عالم الحياة الزوجية - منتدى

THE SKY COLORS · 20-09-2009, 00:05

السلام عليكم ورحمه الله وبركاته ..
كيف الحال ؟؟
كل عام وانتو بالف صحه وسلامه يارب ..

والله مدري ايش اقول
الحمد لله مرتاحين ومبسوطين بس عندنا ولد اختي رايح لاولى متوسط الصراحه اللولد هذا شقي بكل ماتحمله الجمله من معنى
امه اليوم عندنا تصيح ..
عنده اخت اكبر منه بثالث متوسط اخته الكبيره طايح فيها ضرب بالليل والنهار ومايحتاج اقولك ضرب العيال كيف يجي !!
المشكله انهم هزءوه عاملوه بالحسنى كل شيء يخطر في بالكم عاملوه فيه بس مافي فايده !!
الزعل : زعلو عليه ولا عد صارو يكلمونه ..
والمدح : مدحوه من راسه الى رجله ..
مدارس ماقصور معه احسن المدارس
هو الحمد لله مو مثل الاولاد اللي يلعبون الكوره بالشارع ويتأثرون بكل من هب ودب
بالعكس الولد عند افلام كرتون 24 ساعه
اذا بغى يطلع راح لعيال عماته او عيال خواتي الثانين يعني ماهبل فيها باشياء ثانيه
اذا بغى يلعب كوره ولا كذا كل شيء بالبيت مايحب يروح للاسواق يلعب هناك مثل باقي البزران يتضايق من يوم هو صغير
يحب يجمع عيال عمانه او خواله او يروح لهم وكل شيء يصير تحت عين امه يعني مؤدبين ومحترمين
بس عنده الضرب والعصبيه شيء فضيع !!
قسم بالله ان ضربه يعور مره جربت امسكه عن اخته لايضربها والله انه عورني لانه كان يرجف !!
صارو يتحاشونه تخيلو خواته مايتكلمون معه الا بالشيء القليل يخافون يضربهم !!
وعلى اي شيء يبكي ..
امه اليوم تقول قمت العصر لقيت البنت مجروحه يدها ضارب فيها كاس قزاز .. تخيلو !!
وجايتنا وهي تحكي لنا قعدت تبكي !! تدعي عليه تقول ان شاء الله تنكسر يده بس عشان يكف يده شوي تقول ابي يلفونها له لو على الاقل اسبوعين !!
مررررررره مأذيهم !!
وابوه ماعنده اسلوب الضرب نهائي يقول انا مااضرب
امه تقول لو ابوه يرفع عليه العقال مره ويوريه شلون الضرب كان تأدب بس عشان ابوه ساكت له
صار بالايام الاجازه يأخذه معه للدوام ويعاملونه كانه رجال .. وهو اسم الله عليه كأنه كبير بس فيه هالعيب انه يده طويله وعصبي ..
وش السوات معه ياناس !!

كلـ‗‗ـي جـ‗_ـرووح · 20-09-2009, 00:32

كل عام وانتم بخييير

اختي الكرييمه

الحل

1- ودووه لشيخ يقراا عليه .

2- ابوه هو المسوول عنه لابد انه ياخذه معاااه ويطللعه من البيت ..

بالاخيرر نجد ان السبب هو الواالد

يطلعه معااه برااا احححسن

طفل فيييه طااقه وين يفررغها بخوااته طااااخ وطييييخ

بس ماعليه تحملوووه هاذا ولد

الله يصلحه يارب

تقبلي مروري لكي تحياتي

سلطان الفنان · 20-09-2009, 00:41

اللي زي كذا ما ينفع له الا رجال
كلمي خال او عم او اي قريب رجل في العيله
ويعيطه ذيك العلقه اللي ما ينساها طول عمره
ويعرف ان الله حق لاحد يقول الضرب مو وسيله للتربيه
مع هالولد تراه وسيله لانه استخدموا معه كل شي
وكل ما فكر يرفع يده على اخته ردوا له علقه قويه وساخنه
عشان يعرف ويخاف لان اللي مثله الطيب ما نفع معه
فالمعامله بالمثل هي افضل الحلول

ودخلوه نادي رياضي او تحفيظ قران وفرغوا الطاقات اللي فيه
والاب وينه اذا مو قادر يربي اولاده لا يخلف ولا يتزوج
رجال اخر زمن بس

ربي يسهل عليك يارب

مفقـودة الهوية · 20-09-2009, 00:46

كان عندنا عيال في الدار كذا
مرة ضربهم يعور وإذا زعلوا وقاموا على أحد بيضربونه
تجيهم حالة قوة غير طبيعية ورجفة ويدينهم تصير كأنها حديد حتى الأمهات يصيرون مايقوون عليهم
عاد ترى مرض نفسي أو عصبي هذا المرض وله علاج بالمراكز النفسية
المفروض مودينه ومعالجينه فترة مؤقتة وبعدين بيترك العلاج ...
أعرف كذا واحد أخذ هذا العلاج وصار تمام ...
الله يشفيه ويعافيه

THE SKY COLORS · 20-09-2009, 00:47

اقتباس:

المشاركة الأصلية كتبت بواسطة كلـ‗‗ـي جـ‗_ـرووح

كل عام وانتم بخييير

اختي الكرييمه

الحل

1- ودووه لشيخ يقراا عليه .

2- ابوه هو المسوول عنه لابد انه ياخذه معاااه ويطللعه من البيت ..

بالاخيرر نجد ان السبب هو الواالد

يطلعه معااه برااا احححسن

طفل فيييه طااقه وين يفررغها بخوااته طااااخ وطييييخ

بس ماعليه تحملوووه هاذا ولد

الله يصلحه يارب

تقبلي مروري لكي تحياتي

جت بتوديه امي لشيخ قال تحسبيني مجنون
فيني جني انا !!!
تخيل ؟؟ وغلط على امي مع انها جدته
وراح مره ولا راح مره ثانيه يقول تفل علي الحرمه ..
وابوه مستحيل يوديه لشيخ !!
ابوه والله ماقصر معه
ياخذه معه كل جمعه لصلاه اجباررررررري بعدين يروح يسلم على جدته
الاربعاء والخميس عندنا وماشاء الله مع العيال ..
وايام الاسبوع يروح احيانا لعماته
بس هو كريه مايتقبل اي احد ولا اي بزر يمشي معه ولا اي طلعه مع ابوه تعجبه ..
يحب يقعد مع الناس الكبار
يعني يوم كان يروح مع ابوه للدوام مبسوووووط ومكيف ..
بس بعدين مل
ماندري وش نسوي معه
هو فيه طاقه وفجرها في امه وخواته ..

ملاك ملوووك · 20-09-2009, 00:51

انا مع كلي جروح، اول رد لك على موضوعك... الله يهديه يارب ...

THE SKY COLORS · 20-09-2009, 00:52

اقتباس:

المشاركة الأصلية كتبت بواسطة سلطان الفنان

اللي زي كذا ما ينفع له الا رجال
كلمي خال او عم او اي قريب رجل في العيله
ويعيطه ذيك العلقه اللي ما ينساها طول عمره
ويعرف ان الله حق لاحد يقول الضرب مو وسيله للتربيه
مع هالولد تراه وسيله لانه استخدموا معه كل شي
وكل ما فكر يرفع يده على اخته ردوا له علقه قويه وساخنه
عشان يعرف ويخاف لان اللي مثله الطيب ما نفع معه
فالمعامله بالمثل هي افضل الحلول

ودخلوه نادي رياضي او تحفيظ قران وفرغوا الطاقات اللي فيه
والاب وينه اذا مو قادر يربي اولاده لا يخلف ولا يتزوج
رجال اخر زمن بس

ربي يسهل عليك يارب

هنا المشكله خوال للاسف ماعنده يعني انا ماعندي اخوان ..
وعمان مستحيل يرفعون يدهم عليه وابوه موجود .. صح او لا !!!
المشكله تحفيظ مايبغى حاولو فيه
نادي يدخل نادي بس اليوم اللي مافيه نادي تعال شف انواع الهواش في البيت
يعني اللحين رمضان مبطل نوادي تعال شف فرد العضلات شلون !!
كان قبل يدرس بمراكز صيفيه اللي من العصر الى الساعه 10 بالليل اهله ارتاااااااااااحو بس اول ماخلص رجعت حليمه لعادتها القديمه ..
ابوه والله مايقصر معه بس لحد اللحين مو مقتنع بسالفه الضرب ..

THE SKY COLORS · 20-09-2009, 00:57

اقتباس:

المشاركة الأصلية كتبت بواسطة مفقـودة الهوية

كان عندنا عيال في الدار كذا
مرة ضربهم يعور وإذا زعلوا وقاموا على أحد بيضربونه
تجيهم حالة قوة غير طبيعية ورجفة ويدينهم تصير كأنها حديد حتى الأمهات يصيرون مايقوون عليهم
عاد ترى مرض نفسي أو عصبي هذا المرض وله علاج بالمراكز النفسية
المفروض مودينه ومعالجينه فترة مؤقتة وبعدين بيترك العلاج ...
أعرف كذا واحد أخذ هذا العلاج وصار تمام ...
الله يشفيه ويعافيه

شوفي هو مو مره مؤذي
يعني اقولك حاجه هو يصلي الحمد لله على انه طفل بس يصلي ..
عنده خوف من الله ..
وانا ملاحظه عليه هالشيء لاني مره كنت اشوف برنامج عن الرسول جاء وجلس معي واخذ مني اللنك وجاء يقولي بعد فتره انه شاف كل الحلقات
يعني كووووويس بكل شيء بس الضرب الله يهديه
يضرب على اتفه شيء
يعني وهو صغير كذا اذا كبر وش بيصير
اللي يتعود على الضرب مايقدر بعدين يكف يده !!
ومااعتقد ان اهله يودونه لمركز علاج نفسي مسسسسستحيل ..

محب الحرية · 20-09-2009, 01:01

وامة ليش ماتطقة

قسم بالله كنت ما اصحى للمدرسة اذا ناداني ابوي
لكن امي من اول كلمة افز من فراشي وامشي احياناً وعيوني باقي مافتحتها
لان الوالدة ماعندها الا العجرا

THE SKY COLORS · 20-09-2009, 01:10

اقتباس:

المشاركة الأصلية كتبت بواسطة محب الحرية

وامة ليش ماتطقة

قسم بالله كنت ما اصحى للمدرسة اذا ناداني ابوي
لكن امي من اول كلمة افز من فراشي وامشي احياناً وعيوني باقي مافتحتها
لان الوالدة ماعندها الا العجرا

امه ماتت وهي تضربه ماااااااااااتت
يعني اذا قالت له بضربك يقول يالله مدي اشوف

يعني تعبت معه لدرجه معد لها كلمه عليه من كثر ماتهاوشه ..

woman · 20-09-2009, 01:13

ادعو له الله يحنن قلبه على اخواته

@قصيده شجن @ · 20-09-2009, 01:18

الله يهديه ويصلح خلقه.

هوار · 20-09-2009, 01:22

انه في سن المراهقة .وحين ما يكبر راح اكون عاقل

حبيبة حمووودي · 20-09-2009, 01:23

اعرف وحدة مثلك كذا جننها ولدها بالبيت يكسر ويخرب ويضرب وبحذفه اعووذ بالله لدرجه يفشلها قدام الناس
وده الدكتور وقال هذا معه كهرباء زيادة بالمخ واعطوه علاج والحمدلله
قولي لاختك توديه دكتور يشووفه لانه وضعه مو طبيعي

والله يهديه لامهم ويصلحه لها

طبيب المجتمع · 20-09-2009, 01:25

أبوه يأدبه عشان ما يتمادى إذا كبر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

العيب في ولد اختي ..