخطأ عندك انت وعرفت هذا من ( تجاهلته ، وتصايحت معه ) انت ليست عندك خبرة في طرق كسب الزوج ، فعليك التوجه الى منتديات توجيهات للمتزوجين في هذه المنتديات لانها كلها خبرات مجربة ورائعة

قحطاااني ماااركه · 06-09-2009, 15:42

مشاركة الصمت كبرياء وقلبي كله حنان والاخوة الكرام

عطوك الحل ولك مني دعوة قبل الافطار

الله يصلح حالك

اجمعني بها يارب H · 06-09-2009, 15:42

اختي رووحي لبيت اهلك يومين او ثلاثه .. كـ تغيير ..!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماعندي عنوااااان.......اللي يدخل ....يدخل