عالم الحياة الزوجية - منتدى

شفتك عشقتك · 23-09-2009, 08:16

مرحبتين كبار كبار حبايبي .....

ببدا بالموضوع مباشره انا لي علاقات مع بنات المهم فيه بنتين يمكن لي سنتين معاهم تعلقت فيهم كثير والباقيات عادي عندي بس انا ماخذ عهد اني اذا خطبت منب مكلم اي بنت من الي اعرفهم وخلاص بظيط عمري الان لي شهرين مقفل جوال الي يعرفونه البنات ومطلع جوال ثاني ما يعرفه الا اهلي وجماعتي المهم انا طبعا ما اكلم خطيبتي لن الزواج مو بعد فتره قريبه الزواج يمكن بعد سنتين المهم انا تعبت اشتقت لصحباتي وطبعا انا سحبت عليهم سحبه مره وحده بدون ما اعلمهم ليه المهم انا حذفتهم من الايميل بس بدت تجين رسايل على البريد رسايل تقطع قلبي عليهم بس عجزت اصبر ولا ابي ارجع لهم ابي شي يلهيني عنهم ؟؟ ومادري والمشكله كل ما طلعت لمول غصب انجذب من البنات وتحصل مواقف تعارف بس اصرف نفسي واحاول اذا رحت اي مجمع اطالع بطريقي عجزت اغير حياتي ما يرفع ضغطي الا اذا جت بنت وتحرشت فيك احس ماودي اطيره .. ابي انسى شي اسمه علاقه ومو عارف .. بعض الايام اصرف نفسي اتصل على اختي اسولف معه اختي تقول مو من عادتك تتصل وتسولف .. مادري احس اني ادمنت شي اسمه علاقه..... لو سمحتو لحد يقول كلم خطيبتك لني شايل الفكره من راسي لن احس اذا طالت فتره الخطبه مكالمات تصير مشاكل وانا انسان جوي متقلب وراعي سحبات عادي لو تتصل علي ما ارد ولا اكلمه الا اذا طنت معي فلذا مابيه تاخذ فكره عني اني مو مهتم فيها بس افكر قبل زواجي بشهر اكلمه واضبط وضعي معه .. ياالله ياربي تهدين وتبعدين عن طريق الحرام

نبـ الروح ـض · 23-09-2009, 08:25

*
آآمين الله يهديك
بس بقول شئ مو لك للبنات اللي يرضون على انفسهم يكلمون شباب
شوفوا نهايتكم
اذى الرجال لقى رزقه الحلال صرتوا ماضي بلمح البصر
سؤال خطيبتك تدري عن سوالفك ؟
خواتك وامك يدرون ؟
نصيحه كل مازين لك الشيطان الشر تعوذ منه وتوضئ وصل ركعتين
قلل من الطلعات للأسواق وان طلعت اطلع مع محارمك
ربي يثبتك ويتوب عليك
وليتك تكون نادم على الماضي
لان التوبه ماتنفع الا بالندم والاقرار بعدم الرجوع للذنب
استغفر كثير ان شاء الله ربي يغفر لك
وعسى بس ربي مايعاقبك باهلك
*
في حفظ الله

شفتك عشقتك · 23-09-2009, 08:30

طبعا خطيبتي ما تعرف ولا ابيها تعرف لن ما ابغى ازرع الشك فيها .... وبالنسبه عن اهلي مافي احد يعرف الا اختي الكبيره وطبعا هي كل يوم معطيتني محاضره بس حمدلله اختي ما تعلم وقايلها لحد يعرف بالموضوع ..

woman · 23-09-2009, 08:42

الله يصلحك
من شب على شئ شاب عليه
لاتقول ودك ترجع هذا الشيطان يوسوس لك مادام سحبت لاترجع للوراء
تجنب اماكن تواجد البنات اشغل نفسك بالرياضة , الزيارات ,العبادة
الله يتوب عليك

كشتي سر سعادتي · 23-09-2009, 09:06

هع هع
والله لو تتكلمون الى بكره ابو طبيع مايجوز عن طبعه
حتى لو تركتهم الحين اتوقع ترجع لهم بعد الزواج لما تمل من زوجتك
الزير سالم
مابي احطمك بس اعتبر كلامي هذا تحدي لك
اكيد انا ماراح اشوف وش صار لك بعدين
لكن اعتبره تحدي بينك وبين نفسك هع هع
بس توقعاتي زي ماقلت بالبدايه خخخخخخ
عارفه انك بتعطيني كلام قوي هههههه
بس مدري اكره الشباب اللي يغازلون بعدين يقولون اذا تزوجنا تبنا نصابين
المفروض تاخذون لكم وحده تغازل بعدين تابت عشان تطقمون ^_^
واسفين على الهياط
بس وش اسوي يدي هي اللي كتبت مو انا
se ya

شفتك عشقتك · 23-09-2009, 09:15

^ اقول اختي كشتي الله يكفينا شرك بس ... انتي مثل اصحابي والله جاني احباط منهم يقلون مردك لهم وبترجع تكلم اكثر من اول بس بأذن الله ربي بيبعدني عنهم .. وبعدين ابي استفيد منكم مو تحطيمين فيني ..

نبـ الروح ـض · 23-09-2009, 09:20

*
الله يهديك ياكشتك سر سعادتك
قولي خير الله يجزاك خير

على العموم صاحب الموضوع
تبي تبعد عن هالسوالف غير صحبتك وحولها لصحبه صالحه ولين ثبت اسحبهم للخير
وحافظ على صلاتك بالمسجد جماعه وخصوصا الفجر
ربي يثبتك

شفتك عشقتك · 23-09-2009, 09:25

^ شاكر لك اخوي نبض الروح ..

شبيهة حليمة بولند · 23-09-2009, 09:39

اخوي ربنا يهديك ادعي ربي دايما ان يصرف قلبك عن الحرام انا زمان كنت عاشقه الاغاني وكنت ابغى ابطلها

بس اني ابغى اسمعها فقلت ماعندي حل الى اني ادعي ربي فكنت دايما في سجودي اقول يارب ابعد قلبي عن

كل شي يغضبك وسخر قلبي لمايرضيك وتقريبا جلست شهر وااحمدالله بعدت عن الاغاني برغبتي وبقتناع وكرهتها

وتذكرت ان من ترك شيا لله عوضه الله خيرا منه والله العظيم ماتصدق قد ايه هذيك الفتره كنت في قمممممممه السعاده

لاني تركتها لوجهه الله انت الحين خاطب وراح تدخل حياه جديده ومسؤوليه احمدربك غيرك يتمنى من الشباب الزواج

ولااستقرار فعشان تعالج نفسك ادع ربك بقلب صادق وحط ببالك ان انا بترك هاذي العلاقات عشان ارضي ربي وخلي

هاذي الجمله ببالك ان من ترك شيا لله عوضه الله خير منه وذا كانت نيتك صادقه مع الله صدقني ربي مايخيبك وراح تشوف

الخير في حياتك لانك طلبت رضى الله فارضي الله عنك ون ثم ارضاك وياخوك والله هاذي الحياه ماتستاهل الذنوب الي نسويها

لانك اذا انحطيت في قبرك محد بيساعدك لاالبنات الي تعرفت عليهم ولا احد راح ينفعك سوا شي واحد وهو عملك الصالح

نحنا الحمدلله باقي عندنا فرصه للتوبه وباب التوبه مفتوح فلنسارع بتوبه قبل مايغلق هاذا الباب وندم حيث لاينفع الندم

الله يهديك ويهدينا اجمعين يارب ياكريم

دنياغريبه · 23-09-2009, 09:42

الله يهديك ويصلح حالك...اشغل نفسك بالعبادات

شفتك عشقتك · 23-09-2009, 09:42

مشكورهـ اختي شبيهه حليمه ؛؛

شفتك عشقتك · 23-09-2009, 09:43

وانتي ايضا اختي دنيا غريبه اشكركم من كل قلبي ...

كشتي سر سعادتي · 23-09-2009, 09:48

ههههه معليش اعذرني منقهره من التماسيح خخخخخ>> تصرف
بس مو قهر وش ذنب البنت تاخذ واحد قد سمع صوت بنات غيرها
ليش ماتكون هي اول وحده يسمع صوتها مثل ماهو اول واحد تسمع صوته
>>> افلقوني اذا فهمتوا شي
المهم اذا انت جد ناوي تغير اسلوب حياتك صدقني مافيه احد راح يحطمك حتى لو حط لك خمس صفحات محاضره هع هع
يعني اللي عنده عزم انه يسوي شي راح يتغلب عل كل شي
والي خرطي بس كلام مصيره يرجع لسوابقه
وبعدين ليش تقفل جوالك على قولتك
المفروض اذا صدق تبي تعقل وتثقل ارمي الشريحه كسر ام امها
وانسى البنات مو كل شوي تقول اشتقت لصاحباتي والله يبي لك كف>>> عصبت
هذا وانت بتعرس تقول صاحباتي اقول اهجد واقعد فكر في زوجة المستقبل
وحتى ايميلك كنسله وسوي ايميل جديد ولاتضيف الا التماسيح ^_^
لكن دام انك واقف عالاطلال وتتفرج على رسايل صاحباتك ابطت التوبه هع هع
واسفه على الاطاله
واذا طلعت كلمات غبيه مني بعد اسفه انا لما اجي اكتب شي انسى نفسي ومشوار اقعد امسح الخطأ هع هع
se ya

نبـ الروح ـض · 23-09-2009, 09:53

*
ههههههههههههههههههه الله يسعدك ياسعادتك بكشتك لايكون بعد هذى غلطه
وماحبيتي تمسحينها لانها مشوار << سوري من صاحب الموضوع
جبيتس يا ام كشه

نبـ الروح ـض · 23-09-2009, 09:54

اقتباس:

المشاركة الأصلية كتبت بواسطة شفتك عشقتك

^ شاكر لك اخوي نبض الروح ..

*
ويحي كل هالفوشي وهالبنفسجي واخوي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اريد مساعدنكم .. .. منجد تعبت