عالم الحياة الزوجية - منتدى

عطر الحبايب · 17-09-2009, 20:39

ياشباب انتم كذا والابس هو ؟
يابنات مو اذا جاك خطيبك ولا بعد مزعجك بالتفلون مشتاق ومن هالكلام المفروض اذا جاء يجيب معاه هديه بسيطه لها او اي شي او حتى ورد صح مو يجي ويده فاضيه
كل البنات يجونهم ازواجهم ويدلعونهم مو مثل حالتي وهذا لسه توني ملكه وماشفته بس مرتين ازواج اخواتي كل مابغو ا يجون يجبون عطر او ورد او كيكه صغيره او خاتم الا هو انا والله ماهمني بس حسيت ان باهانه قدام اخواتي حسيت ماقدرني هو بس كلام حلو خذ حسيت اني اقل من اخواتي والله مقهوره شكله بخيل مره وحسيت اني توهقت معه اكره شي الرجل البخيل

احسه انه يعرف السنع بس يستهبل

أبو فيصل · 17-09-2009, 20:48

مو شرط يااختي

تعوذي من أبليس مو معناتة ماقدم لك شئ بأيام الملكة معناتة بخيل

في ازواج قدمو لزوجاتهم أيام الملكة هدايا وحركات ودلع

ولما تزوجو ماقدو شئ يذكر من تلك الهدايا

فيمكن زوجك كريم بس انه له ظروف
او خجلان او او انا ماادري عن ظروفة

لكن إن شاءالله يعوضك بأيام الزواج

والله يوفقكم وعيدكم مبارك

زوج جنتل · 17-09-2009, 20:49

اول شي ع البركه

وبالنسبه لهالشخص قد لا تكون المسأله مسألة بخل بقدر ماهي مسألة عدم معرفة كيفية التعامل مع الجنس الناعم

يعني يمكن ازواج اخواتك عندهم خبره سابقه

اما زوجك اتوقع والله اعلم انه حبيب ولا عنده خبره . . حده ربعه بالاسراحه

عوافي

realylive · 17-09-2009, 21:48

للقسم المناسب

TERYKOAZ · 17-09-2009, 22:00

لا لاتحكمين عليه من هالاشياء انه بخيل

انا اتوقع فكرته انه مايهدي الا اذا فيه مناسبة

او انه ماراح يهديك شي الا عليه القيمة

وكثير تتبادر لذهنه يجيبلك حاجة بس يمكن يقول في نفسه لا ماتليق او انها رخيصة ماراح تقدرينها

وانتظري انتي لسى لك يومين من شفتيه بعد الملكة .. لا تنقهرين ولا شيء ولا تفكرين بالهدايا

وخواتك ماعليك منهم ياما ناس هدايا واشياء غالية ومن داخل تحت السواهي دواهي

فلاتستعجلين عليه وان شاءالله ربي يرزقكم السعاااااادة دنيا وآخرة

واذا تبغين تعودينه على انه يقدم ولو البسيط انتي بادري يمكن يخجل يجيبلك اشياء بسيطة

وبالتوفيق

عطر الحبايب · 18-09-2009, 02:11

هو يعرف هالحركات احسن مني بس شكله بخيل هذا حسيته من سواليفه عن حياته ياربي وش اسوي اكره الرجل البخيل

حبيبة حماده · 18-09-2009, 02:39

مشكوره خية على الطرح الظريف

الله يوفقك

كـلـي حـركات! · 20-09-2009, 01:07

خخخخخخخ عطينا شي ثاني يدل ع انه بخيل

كلي حركات!

شرقيه وبس · 20-09-2009, 04:27

اقتباس:

المشاركة الأصلية كتبت بواسطة أبو فيصل

مو شرط يااختي

تعوذي من أبليس مو معناتة ماقدم لك شئ بأيام الملكة معناتة بخيل

في ازواج قدمو لزوجاتهم أيام الملكة هدايا وحركات ودلع

ولما تزوجو ماقدو شئ يذكر من تلك الهدايا

فيمكن زوجك كريم بس انه له ظروف
او خجلان او او انا ماادري عن ظروفة

لكن إن شاءالله يعوضك بأيام الزواج

والله يوفقكم وعيدكم مبارك

انا اتفق مع الاخ ابوفيصل الله يحفظه

والله يوفقك ياختي ويسعدك

moon_14 · 20-09-2009, 05:04

يمكن ظروفه على قده اهم شي تعامله الامور الماديه لاتزود ولا تنقص اذا فيه اختلاف او عدم تفاهم

صاحب السمو · 20-09-2009, 05:08

بسراحه معك حق تزعلين
بس حطي فباللك يمكن الولد مستحي ولا خايف من اهلك=الناس اجناس

وبعدين صبر العيد توة من بعد الصلاة انتي دقي عليه وعايديه

وبعدين انتي اهديتي له ؟؟؟؟

سلطان الفنان · 20-09-2009, 05:54

ما تدرين وش ظروفه يمكن المهر قص ظهره ومطفر للاخر
او يمكن جاهل وما يدري عن هالاشياء او يمكن يخجل من تقديم شي بسيط فما يجيب

هو ممكن يكون بخيل وانتي اسالي عنه عاد واكيد الناس واصحابه يعرفون
خبري اخوك او ابوك يسال عنه وربي يوفقك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياخاطب وش تقدم لزوجتك بايام الملكه ؟ زوجي بخيل او ايش مقهوره