عالم الحياة الزوجية - منتدى

عود مياس · 08-09-2009, 13:06

أدخل على طول في الموضوع:::

مشكلتي مع خطيبي إللي صار لي معاه 8 شهور :

نفس المشكلة تتكرر معاي أكثر من مرة..
خطيبي دايما يفسر الكلام اللي أقوله على هواه،،
أوقات أقول كلمه ما أقصد من وراها ولا شي وتكون نيتي طيبة،،
وهو يعصب ويقول لي ثمني كلامج،،
أو يقولي تعلمي تتكلمين،،
أو فكري قبل لا تتكلمين،،
وعلى طول يلله باي وينهي المكالمة،،
واخذوا عاد بعدها المسجات،،
هو يرسل وأنا أرد،،
ونظل على هالحال فوق الساعتين،،
كل واحد منا يلوم الثاني،،
وآخر شي يقول لي إنتي تغلطين وفي الأخير تقلبين السالفة علي،،
وأنا والله مو في بالي إني أختلف أو اسبب مشكلة،،
والله والله والله ما أحب المشاكل،،
عمري ما رفعت صوتي عليه،،
ولا قللت من احترامه،،
عشت مع أهلي وصديقاتي وزملائي،،
ما قط أختلفت مع أحد،،
وفي عمري محد قال إني أحب المشاكل،،
والمصيبة يقول لي اعتذار واحد منج كان راح يحل المشكلة
لكن أعرفج ما في أمل تعتذرين،،
ويقعد يسب نفسه ويقول لي أنا اللي آسف!!
يعني يقولها لمجرد إنه يقول وينهي السالفة،،
أنا أقول له الناس يعتذرون لما يغلطون وأنا ما غلطت،،
والله ماني عنيدة ولا مغرورة،،
والله إني طيبة وبسيطة وما أمانع أبداً إني أعتذر لزوجي لو غلطت بحقه..

جربت معاه الحقران لكن ما فاد،،
لأنه كالعادة في الأخير يطلعني أنا الغلطانة،،
يقول لي تغلطين عليي وتقللين من احترامي،،
وفي الأخير حتى آسفة ما تقولين!!!
أتضااااااااااااااااااااااااايق من هالشي والله أقعد ابكي طول الليل،،
أحس إني مظلومة،،
والله الاحساس بالظلم مؤلم،،

البارحة قلت له إنت صعب وعنيد وراسك يابس وشكلي بتعب معاك!!!
يقول لي عادي بتتعودين،،
يعني أبداً ما يتقبل النقد،،
عصبي لآخر درجة،، معاي ومع أهله،،
يسألني شنو سلبياتي،،
ولما أخبره بكل هدوء،،
ما يتقبل ولا يقتنع،، بس يقول لي بتتعودين عليها،،
هذا طبعي ما قدر أغيره،،
تعايشي مع الوضع!!
يعني ما عنده نيه إنه يحسن من نفسه شوي!!

زواجي بعد أسبوعين،،
تبون الصراحة،،
أنا ما استخرت قبل الخطوبة،،
لأني كنت مقتنعه وطايره فيه،،
وأخاف أستخير الحين،،
أخاف من النتيجة!!
أموووت فيه وما أقدر أعيش بدونه..

وبنفس الوقت خايفة من المستقبل...

قولوا لي رايكم،، انصحوني..
مستحيل أشكي لأهلي،،
ما عندي غيركم،،
علموني شنو أنسب طريقة عشان أتعامل بها معاه؟؟؟

لا تنسون تدعون لي...

MaJRoo7 · 08-09-2009, 13:15

انتي قلتيها ,, تموووووتين فيه

يعني الزوج بيتم بيتم و ان شاء الله الامور هذي تتغير بعد الزواج

وبعدين يمكن هو يبيك تدلعينه شوي و مافيها شي لو اعتذرتيله هذا زوووجك

والله يوفقك

عود مياس · 08-09-2009, 13:31

MaJRoo7

والله العظيم أدلعه آخر دلع،،
يحمد الله إن أنا من النوع اللي أعصابي بااااااااااردة،،
وقلتها له لو غيري كان كل يوم أنتوا في مشاكل،،
إن شاء الله مع الأيام يتغير،،
وأكيد ما فيها شي لو اعتذر له،، هذا زوجي،،
بس أحس بالظلم!!

شكرا ع الرد أخوي...

roohy · 08-09-2009, 13:40

شي طبيعي انه اي شخص يفسر اي كلام او اي موقف
بناء على طبيعته وعلى تفكيره ...

وفي حالتكـ لما يفهمكـ بشكل غلط ويتهمكـ بشي
مباشرة حاولي ان تعتذري له وتستسمحي منهـ ...

بعد مايهدأ ويروق ويصير فيه مزاح بينكم ارجعي وقولي له وش كان قصدكـ من ورى كلامكـ اللي قبل شوي
وفي هذه الحاله اهو بيفهم قصدكـ وراح يتقبل الموضوع لانه مروق ومرتاح ...

أسى الهجران · 08-09-2009, 13:42

السلام عليكم ورحمة الله وبركاته

في البداية انتي غلطتي يوم ما استخرتي صدقيني الاستخاره من الله وهو الي امر رسوله

يبلغنا فيها لانك تحطين املك بالله عشان هو الوحيد القادر على تصريف حياتك للافضل

عزيزتي التأنيب الحين ماله فايدة بقولك على طريقة ان شاء الله راح تدعين لي

كل انسان منا له عيوب وفيه ناس تعترف بعيوبها وتحاول تحلها وتحاول تقومها وتصححها

وفيه ناس ما تحب تعترف بعيوبها وتوقع انها الافضل

لكن انتي عليك بالصبر ثم الصبر الحياة مو سهلة تبي صبر تبي تحمل

اهم شي روحي اشتري مسبحه من مية حبة وخليها في يدك وستغفري قايمة قاعدة تاكلين تشربين

خلي الاستغفار في فمك ابعدي عن اي شي حرام مطالع تلفزيون اغاني شوفي الي يرفع قدرك عند الله

ورب البيت لو تستمرين على الي اقولك ورب البيت شوفيني دعيت لتشوفين ربي مسخرة لك

ومسهل ما بينكم

وتبين طريقه للاستغفار خلي بعد كل فريضة مية مره تستغفرين وحافضي على تهجد لو ركعتين

وصلاة الضحى والله ان ربي يسعدك لان من تقرب من الله لو شبر تقرب الله منه ذراع

وقل ياعبادي ادعوني استجب لكم عليك بالدعاء ان ربي يفرج همك ويعينك ويسخره لك

ويارب العباد اسألك ان تسخر لأختي زوجها وتسخره له ويسهل الله ما بينهم ويبعد عنهم الشيطان واعوانه

من الأنس والجن

تقبلي سلامي

Mody_2009 · 08-09-2009, 13:47

اختي بطريقتك هذه ستكبرين السوالف, يجب ان تحتويه على حسب فهمه و لا مانع من الاعتذار من قبلك (ليس لانك مخطئة حتى و لكن لانكي لم توصلي له المعلومة بالشكل الصحيح الذي يفهمه) - و بعد هدوءه تماما (و يفضل وجه لوجه) يمكنك ايضاح ما كنتي تقصدينه و تعتذري ايضا مجددا انكي لم تستطيعي ان تصلي المعلومة له بالشكل الصحيح - حينها هو من سيعتذر ايضا و سيشيلك فوق الراس بدون هذا اللت و العجن و تكبير الامور و حرق الاعصاب

ميس لوولي · 08-09-2009, 22:03

خذيه على قد عقله حبيبتي بالمسايرة والحياة تنازل وفي رجال كثير يفسرون الكلام على كيفهم بس مالنا غير الله
قوليالله كريم وكبر ماينسى احد ادعي الله يصلحه وانا احس تعاملك معاه من كلامك تمام
بس هو طبعه يمكن شووي صعب
الله يعينك ياقلبي ويصلحه ويهديكم يارب

بنتك يالسعودية · 08-09-2009, 22:17

يااختي انتي بيدك تغيرينه لكني اتركي عنك المواجهه بالسلبيات واتبعي معه اسلوب المدح على الحسنات وتأكدي انه قليل من الصبر مع الكلام الحلو بيتغير

اجمعني بها يارب H · 08-09-2009, 22:21

حطي سلبياته في كفه .. وحبك له في كفه ..!

وشووفي وشو اللي يطغى ..!

كـلـي حـركات! · 08-09-2009, 23:41

اغلبيه الرياييل جذي ..

بس جوفي عامليه نفس مايعاملج ..

ولاتعصبين عليه ولاتتضايجين من تصرفاته ..

زين منه يتاسفلج بعد ..

تحياتي

كلي حركات!غلبية

حسناء02 · 08-09-2009, 23:56

salam ya okhti ana kont marit bnafs atajroba khtabni chab kontfrhana bih w mastakhart alah lakain b3d moda min khotobatina sarit nfss lmachakil il tgoliha f alkhir khoft atzwaj minho salit w stakhatr alah w choft anni ma3indi khir ma3ah w flakhir bsabab mochkil basit fasakhna lkhotba kif sarab sar w lana lhamdoliha rabi 3awadni b chakhss yhobni w ytfahamni 3aksso tamamn ntmana takhodi tjribti bi3yn li3tibar w rihi starkhri rabak liano hada zawaj mo la3b ok w rabi ywafgak by

بنتك يالسعودية · 09-09-2009, 01:01

اتوقع ان ردي كان مستعجل وحابه افيدك اكثر
فترة التواصل المبدئي بين الخطيب وخطيبته غالبا ماتتسم بالمشاكل وذلك لعدم معرفتكم لطباع بعض
لو تدرين ان الاستقرار الحقيقي للزواج يأتي بعد 5 سنوات وش تقولين؟
كوني حكيمة ورزينة وذات اهداف بعيدة....اصبري من اجل تغيير السلوك الخاطئ لدى زوجك
بس اهم شئ لاتبينين له انك تبين تغيرين فيه لانه بيعند زيادة بالعكس دام انه قالك هذي طبايعي ماقدر اغيرها اصبري عليها
قولي خلاص الله يعيننا ونصبر على المر لعيونك

صدقيني اذا عنده احساس بيفكر انه غلطان بهالطريقة
لكن اذا انه من النوع اللي ماينعطى وجه وشفتيه زودها التطنيششششش يعني لاتتأسفين
بس زوجك طبعه حلو لانه في النهاية يقول انا غلطان ويتأسف ههههههه
خليه يتأسف الين يطيح اللي براسه ويترك الزعل

بنت الشهري · 09-09-2009, 01:13

في البدايه ابارك لك بزواجك

اختي قريت كلامك .....انتي لا تتسرعي في الحكم عليه حاولي تتغاظي كثييييير

لانك لو كل مشكله جلستي تبحثي فيها رااااح تتعبي والمشاكل ما راح تخلص

خذيها بتريقه وروح مرحه بكذا تلاقيه يسولف ويضحك وراح ينسي المشكله كلهااااا

يارب اني اكون افدتك انا مخطوبه واتبع نفس الاسلووب مع خطيبي والحمدالله نادر ما يصير مشاكل

ديــمــاا · 09-09-2009, 07:17

السلام عليكم

الله يوفقك انشاءالله ويسعدك .. بصرااحه كلنا بنمر بهالمواقف بس انتي اخذيه بالمزح والضحك اذا خذيتي كل شي بالجديه معاه راح تتعبين اذا هاذا اسلوبه

..الله يسعدك انشاءالله ويتمم كل شي علينا على خير..

اختك .. ديماا

سلطان الهذلي · 09-09-2009, 07:38

مب عيب ..انك تتاسفين حتى لو ما كنت غلطانة..

اختى خليك انت العاقلة واحتوى الموضوع..

خليكي سياسية شوي ..خذي من هيلاري كلنتون حسن التصرف و سرعة البديهة ..

(لو كنت آمرا أحدا أن يسجد لغير الله لأمرت المرأة أن تسجد لزوجها )

فالمرأة تكدر تطفي اي مشكلة باعتذار بسيط او قبلة على الجبين ..وتقدر تعاند وتكبر السالفة وتسوى شخصية على رجالها ..

وانصحك اختي تقرأي قاعده 10/ 90

تشاو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي مع خطيبي... ساعدوني