عالم الحياة الزوجية - منتدى

...الدنيا... · 24-09-2009, 01:24

هلا خواتي أنا عندي عيال الحمدالله بنتين وولدين بس مشكلتي إني عصبية ومن
أييب ياهل اهمل الباقين أهتم بلبسهم وأكلهم ونظافتهم أما إني أبوسهم أو
أحضنهم أحس إني مول مقصره من هالناحية حاولت بس فشلت يمكن لنهم ورى بعض
المهم ساعدوني خواتي أكبرهم 6سنوات وأصغرهم شهرين>>>>>>>>>>

~ تَـــــــــرَف ~ · 24-09-2009, 11:04

الله يخليهم لك ويحفظهم

حبيبتي ماافيه ام ماعندها حنان لاطفالها ..

إنتي عندك بس ماعرفتي تستغلينه ...

تقربي منهم لاعبيهم طلعيهم مشيهم

بكذاا بتلقين نفسك قريبه منهم

ربي يسسعدك ,,,

فيزيائية · 24-09-2009, 12:55

الله يعينك ويساعدك طيب انت غلطانه لابد تخلي فرق بين كل طفل والآخر عشان تقدري تهتمي فيهم وحتى عشانك نفسيتك وشبابك وصحتك عموما حاولي اعتبريه فرض تبوسيهم كلهم مرتين في اليوم كل واحد لوحده وتحضنيه بقوة اول ما يصحى من النوم وقبل ماينام
لمدة شهر اعتبريه واجب عليك مرة ماتفوتينه وان نسيتس وفوتيه تعوضينه وقت ماتتدكرين
وبعدين زيديها خليها ثلاث مرات باليوم انا شرت على وحده قبلك بكدا ونفعت معاها
اتمنى اكون افدتك انا ولدي الاوسط عمره 6 سنين ودوبي جبت عليه البنوته من كم شهر والله احسه يحتاج حناني وحضني وماتوسعه الدنيا لما ابوسه واحضنه وهو مابعده الا وحده بس انت كيف اولادك الله يعينك ويعينهم معاك ؟ انا قلت لك عن اولادي بس عشان تهتمي وتتشجعي اكثر في اعتقادي الشخصي ان الحنان والحضن الدافي من الام اهم من الاكل والشرب واللبس وكل شيء هو الي ينمي شخصية الطفل ويخليه مستقر نفسيا

دمتي بود حبيبتي

الاصيل2007 · 24-09-2009, 15:48

حنان الامومه ما يعلم بل الله اوجده حتى في الحيوانات ولكن معقوله فيه ام ما عندها حنان هذي اول مره اسمعها والله يستر من الجاي

الرمنسيه · 24-09-2009, 16:26

اقتباس:

المشاركة الأصلية كتبت بواسطة الاصيل2007

حنان الامومه ما يعلم بل الله اوجده حتى في الحيوانات ولكن معقوله فيه ام ما عندها حنان هذي اول مره اسمعها والله يستر من الجاي

.d.d.d.d · 24-09-2009, 19:46

انا كمان اعيش نفس المشكلة لكن احب اولادي بس علشانهم وره بعض احس اني ماني معطيتهم حقهم لكن احاول حتى اني اطلب من زوجي في اليوم اللي احس اني مقصرة في تدليعهم انو يلعبهم بس صدقيني مهما نحاول لما يكون عددهم اثنين غير لما يكون خمسة الله يعينا

وفاء حبيبي · 25-09-2009, 03:05

السلام..

عساج بخير..

حبيبي ماكو وحده ماعندها حنان.. كافي شعورج واحساسج بانج مقصره..
بس انت يمكن مو عارفه شنو تسوين لانهم ورا بعض عسى الله يخليهم لج ويخليج لهم..

شوفي انا اقولج..

لمن ياكلون ابدا لا تعصبين عليهم حتى لو العبو في الاكل و خلي كل واحد ياكل الكميه الي يشبع منها..

و لمن يبون يلعبون لعبي معاهم حتى لو مشغوله روحي و ردي شوي شوي يعني بين فتره و الثانيه ردي لهم لا تهملينهم خصوصا وفت اللعب لانه اهوه وناستهم و هي الفتره الي بتم في بالهم..

وحاولي انت تخترعين لهم العاب..

ولمن يتسبحون سبحي كل واحد ابروحه و وانت اتسبحينهم احرصي ان الصابون مايدخل بعيونهم..

و قبل النوم واول مايقعدون كله قولي وين بوسه ماما خليهم هم يلصقون فيج..

وبس قبل لا ينامون بوسه منج و حسسي على شعرهم و حاول تقصين لهم قصه و نوميهم ابجر من وقت نومج عشان تتفرقين لزوجج او لشئ معين عندج..

و غطيهم ولا تخلين احد ينام و اهوه زعلان وكله اسئليهم مستانسين و الي زعلان سئليه من شنو و عوديهم على انهم يسولفون معاج وعشان مايصيرون انعزاليين.

ترا كل شئ بسيط يأثر فيهم لانهم يهال و يأثر على شخصيتهم وديري بالج البنات ترا اذا كبرو و مافي حنان من الوالدين مشكله تصير تدوره باي مكان حتى الشباب..

المهم تعودي انت و زوجج لو بس ببوسه و لمه لهم عشانن ما يصيرون يطالعون احد و يحسون بالفرق..

وبس عسى الله يوفقج..

♥نــ الـهـدى ـور ♥ · 25-09-2009, 03:36

اكيد معندكيش وقت ولو عندك وقت بتبقى محتاجه ترتاحى فيه مش تلعبى وتهزرى

وكان الله فى عونك

sayedyounes · 25-09-2009, 11:23

حاولى تقربى منهم
أخرجى وفسحيهم وغيره

خليكى تبقى صديقه ليهم شويه

ملاك بنت سلمان · 25-09-2009, 15:53

الله يحفظهم لك

...الدنيا... · 30-09-2009, 00:18

ساعدوني

...الدنيا... · 30-09-2009, 00:18

للرفع

zomatiago · 30-09-2009, 07:48

مشكوووووووووووووووور.على الموضوع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماعندي حنان ساعدوني خواتي؟؟؟