عالم الحياة الزوجية - منتدى

مازلت عايش · 20-09-2009, 20:08

السلام عليكم ورحمه الله
هذي اول مشاركة لي في المنتدى وانا ماكتبتها الا بعد ما تلخبطت الافكار في راسي
وابي من الاخوان والاخوات مايبخلون بشورهم وبالذات اصحاب الخبرة... زي ماتعرفون ان الاعوام الي مضت تكبدنا من الخساير ما الله بة عليم ولله الحمد
انا في حقيقة الامر على ايام الاسهم والمساهمات اللة لايعيدها اخذت قرض من البنك على عشر سنوات والمبلغ كان 180.000 الف ريال وطبعا البنك اخذ فوائد في حدود 40 في المئة من المبلغ...انا بأطول عليكم ولكن ابيكم تعرفون السالفة وتعطون شوركم وانتو عارفين وضعي....نرجع لموضوعنا انا ادفع قصد شهري في حدود 2300 ريال في الشهر وبصراحة الراتب عندي في حدود11.000 وساكن في بيت ملك ولكن حسيت اني تعبت من الاقصاد وما راح منها الا اربع سنوات وباقي ست سنوات
المفيد انو امامي فرصة بدخول جمعية لمدة عشرين شهر وبمبلغ 5000 ريال شهريا يعني بمبلغ 100.000 وحابب ادخل هذي الجمعية وآخذها بعد ستة شهور واسدد البنك....بملاحظة:بعد ما اتصلت على البنك قالو بعد خصم نسبة الفائدة وخلافة لازم ادفع مبلغ116.000 ريال واتخلص من القرص والاقصاد
الزبدة....هل تشورون علي اني اغامر وادخل هذي الجمعية؟او هل عندكم شور ثاني؟او ثالث؟
الله يعطيكم العافية شورو علي لإني بصراحة تعبت من التفكير مرة افول بأسدد عشان ارتاح ومرة اقول اخليها تمشي كذا لين الله يفرجها

@..فراوله..@ · 21-09-2009, 01:36

ياهلا بك والله ،، منووور القسم ياوخيي

مرور عاااجل جداَ

بس بسألك قبل :

هل الجمعيه مصدرها موثوق؟؟؟ من معارفك؟؟

أو فيه مجال تلاعب وخسارهـ..!!

//

مازلت عايش · 21-09-2009, 17:25

اقتباس:

المشاركة الأصلية كتبت بواسطة @..فراوله..@

ياهلا بك والله ،، منووور القسم ياوخيي

مرور عاااجل جداَ

بس بسألك قبل :

هل الجمعيه مصدرها موثوق؟؟؟ من معارفك؟؟

أو فيه مجال تلاعب وخسارهـ..!!

//

اشكرك ياوخيتي على مرورك وتفضلك بالرد لإن كثير دخلو ولا قالو اي شي....هذا وانا اطلب نصيحة ببلاش كيف لو كانت بفلوس!!!!!!؟؟؟ هههههه
وكل سنة وانتي طيبة
الجمعية موثوقة ان شاء الله هي عبارة عن مجموعة عن طريق شخص اثق فية وسبق ان دخل هالجمعية ومرتاح معها

@..فراوله..@ · 21-09-2009, 21:22

الله يلعن العدو ياشيخ <<قضى رمضان هع

ساعه متربعه وضارب الحماس شوووط وحاطَه حيلي بالردَ وآخرها فصل أخوي المودم وطيَر أبووو الردَ

أقول هات ريالين أنت وخشتك وأعلمك <<خربت الأخلاق وبتتربح بالعيد ههههههههههههه

يلا هات القهوهـ وأعلمك بشوووري ..

بصصصص ح أقولك حاجه

كخبرتي من حياتنا كضبآان سعوديين

عرفت أن الي راتبه 5000 = الي راتبه 11

قلَ ليه

لانه كل ماصار معك قرووش كل ماطيَرتها على اشياء فاضيه

والحاجات مستحيل تنتهي

يعني ياطويل العمر

دام بيتك ملك الحمدلله ،، 6000 راح تعيَشك عيشه أساسيه مع كماليات بسيطه ،، واراح ينفع معاك بالدين الا انهم ياآاخذون منك 5000 غصبٌ عن خشمك <<متحمسه مع الشرح هههههههههههههههه

طويب

الحين شوري عليك وشووو..!!

قلَ وشوو أبي حماس هع

مو سالفى انك تدخل جمعيه وتسدد وخلاص..!!

لاااااااااااااااااااااع

جب ورقه وقلم واحسب معاي <<ياشينها لا بدَت تفكر وتحمست هههههههههههه

شف ياطويل العمر..

الحين لو قلنا أن الزمن الأساسي المتبقي لدينك 6 سنوات والمبلغ المطلوب منك 116 حلووو

+

الجمعيه راح تآخذ منك 5000 شهرياَ بواقع تقريبي سنتين ..

يطلع فيها 120 ألف

-116 = 4 آلاف <<هذي عاد أختار

أما تعزمني فيها على مفطح والا هاتها أنا أصرَفها ماعليك ههههههههههه

الزبدهـ

الحين نجي للأهم:

الحين راحت سنتين ،، والحمدلله سددنا الدين وأرتحنا

بس انت تعوَدت على انه شهرياَ ينأخذ من راتبك 5000 وأقلمت نفسك على هالظروف
صح قرف وزحمه شوي وأرتباط بسسسس

خلاص تعوَدت

ولاتنسى

نرجع نقول انك مفروض مهيأ نفسك أساساَ ان الدين 6 سنوات

وهذا راح منه سنتين

وبقى 4 يلا هانت

بتقول وش سالفة هالـ 4 سنوات <<معلَقه عليهم ^_^

وهنا الاهم بالموضوع

أبيك ياطويل العمر

تكمل مع الجمعيه 4 سنوات زيادهـ

قلَ ليه

أحسبها معاي

لو حسبنا 4 سنوات * 5000

بيطلع لك تقريباَ

240 الف

والله مبلغ حليووو بقوووهـ

واصلاَ رايح رايح على خرابيط مالها سنع

الحين وضعك كيف <<تخيل بالله <<مسويه أكشن هع

الديون وراحت خلاص

ومعاك 240 الف

مبلغ ممكن تستخدمه مبدئيا بشيئين

اما تشتري شقه وتأجرها وتخليه دخل أضافي شهري

أو تفتح مشروع صغنون فكرته مضمونه وتتربح فيه

وبكذا يرجع راتبك الأساسي لـ 11 + دخل أَضافي من الشقه أو المشروع الي قابل للتوسعه وأدخال ربح أكبر ..!!

وبكذا خلصنا

وأيدك على ريالين

ريال ينطح ريال هههههههههههههههههههههه

وووهـ بس خلصت

هاااهـ شرايك بالخيال الشاطح هع

أبي تقرا الردَ وتمخمخ فيه ،، وتعطيني رايك عشان نتناقش ونوصل لشور يرضيك من كل النواحي

يسعدك ربي

//

مازلت عايش · 21-09-2009, 23:07

الاخت فراولة
الله يعطيك العافية على تجاوبك وحماسك الى مكسر الكي بورد ههههه
خليني اوضح لك واعلق على ردك والله يعينك تحملي.....بالقوة لازم تتحملين اجل ليش مشرفة هههههه\
بالنسبة لإجور النصيحة والاستشارات المالية فهذي بنتفاهم عليها بعدين.....تصريفة بس حكي اول ما تعطيني شورك بأحط رجلي وانحاش ودوريلي هههههه
الراتب قلت لك 11.000 والبيت ملك والمبلغ الحالي اذا قعدت اكد على مدى ست سنوات راح يكون في حدود158.000 والبنك بيعمل لي خصم لنسبة ارباحهم الى ان يوصل 116.000 طبعا اذا دفعت كااااااش يعني بأستفيد حوالي 42.000 ريال ....وصلت المعلومة؟
وبالنسبة لنا الشعب السعودي فهو شعب انعم الله علية بنعمة الاسراف والكماليات قبل الضروريات...هذي من زود البطرة والفشخرة الزايدة....وانا بصراحة ناوي اغير هذا الاسلوب الدخيل على مجتمعنا...مآخذ مقلب اني اذا سددت القرض بأغير المجتمع بس مشيها ههههه
هو صحيك بأتعب في هذا الموضوع في بداية الامر بس اشوف ان مالي الا هيفا....اقصد مالي الا هالطريقة عشان اسدد القرض واقرص على نفسي واعودها على نمط معين وانا معك اني اذا استمريت 20 شهر بأتعود على هذا بس اتوقع اول ماتخلص مدة الجمعية بأخرب ام النظام وراح اقول كم لي وانا حارم نفسي بأبحبحها شوي وترجع حليمة على عادتها القديمة ههههههه بس عندي امل اني بعد ما اشد على نفسي بأتقلم وراح افكر في الاستمرار في تجميد مبلغ 5000 ريل من الحساب الي ينزل فية راتبي واحطة بحساب مجمد لمدة سنتين مثلا

بصراحة افكارك رهيبة وانا مقتنع فيها بنسبة كبيرة بس احتاج وقت افكر واقرر وما استغني من رئي ذوي الاختصاص امثالك واعتقد بعد توضيحي لنقطة الفائدة والمبلغ الي راح اكسبة راح تقولي ادخل الجمعية وتوهقيني هههههه
انا آسف على الاطالة بس حبيت اخلي ردي فية نوع من الفرفشة عشان ما اضيق خلقك...ادري بتقولين دمي خفيف بس قبلك كثير قالوه وتوهقو ههههه
انا في انتظار ردك يا احلى مشرفة

@..فراوله..@ · 21-09-2009, 23:51

أقول خلَ عنك المهايط وابطح قروووشي الحين فيذاآا قرش ينطح سمكه

الا تعال

الحين وش تنتظر ...!! هاااااااااااااهـ...!!

عقب هالحكي كلَه

لو منك لاروح اعطي الرجال 6000 ههههههههههههههههه

الا قصصم يارجال انت يبيلك التزام يجبرك غصب انك ماتصرف

لانك لو قلت بجمع لحالي ،، ماراح تجمع صدقني

بس لو قلت بنفسك من الحين "الـ 6 سنوات الجايَه" كلها التزامات

خلاص ،، غصب عنك بتتأقلم

بلا بحبحه بلا مراصيع يارجال

توَكل بس

أخلص من القرض وبعدين نتفاهم ،، وانا ماعندي مانع اجمعهم عندي<<ناويه تزرفه وتصفَيه ع الحديدهـ ههههههههههههههههه

موفق يارب
//

aziz-aaa · 22-09-2009, 00:22

هههههههههههههههه
في الحقيقة موضوع حلو مهم بالنسبة لمن يريد التخلص من الالتزامات والاحلى منة ردود الاخت فراولة وفية شوي مرونة وفرفشة بس فية فايدة....يازين الواحد يعيد حساباتة ويكوّن نفسة بنفسة بدون قروض واقصاد سيارات
انا من وجهه نظري ان الكلام الي تقولة الاخت فراولة مايحتاج في الصميم... وهاه انا زكيتك عند الرجال لاتنسيني من الاتعاب هههههههه
رح ادخل الجمعية وتوكل على الله وياريت تستخير قبل كل شي وشكلك راح تجي بعد كم شهر تنشب لمشرفتنا وتقول انتي الي وهقتيني بس في النهاية بتعرف ان كلامها ورئيها صائت
بالتوفيق للجميع وتقبل مروري
وتحياتي لمشرفتنا المتألقة

@..فراوله..@ · 22-09-2009, 03:13

اقتباس:

وهاه انا زكيتك عند الرجال لاتنسيني من الاتعاب هههههههه

شف شف شف

ياليل البعارين

يبون يورثوني وانا حيَه هههههههههههههههههههههههههه

أقول اهااا بس

يغلق الموضوع

أنتهى النقاش

<<خافت يكثرون المزكَين هههههههههههههههههه

والله شكلي انا الي بصفى ع الحديدهـ وبطلع من المولق لا حووومص <<لايسمعونتس بس ربع المولق شلون تنطقينها هههههههههههههههههه

منووور يالعزَي

<<قالطه كنه ماضوعها ههههههههههههه

خلاص لاتكرشني رضيت ،، خلهم 2000 هههههههههههه

//

مازلت عايش · 22-09-2009, 16:06

مشكورة يامشرفتنا الغالية على ردك وراح اقول لك الاخبار اول بأول .............هاه لايكون انزنق واجي اطلبك سلف الى آخر الشهر وتقولين ماعندي......هذي بأعتبرها ...
امزح معك الله يسعدك

مازلت عايش · 22-09-2009, 16:10

اقتباس:

المشاركة الأصلية كتبت بواسطة aziz-aaa

هههههههههههههههه
في الحقيقة موضوع حلو مهم بالنسبة لمن يريد التخلص من الالتزامات والاحلى منة ردود الاخت فراولة وفية شوي مرونة وفرفشة بس فية فايدة....يازين الواحد يعيد حساباتة ويكوّن نفسة بنفسة بدون قروض واقصاد سيارات
انا من وجهه نظري ان الكلام الي تقولة الاخت فراولة مايحتاج في الصميم... وهاه انا زكيتك عند الرجال لاتنسيني من الاتعاب هههههههه
رح ادخل الجمعية وتوكل على الله وياريت تستخير قبل كل شي وشكلك راح تجي بعد كم شهر تنشب لمشرفتنا وتقول انتي الي وهقتيني بس في النهاية بتعرف ان كلامها ورئيها صائت
بالتوفيق للجميع وتقبل مروري
وتحياتي لمشرفتنا المتألقة

اشكرك على ردك وعلى الاقل طلعت احسن من بعض الناس الى دخلو ولاعبروني بكلمة ولا حتى قالو الله يعينك وكل ذا خايفين عشان لا اوهقهم واطلبهم سلف هههههههه بس مشرفتنا ماراح تقصر....صح يا ست فراولة؟

@..فراوله..@ · 22-09-2009, 16:59

اقتباس:

بس مشرفتنا ماراح تقصر....صح يا ست فراولة؟

طيب كم تدفع ،، واقول صح؟؟؟ هههههههههههه

اقتباس:

هاه لايكون انزنق واجي اطلبك سلف الى آخر الشهر وتقولين ماعندي......هذي بأعتبرها ...
امزح معك الله يسعدك

اكيد تمزح والا كان ودَيتك للصمعاني يكوي علباتك ههههههههههههههه

قال سلف قال..!!

..

الله يوفقك يارب ،، نشوفك بعد 6 سنوات هههههههههههههههههههه

موفق ،، ربي يسعدك

//

مازلت عايش · 22-09-2009, 19:15

بأدفع لك عيوني ههههههه واحد يبي يحرجك.........اقول قولي صح ولا تنقدينا مع الرجال
تعالي اش سالفة (للصمعاني يكوي علباتك) !!!!؟؟؟؟
وتبين اقطع المنتدى لمدة ست سنوات؟ والله ما اقطعة وقاعد لك وبأتم اقرا مواضيعك الحلوة وردودك الزينة
الله يسعد قلبك وربي انك مشرفة فلة مو زي باقي المشرفين احس انة ماسك شاكوش ويضرب على الكي بورد من زود العصبية هههههههههههههه

@..فراوله..@ · 22-09-2009, 19:54

هههههههههههههههههههههههه وانت الصادق عجرهـ فووول أوبشن ههههههههههههه

وبعدين عيونك وين أصرفها ذي..ََ!!

الصمعاآاني هذا ياطويل العمر

شايب من أعماق ابو القصيم عايش بالرياض منذووو مبطي

يقشع شعرك ،، وبعدين يحمَي الصاج هههههههههههههههه

ويلسعك لسعه مع علباتك <<نهاية رقبتك

لين تعرف أن الله حق ،، وترجع للسراط المستقيم هههههههههههههههههههههههه

أسمع بصراحه الشرح النظري مايصححححش

وأنت رجال ماعندك الا الدجه الحين <<مطفر وعليك ديون

أنبطح يارجال واصبر أنادي الشعب يفزعون ،، يثبتووون كراعينك ،، وابشر بالَي يحمي الصاااج ويحط علامات فارقه بجبهتك ههههههههههههههههههههههههههه

//

مازلت عايش · 24-09-2009, 20:28

اقتباس:

المشاركة الأصلية كتبت بواسطة @..فراوله..@

هههههههههههههههههههههههه وانت الصادق عجرهـ فووول أوبشن ههههههههههههه

وبعدين عيونك وين أصرفها ذي..ََ!!

الصمعاآاني هذا ياطويل العمر

شايب من أعماق ابو القصيم عايش بالرياض منذووو مبطي

يقشع شعرك ،، وبعدين يحمَي الصاج هههههههههههههههه

ويلسعك لسعه مع علباتك <<نهاية رقبتك

لين تعرف أن الله حق ،، وترجع للسراط المستقيم هههههههههههههههههههههههه

أسمع بصراحه الشرح النظري مايصححححش

وأنت رجال ماعندك الا الدجه الحين <<مطفر وعليك ديون

أنبطح يارجال واصبر أنادي الشعب يفزعون ،، يثبتووون كراعينك ،، وابشر بالَي يحمي الصاااج ويحط علامات فارقه بجبهتك ههههههههههههههههههههههههههه

//

الإ يصلح النظري خلالالالالالالالالالاص فهمت
وما يحتاج علامة فارقة انا معروف خخخخخخخ
ربي يسعد ك ويحفظك

الوفاء أمل · 26-09-2009, 03:47

انا مع فراوله في كلمه قالتها وحسبتها دقيقه وحلوه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اقلطو وعطوني شوركم