عالم الحياة الزوجية - منتدى

جودي/ · 23-09-2009, 10:40

بسم الله الرحمن الرحيم

تقدم لي واحد من جماعتنا اول ماقالت لي امي قلت وعيه من زينه <<< مغروره خخخخ

طبعا مافيه شئ ينحب وينهضم ابدن ابدن

وخايفه من بعض الأمراض الوراثيه اللي فيه وياكثرها سؤا اخلاقا او خٌلقا

وغيره انه بالدين مش ولااابد اخلااقه حليوه وطيوب

وغير فيه شئ عظيم اني كنت اكررهـه ومأرتاح له واحب اخوه حتى اهلي كانو يقولون لي

مانزوجك الا خالد اللي هو اخوه ولا هالعااايله ماتنقرب لكثرة عيوبها

وكنت شايله براااسي فكرة الزواااج منهم بتاتاً لأن لنا تاااريخ عظيم من الغثا والهم معاهم

المهم قلت لأمي افكر وامي طااااحت مدحهم فيه وبعايلته اللي كانت ماغير تسبهم مادري ليه حبتهم هالحين

وتمدح لي لين صكت راسي وقلت زين يصير خير امه دقت على امي وقاالت اني موااافقه وانا قولت واافقت ماطلعت مني سكت وتقبلت الوضع وكلن يهني ويبااارك لي وانا استخرت وارتحت له

بس مااازلت افكر بالرفض وخاايفه اني اسبب مشكله كبيرره

وش رايكم اقوول مأبيه والمشكله كلنا درى اني مخطوبه له

يعني فيه مجال اررنفض من الكل

وانا مؤمنه ان الأرزاق بيد الله وكل شئ مقدر ومكتووووب

تكفون ردوا علي مأنا قادره اشاور غيركم

abo.saud · 23-09-2009, 11:08

انتي تقولين استخريتي خلاص الله بيقدم لك الخيره ان كان فيه خير
بتكملين وان ماكان فيه خير الله بيصرفكم عن بعض

!!..رعبوب..!! · 23-09-2009, 11:13

ياشيخة بس مادام هذا كلامك الله يعين ..
تبينه تزوجيه يازينك وانت تقولين اتزوجه
وانا احب اخوه ... استحي على وجهك .!

جودي/ · 23-09-2009, 11:29

ابو سعود
مشكور الله يسعدك على مرورك

غيث
لاتفهمه حب حب بس من زود مأهلي يعلقوني فيه قلت إن إن حصل ارتباط بهالعايله ماأخذ غير ذا خالد

والله كتب لي وتقدم ذا الخطيب

ويممكن صدق اني مأستحي على وجهي !

يارب يسر لي امري ياااارب

مهندس التطوير · 23-09-2009, 11:32

عذرا على الكلام اللي باقوله لك
عملية الزواج هي قسمة ونصيب و لكن في وضعك الزواج نسمة وتطير
ردة فعلك عن مستقبل زواجك واضح من البداية ... شخص غير مرغوب فيه و ...و.....و
ذم في الخلق ومدح بسيط في الأخلاق
و تحبين اخوه ....... هذا مكمن المشكلة
اجلسي مع نفسك و بتحصلين ان قبولك بالخاطب قبول غير حقيقي
قبول باطني للقرب من اخوة
صحيح احنا بشر واحيانا تصرفاتنا تعكس اللي بداخلنا واحنا ما ندري
نصيحتي لك اذا كنت مهتمة
ان تنهين هذا الارتباط في اسرع وقت
تحججي بانك فجأة كرهتية
ابكي عند امك وقولي خلاص ما ابيه .... حركات البنات المعروفة

قربي شوي واعطيني اذنك

شوي بعد

تسمعين زين؟

ومن يتقي الله يجعل له مخرجا ويرزقه من حيث لا يحتسب

تمنياتي لك بالتوفيق

جودي/ · 23-09-2009, 12:14

مهندس التطووير

الله يووفقك على كلامك الطيب والله يكتب اللي فيه الخيررر

علما ان اخوه خطب وانتهى بس مأدري ليه فكرت بهاالحب ذا الحين

يااارب رحمتك الله يكتب الخير

همس الحناين · 23-09-2009, 12:35

هلا اختي الغاليه

انا اقول لج استخيري مره ثانيه و ثالثه و حتى رابعه

ما تدرين يمكن هذي الشخص اللي تبين ترفضينه وايد احسن من غيره

وفكري اختي وايد قبل اي كلمة تقولينها

الله يوفقج ان شاء الله

جودي/ · 23-09-2009, 12:41

همس الحنااين

مشكووره الله يسعدك ويريح باالك
دايم اقول لنفسي هذا الكلام

يعني احس فيه قبول رباني لهالموضوع

من جنبها · 23-09-2009, 15:10

والله مشكلة امك دام اول كانت تسبهم واللحين غيرت رايهاا غريبه

انا اقول الله يعينك وترا الوضوع يبغاله تفكير وصبر شوي مدام انك شاكه في وضع الرجل

وماتعرفى اخلاقة وصفاته وتعامله وغير كذا اللى هو اهم علاقتكم مع اهله

اصبري شوي واخاف امك بكره توهقك مع الرجال وتصير بينكم مشاكل

بعض الامهات يبغون الفكه ويزوجون بناتهم باي وسيله\\

وبتوفيق

ابعاد من الافق · 23-09-2009, 15:21

السلام عليكم ورحمة الله بركاته

بصراحة الجانب السيء في شخصية خطيب

طافي على الجانب الطيب

وبعدن اهم شي الدين اذا الدين ما في او مو تمام

ترى الاخلاق تكون مافي او تكون مجرد مجاملات

في عندك اسباب قوية انك ترفضيه

والله يعطيك الا حسن منه

وكمان تنفصلي عنه وانتم في فترة الخطوبه

ولا تنفصلي عنه بعد الملكه

ودا رأيي الشخصي

الله يهديك للخير

دمتي بود

اختك : ابعاد

مالي سواك يا الله · 23-09-2009, 15:37

عليج بالاستخاره

وربي يسهل دربج

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش رايكم اررفضه وأرتاح