عالم الحياة الزوجية - منتدى

متزوج يعني متزوج · 10-09-2009, 16:03

السلام عليكم
ودي أسائل كم سؤال
الأول :- وين تباع بجامات الرجاليه والشورتات وغيرها؟ (طبعا في الرياض)
الثاني:- وش تنصحون به من البجامات والشورتات؟ عليمي ما أعرف فيها شي ولا أدري وش الفرق بين البجامه والبنطلون وش البرموده
الشورت أعرف أنه قصير بس
ترا مأعرف وبن المحلات يعني أحيائها

realistic_777 · 10-09-2009, 17:17

وعليكم السلام ورحمة الله وبركاتة..

والله يالغالي انا مو من سكان الرياض بس خوالي عندكم ومسنتر عندكم بالشهرين مره (-:

شوف اتوقع عندك مارك اند سبينسر ومحلات كثيرة...اما اذا كانت لك نية لزيارة الخبر...عندك متجر الخان في شارع الملك خالد (مقابل الكوهجي وكيل ساعات رولكس)...تبي تلاقي عنده شغلات كثيرة وحلوة لأنه متخصص بالملابس الرجالية الراقية واغلب بضاعته اوربية...بس الله يعينك على الدفع لأنه شوي غويلي (-:

1-اما البجامات ففيه عندك الكلاسيكية...الي يجي منها ساتن او حرير او قطن وغالباً تكون كمومها طوال.
2-وفيه عندك البجايم الكاجول القطن...الي لا شافك "القروي" وانت لابسها..قالك وراك لابس بدلة رياضة بوسط البيت!
3-وفيه عندك بجايم العرابجة...الثوب المخطط ذاك ماغيره (-:

وطبعاً بالنسبة للنوعين "الكلاسيكية والكاجول" تبي تلاقي اشكال والوان وموديلات مختلفة.

unnamed · 10-09-2009, 17:21

هلا وحياك الله

شف اخوي البجامات هذي حقة نوم وتلقاها في المحلات الرجاليه لكن بعطيك محل متخصص فيه وحلو سعره

على طريق الملك عبدالعزيز بعد فندق صلاح الدين وانت متوجهه شمال اسمه خصائص الرجل

رح هناك وقله ابي بجامات نوم بيوريك نوعيه قطن ونوعيه ستان بالنسبه لي الستان افضل

اما البنطلون هو الطويل مثل الجنز ولا اقمشه ثانيه والشورت قصير والبرمودا كذلك

هالاشياء تلقاها في محلات كثيييير مثلا عندك سيتي بلازا عندك اسواق الشعله عندك دبنهامز وغييييره كثير اي سوق بتلقى فيه

اتمنى اني افدتك

متزوج يعني متزوج · 10-09-2009, 21:18

ماقصرتو أبدعتو
وقصرتو علي المشاوير
بس أبغى أسواق أكثر ووين مكانها
أعرف أني بكلف عليكم لكن تحملو
هههههههههههه

السيد ملعقة · 11-09-2009, 01:18

خخخخخخخخخخخخخخخخخ << هذا المستخدم ميت من الضحك اااه يابطني خخخخخخخخخخخخخخخخخخخخ

اخوي الكريم هذا منتدى متخصص في عالم الحياة الزوجية والمقبلين على الزواج الخ وش دخله بعالم التسوق

وشراء الملابس الرجالية خخخخخ بصراحة جلست اتخيل انو انت هو الي بصورة الرمزية حقت خوينا العضو

realistic_777 وفطست ضحك خخخخخ وجاي طازة من الصحراء للمنتدى تبي تشتري بجايم خخخخخخخخ

اسف اخوي ماقصدت شي - بس انصحك انا ( روح المعيقلية الي بوسط الرياض عند قصر الحكم فيها كل شي خاص

بملابس الرجل من الاحذية لين توصل راسك يعني كل شي تبيه بتلاقيه ومو محل واحد لا ابد اكثر من مية محل

واسعار رايقة مرة << اشتري من هناك وقت العيد

وتقبل فائق احترامي وتقديري ( والله يجعل حياتك سعادة وضحك مثل ماضحكتني بسؤالك خخخخخخخ )

متزوج يعني متزوج · 11-09-2009, 06:13

بشر أمك يالملعقه
رح بس لدرج الملاعق

أتمنى أنكم تغذروني لأني رديت على سفيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

إللي عنده علم عن أماكن بيع البجامات الرجاليه يخش