عالم الحياة الزوجية - منتدى

الفتاة الملتزمة · 16-09-2009, 01:40

السلام عليكم

كيف أحوالكم في رمضان

بصراحة ماني عارفة كيف ابتدي الموضوع بس الموضوع ومافيه أني مرة حزينة وضايق صدري وكل أفكر

وخاطري منكسر وأحس في قلبي غصة ومن زمان كنت حابة أطرح الموضوع بس نوعا ما كنت مترددة بس قلت لازم أفضفض

وأطلع كل اللي بقلبي مو زين اني أكتمه

السالفة ومافيها أني كنت مخطوبة من حوالي ثلاث شهور وجاءوا أهله وشافوني وارتاحوا لي وعجبتهم وأنا

كمان أرتحت لهم وسألنا عنهم وماسمعنا عنهم إلاا كل خير وحتى الولد كان والنعم فيه حتى شغلته زينه

وأخلاقه عالية في البداية اهلي كانوا موافقين عليهم عطينهم رد أن يجون وجاووا وخطبوا رسمي وبعدها

سوينا التحليلات وكل شئ تمام وبعدين اتفقنا ان الملكة والخطوبة بنفس اليوم لأنهم مرة مستعجلين يبون

العرس بعد العيد وامه اتصلت على امي تبارك لأن طلعت التحاليل سليمة وتقول متى نجيب المهر قالت

امي خلاص المفروض تجيبونه واتفقت معها على يوم الجمعة جاء يوم الجمعة وجهزنا كل شئ وانتظرناهم

اللين بعد صلاة العشاء وماجاء أحد ولا حتى أتصال او شئ المهم اتصلت امي عليهم قالت عسى ماشر ليه ماجيتوا قالت امه يوو انا ماقلت لك اليوم بنجيب المهر بنجيبه الأسبوع الجاي قالت شلون كذا أنا متفقة معاك على الجمعة بعدين قالت خلاص بنجيبه يوم الملكة قالت امي شلون من وين نجهز حق الخطوبة والملكة والخطوبة بنفس اليوم بعدين قالت خلاص بنرسل لكم جزء من المهر وجهزوا فيه حق الخطوبة على البنك لأن اهم من منطقة ثانية جيتهم شوي صعبة قالت امي صبري بشوف ابوها وش يقول وارد عليك وبعدين امي كلمت ابوي ابوي عصب حده وحتى اخواني شلون كذا تقول انا أطر منها تعطيني جزء من المهر يايتسنعون يجيبون المهر كامل وإلاا الله يستر على الجميع عاد امي اتصلت عليها وقالت لها الله يستر على الجميع امه طار عقلها لا شلون احنا مو قصدنا بس عشان في الملكة احسن وحتى يحضرون عمامه وخواله عاد اخوي كلم ابوه قال خواله وعمامه يحضرون على عيني وعلى راسي بس المهر ينجاب قبل خصوصا انتوا مرة مستعجلين لو العرس بعد 5 او 4 شهور ممكن بس بعد شهرين صعبة وحاولوا بشتى الطرق بس ابوي حلف قال إذا هذه اولها ينعاف تاليها هذا المهر مو راضي يطلع منهم بالسهولة شلون بعدين إذا عشتي معهم
بيذقونك الويل اهو بصراحة الولد مافي منه بس المشكلة في ابوه مرة مسيطر وبخييل حده ماسك لدرجة ماتتوقعونها تصوروا المهر الولد هو مجمعه بنفسه وابوه مادفع فلس واحد ساعده فيه واهم قالوا انهم بيسكنوني في شقة معاهم في البيت قال ابوي مو بعييدة يطرد الولد من الشقة او يقوله ادفع أيجار

او حتى يمكن يفشلونا في العرس هذيلي مو وجه رزة خصوصا البخيل ابد مايستحي يحط لك اي شئ

وانا اكره هالصفة حدي انا عندي اعيش مع فقير ولا أعيش مع بخيل

طبعا أنا كانت ردة فعلي يوم صارت هالسالفة مختلطة مابين شعور بالحزن وشعور بالفرح شعور بالفرح لأن هالشئ يمكن يكون خيرة لي وان كل شئ انكشف قبل ماتصير الملكة وأيضا لأني أبي أكمل دراستي وماأبي أي شئ يشغلني عنها خصوصا أني بكون أدرس في منطقتي وبروح له كل اسبوع يعني فيها روحه وجيه وشعور بالحزن ماني عارفة كيف اوصفه لأني أحس اني محتاجة لزوج يحس فيني يغمرني بحنانه يكون لي عضيد في هالدنيا لأن لا أخو ينفع ولا أخت كلا لاهي مع مرته وعياله ماأحد ملتفت علي او حتى يعطيني فلوس او يمشيني أحس اني منقهرة كله قاعدة في البيت والله لوما النت كانت مت بحسرتي اهو ونيسي الوحيد إذا ضاقت فيني الدنيا حتى أشيائي وأغراضي الخاصة بالموت القى أحد يشتريها لي ماغير أخوي اللي ماتزوج اهو اللي شوي نافعني اما المتزوجين كلهم عليهم اكس احمر صاروا حق زوجاتهم وعيالهم واهل زوجاتهم أنا ماأقول يتركونهم اهم مسؤولين عنهم بس على الأقل يسالون عني بس انا خلاص غسلت ايدي منهم وغير كذا أنا ينكسر خاطري إذا طلعت سوق او مجمع أشوف ازواج ماسكين ايد بعض أنا ماأحسدهم بس يتخيلي اني المفروض هاللحظة اكون مع زوجي دايما افكر وبالي مشغول بصراحة مادري أنا حاسة ان فيني عين او شئ يعني على الرغم من اللي جاووا اخطبوني تقريبا 9 ولا واحد صارلي نصيب معه اهو ماأنكر ان ابوي مرة متشدد تقولون يبي ملك من السماء مافي عيوب بس الأنسان مو كامل الكمال لله يعني هذا أخر واحد كان متردد يزوجني اياه ورفض يوم صارت السالفة احس على الحفة يدور عليهم شئ عشان يرفضهم ولقى له هالشئ

أحبتي ادري طولت عليكم بكثرة هرجي بس سامحوني

في الأخير ابي أراءكم هل كان تصرف ابوي صحيح وفي محله وإلاا أستعجل كثيير ؟؟

يطري على البال · 16-09-2009, 02:08

ما ادري بس ابوك استعجل بس لعله خييييييييره لك ... بس لا تنسين صرتي انت واهلك والزمن على زوج المستقبل ...
يعني كفايه ابوه بخيل وحارمه ولا هو مساعده تجون انتم ... ترفضون يرسل لك المهر دفعات ... يعني هو كيف يوفره دفعه وحده مايقدر اذا محد ساعده

وتلقينه هو بعد يقول عنكم وش فيهم ذولي يعني على طول رفضوني ومايبوني الا يوم يكمل المهر مره وحده وهم عارفين ضروفي واكيد بيفكر انكم ما عندكم يمه ارحميني ... ويمكن بعد هو يقول خييييييييره

لذلك اذا تقدرين تغييرن من راي الوالد الله يخليه لك
ويغير رايه ومافيها شيئ اذا كملتي من جيب الوالد الى ان يجيك كامل المهر ........ورديه له
وحتى اذا الوالد ما عنده مو شرط كل مستلزماتك تكمليه بيت اهلك كملي مع زوجك

شجون الحربي · 16-09-2009, 02:10

اذا لسه الموضوع ماانتهى استخيري والله يسخرلك الخير انشاءالله
وبالنسبة لموقف ابوك احنا ماتعملنا معاهم عشان نعرف هوا على حق ولا على باطل
وسالفة ان المهر يحيك بالتقسيط انا مااشوفها حلوه بس اذا منطقتهم بعيده وصعب يجو ماادري والله بس هوا المفروض يجي دفعه وحده والمهر مايجي عن طريق بنوك يجي رجال يسلمه اتوقع موقفه على حق

وبالخير نصيبك بيجيك وريحي بالك
والله يسهل امورك

الفتاة الملتزمة · 16-09-2009, 04:35

اقتباس:

المشاركة الأصلية كتبت بواسطة يطري على البال

ما ادري بس ابوك استعجل بس لعله خييييييييره لك ... بس لا تنسين صرتي انت واهلك والزمن على زوج المستقبل ...
يعني كفايه ابوه بخيل وحارمه ولا هو مساعده تجون انتم ... ترفضون يرسل لك المهر دفعات ... يعني هو كيف يوفره دفعه وحده مايقدر اذا محد ساعده

وتلقينه هو بعد يقول عنكم وش فيهم ذولي يعني على طول رفضوني ومايبوني الا يوم يكمل المهر مره وحده وهم عارفين ضروفي واكيد بيفكر انكم ما عندكم يمه ارحميني ... ويمكن بعد هو يقول خييييييييره

لذلك اذا تقدرين تغييرن من راي الوالد الله يخليه لك
ويغير رايه ومافيها شيئ اذا كملتي من جيب الوالد الى ان يجيك كامل المهر ........ورديه له
وحتى اذا الوالد ما عنده مو شرط كل مستلزماتك تكمليه بيت اهلك كملي مع زوجك

مشكور اخوي يطري على البال على الرد

بس بقيت أقولك أن المهر عندهم كامل بس مايبون يجيبونه إلا يوم الملكة قالوا بس بنجيب جزء حق الخطوبة والباقي يوم الملكة مادري وش تفكيرهم مادري قصدهم أن لاصار شئ أن بننكر المهر أو بنجحده حشا هالشئ مو فينا وبعدين حتى اذا كنا قليليين ذمة وماعندنا ضمير مستحيل مانرجعه في شرطة في محاكم الدنيا مو سايبة وبعدين المهر حلاته وفرحته يجي كامل حتى لو أغراضي أكملهم بعدين اهو تكريم وشرف للمرأة أنا حسيت أن صارلي ذل وانا اللي قاهرني ان ابوه المهر مو منه ويتدخل والمسكين الولد مجمعه بس اهو ماله كلمة ابوه مسيطر عليه لأنه هو اللي قال المهر بنجيبه يوم الملكة وابوي اللي قهره أكثر يقول هذولي مو واثقين فينا كأنه بنأكل عليهم شئ يقول اهم شئ الثقة وقال أنا قاط بنتي عليكم هذا قدرها عندكم تجيبون مهرها ناقص واهو عندكم كامل

الفتاة الملتزمة · 16-09-2009, 04:49

اقتباس:

المشاركة الأصلية كتبت بواسطة شجون الحربي

اذا لسه الموضوع ماانتهى استخيري والله يسخرلك الخير انشاءالله
وبالنسبة لموقف ابوك احنا ماتعملنا معاهم عشان نعرف هوا على حق ولا على باطل
وسالفة ان المهر يحيك بالتقسيط انا مااشوفها حلوه بس اذا منطقتهم بعيده وصعب يجو ماادري والله بس هوا المفروض يجي دفعه وحده والمهر مايجي عن طريق بنوك يجي رجال يسلمه اتوقع موقفه على حق

وبالخير نصيبك بيجيك وريحي بالك
والله يسهل امورك

الموضوع ياعمري انتهى وخلص من زمان بس انا حابة أخذ أراءكم

والله يجزاك خير على هالدعوة الحلوة

وصدقتي والله المهر مو حلو يجي اقساط تقولين سيارة او عربون المرأة روح وقلب وعواطف ومشاعر وهالشئ الله مافرضه على الرجل الإا حتى المرأة تحس بمكانتها

طبيب المجتمع · 16-09-2009, 06:11

أختي الفتاة الملتزمة
أنا اشوف تصرف والدك حكيم وعين العقل وسواه
ترا آبائنا أعرف منا في ذا الأمور ولهم خبرة وحكتهم الدنيا
قولي الحمد لله لعلها خيرة واصبري واحتسبي
رزقك سيأتيك يا أختي إن شاء الله
والحمد لله عندك أخوك مهتم فيك والوالدة تونسك
بالنسبة اذا خرجتي مول أو كذا ويجيك شعور إنه ودك زوج
أختي الأرزاق بيد الله وكل شيء قسمة ونصيب في الزواج
أنا أعرف قريبة لي أكثر من 20 واحد تقدم لها
لكن النصيب ما بعد يجي
اهتمي وكملي دراستك
وربي يعوضك خير
~ طبيب المجتمع ~~

الفتاة الملتزمة · 16-09-2009, 10:57

اقتباس:

المشاركة الأصلية كتبت بواسطة طبيب المجتمع

أختي الفتاة الملتزمة
أنا اشوف تصرف والدك حكيم وعين العقل وسواه
ترا آبائنا أعرف منا في ذا الأمور ولهم خبرة وحكتهم الدنيا
قولي الحمد لله لعلها خيرة واصبري واحتسبي
رزقك سيأتيك يا أختي إن شاء الله
والحمد لله عندك أخوك مهتم فيك والوالدة تونسك
بالنسبة اذا خرجتي مول أو كذا ويجيك شعور إنه ودك زوج
أختي الأرزاق بيد الله وكل شيء قسمة ونصيب في الزواج
أنا أعرف قريبة لي أكثر من 20 واحد تقدم لها
لكن النصيب ما بعد يجي
اهتمي وكملي دراستك
وربي يعوضك خير
~ طبيب المجتمع ~~

طبيب المجتمع والله انك اسم على مسمى

الله يعطيك العافية ومشكور على هالنصائح الأخوية وفعلا كلامك صحيح كل شئ بهالدنيا قسمة ونصيب

تحياتي لك

مبدعات · 16-09-2009, 12:39

الامور هذي مافيها استعجال يعني الواحد لازم صدره وسيع ويقدر ظروف الناس خصوصا ان هذا زواج ، والعصبية الزايدة هذي مو صحيحة فعلا ابوك عصبي اذا كان هذا رده وما كان المفروض يسوي هالشي ، شنهو يضره لو تفهم ظروف الناس وحاول يحل الموضوع بشكل يرضي الطرفين تقديرا لظروفهم .

Saker falcon · 16-09-2009, 12:39

نصيحة

لا تدخلي في شي ابداااااااااااااااااااااا

ما عليك سوا صلاة الاستخارة واذا فيه خير راح يجي واذا شر ربي يصرفه

ABO DANA · 16-09-2009, 13:05

ابوك يتمنى لك الخير

ونصيحه اسمعى كلام اهلك ونتى قلتى ابوه بخيل يعنى اقرى على نفسك السلام

راح تلاقين احسن منه ان شاء الله

Emily Rose · 16-09-2009, 14:03

اذا راد اللة ان الموضوع يتم راح يتم لاتشغلين بالك واللة بيختار لك اللي فية الخير

الفتاة الملتزمة · 18-09-2009, 09:43

اقتباس:

المشاركة الأصلية كتبت بواسطة مبدعات

الامور هذي مافيها استعجال يعني الواحد لازم صدره وسيع ويقدر ظروف الناس خصوصا ان هذا زواج ، والعصبية الزايدة هذي مو صحيحة فعلا ابوك عصبي اذا كان هذا رده وما كان المفروض يسوي هالشي ، شنهو يضره لو تفهم ظروف الناس وحاول يحل الموضوع بشكل يرضي الطرفين تقديرا لظروفهم .

الله يهداك بس وش يقدر ظروفهم اقولك المهر عندهم كامل يعني لو ما بعد يكمل قلنا ماعليه راعينا ظروفهم

وبعديين مبررهم مو مقنع يعني بس عشان خواله وعمامه انا اخواني 5 تزوجوا ودينا المهر كامل على طول

وبدون عمامي وخوالي في يوم الملكة يجون الاعمام والأخوال ماقلنا شئ وبعدين وش نقدر ظروفهم وهم

ماحطوا لي ولا لإهلي إعتبار كأننا ولا شئ بالنسبة لهم صار التقدير للأعمام والأخوال أنا ماقلت مايقدرونهم

بس كافي يحضرون الملكة هذا اكبر تقدير وما فكروا فيني انا كيف بكون إذا جابوا المهر ناقص راح أحس

بإنتقاص من بدايتها وأنا اللي بعيش العمر كله معاه لا عمامه ولا خواله مع احترامي لهم

اسمحيلي اختي شكلك ماقرأتي الموضوع صح وأعذريني ترى ردك نرفزني

memo1407 · 18-09-2009, 10:12

سؤال لك انتي نكك فتاة ملتزمه ؟؟
انتي بتتزوجين الولد ولا ابوه ؟ وش عليك من ابوه بخيل ولا انشالله حاتم الطائي ؟؟
لا يكون تفكيرك محدود ؟ الولد حسب كلامك حبيب وطيب ومثل هالاشخاص مفروض نتمسك فيهم باي طريقه
مو ندور اعذار ابوه بخيل ولا امه تعزر فيني ؟ لانك بتتزوجين الشخص نفسه ؟
ودام هو كون نفسه بنفسه هذا يدل انه رجال بمعنى الكلمه واحسه بار في والديه ولا ابوه معزر فيه وساكت والله انه على نياته
مفروض ماتهمكم الماده في المقام الاول
الفلوس تروح وتجي ؟ وش فايدة مهرك 100 الف ودفعه وحده ؟ وزوجك انسان مو كويس ؟
القرار الاول والاخير لك اذا انتي تشوفين ان الشخص كويس اعتقد ان الفلوس والمهور شيئ تافه ومايستاهل والله مفروض يكون اخر اهتماماتك
اهم شي معدن الرجال نفسه واخلاقه وتربيه ؟ هذا الي مخلي العنوسه تنتشر والله
حب هالاباء للدراهم وطمعهم وكان البنت سياره ولا تجاره ؟ بما انك فتاة ملتزمه حاولي تليني راس ابوك قولي له انا الفلوس ما تهمني
ويقولون ليش السعودي يتزوج من برا ؟

عجبي

الفتاة الملتزمة · 18-09-2009, 11:38

اقتباس:

المشاركة الأصلية كتبت بواسطة memo1407

سؤال لك انتي نكك فتاة ملتزمه ؟؟
انتي بتتزوجين الولد ولا ابوه ؟ وش عليك من ابوه بخيل ولا انشالله حاتم الطائي ؟؟
لا يكون تفكيرك محدود ؟ الولد حسب كلامك حبيب وطيب ومثل هالاشخاص مفروض نتمسك فيهم باي طريقه
مو ندور اعذار ابوه بخيل ولا امه تعزر فيني ؟ لانك بتتزوجين الشخص نفسه ؟
ودام هو كون نفسه بنفسه هذا يدل انه رجال بمعنى الكلمه واحسه بار في والديه ولا ابوه معزر فيه وساكت والله انه على نياته
مفروض ماتهمكم الماده في المقام الاول
الفلوس تروح وتجي ؟ وش فايدة مهرك 100 الف ودفعه وحده ؟ وزوجك انسان مو كويس ؟
القرار الاول والاخير لك اذا انتي تشوفين ان الشخص كويس اعتقد ان الفلوس والمهور شيئ تافه ومايستاهل والله مفروض يكون اخر اهتماماتك
اهم شي معدن الرجال نفسه واخلاقه وتربيه ؟ هذا الي مخلي العنوسه تنتشر والله
حب هالاباء للدراهم وطمعهم وكان البنت سياره ولا تجاره ؟ بما انك فتاة ملتزمه حاولي تليني راس ابوك قولي له انا الفلوس ما تهمني
ويقولون ليش السعودي يتزوج من برا ؟

عجبي

يابابا المسئلة مو مسئلة فلوس الله يهداك بس

المسئلة أكبر من كذا المسئلة مسئلة تقدير وإحترام والأهم من كذا ثقة

أنا ماهمتني الفلوس الفلوس زي ماقلت تروح وتجي

وعلى قولتك أني بتزوج الولد مو الأبو كلامك صحيح

بس الواحد لازم يفكر حق بعدين إذا هذا المهر الولد مو قادر يتحكم متى يجيبه ابوه هو اللي مقرر انه يجيبه

يوم الملكة فما بالك بعدين أنا أتوقع الأبو بعدين بيتحكم فيني وفيه يمكن حتى يوشي ولده مايعطينا فلوس

او حتى مايمشيني الولد مسكين مايشك خيط بابرة إلا بشور ابوه وهذا بعد الأبو المهر مو منه وش بيسوي

بعدين إذا صار شئ منه

انا ساعات أحس أن تصرف ابوي في مكانه وصحيح

العري · 18-09-2009, 11:50

اعانك الله

واكثري من الاستغفاااااااااااار

وان شاء الله راح يعينك الله وينور طريقك
وما تدرين الخيره وين

الخيره فيما اخترها الله

ولا تستعجلين .. تقدري تفاتحي والدك بالموضوع وعن السبب
فقد يرى شيء انتي لا ترينه ..

وفقك الله وحقق امانيك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل تصرف ابوي في مكانه ؟؟ وش رأيكم ؟؟