عالم الحياة الزوجية - منتدى

ksa.123 · 08-09-2009, 07:27

السلام عليكم ورحمة الله وبركاته}
كيف الحال انشالله انكم بخير}

انا سجلت في منتداكم وحبيت اطرح موضوعي

موضوعي اني خاطب بنت عمتي صارلي اسبوع طبعا اخذت ايميلها واكلمها بس كلامنا كيف كلامنا
يدور عن كيف الحال بخير ومادري كيف الى نهاييه يعني نهايتها انا اسكت وهي تسكت يعني مادري وش اقول
مع العلم اني كنت انا وياها اول مع بعض بس تقدرون تقولن اني انا استحي من البنات ولا اقدر اطول
يعني ابغى اطول في الكلام معها واعرف وش تحب يعني ابي اطول معها في الكلام مع العلم زواجي منها قريب

ياليت تفيدوني الله يخليكم والي عنده خلفيه في الموضوع يضيفني
MK.m8@*******.com

عاشق بقوه · 08-09-2009, 10:10

انت مملك والا لا اذا كان الجواب نعم

كلمها عن المواقف المحرجه معاك ونبادلك ذلك ايضا تكلم في اي موضوع يخصكما

غلا .. · 08-09-2009, 10:20

انتو مملكين والا لا تكلمو عن البيت والسفرومستقبلكم في اشياء كثيره يعني ..

بالتوفيق

جذابه حد الاذابه · 08-09-2009, 11:29

اولا ألف مبروك

الله يتمم عليكم ويجمع بينكما على خير

انا اشوف انك تنوع النقاش معها

ولا مو معقوله انت تسكت وهي تسكت

إلى متى بيتم الحال كذا وانتم زواجكم قريب

حبيب وماهو طبيب · 08-09-2009, 11:57

اذا ملكت دق الميانه وسولف لين تدوخ بس لا تصير غثيث

اما اذا ما ملكت ما يجوز تكلمها

roohy · 08-09-2009, 13:45

هلا اخوي ..

عادي خليكـ على طبيعتكـ ...
في البداية تكلم عن اللي شدكـ وخلاك تخطبها من بين كل البنات ...

ولا تكلم عن وين رحت اليوم مثلا رحت لمحل كمبيوتر وخذ سوالف عن الكمبيوتر
واطرح عليها اسئله من ثنايا الموضوع وذلك من اجل ان تستكشف طريقة تفكيرها
ومدى صبرها وتحملها للمواقف ...

ماعليه شوي شوي تطيح الميانه ...

موفق اخوي

خطوهـ مغرورهـ · 08-09-2009, 17:29

عادي اخوي

انا وخطيبي كنا كذا في البدايه وقعدنا فتره ع هالحاله والحين ميااااااااانه مررررررررره

الله يوفقك بس انا ماانصحك تسكت هي بنت طبيعي تسكت اما انت حاول انك تفتح معها مواضيع تلقها مع الايام تأخذ وتعطي معك > عن تجربه

ميس لوولي · 08-09-2009, 21:44

ههههههههههههههههههههه ماانصحك بالسكوت ترا الرجال لو سكت البنت تخاف مرة ههههههههه لازم انت تتكلم وتضحك وتسووولف عشان يروح عنها التوتر

اتكلم عن دراستها اسئلها حاول تتكلم في مواضيع تهمها عشان يكون مفتاح لها انها تتكلم كمان
وبالتوفييييييييييييييييييييييييق

اجمعني بها يارب H · 08-09-2009, 22:30

سسولف معاها باي شي .. بسس لاتغث البنت ..!

ksa.123 · 09-09-2009, 04:30

مشكوووووووووووووووووووووورين مره

&بنت شيوخ& · 09-09-2009, 05:15

ادرس شخصيتها ....

عن الالوان الي تحب

الاكلات المفضلة .. الحيوانات الي تخاف منها<<خخخخخخخ احلى سؤال

امزح معها <<لاتصير رسمي

سولف عن الشوفة عن تجهيزات عن الزواج...

المهم لازم تفتح وتناقشها << وتخليها تمون عليك لان البنت ماتقدر تتجراء

انت افتح معها اسئلها ... وبتشوف التغيير <<هع

وانت كذالك عطها نبذة عن نفسك

وانا من رايي

المكالمة بالتلفون احسن ... والمسجات <<لها دووووور كبيييييييير

الله يسسر اموكم ويسهل عليكم ويوفقكم <<دعواتكم لي

ديــمــاا · 09-09-2009, 07:02

السلااام عليكم

اخوي انا حابه اقولك انا مخطوبه من شهر تقريبا بس خطيبي باط كبدي مثلك مايسولف هو ساكت وانا ساكته بس هااذي حالتنا يوميا من انخطبنا بس منبطه كبدي يعني اكيد خطيبتك مثلي بس انا اقولك تكلم عن الزواج وعن السكن وخذ رايها بأشيااء واجد لاتسكت ..

قطري من قطر · 09-09-2009, 08:40

اسمع يا خوي

مهما اختلفو الحريم فيما يعشقون , بيظلون يحبون شخصية وحدة , وهي شخصية الدكتور النفسي , حاول تكلمها عن اطباع الناس وامدح اطباعها وقولها انا لاحظت عليكي هذا الطبع الايجابي , وانتقد الطباع السلبية الي فيها بس حطها في اشخاص ثانين عشان تتجنب انفعالها , وهي بتحاول اتقلدك وبتقوم بشخصية المحلل النفسي وانت بدورك لازم تمثل انك متعجب من المعلومات وجالس تستفيد منها , واحرص انك تعطيها معلومات حقيقية , وحتى لو جا يوم مافتحتو هالموضوع لاكن مثل امامها انك قوي ملاحظة يعني ابيك تثير اهتمامها وبعدين تنعجب فيك وبعدين غصبن عن بوزها بتحبك وهذيك الساعة خطيبتك بتتكلم وتتكلم وتتكلم لين ماتمنى انها تسكت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كيف اتكلم مع خطيبتي