عالم الحياة الزوجية - منتدى

أبو تركي 7 7 · 24-09-2009, 04:37

الكتاب واضح من عنوانه كل واحد يدلي بدلوه

شرهات الغلا · 24-09-2009, 04:43

مايبيلها عرف حطه بظرف حق الرسايل اكيد عرفته وبس انتهت السالفه

الديره فيك منوره · 24-09-2009, 04:54

نفس الكلام ,,اتذكر زوجي اختي قدمه في ظرف...بس انتبه لا يكون قليل عشان في بنات ترجع المهر اذا كان قليل

كومبو11 · 24-09-2009, 05:07

غالب أهل الرياض ظرف وأنت ما شي

ملكه الذوق · 24-09-2009, 05:09

حطه في صندوق خشب مع عطرين
وعود وحط المهر في ظرف او شيك

على حسب جوا الصندوق وحط ورود

مجففه وحطها بكيس فخمه واذا تبي

هذا شي بختيارك تحط ورقه حلوه

مكتوب فيها دعوه حلوه لكم وبس
اتمني تكون عجبتك الفكره موفق

كومبو11 · 24-09-2009, 05:11

اقتباس:

المشاركة الأصلية كتبت بواسطة الديره فيك منوره

نفس الكلام ,,اتذكر زوجي اختي قدمه في ظرف...بس انتبه لا يكون قليل عشان في بنات ترجع المهر اذا كان قليل

ترجع المهر عشانه قليل !

الله لا يفتنا

تعبت1 · 24-09-2009, 05:11

وش ضرف وش العربجه فيه اكثر من طريقه اذا بتقدمه مع شبكه وساعه تروح لمحل هدايا ويتفنن بتغليفهم يحطهم رزم بطريقه انت رح لمحل هدايا حلو معروف وخل الباقي عليه اما ضرف مالها داعي

برستيجي عالي · 24-09-2009, 05:41

اقتباس:

المشاركة الأصلية كتبت بواسطة تعبت1

وش ضرف وش العربجه فيه اكثر من طريقه اذا بتقدمه مع شبكه وساعه تروح لمحل هدايا ويتفنن بتغليفهم يحطهم رزم بطريقه انت رح لمحل هدايا حلو معروف وخل الباقي عليه اما ضرف مالها داعي

وانتي صادقه ياقدمها حركة الظرف مايحطها الا القراوى
فكرة اختي تعبت حلوه
الله يوفقك ويتمم عليك ويسعدك دنيا واخره
تقبل مروري ...

مليت ادور اسم · 24-09-2009, 06:51

اجل القراوى
هههههههههههههههههههههههههههههههه

اللهم لك الحمد والشكر

الناس بافعالها باراعي البرستيج مو بصندوق وورد مجفف

لاتكون نظرتكم سطحيه

أبو تركي 7 7 · 25-09-2009, 02:59

والله أحترامي لردودكم

بس كان الرد المتميز واللي أعجبني رد ملكة الذوق

يا شباب أنتم مقبلين على حياة زوجيه وأنا تعمدت أكتب الموضوع هذا ودي نغير طريقة المضاريف وفتح المضاريف

أنت يا شاب ما جيت تشتري لك سياره والا بيت أنت تملك أنسانه بنت ناس وتكمل معها حياتك

طبعا كانت طريقتي في تقديم المهر نفس ما قالت الاخت ملكة الذوق

صندوق داخله ورد مجفف ومخلطات وعطور وبخور بس الحركه الشنيعه طلبت من صديقي يفك لي ستين الف ريال فئه ريال وخمسه وعشره وخمسين وميه وجلست أربطها بشرائط ملونه عشان تحس أن مهرها كثير

صح أنه بعد الزواج بغت تشوتني تقول كني شغاله في بنك مالي هم الا أعد وأجمع وأطرح أنا وخواتي

بس والله نصيحه يا شباب كل واحد يدور الأفضل مع أن الوالد كان معارض فكرة الصندوق والخرابيط هذي وكان يبي أحطها في ظرف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماهي أفضل طريقة لتقديم المهر