عالم الحياة الزوجية - منتدى

ام صالح ونور · 17-09-2009, 09:17

اخواتى وحبيباتى الموجودين فى المنتدى وايضا اخواتى الجدد
انا حبيت افضفض معكم شوية وقولت اتكلم معكم وتشاركونى الحوار
واحكيلكم على قصتى مع تأخر الحمل
اول شئ انا متزوجة بقالى سنتين إلا شهر الشهر الجاى هكمل السنتين ان شاء الله
والحمد لله ربنا انعم عليا بزوج ربنا يكرمه ويصلح حاله فى الغربة
المهم قصتى بدأت فى اول ثلاث اسابيع من شهر زواجى
وانا بنت كانت الدورة منتظمة معى كل 28 يوم بالظبط كانت تأتى فى ميعادها
بعد زواجى اتلخبطت معايا واتأخرت 10 ايام وقلقت انا وزوجى وقولنا يمكن يكون فى حمل
فروحنا للدكتور على طول وعملى تحليل بول طلع سلبى فعطانى علاج علشان ينزل الدورة
ومن هنا بدأت حكايتى مع الدكاترة
تانى شهر اتلخبطت معايا تانى روحنا لنفس الدكتور وعطانى علاج ينزلها او يثبت اذا كان فى حمل
وعطانى الكلوميد واستمر معايا الكلوميد ييجى 3 او 4شهور
ولم يحصل حمل وكانت الدورة تنتظم شهر وتتأخر شهرين
المهم انا لفيت على الدكاترة لحد ماتعبت نفسيتى من الموضوع ده واللى كان شاغلنى عايزة احمل
زوجى الله يجازيه خير كان يقولى انا مش عايز حمل انا عايزك انتى ويزعل علشانى بمجرد مايلاقينى زعلانة وببكى لما الاقى الدورة جت وميحصلش حمل
انا روحت لكتير من الدكاترة وده كان غلط طبعا لانى كان لازم اصبر لما يعدى سنة على زواجى
لكن محصلش الكلام ورحت للدكاترة من اول شهر زواج
وبعدين الدكاترة بيوصلوا معايا للآخر ويقولولى انتى مش بيكى حاجة وسليمة انتى وزوجك علما بأن زوجى عمل تحليل لنفسه والحمد لله طلع سليم
بقالى سنتين بلف علي الدكاترة يعنى اقعد 4 او 5 شهور مش بروحلهم وترجع الدورة تتلخبط معايا فبضطر اروحلهم
بصراحة انا معرفتش استمتع بحياتى مع زوجى وحرمته منى كتير وحرمت نفسى منه علشان كنت معتقدة ان سبب تأخير الدورة انه ممكن يكون فى حمل ولا حاجة
المهم علشان انا طولت عليكم
وصلت للنهاية او نهايتى مع الدكاترة ان الشهر اللى فات الدورة اتأخرت عندى 21 يوم وبعدين جت فقولت لازم اروح اكشف مع انى منعت نفسى انى اروحلهم ييجى 4 شهور كده بس هى اول مرة تتأخر معايا بالطريقة دى
روحت كشفت وبعدين اتضحلى ان سبب عدم تنظيم الدورة اللبن اللى فى صدرى
الحمد لله اخذت علاج لتنشيف اللبن والحمد لله الدورة الشهر ده جت فى ميعادها
اللى انا عايزة اقوله انى اول مادخلت المنتدى كانت نفسيتى مدمرة على الآخر بسبب موضوع الحمل وتأخره
بس الحمد لله اخواتى وحبيباتى الموجودين فى المجلس وقفوا بجانبى ورفعوا معنويتى
وانا الحمد لله معتش بفكر فى الحمل ولو ربنا آمر انى احمل هحمل ان شاء الله ولو ربنا مش آمر انى احمل الحمد لله برضه الحمد لله على كل حال
فأنا بنصح جميع اخواتى الموجودين واخواتى الجدد انهم بلاش يفكروا فى الحمل لان طالما بتفكروا فيه مش هيحصل
والحمل لازم له راحة نفسية وابعدوا عن التوتر والقلق والتفكير
فأنا عن تجربتى هذه مش عايزاكم تخوضوها زيى
انا عايزاكم تتركوا امر الحمل ده لربنا عز وجل هو قادر على كل شئ ونعمة بالله
عيشوا حياتكم مع ازواجكم واستمتعوا بيها وارموا تكالكم على ربنا سبحانه وتعالى
انا منتظرة ردودكم ورأيكم ايه فى قصتى وكلامى
سلام ياحبيباتى

عاشِقةُ الرّوح · 17-09-2009, 14:51

اختي ام صالح ونور الحمدلله انك مافيك شي ولا زوجك كمان
هي مسأله وقت ,,اصبري بس وربنا راح يكرمكم ان شاءلله بالذريه الصالحه ..

عن قصتك فهناك الكثير من الاخوات الي يعانون مع الدكاتره والمستشفيات والعلاجات المختلفه
وغير كلام الناس إلي يدمر النفسيه واسألتهم الي ما تخلص ..

فنفسيه فعلا تتعب وتدمر من كل هذا ..
وانتي الي عملتيه اخر شي صح وفي صالحك , انك تبعدي التفكير عن الحمل ,
ودي خطوه جدا جميله وفي صالحك
وغير ان لو جتك الدوره ما تزعلي وتخلي كل شي لربنا , وكل شي يجي في وقته ..
بس اهم شي طبعا انها منتظمه عندك وان شاءلله راح تشوفي نفسك حااااااامل

الله يرزقك ويرزق جميع المحرومين وكل الاخوات المنتظرات بالمجلس ,
وما تنتهي هذي السنه الي الكل كرووووشااااات ههههه
ونفتح لهم مجلس نسميه ( تجمع الحوامل إلي صبروا سنين وربنا رزقهم ) ههههههه إيه رايك ؟؟

ربنا يسعدك ويفرح قلبك بالحمل امين يااارب

تقبلي مروري
ام محمد

المحبة لله ولرسوله · 17-09-2009, 16:44

هلا حبيبتي الله يرزقنا جميعا بالزرية الصالحة المعافاة وانا كمان صرلي
3سنين ونص متزوجة حدث حمل واحد والان صرلي مسقطة سنتين ونص
وماصار حمل عملت عملية منظار بطن من اربع شهور والى الان انتظر الحمل
وتعبت نفسيتي من اخز العلاجات والادوية والله صارت معدتي صيدلية من كثر الحبوب
وان شاء الله نحنا املنا برب العالمين كبير وربنا مابنسانا ان شاء الله
الله يطعم كل محروم بالزرية الصالحة
ادعولي الله يرزقني الزرية

ام صالح ونور · 17-09-2009, 20:49

اقتباس:

المشاركة الأصلية كتبت بواسطة عاشِقةُ الرّوح

اختي ام صالح ونور الحمدلله انك مافيك شي ولا زوجك كمان
هي مسأله وقت ,,اصبري بس وربنا راح يكرمكم ان شاءلله بالذريه الصالحه ..

عن قصتك فهناك الكثير من الاخوات الي يعانون مع الدكاتره والمستشفيات والعلاجات المختلفه
وغير كلام الناس إلي يدمر النفسيه واسألتهم الي ما تخلص ..

فنفسيه فعلا تتعب وتدمر من كل هذا ..
وانتي الي عملتيه اخر شي صح وفي صالحك , انك تبعدي التفكير عن الحمل ,
ودي خطوه جدا جميله وفي صالحك
وغير ان لو جتك الدوره ما تزعلي وتخلي كل شي لربنا , وكل شي يجي في وقته ..
بس اهم شي طبعا انها منتظمه عندك وان شاءلله راح تشوفي نفسك حااااااامل

الله يرزقك ويرزق جميع المحرومين وكل الاخوات المنتظرات بالمجلس ,
وما تنتهي هذي السنه الي الكل كرووووشااااات ههههه
ونفتح لهم مجلس نسميه ( تجمع الحوامل إلي صبروا سنين وربنا رزقهم ) ههههههه إيه رايك ؟؟

ربنا يسعدك ويفرح قلبك بالحمل امين يااارب

تقبلي مروري
ام محمد

يااهلا وسهلا بأم محمد
انا مبسوطة اوى انك تكونى اول حبيبة واخت ترد عليا
دايما انتى سباقة بالخير ياعشوووقة ياعسل
انا الحمد لله مرتاحة جدا وزى ماقلت معتش بفكر فى موضوع الحمل
وكمان اللى خلانى اكتب القصة دى لانى بشوف بنات جدد كتير بيفكروا فى الموضوع وهو لسه مافات عن زواجهم الا شهور قليلة
فبزعل اوى علشانهم ونفسى انهم مايشوفوش اللى شفته ويعيشوا حياتهم
فأنا قلت احكى قصتى يمكن اطلع بنصيحة ليهم

تصدقى فكرة حلوة فكرة المجلس دى ان شاء الله هتحصل بإذن الله
شجعتينى اوى بالفكرة
لما ربنا يؤمر واحمل ان شاء الله هعمل المجلس ده ان شاء الله
خليها بينى وبينك هههههههه

ام صالح ونور · 17-09-2009, 21:17

اقتباس:

المشاركة الأصلية كتبت بواسطة المحبة لله ولرسوله

هلا حبيبتي الله يرزقنا جميعا بالزرية الصالحة المعافاة وانا كمان صرلي
3سنين ونص متزوجة حدث حمل واحد والان صرلي مسقطة سنتين ونص
وماصار حمل عملت عملية منظار بطن من اربع شهور والى الان انتظر الحمل
وتعبت نفسيتي من اخز العلاجات والادوية والله صارت معدتي صيدلية من كثر الحبوب
وان شاء الله نحنا املنا برب العالمين كبير وربنا مابنسانا ان شاء الله
الله يطعم كل محروم بالزرية الصالحة
ادعولي الله يرزقني الزرية

اهلا وسهلا بيكى حبيبتى المحبة لله ورسوله
ربنا يرزقك يارب
ونصيحتى ليكى بلاش تتعبى نفسيتك لان ده غلط ومؤثر قوى فى تأخر الحمل
لان الحمل عايز راحة نفسية
مش انتى نفسك تحملى خلاص يااختى وياحبيبتى ارفعى من روحك المعنوية وخلى نفسيتك فوق السما
علشان ترتاحى ويحصل حمل ان شاء الله ياعزيزتى
ربنا يرزقك ويرزقنى ويرزق جميع اخواتى المنتظرات والمحرومات والمشتاقات للحمل
آمين يارب العالمين

بنت ابوها الحلوة · 18-09-2009, 03:26

يا حبيبتي

تعبتي حالك كثير

الله كريم يا عمري وان شاء الله الشهر الجاي كلنا حوامل يارب

روآآبي · 18-09-2009, 03:49

فعلا نسيان الحمل من الاسباب الفعاله للحمل بعد الله

في المرتين اللي حملت فيهم كنت ناسيه موضوع الحمل والتفكير فيه تمااااما ومنشغله بامور ثانيه بحياتي لدرجة ان الدورة تاخرت عن موعدها حوالي الاسبوعين وانا مو منتبهه

لكن بصراحة مو امر سهل اني اخطط للانشغال عن الحمل والتفكير فيه .. كل الظروف تجبرنا على التفكير والقلق والانتظار

فالوحدة تسأل الله الرزق وان يجبر خاطرها انه هو القادر على كل شي

ام صالح ونور · 18-09-2009, 05:58

اقتباس:

المشاركة الأصلية كتبت بواسطة بنت ابوها الحلوة

يا حبيبتي

تعبتي حالك كثير

الله كريم يا عمري وان شاء الله الشهر الجاي كلنا حوامل يارب

ياهلا ببنت ابوها الحلوة والعسل كمان
ازيك ياجميل اخبارك واخبار مزاجك ايه ونفسيتك واهم حاجة النفسية
ان شاء الله ربنا يكرمك بالحمل الشهر الجاى انتى وجميع اخواتى وحبيباتى المشتاقات للحمل
اما انا زوجى مسافر مش موجود معايا مفيش ليا نصيب الشهر الجاى ولا اللى بعده
لما ييجى ان شاء الله كده بالسلامة ربنا هيكرمنى بإذن الله
وكل سنة وانتى طيبة ياقمر بحلول عيد الفطر المبارك اعاده الله عليكى بالخير واليمن والبركات

ام صالح ونور · 18-09-2009, 06:08

اقتباس:

المشاركة الأصلية كتبت بواسطة ســحايب

فعلا نسيان الحمل من الاسباب الفعاله للحمل بعد الله

في المرتين اللي حملت فيهم كنت ناسيه موضوع الحمل والتفكير فيه تمااااما ومنشغله بامور ثانيه بحياتي لدرجة ان الدورة تاخرت عن موعدها حوالي الاسبوعين وانا مو منتبهه

لكن بصراحة مو امر سهل اني اخطط للانشغال عن الحمل والتفكير فيه .. كل الظروف تجبرنا على التفكير والقلق والانتظار

فالوحدة تسأل الله الرزق وان يجبر خاطرها انه هو القادر على كل شي

اهلا بيكى اختى سحايب
حاولى بقدر المستطاع انك تبعدى عن القلق والتفكير والانتظار
حاولى ياحبيبتى
وانتى لاحظتى بنفسك الكلام ده لما نسيتى موضوع الحمل ومبقتيش تفكرى ربنا كرمك بالحمل
فإنتى حاولى تنسى
وربنا يكرمك يارب ويرزقك بالذرية الصالحة
آمين يارب العالمين
وكل سنة وانتى طيبة بمناسبة حلول عيد الفطر المبارك اعاده الله عليكى بالخير واليمن والبركات

ميمي الامورة · 18-09-2009, 15:48

الله يرزقنا جميعا بالذريه الصالحه

ام صالح ونور · 18-09-2009, 16:57

اقتباس:

المشاركة الأصلية كتبت بواسطة ميمي الامورة

الله يرزقنا جميعا بالذريه الصالحه

اهلا بيكى اختى ميمى الامورة
يارب يرزقنا جميعا بالذرية الصالحة
آمين يارب
وكل سنة وانتى طيبة ياحبيبتى

ام صالح ونور · 22-09-2009, 15:21

السلام عليكم
انتوا فين يابنات مفيش حد بيشارك فى موضوعى ليه
يلا يابنات نتكلم مع بعض ونحكى وكل واحدة تقول متأخرة فى الحمل قد ايه
يلا يابناااااااااات انا منتظراكم علشان ندردش مع بعض
وكل سنة وانتوا طيبين ياحبايبى

كبرياءفتاة · 22-09-2009, 15:38

الله يرزقني واياكم الحمل السليم
ربي يفرحك يا ام صالح ونور وتجيب لنا احلى صالح ونور
بالنسبه لحكاية اللبن الزائد
اتوقع اني اعاني حتى انا منه بس سؤالي هوا زيادة اللبن يلخبط الدوره ويمنع الحمل

ان راجعت الدكتوره قبل كم يوم قالت لي عندك التهابات وهيا سبب منع الحمل عندك

انا متزوجه ليا سبعه شهووور
وزوجي مو راضي ينسى موضوع الحمل
كل ما اقوول له لاتفكر بموضوع الحمل
يسكت يومين
ويرجع يذكرني فيه

الله يرزقنا بالحمل السليم المعافى
ياااااااارب

ام صالح ونور · 22-09-2009, 15:55

ايوة ياحبيبتى كبرياء
الدكتورة قالتلى ان اللبن هو السبب فى عدم تنظيم الدورة عندى
وهو السبب ايضا فى تؤخر الحمل
وخدى بالك ان الالتهاب كمان سبب فى تؤخر الحمل ايضا
فلازم ياحبيبتى تتعالجى من اللبن ده والالتهاب
ضرورى تكشفى

كبرياءفتاة · 22-09-2009, 15:57

انا دحين استعمل علاج
ين الدوره القادمة
وطبعا ممنوعه من المعاشره
ربي يصبر زوووجي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)